ᒫᑎᐅᓯᐅᑉ ᐊᒡᓚᖏᑦ 26:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐅᖃᐅᑉᐸᑦᓯ ᐅᐂᓂᒥᒃ ᐃᒥᒃᑲᓐᓂᕐᓂᐊᕈᓐᓃᕐᐳᖓ ᐅᓪᓗᖅ ᓇᓪᓕᐅᑎᖅᑳᕐᑎᓐᓇᒍ ᓄᑖᒥᒃ ᐃᒥᖃᑎᒌᒃᕕᒃᓴᕗᑦ ᐊᑖᑕᒪ ᐊᑕᓂᐅᕕᖓᓂ.”

Aglait Ijjurnaittut

²⁹ Uqauppassi uainimik imikkannirniarunniiqpunga ulluq nalliutiqqaaqtinnagu nutaamik imiqatigiigviksavut Ataatama Ataniuvingani.”

ᒫᑎᐅᓯᐅᑉ ᐊᒡᓚᖏᑦ 26:29 ပူးပေါင်းရင်းမြစ်များ

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐃᓐᖏᕈᑎᑦ 4:7

ᖁᕕᐊᓱᖕᓂᕐᒥᒃ ᐃᓕᓯᕗᑎᑦ ᐆᒻᒪᑎᓐᓄᑦ, ᑲᑎᕐᓱᕐᑕᐅᔪᑦ ᓂᐊᖂᔭᒃᓮᑦ ᕔᓂᒃᓮᓪᓗ ᐅᓄᓗᐊᓕᕐᓂᖏᑕ ᖁᕕᐊᓇᖅᑭᔭᖓᓂᒃ.

ᐃᓐᖏᕈᑎᑦ 40:3

ᐃᓐᖏᐅᑎᒥᒡᓗ ᓄᑖᒥᒃ ᖃᓂᓐᓄᑦ ᐃᓕᓯᕗᖅ, ᒎᑎᕗᑦ ᓂᕐᑐᕐᓗᒍ. ᐅᓄᕐᑐᑦ ᖃᐅᔨᓂᐊᕐᐹᑦ ᓯᕘᕋᓗᑎᒡᓗ, ᐊᑕᓂᕐᒥᒡᓗ ᑕᑎᖃᓕᕐᓗᑎᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 25:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᖃᖅᑲᖁᑎᖓᓂ ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᓂᕆᕕᒡᔪᐊᕐᑕᐅᔪᒃᓴᒥᒃ ᐋᖅᑭᒃᓱᐃᔪᒫᕐᐳᖅ ᓂᕆᕕᒡᔪᐊᕐᑕᐅᕙᒃᑐᓂᑦ ᓂᕿᑦᓯᐊᕙᐅᓂᕐᐹᓂᒃ ᓂᕆᔭᒃᓴᖃᕐᑐᒥᒃ ᕔᓂᑦᓯᐊᕙᐅᓂᕐᐹᓂᒡᓗ ᐃᒥᒐᒃᓴᖃᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᓴᑲᕅᐊᐅᑉ ᐊᒡᓚᖏᑦ 9:17

ᑖᒃᑯᐊ ᐱᐅᔪᒻᒪᕆᐊᓘᔪᒫᕐᐳᑦ ᑕᑯᒥᓇᕐᑐᒻᒪᕆᐊᓘᓗᑎᒡᓗ! ᓂᐊᖂᔭᓮᑦ ᐃᓅᓱᒃᑐᓂᒃ ᐊᖑᑎᓂᒃ ᖁᕕᐊᓱᒃᑎᑦᓯᔪᒫᕐᐳᑦ, ᕔᓂᓗ ᓄᑖᖅ ᐊᕐᓇᓂᒃ ᐃᓅᓱᒃᑐᓂᒃ ᖁᕕᐊᓱᒃᑎᑦᓯᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 13:43

ᐃᓗᐊᕐᑐᓕᔪᓪᓕ ᖃᐅᒪᓂᖃᕈᒫᕐᐳᑦ ᓯᕿᓂᕐᑐᑦ ᐊᑖᑕᖓᑦᑕ ᐊᑕᓂᐅᕕᖓᓂ. ᑐᓵᔪᓂᒃ ᓯᐅᑎᓕᒃ ᑐᓴᕐᓕ!”

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᒫᑎᐅᓯᐅᑉ ᐊᒡᓚᖏᑦ 18:20

ᒪᕐᕉᒃ ᐱᖓᓱᓪᓘᓐᓃᑦ ᑲᑎᓐᖓᓕᕐᐸᑕ ᐊᑎᓐᓂ, ᑕᕝᕙᓃᓐᓂᐊᕐᐳᖓ ᐃᓚᒋᓗᒋᑦ.”

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 26:30

ᐱᓯᕐᒥᒃ ᐃᓐᖏᕇᕋᒥᒃ, ᑕᕝᕙᓐᖓᑦ ᐊᓂᕗᑦ ᖃᖅᑲᒧᑦ ᓇᐹᕐᑐᓕᖕᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᒧᑦ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᒫᑯᓯᐅᑉ ᐊᒡᓚᖏᑦ 14:25

ᓱᓕᔪᒥᒃ ᐅᖃᐅᑎᕙᑦᓯ, ᐸᐅᕐᖎᑦ ᐃᑦᑎᖓᓂᒃ ᐃᒥᕐᓂᐊᕈᓐᓃᕐᐳᖓ ᐅᓪᓗᖅ ᑍᓐᓇ ᓇᓪᓕᐅᑎᖅᑳᕐᑎᓐᓇᒍ ᓄᑖᒥᒃ ᐃᒥᕈᒫᕐᕕᒃᓴᕋ ᒎᑎᐅᑉ ᐊᑕᓂᐅᕕᖓᓂ.”

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᓘᑲᓯᐅᑉ ᐊᒡᓚᖏᑦ 15:32

ᒫᓐᓇ ᐊᑲᐅᓈᑦᓯᐊᕐᒪᑦ ᖁᕕᐊᓱᖃᑎᒌᒡᓗᑕ ᓯᕆᓗᑕᓗ, ᓄᑬᑦ ᑐᖁᖓᓚᐅᕐᑐᖅ, ᐆᒻᒪᕐᒥᖕᒪᑦ; ᐊᓯᐅᓯᒪᓚᐅᕐᑐᖅ ᒫᓐᓇ ᓇᓂᔭᐅᖕᒥᖕᒪᑦ.’”

ᔪᐊᓇᓯᐅᑉ ᐊᒡᓚᖏᑦ 15:11

“ᑕᒪᒃᑯᓂᖓ ᐅᖃᕐᕕᒋᕙᑦᓯ, ᖁᕕᐊᓱᖕᓂᕋ ᐃᓕᑦᓯᓐᓃᖁᓪᓗᒍ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᔪᐊᓇᓯᐅᑉ ᐊᒡᓚᖏᑦ 17:13

ᒫᓐᓇᓕ ᐃᓕᖕᓄᑦ ᕾᕗᖓ; ᑍᒫᒡᓗ ᐅᖃᕐᐳᖓ ᓯᓚᕐᔪᐊᕐᒦᑎᓪᓗᖓ, ᖁᕕᐊᓱᖕᓂᕋ ᑖᒃᑯᓇᓐᖓᑦ ᐃᓗᒥᐅᑕᕆᔭᐅᓗᓂ ᓈᒻᒪᒃᓯᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 10:41

ᐃᓄᖕᓄᑦ ᑕᒤᓐᓅᖏᑦᑐᖅ, ᐅᕙᑦᑎᓐᓄᑦ ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓇᓗᓁᕐᓯᔪᒃᓴᓄᑦ, ᓂᕆᖃᑎᒋᓚᐅᕐᐸᕗᑦ ᐃᒥᖃᑎᒋᓪᓗᒍᓗ ᑐᖁᖓᔪᓂᑦ ᒪᑭᓯᒪᓕᕐᑎᓪᓗᒍ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”