ᒫᑎᐅᓯᐅᑉ ᐊᒡᓚᖏᑦ 26:61 - ᐊᒡᓔᑦ ᐃᑦᔪᕐᖕᓁᑦᑐᑦ

⁶¹ ᐅᖃᕐᓗᑎᒃ, “ᐅᓇ ᐊᖑᑦ ᐅᖃᓚᐅᕐᑐᖅ, ‘ᒎᑎᐅᑉ ᑐᒃᓯᐊᕐᕕᒃᔪᐊᖁᑎᖓ ᓯᖁᒥᑦᓱᓐᓇᕐᐸᕋ, ᐅᓪᓗᐃᓪᓕ ᐱᖓᔪᐊᓐᓂ ᐅᑎᕐᑎᓪᓗᒍ ᓇᑉᐸᕐᑎᑦᓱᓐᓇᕆᕙᕋ.’”

Aglait Ijjurnaittut

⁶¹ uqarlutik, “Una angut uqalauqtuq, ‘Guutiup tuksiarvigjuaqutinga siqumittunnaqpara, ulluilli pingajuanni utiqtillugu nappaqtittunnarivara.’”

ᒫᑎᐅᓯᐅᑉ ᐊᒡᓚᖏᑦ 26:61 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:9

ᑖᒃᑯᐊᓕ ᐅᖃᕐᐳᑦ, “ᐊᒡᕕᐊᕋᓱᓐᖏᓚᐅᕆᑦ, ᐅᓇ ᑕᒫᓂ ᓄᓇᖃᕐᑐᑐᖃᐅᖏᑦᑐᖅ, ᐅᕙᑦᑎᓐᓂᒃ ᐅᖃᐅᑦᔨᓇᓱᒃᑐᖅ! ᐱᐅᖏᓐᓂᕐᓴᒥᒃ ᐱᓇᓱᐊᕐᕕᒋᓂᐊᕐᐸᑦᑎᒋᑦ ᑖᒃᑯᓄᖓ ᐱᓇᓱᐊᕈᒪᔭᑦᑎᓐᓂᑦ.” ᓘᑎᓗ ᐊᔭᒃᐹᑦ ᐹᖓ ᓱᕋᒍᒪᓪᓗᒍ.

ᐊᑕᓃᑦ ᓯᕗᓪᓖᑦ 22:27

ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ: “ᐅᓇ ᐊᖑᑦ ᑎᒍᔭᐅᒪᕕᖕᒧᐊᕐᑕᐅᓕ, ᓂᕆᔪᒪᑎᖃᑦᑕᕐᓗᒍᓗ ᓁᒪᓗᓂ ᓂᐊᖂᔭᒥᒃ ᐃᒥᕐᒥᒡᓗ, ᐅᑎᓚᐅᖅᑳᕐᑎᓐᓇᖓ, ᖃᓄᐃᖏᑦᓯᐊᕐᓗᖓ.”’”

ᐊᑕᓃᑦ ᐂᑉᐸᖏᑦ 9:11

ᔨᕼᐆ ᐊᖓᔪᖅᑳᖑᖃᑎᒥᓄᑦ ᐅᑎᕐᒪᑦ ᐃᓚᖓᑦᑕ ᐊᐱᕆᕚ, “ᖃᓄᐃᑦᑐᖃᖏᒃᑲᓗᐊᕐᐹ ᓱᖕᒪᓂᓐᓇ ᑐᑮᕈᓯᒪᔪᕐᔫᔮᕐᑐᖅ ᐃᓕᖕᓂᒃ ᑕᑯᔭᕐᑐᐃᕚ?” ᔨᕼᐆᓪᓕ ᑭᐅᕚ, “ᐊᖑ ᑍᓐᓇ ᖃᐅᔨᒪᕙᓯ ᖃᓄᐃᑦᑐᓂᒡᓗ ᐅᖃᐅᓯᖃᓲᖑᖕᒪᖔᑦ ᖃᐅᔨᒪᒋᕙᓯ.”

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 53:3

ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᒫᑎᐅᓯᐅᑉ ᐊᒡᓚᖏᑦ 12:24

ᐹᕆᓯᑦ ᑕᒪᑐᒥᖓ ᑐᓴᕋᒥᒃ, ᐅᖃᕐᐳᑦ, “ᐅᓇ ᔩᓱᓯ ᐊᓂᕐᓂᕐᓗᖕᓂᒃ ᐃᓄᖕᒥᑦ ᐊᓂᑎᑦᓯᖃᑦᑕᕐᑐᖅ ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓄᑦ ᐱᐅᓪᓯᐹᐱᒧᑦ ᐱᔪᓐᓇᕐᓂᖃᕐᑎᑕᐅᓪᓗᓂ ᑍᒤᓕᐅᖃᑦᑕᕐᑐᖅ.”

ᒫᑎᐅᓯᐅᑉ ᐊᒡᓚᖏᑦ 26:62

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᒻᒪᕆᖓ ᓂᑯᕕᓪᓗᓂ ᔩᓱᓯᒧᑦ ᐅᖃᕐᐳᖅ, “ᑕᒪᒃᑯᓄᖓ ᐸᓯᔭᐅᑦᔪᑎᒋᔭᕐᓄᑦ ᑭᐅᑦᔪᑎᒃᓴᖃᓐᖏᓚᑏᑦ?”

ᒫᑎᐅᓯᐅᑉ ᐊᒡᓚᖏᑦ 26:71

ᑕᕝᕙᓐᖓᑦ ᐊᓂᓕᕐᑎᓪᓗᒍ, ᐱᔨᑲᑖᑦᑕᐅᖅ ᐊᕐᓇᐅᑉ ᐅᖃᖅᑲᐅᔫᑉ ᐊᓯᐊᑕ ᑕᑯᒐᒥᐅᒃ, ᖃᓂᒋᔭᒥᓃᑦᑐᓄᑦ ᐅᖃᕐᐳᖅ, “ᐅᓇ ᔩᓱᓯᒥᒃ ᓈᓴᕇᑎᒥᐅᒥᒃ ᐃᓚᖃᓚᐅᕐᑐᖅ.”

ᒫᑎᐅᓯᐅᑉ ᐊᒡᓚᖏᑦ 27:40

“ᑐᒃᓯᐊᕐᕕᒡᔪᐊᕐᒥᒃ ᓱᕋᒃᑎᕆᓂᐊᓚᐅᕐᑐᑎᑦ ᐅᓪᓗᓪᓗ ᐱᖓᔪᐊᓐᓂ ᒪᑭᑎᒃᑲᓐᓂᕐᒥᓗᒍ, ᐃᓕᖕᓂᒃ ᐱᐅᓕᓕᕆᑦ! ᒎᑎᐅᑉ ᐃᕐᓂᕆᒃᐸᑎᑦ, ᓴᓐᓂᖓᔪᓕᖕᒥᑦ ᐊᖅᑲᓕᕆᑦ!”

ᒫᑎᐅᓯᐅᑉ ᐊᒡᓚᖏᑦ 27:5

ᔫᑕᓯᐅᑉ ᑮᓇᐅᔧᑦ ᑐᒃᓯᐊᕐᕕᒃᔪᐊᕐᒧᑦ ᐃᒋᓪᓗᒋᑦ; ᑕᕝᕙᓐᖓᑦ ᐊᓂᕗᖅ; ᐃᒻᒥᓂᒃ ᕿᒥᑦᑕᕐᑐᕐᓗᓂ.

ᒫᑯᓯᐅᑉ ᐊᒡᓚᖏᑦ 14:58

“ᐅᓇ ᐅᖃᕐᑎᓪᓗᒍ ᑐᓴᓚᐅᕐᑕᕗᑦ, ‘ᑐᒃᓯᐊᕐᕕᒡᔪᐊᖅ ᓯᖁᒥᒍᒪᕙᕋ ᐊᒡᒐᓄᑦ ᓴᓇᔭᐅᓯᒪᔪᖅ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐊᓯᐊᓂᒃ ᓴᓇᓂᐊᕆᕗᖓ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ.’”

ᒫᑯᓯᐅᑉ ᐊᒡᓚᖏᑦ 15:29

ᐃᓄᐃᑦ ᓴᓐᓂᖓᔪᓕᐅᑉ ᓴᓂᐊᒎᕐᑐᑦ, ᓂᐊᖁᕐᒥᖕᓂᒃ ᐃᓕᕿᑕᒫᕐᓗᑎᒃ ᐅᖃᕐᐳᑦ, “ᑕᑯᒋᑦ! ᑐᒃᓯᐊᕐᕕᒡᔪᐊᕐᒥᒃ ᓯᖁᒥᑦᓯᓂᐊᓚᐅᕐᑐᑎᑦ ᓴᓇᖕᒥᓗᒍ ᐅᓪᓗᓂᒃ ᐱᖓᓱᓂᒃ,

ᓘᑲᓯᐅᑉ ᐊᒡᓚᖏᑦ 23:2

ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

ᔪᐊᓇᓯᐅᑉ ᐊᒡᓚᖏᑦ 9:29

ᖃᐅᔨᒪᕗᒍᑦ ᒎᑎᐅᑉ ᒨᓯᓯ ᐅᖃᖃᑎᒋᖃᑦᑕᓚᐅᕐᒪᒍ, ᑍᓐᓇᓕ ᐊᖑᑦ, ᖃᐅᔨᒪᓐᖏᓚᕗᑦ ᓇᑭᑦ ᐱᓯᒪᖕᒪᖔᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:18

ᐃᐱᑭᐅᕌᓯᒧᑦᑕᐅᖅ ᒪᓕᒡᑎᐅᔪᑦ ᐃᐱᑭᐅᕆᐊᓂᒃ ᑍᔭᐅᔪᑦ, ᔨᓄᒧᑦ ᒪᓕᒡᑎᐅᔪᑦ ᓯᑑᑭᓂᒃ ᑍᔭᐅᔪᑦ ᐃᓕᓮᔩᑦ ᐂᕙᖃᑎᒋᕔᑦ. ᑖᒃᑯᐊ ᐅᖃᕐᐳᑦ, “ᐅᓇ ᖃᐅᔨᒪᓇᓂ ᐅᖃᓪᓚᒐᓱᒃᑐᖅ ᖃᓄᖅ ᐅᖃᕋᓱᐊᕐᐸ?” ᐊᓯᖏᑦ ᐅᖃᕐᐳᑦ, “ᐅᓇ ᐅᖓᓯᒃᑐᒥᐅᑦ ᒎᑎᖓᓂᒃ ᐅᖃᐅᓯᖃᕋᓱᒃᐸᓪᓔᔪᖅ.” ᐸᐅᓗᓯ ᐊᔪᕆᕐᑐᐃᑦᔪᑎᖃᓚᐅᕐᒪᑦ ᔩᓱᓯᒥᒃ ᒪᑭᕝᕕᒃᓴᐅᔪᒫᕐᑐᒥᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 18:13

ᐅᖃᕐᓗᑎᒃ, “ᐅᓇ ᐃᓄᖕᓂᒃ ᑐᒃᓯᐊᕐᑎᑦᓯᖃᑦᑕᕋᓱᒃᑐᖅ ᒎᑎᒧᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᑐᒥᒃ ᐊᑐᕐᓗᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 22:22

ᐃᓄᐃᑦ ᐸᐅᓗᓯᒥᒃ ᓈᓚᑦᓯᐊᕐᐳᑦ; ᐅᖃᐅᓯᕆᔭᖏᑦ ᑭᖑᓪᓕᕐᐹᑦ ᑎᑭᓪᓗᒋᑦ, ᓂᐱᖁᕐᑐᓪᓗᑎᒃ ᓂᓪᓕᐊᓚᐅᕐᐳᑦ, “ᑖᓐᓇ ᑐᖁᑕᐅᓕ, ᑍᒤᑦᑐᖅ ᐃᓅᔪᒃᓴᐅᖏᒻᒪᕆᒃᐳᖅ ᓄᓇᒥ.”