ᒫᑎᐅᓯᐅᑉ ᐊᒡᓚᖏᑦ 25:45 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁵ ᑕᕝᕙ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᒥᑭᓐᓂᕐᐸᐅᔪᑦ ᐱᓇᓱᐊᕐᕕᒋᖏᓐᓇᑦᓯᐅᒃ, ᑕᕝᕙ ᐅᕙᓐᓂᒃ ᐱᓇᓱᐊᕐᕕᖃᓚᐅᓐᖏᓚᓯ.’

Aglait Ijjurnaittut

⁴⁵ Tavva kiujumaaqpait, ‘Sulijumik uqautivassi, mikinniqpaujut pinasuarviginnginnassiuk, tavva uvannik pinasuarviqalaunngilasi.’

ᒫᑎᐅᓯᐅᑉ ᐊᒡᓚᖏᑦ 25:45 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:3

ᓮᒻᒪᕐᑎᑦᓱᒫᕐᐸᒃᑲ ᐃᓕᖕᓂᒃ ᓮᒻᒪᕐᑎᑦᓯᔪᑦ; ᓇᕐᕈᓇᕐᑎᑦᓯᔪᑦ ᓇᕐᕈᓇᕐᓯᑎᑦᓱᒫᕐᐸᒃᑲ; ᐊᖅᑯᑎᒋᓗᑎᓪᓗ ᐃᓚᒌᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ.”

ᐃᓐᖏᕈᑎᑦ 105:15

ᐅᖃᕐᓗᓂ, “ᐅᕐᓱᕐᑎᕐᓯᒪᔭᒃᑲ ᐊᒃᑐᕐᓂᐊᕋᓯᒋᒃ, ᐅᖃᕐᑎᒃᑲᓗ ᐋᓐᓂᕐᑕᐅᑦᑍᓕᓕᑦ!”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:13

ᐊᔪᕐᓴᕐᑐᑦ ᕿᓄᓂᖏᓐᓂᒃ ᑐᓴᕐᑍᓕᒪᔪᖅ, ᕿᓄᓇᓱᐊᓕᕋᓗᐊᕐᐸᑦ ᑐᓴᕐᑕᐅᓂᐊᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 2:8

ᑕᒪᓐᓇ ᐱᓪᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐅᐱᒋᓚᐅᖅᑳᕐᓗᓂᖓ ᑎᓕᕚᖓ, ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᐃᓕᑦᓯᓐᓂᒃ ᓵᓚᖃᖅᑳᕐᓯᒪᔪᓄᑦ, ᐃᓕᑦᓯᓐᓂᒡᓗ ᐊᒃᑐᐃᓯᒪᔪᑦ, ᑕᕝᕙ ᐊᑕᓂᐅᑉ ᐱᓐᓇᕆᔭᖓᓂᒃ ᐊᒃᑐᐃᓯᒪᕗᑦ.

ᒨᓯᓯ ᓯᑕᒪᖏᑦ 24:9

ᐅᑯᕗᖅ, ᐃᓂᓪᓚᒡᓗᓂᓗ ᓛᔭᑎᑐᑦ; ᓛᔭᑎᑐᑦ, ᑭᐊ ᑐᐹᕈᒪᕚ? ᓮᒻᒪᕐᑎᑕᐅᓕ ᐃᓕᖕᓂᒃ ᓮᒻᒪᕐᑎᑦᓯᔪᖅ, ᐱᐅᖏᑦᑐᒧᑦ ᐱᔭᐅᓕ ᐃᓕᖕᓂᒃ ᐱᐅᖏᑦᑐᒧᑦ ᐱᔭᐅᖁᔨᔪᖅ.”

ᒫᑎᐅᓯᐅᑉ ᐊᒡᓚᖏᑦ 10:41

ᓇᓚᐅᑦᑍᔪᒥᒃ ᐃᓚᓕᐅᕐᓯᔪᖅ, ᓇᓚᐅᑦᑍᔪᑐᑦ ᐊᑭᓕᕐᑕᐅᔪᒫᕐᐳᖅ; ᓇᓪᓕᐊᓪᓗ ᐃᓚᓕᐅᕐᓯᔪᖅ ᒎᑎᒥᒃ ᐃᓚᖃᑦᓯᐊᕐᑐᒥᒃ, ᒎᑎᒥᒃ ᐃᓚᖃᑦᓯᐊᕐᑐᑎᑐᑦ ᐊᑭᓕᕐᑕᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 25:44

ᑕᕝᕙ ᑖᒃᑯᐊ ᑭᐅᔪᒫᕆᕚᑦ, ‘ᐊᑕᓃᖅ, ᖃᖓ ᑕᑯᓚᐅᕐᐸᑦᑎᒌᑦ ᑳᒃᑎᓪᓗᑎᑦ ᐃᒥᕈᒃᑎᓪᓗᑎᓪᓗ ᓂᐅᕐᕈᐊᖑᑎᓪᓗᑎᑦ ᐊᓐᓄᕌᖃᓐᖏᑎᓪᓗᑎᓪᓗ ᖃᓂᒪᑎᓪᓗᑎᑦ ᑎᒍᔭᐅᓯᒪᕕᖕᒦᑎᓪᓗᑎᓪᓘᓐᓃᑦ, ᐃᑲᔪᓚᐅᓐᖏᓚᑦᑎᒋᑦ?’

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:5

ᓴᐅᓗᓯᐅᑉ ᐊᐱᕆᕚ, “ᐊᑕᓃᖅ ᑭᓇᐅᕕᑦ?” ᓂᐱᒧᑦ ᐅᖃᐅᑦᔭᐅᕗᖅ, “ᔩᓱᓯᐅᕗᖓ ᐊᑭᕋᕐᑐᕐᑍᑦ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:12

ᑍᒫᒃ ᐅᒃᐱᕐᑑᖃᑎᖕᓄᑦ ᐊᔪᕐᑐᓕᒍᕕᑦ ᐃᓱᒪᒥᒍᑦ ᓴᓐᖐᓐᓂᖓ ᐋᓐᓂᕐᑕᐅᑎᒃᑲᕕᐅᒃ, ᑕᕝᕙ ᙭ᔅᑑᓯᒧᑦ ᐊᔪᕐᑐᓕᕗᑎᑦ.