ᒫᑎᐅᓯᐅᑉ ᐊᒡᓚᖏᑦ 25:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᐃᒃᓴᖅ ᑎᑭᓐᓇᓵᓕᕐᒪᑦ, ᐊᕐᓁᑦ ᓇᔭᖓᖃᑦᑕᓕᕐᐳᑦ ᓯᓂᓕᕐᓗᑎᒃ.

Aglait Ijjurnaittut

⁵ Uiksaq tikinnasaalirmat, arnait najangaqattaliqput sinilirlutik.

ᒫᑎᐅᓯᐅᑉ ᐊᒡᓚᖏᑦ 25:5 ပူးပေါင်းရင်းမြစ်များ

ᓲᓗᒨᓂᐅᑉ ᐃᓐᖏᕈᓯᖏᑦ 3:1

ᐅᓐᓄᒃᑯᑦ ᐃᒡᓕᓐᓃᓪᓗᖓ, ᐅᖓᔭᕋ ᕿᓂᓚᐅᕐᐸᕋ; ᕿᓂᕋᓗᐊᕐᓗᒍ ᓇᓂᓚᐅᓐᖏᓚᕋ; ᕾᖁᒐᓗᐊᕋᒃᑯ ᑭᐅᓚᐅᓐᖏᓚᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 5:2

ᓯᓂᓚᐅᕐᐳᖓ ᐆᒻᒪᑎᒐᓕ ᓯᓂᓚᐅᓐᖏᓚᖅ. ᓇᒡᓕᒋᔭᕋ ᐅᒃᑯᐊᓐᓂ ᐊᕕᓗᕐᑕᕐᑐᖅ, “ᐅᒃᑯᐃᕈᑎᓐᖓ, ᓇᔭᒐ, ᓇᒡᓕᒋᔭᕋ, ᑑᕕᖁᑎᒐ, ᑕᒤᑎᒍᑦ ᓈᒻᒪᑦᓯᐊᕐᑐᖁᑎᒐ; ᓂᐊᖁᕋ ᒪᓴᒃᓯᒪᖕᒪᑦ ᓯᓚᐅᑉ ᕿᐅᒃᑲᖓᓂᖓᓄᑦ, ᓄᔭᒃᑲ ᐅᓐᓄᐊᑉ ᖃᐅᓯᕐᓂᖓᓄᑦ ᐃᑦᑎᖃᓕᕐᒪᑕ.”

ᓲᓗᒨᓂᐅᑉ ᐃᓐᖏᕈᓯᖏᑦ 5:3

ᐅᓕᒐ ᐲᕐᓯᒪᓕᕋᒃᑯ, ᓱᖕᒪᑦ ᐊᑎᒃᑲᓐᓂᕆᐊᖃᕐᐸᕌ? ᐃᑎᒐᒃᑲ ᐅᐊᓴᓚᐅᕋᒃᑭᑦ; ᓱᖕᒪᑦ ᐃᑉᐸᓕᕐᑎᒃᑲᓐᓂᕆᐊᖃᕐᐸᒃᑳ?

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᒫᑎᐅᓯᐅᑉ ᐊᒡᓚᖏᑦ 24:48

ᐱᔨᑦᓯᐊᕙᐅᖏᑦᑐᕐᓕ ᐃᓱᒪᓕᕈᓂ, ‘ᐊᖓᔪᖅᑳᕋ ᓱᓕ ᐊᑯᓂᐊᓗᒃ ᑎᑭᑦᔮᓐᖏᓚᖅ,’

ᒫᑎᐅᓯᐅᑉ ᐊᒡᓚᖏᑦ 25:19

“ᑕᒪᑐᒪ ᑭᖑᓂᖓᒍᑦ ᐊᑯᓂ ᓂᐸᒪᓚᐅᕐᓗᓂ ᐱᔩᑦ ᐊᖓᔪᖅᑳᖓᑦ ᐅᑎᕐᐳᖅ, ᑮᓇᐅᔭᖏᓐᓂᒃ ᖃᐅᔨᓴᖃᑎᒋᓕᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 25:4

ᓯᓚᑐᔪᓪᓕ ᓇᓂᕈᐊᒥᖕᓂᒃ ᐅᕐᓱᒃᓴᒥᖕᓂᒡᓗ ᓇᒃᓴᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 25:6

“ᐅᓐᓄᐊᖅ ᕿᑎᕋᓕᕐᑎᓪᓗᒍ ᓂᐱᖃᕐᑐᖃᓕᕐᐳᖅ, ‘ᑕᑯᒋᑦ ᐅᐃᒃᓴᖅ ᑎᑭᓕᕐᐳᖅ! ᕾᓕᕆᑦᓯ ᐸᕐᕆᐊᕐᓗᒍ.’

ᒫᑎᐅᓯᐅᑉ ᐊᒡᓚᖏᑦ 26:40

ᐃᓕᓐᓂᐊᕐᑎᒥᓄᑦ ᐱᖓᓱᓄᑦ ᐅᑎᕋᒥ; ᓯᓂᒃᑐᑦ ᐅᐸᒃᐰᑦ; ᐲᑦᑐᕉᓯ ᐅᖃᐅᑎᕚ, “ᖃᐅᔨᓴᖃᑎᒋᔪᓐᓇᓐᖏᓚᑦᓯᓐᖔ ᐃᑲᕐᕋᒥᒃ ᐊᑕᐅᓯᕐᒥᖑᓐᓃᑦ?

ᒫᑎᐅᓯᐅᑉ ᐊᒡᓚᖏᑦ 26:43

ᐃᓚᒥᓄᑦ ᐅᑎᕐᒥᒐᒥ; ᓯᓂᒃᑐᑦ ᐅᐸᒃᐰᑦ; ᐊᒡᓛᑦ ᐅᐃᓴᔪᓐᓁᓪᓕᓚᐅᕐᒪᑕ ᐅᐃᕐᖓᕐᓂᕐᒧᑦ.

ᓘᑲᓯᐅᑉ ᐊᒡᓚᖏᑦ 1:21

ᐃᓄᐃᑦ ᐅᑕᖅᑭᓚᐅᕐᐳᑦ ᓴᑲᕅᐊᒥᒃ, ᐃᓱᒪᓪᓗᑎᒃ ᓱᖕᒪᑦ ᐊᑯᓂᐅᓗᐊᓕᕐᒪᖔᑦ.

ᓘᑲᓯᐅᑉ ᐊᒡᓚᖏᑦ 12:45

ᐱᔨ ᐃᓱᒪᓕᕐᐸᑦ, ‘ᐊᖓᔪᖅᑳᕋ ᐅᑎᕐᓇᓵᓗᐊᓕᕐᒪᑦ,’ ᐱᔨᐅᔪᑦ ᐊᖑᑎᑦ ᐊᕐᓁᓪᓗ ᐋᓐᓂᕐᓯᑲᑕᓕᕐᐰᑦ, ᓂᕆᓗᓂ ᐃᒥᓕᕐᓗᓂᓗ ᐋᖓᔮᑲᑦᑕᓕᕐᐳᖅ,

ᓘᑲᓯᐅᑉ ᐊᒡᓚᖏᑦ 18:8

ᐅᖃᐅᑎᕙᑦᓯ, ᐃᓄᖁᑎᓂ ᑕᕝᕔᓐᓇᖅ ᐃᑲᔪᕈᒪᒐᔭᕐᐰᑦ. ᐃᓅᑉ ᐃᕐᓂᖓ ᓄᓇᕐᔪᐊᕐᒧᑦ ᑎᑭᒃᑯᓂ, ᐅᒃᐱᕐᓂᖃᑦᓯᐊᕐᑐᓂᒃ ᓇᓂᓯᒐᔭᕐᐹ?”

ᓘᑲᓯᐅᑉ ᐊᒡᓚᖏᑦ 20:9

ᐃᓄᐃᑦ ᐊᑦᔨᐅᔪᒥᒃ ᐃᒤᑦᑐᒥᒃ ᐅᖃᕐᕕᒋᕔᑦ: “ᐊᖑᑎᑕᖃᓚᐅᕐᐳᖅ ᐸᐅᕐᖓᓕᒃᓴᓂᒃ ᑲᓐᖓᕐᓱᐃᔪᒥᒃ ᐱᕈᕐᓰᕕᖕᒥ, ᑮᓇᐅᔭᓕᐅᕈᑎᒋᔪᒪᓪᓗᒍ ᐊᑐᕐᑕᐅᑎᑉᐹ ᑲᒪᔨᓄᑦ, ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ ᐊᑯᓂ ᐊᐅᓚᕐᓯᒪᔭᕐᑐᕐᓗᓂ.

ᕉᒪᒥᐅᓄᑦ 13:11

ᑍᒤᒻᒪᑦ ᑐᑭᓯᒋᑦᓯ ᐃᑲᕐᕋᖅ ᓇᓪᓕᐅᑎᖕᒪᑦ ᑐᐸᒃᓯᒪᔭᕆᐊᖅᑲᓕᕐᐳᓯ ᓯᓂᑐᐃᓐᓇᕈᓐᓃᕐᓗᓯ. ᐱᐅᓕᔭᐅᓂᖅ ᖃᓂᓐᓂᕐᓴᐅᓕᕐᒪᑦ ᑍᒪᓐᖓᑦ ᐅᒃᐱᓕᓚᐅᕐᓂᑦᑎᓐᓂᑦ.

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:25

ᑎᑭᓚᐅᖏᓐᓂᓐᓂ, ᐱᓯᒪᔭᑦᓯᓐᓂᒃ ᓴᑯᐃᑦᑍᓕᒋᑦᓯ.