ᒫᑎᐅᓯᐅᑉ ᐊᒡᓚᖏᑦ 27:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐰᓛᑑᓯ ᐃᖅᑲᕐᑐᐃᕕᖕᒥ ᐃᒃᓯᕚᕐᑎᓪᓗᒍ, ᓄᓕᐊᖓᑕ ᐅᖃᐅᑦᔭᐅᔭᕐᑐᕐᑎᑉᐹ: “ᐅᓇ ᐊᖑᑦ ᐸᓯᔭᒃᓴᐅᖏᑦᑐᖅ ᑲᒪᒋᔭᕆᐊᖃᓐᖏᑍᑦ, ᐅᓐᓄᐊᖅ ᓯᓐᓇᒃᑑᒪᓪᓗᖓ ᐊᖏᔪᒥᒃ ᐅᖁᒤᒃᓴᕈᑎᖃᖅᑲᐅᒐᒪ ᑖᓐᓇ ᐱᓪᓗᒍ.”

Aglait Ijjurnaittut

¹⁹ Pailaatuusi iqqaqtuivingmi iksivaaqtillugu, nuliangata uqaujjaujaqtuqtippaa: “Una angut pasijaksaunngittuq kamagijariaqanngitait, unnuaq sinnaktuumallunga angijumik uqumaiksarutiqaqqaugama taanna pillugu.”

ᒫᑎᐅᓯᐅᑉ ᐊᒡᓚᖏᑦ 27:19 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 27:24

ᐰᓛᑑᓯᓕ ᑐᑭᓯᓕᕋᒥ ᐱᕙᓪᓕᐊᑎᑦᓯᖏᓐᓂᕐᒥᓂᒃ, ᐃᓄᒐᓴᒡᔪᐊᑦ ᐱᕋᔭᑐᐃᓐᓇᕆᐊᖃᕐᑑᔮᓕᕐᒪᑕ, ᐃᒥᕐᒥᒃ ᑯᕕᓯᓪᓗᓂ ᐊᒡᒐᓂ ᐅᐊᓴᕐᐰᑦ ᐃᓄᒐᓴᒡᔪᐊᑦ ᓵᖏᓐᓂ, ᐅᖃᕐᓗᓂ, “ᑖᑦᓱᒪ ᑐᖁᑕᐅᓂᖓᓄᑦ ᐸᓯᔭᒃᓴᐅᓐᖏᓚᖓ; ᐃᓕᑦᓯ ᑐᖁᑕᐅᑎᑉᐸᓯ.”

ᐲᑦᑐᕉᓯ ᓯᕗᓪᓖᑦ 2:22

ᑖᓐᓇ ᐊᔪᕐᑐᓕᓚᐅᓐᖏᓚᖅ; ᓴᒡᓗᑎᓪᓗᒍᓗ ᖃᐅᔨᔭᐅᓚᐅᕐᓯᒪᓇᓂ.

ᔪᐊᓇᓯᐅᑉ ᐊᒡᓚᖏᑦ 19:13

ᐰᓛᑑᓯᐅᓪᓕ ᐅᖃᐅᓰᑦ ᑕᒪᒃᑯᐊ ᑐᓴᕋᒥᒋᑦ, ᔩᓱᓯ ᐊᓂᑎᑉᐹ ᐃᖏᓪᓗᓂ ᐃᖅᑲᕐᑐᐃᕕᐅᑉ ᐃᒃᓯᕙᐅᑕᖓᓄᑦ ᑍᔭᐅᔪᒧᑦ ᐅᔭᕋᖕᓂᒃ ᓇᑎᓕᐅᕐᓯᒪᔪᒥᒃ, ᐄᑉᕉᑎᑐᑦ ᐊᑎᖃᕐᑐᒧᑦ ᒐᐸᑕᒥᒃ.

ᓘᑲᓯᐅᑉ ᐊᒡᓚᖏᑦ 23:47

ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᑕᑯᒐᒥ ᐱᓂᐊᕐᓂᐅᔪᒥᒃ, ᒎᑎ ᓂᕐᑐᓕᕐᐹ, ᐅᖃᕐᓗᓂ, “ᐃᓛᒃ ᐊᖑᑦ ᑖᓐᓇ ᓱᓕᓪᓗᓂ ᐸᓯᔭᐅᑦᔪᑎᒃᓴᖃᓚᐅᓐᖏᓚᖅ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1

ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᔪᐊᓇᓯ ᓯᕗᓪᓖᑦ 2:1

ᕿᑐᕐᖔᑯᓗᒃᑲ, ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐊᔪᕐᑐᓕᖁᓇᓯ; ᐊᔪᕐᑐᓕᔪᖃᕐᐸᓪᓕ, ᑐᒃᓯᐅᑦᔨᔨᖃᕐᐳᒍᑦ ᐊᑖᑕᒥ, ᑕᕝᕙ ᔩᓱᓯ ᙭ᔅᑑᓯᒥᒃ ᐱᐅᔪᑐᐊᖑᔪᒥᒃ;

ᒫᑎᐅᓯᐅᑉ ᐊᒡᓚᖏᑦ 27:4

ᐅᖃᕐᓗᓂ, “ᐊᔪᕐᑐᓕᓯᒪᕗᖓ ᐸᓯᔭᒃᓴᐅᖏᑦᑐᒥᒃ ᐊᖑᒻᒥᒃ ᐱᔭᐅᑎᑦᓯᒐᒪ ᑐᖁᑕᐅᖁᓪᓗᒍ.” ᑖᒃᑯᐊ ᑭᐅᕚᑦ, “ᑕᒪᓐᓇ ᑍᒤᑎᓐᖏᓚᕗᑦ, ᐃᕝᕕᑦ ᑍᒤᑎᑕᑐᐊᕆᕙᑦ!”

ᒫᑎᐅᓯᐅᑉ ᐊᒡᓚᖏᑦ 2:22

ᔫᓯᐱ ᑐᓴᕋᒥ ᐋᑭᓚᐅᓯᐅᑉ ᐊᖓᔪᖅᑳᕐᔪᐊᖑᓕᕐᓂᖓᓂᒃ ᔫᑎᐊᒥ, ᐊᑖᑕᒥᓂᒃ ᐃᕉᑕᓯᒥᒃ ᐃᓇᖐᓪᓗᓂ, ᑕᕝᕗᓐᖓᕆᐊᒃᓴᖅ ᓯᕘᕋᓕᕐᐳᖅ, ᓯᓐᓇᒃᑑᒪᒃᑯᓪᓕ ᒎᑎᐅᑉ ᐅᖃᐅᑎᖕᒥᖕᒪᒍ, ᓄᓇᒧᑦ ᒐᓕᓕᐊᒧᑦ ᓴᖑᕗᖅ,

ᒫᑎᐅᓯᐅᑉ ᐊᒡᓚᖏᑦ 2:19

ᐃᕉᑕᓯ ᑐᖁᖕᒪᑦ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ ᐄᑦᔨᑉᑎᒦᑎᓪᓗᒍ ᓱᓕ, ᐅᖃᐅᑎᓪᓗᒍ,

ᒫᑎᐅᓯᐅᑉ ᐊᒡᓚᖏᑦ 1:20

ᑕᒪᑐᒥᖓ ᐃᓱᒪᖃᓕᕐᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᓂᖓ, ᓯᕘᕋᓂᐊᕐᓇᒃ ᒥᐊᕆᒥᒃ ᓄᓕᐊᕐᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᖕᒪᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᒨᓯᓯ ᓯᕗᓪᓖᑦ 31:29

ᐱᔪᓐᓇᕐᓂᖃᕋᓗᐊᕐᐳᖓ ᖃᓄᐃᓕᐅᕈᓐᓇᕐᓗᑎᑦ; ᐅᓐᓄᐊᕐᓕ ᐊᑖᑕᕕᑦ ᒎᑎᖓ ᐅᕙᓐᓄᑦ ᐅᖃᓚᐅᕐᐳᖅ, ᐅᖃᕐᓗᓂ, ‘ᐃᒃᐱᒍᓱᑦᓯᐊᕆᑦ ᔧᑯ ᐅᖃᐅᑎᓂᐊᕐᓇᒍ ᓯᕘᕋᓇᕐᑐᒥᒃ.’

ᒨᓯᓯ ᓯᕗᓪᓖᑦ 31:24

ᒎᑎᐅᓪᓕ ᓔᐸᓂ ᐊᕋᒥᐊᒥᐅᑕᖅ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ ᐅᓐᓄᐊᒥ, ᐅᖃᐅᑎᓪᓗᒍᓗ, “ᐃᒃᐱᒍᓱᑦᓯᐊᕆᑦ ᔧᑯ ᐅᖃᐅᑎᓂᐊᕐᓇᒍ, ᓯᕘᕋᓇᕐᑐᒥᒃ.”

ᓘᑲᓯᐅᑉ ᐊᒡᓚᖏᑦ 23:41

ᐅᕙᒍᒃᓕ ᑍᒫᒃ ᐱᔭᐅᑦᔪᑎᒃᓴᖃᕋᓐᓄᒃ ᐱᓂᐊᕐᕕᐅᕗᒍᒃ ᐱᓂᐊᕐᓂᕆᓚᐅᕐᑕᕗᒃ ᒪᓕᒡᓗᒋᑦ; ᐅᓇᓕ ᐊᖑᑦ ᓈᒻᒪᖏᑦᑐᒥᒃ ᐱᓚᐅᓐᖏᓚᖅ.”

ᒨᓯᓯ ᓯᕗᓪᓖᑦ 31:11

ᒎᑎᐅᓪᓗ ᐂᖏᓕᖓᑕ ᐅᖃᐅᑎᕚᖓ ᓯᓐᓇᕐᑑᒪᑎᓪᓗᖓ, ‘ᔧᑰ!’ ᑭᐅᕙᕋᓗ, ‘ᒫᓃᑉᐳᖓ.’

ᒫᑎᐅᓯᐅᑉ ᐊᒡᓚᖏᑦ 27:18

ᖃᐅᔨᒪᒐᒥ ᔫᑎᑦ ᐊᖓᔪᖅᑳᖏᑕ ᔩᓱᓯ ᑕᕝᕗᓐᖓᐅᑎᓯᒪᖕᒪᑦᔪᒃ ᐃᓄᖕᓄᑦ ᓵᓐᖓᔭᐅᓂᕐᓴᐅᓂᖓᓂᒃ ᐊᑲᐅᒃᓴᕋᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 12:21

ᐅᓪᓗᒥ ᑲᑎᕕᐅᔪᒪᔪᒥ ᐃᕉᑕᓯᐅᑉ ᐊᖓᔪᖅᑳᕐᔪᐊᕐᓯᐅᑎᓂ ᐊᓐᓄᕌᑦ ᐊᑎᕔᑦ, ᐃᒃᓯᕙᐅᑕᕐᔪᐊᕐᒧᑦ ᐃᖏᓪᓗᓂ, ᑖᒃᑯᓄᖓ ᐅᖃᓪᓚᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 18:12

ᒑᓕᐅ ᐊᖓᔪᖅᑳᓐᖑᕐᑎᑕᐅᖕᒪᑦ ᐊᑬᐊᒥ, ᔫᑎᑦ ᑕᐱᕇᓕᓗᑎᒃ ᐸᐅᓗᓯ ᑎᒍᕚᑦ ᐃᖅᑲᕐᑐᐃᕕᖕᒧᓪᓗ ᐱᑎᑉᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:16

ᑕᕝᕙᓐᖓᑦ ᐃᖅᑲᕐᑐᐃᕕᖕᒥᑦ ᐊᓂᖁᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:17

ᑖᒃᑯᐊ ᓲᔅᑎᓃᓯ ᔫᑎᑦ ᑲᑎᒪᕕᖓᓐᓄᑦ ᐊᖓᔪᖅᑳᖑᔪᖅ ᑎᒍᕚᑦ, ᐃᖅᑲᕐᑐᐃᔪᑦ ᑕᑯᓐᓇᕐᑎᓪᓗᒋᑦ ᐊᓇᐅᓕᓕᕐᐹᑦ. ᒑᓕᐅᓪᓕ ᑲᒪᒋᓐᖏᓔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 25:6

ᕕᓯᑕᓯᓕ ᐅᓪᓗᓂᒃ 8ᓂᒃ 10ᓂᒃᓘᓐᓂᑦ ᖃᓂᒋᔮᓂ ᑕᕝᕙᓃᓚᐅᕐᓗᓂ, ᓯᓴᕆᐊᒧᑦ ᐅᑎᕐᐳᖅ; ᖃᐅᑎᓪᓗᒍ ᐃᖅᑲᕐᑐᐃᕕᖕᒥ ᑲᑎᒪᑎᑦᓯᕗᖅ, ᐸᐅᓗᓯ ᑕᕝᕗᓐᖓᐅᑦᔭᐅᖁᕚ.

ᐋᐴᓯᑕᓖᑦ ᐱᓂᐊᕐᓂᖏᑦ 25:10

ᐸᐅᓗᓯ ᐅᖃᕐᐳᖅ, “ᕉᒪᒥᐅᑦ ᐊᖓᔪᖅᑳᒻᒪᕆᖓᑕ ᓰᓴᕆᐅᑉ ᐃᖅᑲᕐᑐᐃᕕᖁᑎᖓᓂ ᓇᖏᕐᐳᖓ, ᑕᕝᕙᓂᓗ ᐃᖅᑲᕐᑐᕐᑕᐅᔪᒃᓴᐅᕗᖓ; ᔫᑎᓄᑦ ᓈᒻᒪᖏᑦᑐᒥᒃ ᐊᑐᓚᐅᓐᖏᓚᖓ, ᐃᕝᕕᓪᓗ ᓇᖕᒥᓂᖅ ᑕᒪᓐᓇ ᖃᐅᔨᒪᒐᕕᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 25:17

ᔫᑎᓪᓕ ᑕᕝᕗᓐᖓᕐᒪᑕ, ᐅᑕᖅᑭᑎᑦᓯᓚᐅᓐᖏᓚᖓ, ᖃᐅᑐᐊᕐᒪᑦ ᐃᖅᑲᕐᑐᐃᕕᖕᒥ ᑲᑎᒪᑎᑦᓯᓚᐅᕐᐳᖓ, ᐸᐅᓗᓯ ᕾᑕᐅᑎᓪᓗᒍ.