ᒫᑎᐅᓯᐅᑉ ᐊᒡᓚᖏᑦ 26:45 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁵ ᑕᕝᕙ ᑭᖑᓂᖓᒍᑦ ᐃᓕᓐᓂᐊᕐᑎᒥᓄᑦ ᐅᑎᕋᒥ ᐅᖃᐅᑎᕔᑦ, “ᓱᓕ ᓯᓂᒃᐱᓰ ᑕᕾᕐᓯᕐᓗᓯᓗ? ᑕᑯᒋᑦ, ᐃᑲᕐᕋᖅ ᓇᓪᓕᐅᑎᕗᖅ; ᐃᓅᑉ ᐃᕐᓂᖓᑕ ᐱᔭᐅᒃᑲᕐᑕᐅᕕᖓ ᐃᓄᖕᓄᑦ ᐊᔪᕐᑐᓕᔪᓄᑦ ᑎᒍᔭᐅᓗᓂ.

Aglait Ijjurnaittut

⁴⁵ Tavva kinguningagut ilinniaqtiminut utirami uqautivait, “Suli sinikpisi taqaiqsirlusilu? Takugit, ikarraq nalliutivuq; Inuup Irningata pijaukkaqtauvinga inungnut ajuqtulijunut tigujauluni.

ᒫᑎᐅᓯᐅᑉ ᐊᒡᓚᖏᑦ 26:45 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:27

ᑍᒤᓕᐅᕐᑎᓪᓗᒋᑦ, ᐅᓪᓗᖅ ᕿᑎᕋᓕᕐᒪᑦ, ᐃᓔᑦᔭᐅᑉ ᒥᑕᐅᑎᒋᓕᕐᐰᑦ ᐅᖃᐅᑎᓪᓗᒋᑦ, “ᕾᒐᓛᕐᓗᓯ ᓂᐱᖅᑯᕐᑐᒋᐊᓚᐅᕆᑦᓯ, ᒎᑎᐅᒃᐸᑦ; ᐃᒻᒪᖄ ᐊᓕᐊᓁᒍᓱᑐᐃᓐᓇᕐᐳᖅ, ᐊᓯᐊᓂᒡᓘᓐᓃᑦ ᐱᔭᒃᓴᖃᕐᒪᑦ, ᐅᕝᕙᓗ ᐊᐅᓪᓚᕐᓯᒪᕗᖅ, ᐅᕝᕙᓘᓐᓃᑦ ᓯᓂᖕᒪᑦ ᑐᐹᕐᓴᕐᑕᐅᔭᕆᐊᖃᕐᒪᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᒫᑎᐅᓯᐅᑉ ᐊᒡᓚᖏᑦ 26:18

ᔩᓱᓯᐅᑉ ᐅᖃᐅᑎᕔᑦ, “ᐃᒡᓗᒐᓴᖕᓄᑦ ᐂᓕᕆᑦᓯ, ᐊᖑᒻᒧᑦ ᑕᕝᕙᓃᑦᑐᒧᑦ ᐅᖃᕐᓗᓯ: ‘ᐊᔪᕆᕐᑐᐃᔨ ᐅᖃᕐᒪᑦ, ᐱᕕᒃᓴᕋ ᓇᓪᓕᐅᑎᖕᒪᑦ; ᐃᒡᓗᖕᓂ ᖄᖏᕐᑕᐅᕕᖕᒥᒃ ᓂᕆᖃᑎᒌᖕᓂᐊᕐᐳᒍᑦ ᐃᓕᓐᓂᐊᕐᑎᒃᑲ ᐃᓚᒋᓗᒋᑦ.’”

ᒫᑎᐅᓯᐅᑉ ᐊᒡᓚᖏᑦ 26:2

“ᖃᐅᔨᒪᕗᓯ ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᐅᓂᐊᓕᕐᒪᑦ, ᐃᓅᑉ ᐃᕐᓂᖓ ᑐᓂᔭᐅᓛᕐᐳᖅ ᑭᑭᐊᒃᑐᕐᑕᐅᖁᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 26:44

ᑕᕝᕙ ᕿᒪᒃᑭᓪᓗᒋᑦ, ᐱᖓᔪᖓᓐᓂᒃ ᑐᒃᓯᐊᕆᐊᕐᑐᕆᕗᖅ, ᐅᖃᐅᓯᕐᓂᒃ ᑖᒃᑯᓂᖓᑦᓮᓐᓇᖅ ᐊᑐᕐᓗᓂ.

ᒫᑎᐅᓯᐅᑉ ᐊᒡᓚᖏᑦ 26:46

ᒪᑭᓪᓗᓯ, ᐱᓱᓕᕐᑕ; ᑕᑯᒋᑦ, ᐊᖑᑦ ᐅᕙᓐᓂᒃ ᐱᔭᐅᑎᑦᓯᔪᖅ ᑎᑭᓕᕐᐳᖅ.”

ᒫᑯᓯᐅᑉ ᐊᒡᓚᖏᑦ 14:35

ᔩᓱᓯ ᐅᖓᒻᒧᑦ ᐱᓱᒃᑲᓐᓂᕐᓗᓂ, ᓄᓇᒧᑦ ᐹᒻᒪᒃᓗᓂ ᑐᒃᓯᐊᕐᐳᖅ, ᐊᔪᕐᓇᖏᑉᐸᑦ ᐊᓐᓂᐊᕐᑎᑕᐅᓂᐅᑉ ᓇᓪᓕᐅᓐᓂᖓ ᐊᑐᕈᒪᓇᓂᐅᒃ.

ᓘᑲᓯᐅᑉ ᐊᒡᓚᖏᑦ 22:53

ᖃᐅᑕᒫᑦ ᐃᓚᒋᖃᑦᑕᓚᐅᕐᐸᑦᓯ ᑐᒃᓯᐊᕐᕕᒡᔪᐊᕐᒥ, ᑎᒍᓚᐅᓐᖏᓚᑦᓯᓐᖓ. ᒫᓐᓇᓕ ᐃᑲᕐᕋᓯ ᓇᓪᓕᐅᑎᕗᖅ, ᑖᕐᑑᓪᓗ ᐱᔪᓐᓇᕐᓂᖓ ᐊᐅᓚᑦᓯᓕᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 12:23

ᔩᓱᓯᐅᑉ ᑭᐅᕚᒃ, “ᐃᓅᑉ ᐃᕐᓂᖓᑕ ᓂᕐᑐᕐᓇᕐᑎᑕᐅᕕᐊ ᓇᓪᓕᐅᑎᓯᒪᕗᖅ.

ᔪᐊᓇᓯᐅᑉ ᐊᒡᓚᖏᑦ 12:27

“ᒫᓐᓇᓕ ᐆᒻᒪᑎᒃᑯᑦ ᐅᖁᒤᑐᒦᑉᐳᖓ. ᖃᓄᖅ ᐅᖃᐅᓯᕆᔭᕆᐊᖓ ᓇᓗᕙᕋ? ᐅᖃᕈᓐᓇᕋᓗᐊᕐᑐᖓ, ‘ᐊᑖᑖᒃ, ᐃᖃᕐᕋᖅ ᑕᒪᓐᓇ ᓇᓪᓕᐅᑎᑎᑦᑍᓕᒍᒃ.’ ᑭᓯᐊᓂᓕ ᑕᒪᓐᓇ ᑎᑭᑦᔪᑎᒋᓯᒪᕙᕋ, ᐃᑲᕐᕋᖅ ᑕᒪᓐᓇ ᐊᑑᑎᔭᕆᐊᖃᕋᑯ.

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 17:1

ᔩᓱᓯ ᑕᒪᒃᑯᓂᖓ ᐅᖃᕇᕋᒥ, ᕿᓚᖕᒧᑦ ᑕᑯᓴᕐᓗᓂ ᐅᖃᕐᐳᖅ, “ᐊᑖᑖᒃ, ᐃᑲᕐᕋᖅ ᓇᓪᓕᐅᑎᕗᖅ; ᐃᕐᓃᑦ ᓂᕐᑐᕐᓇᕐᓯᑎᓕᕈᒃ, ᓂᕐᑐᕐᓇᕐᑎᑕᐅᖁᓪᓗᑎᑦᑕᐅᖅ ᐃᕐᓂᕐᓄᑦ.