ᒫᑎᐅᓯᐅᑉ ᐊᒡᓚᖏᑦ 26:52 - ᐊᒡᓔᑦ ᐃᑦᔪᕐᖕᓁᑦᑐᑦ

⁵² ᑕᕝᕙ ᔩᓱᓯᐅᑉ ᐅᖃᐅᑎᕚ, “ᓴᕕᒡᔪᐊᑦ ᐴᖓᓄᑦ ᐅᑎᕐᑎᓕᕈᒃ; ᓴᕕᒡᔪᐊᕐᒥᒃ ᐊᑐᕐᑐᓕᒫᑦ ᓴᕕᒡᔪᐊᕐᒧᑦ ᑐᖁᔪᕐᒫᕐᐳᑦ.

Aglait Ijjurnaittut

⁵² Tavva Jiisusiup uqautivaa, “Savigjuat puunganut utiqtiliruk; savigjuarmik atuqtulimaat savigjuarmut tuqujurmaaqput.

ᒫᑎᐅᓯᐅᑉ ᐊᒡᓚᖏᑦ 26:52 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 9:6

ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.

ᐃᓐᖏᕈᑎᑦ 55:23

ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.

ᒨᓯᓯ ᐂᑉᐸᖏᑦ 21:12

“ᓇᓪᓕᐊᓪᓕ ᐃᓅᖃᑎᒥᓂᒃ ᐊᓇᐅᓯᓗᓂ ᑐᖁᑦᓯᒃᐸᑦ ᑖᓐᓇ ᑐᖁᑕᐅᔪᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 5:39

ᒫᓐᓇᓕ ᐅᖃᐅᑎᕙᑦᓯ: ᐊᑭᓂᐊᕋᓱᒃᑐᒃᓴᐅᓐᖏᓚᓯ ᐱᑦᓯᐊᕐᑎᒋᓐᖏᑕᑦᓯᓐᓄᑦ. ᐅᓗᐊᒃᑯᑦ ᐸᑎᒃᑕᐅᒍᕕᑦ, ᐅᓗᐊᕕᑦ ᐃᒡᓗᐊᑦᑕᐅᖅ ᒪᓂᓕᕈᒃ.

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:15

ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:10

ᓇᓪᓕᐊᑦ ᑎᒍᔭᐅᓂᐊᕐᓂᕈᓂ, ᑎᒍᔭᐅᓗᓂ ᑭᓯᐊᓂᐅᓂᐊᕐᐳᖅ; ᓇᓪᓕᐊᓪᓗ ᓴᕕᒡᔪᐊᒧᑦ ᑐᖁᑕᐅᓂᐊᕐᓂᕈᓂ ᑐᖁᑕᐅᓗᓂ ᑭᓯᐊᓂᐅᓂᐊᕆᕗᖅ. ᑕᕝᕙᓂ ᐃᑦᔪᕐᓁᑦᑐᑦ ᕿᓄᐃᓵᖁᔭᐅᕗᑦ ᐅᒃᐱᕐᓂᖃᕐᓗᑎᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:6

ᑖᒃᑯᐊ ᐊᐅᓈᕐᑎᑦᓯᓚᐅᕐᒪᑕ ᐃᑦᔪᕐᓁᑦᑐᑦ ᓇᓚᐅᑦᑍᔪᑦ ᐊᐅᖏᓐᓂᒃ, ᑕᕝᕙ ᐊᐅᖕᒥᒃ ᐃᒥᒐᒃᓴᖏᓐᓂᒃ ᑐᓂᓯᕕᒋᕙᑎᑦ. ᑍᒤᑕᐅᔭᕆᐊᖃᕐᒪᑕ!”