ᒫᑎᐅᓯᐅᑉ ᐊᒡᓚᖏᑦ 27:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᖃᐅᓕᕐᑎᓪᓗᒍ ᐅᓪᓛᒻᒪᕆᒃᑯᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ, ᔫᑎᓄᓪᓗ ᐊᖓᔪᖅᑲᐅᔪᓕᒫᑦ ᐊᖏᖃᑎᒌᒃᐳᑦ ᔩᓱᓯ ᑐᖁᑕᐅᖁᓪᓗᒍ;

Aglait Ijjurnaittut

¹ Qauliqtillugu ullaammarikkut, tunirrusiqtitsijit angajuqqaangit, Juutinullu angajuqqaujulimaat angiqatigiikput Jiisusi tuqutauqullugu;

ᒫᑎᐅᓯᐅᑉ ᐊᒡᓚᖏᑦ 27:1 ပူးပေါင်းရင်းမြစ်များ

ᐃᓐᖏᕈᑎᑦ 2:2

ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;

ᐃᓐᖏᕈᑎᑦ 31:13

ᐅᓄᕐᑐᑦ ᐅᖃᕐᓂᕐᓘᑎᖃᕐᑐᑦ ᑐᓵᕙᒃᑲ; ᑲᑉᐱᐊᓇᕐᑐᑦ ᐊᕙᑎᓐᓃᑉᐳᑦ; ᑲᑎᒪᖃᑎᒌᒃᑎᓪᓗᒋᑦ ᐱᑦᔪᑎᒋᓪᓗᖓ, ᐃᓱᒪᓕᐅᖃᑎᒌᒃᐳᓪᓗ ᐃᓅᓯᕋ ᐃᓱᓕᑎᑦᓱᒪᓪᓗᒍ.

ᐃᓐᖏᕈᑎᑦ 71:10

ᐊᑭᕋᕐᑐᕐᑎᒪ ᐅᖃᕐᓂᕐᓘᑎᒋᖕᒪᖓ, ᐅᕙᓐᓂᒃ ᐃᓱᒪᒃᓴᕐᓯᐅᖃᑎᒌᒃᐳᑦ ᑐᖁᑦᓱᒪᓪᓗᖓ.

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑯᓯᐅᑉ ᐊᒡᓚᖏᑦ 15:1

ᐅᓪᓛᖑᓕᕐᒪᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑲᑎᒪᖃᑎᖃᓕᕐᐳᑦ ᔫᑎᑦ ᐊᖓᔪᖅᑳᖏᓐᓂᒃ ᐱᖁᔭᓂᒡᓗ ᐃᓕᓮᔨᓂᒃ, ᐃᖅᑲᕐᑐᐃᔨᓕᒫᓂᒡᓗ. ᔩᓱᓯ ᕿᓚᒃᓱᕐᐹᑦ, ᐊᐅᓪᓚᕈᑎᓪᓗᒍ, ᐰᓛᑑᓯᒧᑦ ᐂᑦᑑᑎᒋᕚᑦ.

ᓘᑲᓯᐅᑉ ᐊᒡᓚᖏᑦ 13:1

ᑍᑦᓱᒪᓂ ᐃᓄᐃᑦ ᑕᕝᕙᓃᑦᑐᑦ ᐃᓚᖏᑕ ᔩᓱᓯ ᐅᓂᒃᑲᐅᑎᕚᑦ ᒐᓕᓕᐊᒥᐅᓂᒃ ᐰᓛᑑᓯᐅᑉ ᑐᖁᑕᐅᑎᓚᐅᕐᑕᖏᓐᓂᒃ ᑐᓂᕐᕈᓯᕐᑎᓪᓗᒋᑦ ᒎᑎᒧᑦ ᑐᓂᕐᕈᓯᕐᕕᖕᒥ.

ᓘᑲᓯᐅᑉ ᐊᒡᓚᖏᑦ 22:66

ᐅᓪᓛᓐᖑᕐᑎᓪᓗᒍ ᖃᐅᒪᓕᕐᒪᑦ, ᑐᒃᓯᐊᕐᕕᒡᔪᐊᑉ ᐊᖓᔪᖅᑳᖏᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ, ᐱᖁᔭᓂᒡᓗ ᐃᓕᓮᔩᑦ ᑲᑎᕗᑦ; ᔩᓱᓯ ᑲᑎᒪᔪᑦ ᓵᖓᓐᓄᐊᕐᑎᑉᐹᑦ, ᐅᖃᕐᓗᑎᒃ,

ᔪᐊᓇᓯᐅᑉ ᐊᒡᓚᖏᑦ 18:28

ᑕᕝᕙ ᔩᓱᓯ ᑬᐊᐹᓯᐅᑉ ᐃᒡᓗᖓᓂᑦ ᐋᑕᐅᓕᕆᕗᖅ ᕉᒪᒥᐅᑦ ᐊᐅᓚᑦᓯᔨᖓᑦᑕ ᐃᒡᓗᕐᔪᐊᖓᓄᑦ. ᐅᓪᓛᒻᒪᕆᐅᓕᕐᑎᓪᓗᒍ. ᔫᑎᓪᓕ ᐊᖓᔪᖅᑳᖏᑦ ᑕᕝᕗᖓ ᐃᑎᖃᑕᐅᓐᖏᓚᑦ, ᐅᒃᐱᕐᕈᓯᕆᔭᑎᒃ ᒪᓕᓗᒋᑦ ᓴᓗᒤᓕᑎᕈᒪᖏᓐᓇᒥᒃ, ᖄᖏᕐᑕᐅᕕᒃᓯᐅᕈᑎᐅᑉ ᓇᓪᓕᐅᓐᓂᓯᐅᕐᑕᐅᓂᖓᓂᒃ ᓂᕆᔪᓐᓇᖃᑕᐅᔪᒪᒐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:21

ᑕᒪᓐᓇ ᑐᓴᕋᒥᑦᔪᒃ, ᖃᐅᑎᓪᓗᒍ ᑐᒃᓯᐊᕐᕕᒡᔪᐊᕐᒧᐊᕐᐳᑦ ᐊᔪᕆᕐᑐᐃᓕᕐᓗᑎᒃ. ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖓᑦ ᐃᓚᒋᔭᖏᓪᓗ ᑲᑎᖁᔨᓕᕐᐳᑦ ᐃᓴᕆᐊᓕᒥᐅᑦ ᐊᖓᔪᖅᑳᖏᓐᓂᒃ ᑲᑎᒪᔨᕐᔪᐊᑦ ᑲᑎᒪᖁᓪᓗᒋᑦ; ᐱᖁᔨᓪᓗᑎᒃ ᐋᐴᓯᑕᓖᑦ ᑎᒍᔭᐅᓯᒪᕕᖕᒥᑦ ᐂᔭᐅᖁᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 16:2

ᒑᓴᒥᐅᑦ ᐅᖃᐅᑎᔭᐅᓚᐅᕐᐳᑦ, “ᓵᒻᓲᓂ ᑕᒪᐅᖓ ᑎᑭᑉᐳᖅ!” ᓇᔪᕐᑕᖓ ᐅᖓᓗᕚᑦ ᐃᔨᕐᓯᒪᓪᓗᑎᒡᓗ ᐅᑕᖅᑭᓪᓗᒍ ᐅᓐᓄᐊᓕᒫᖅ ᐃᒡᓗᒐᓮᑦ ᐃᑎᕐᑕᕐᕕᖓᓂ. ᐅᓐᓄᐊᓕᒫᖅ ᓂᐱᖃᓚᐅᓐᖏᓚᑦ, ᐃᒫᒃ ᐅᖃᖃᑦᑕᐅᑎᓪᓗᑎᒃ, “ᐅᓪᓛᒃᑯᑦ ᖃᐅᒻᒪᓕᕐᐸᑦ, ᑐᖁᓐᓂᐊᕐᐸᕗᑦ.”

ᓴᒧᐃᓕ ᓯᕗᓪᓖᑦ 19:11

ᓴᐅᓕᓗ ᐅᖃᕆᐊᕐᑐᕐᑎᑦᓯᕗᖅ ᖃᐅᔨᓴᕐᑕᐅᖁᓪᓗᒍ ᑍᕕᑎᐅᑉ ᐃᒡᓗᖓ, ᑐᖁᑦᓯᖁᓪᓗᒋᑦ ᖃᐅᓕᕐᐸᑦ ᐅᓪᓛᒃᑯᑦ. ᒤᑲᓕᐅᓪᓕ ᑍᕕᑎᐅᑉ ᓄᓕᐊᖓᑕ, ᑍᕕᑎ ᐅᖃᐅᑎᕚ, “ᐅᓐᓄᒃ ᕿᒪᒃᓯᓂᐊᖏᒃᑯᕕᑦ, ᖃᐅᒃᐸᑦ ᑐᖁᑕᐅᓛᓕᕐᐳᑎᑦ.”