ᒫᑎᐅᓯᐅᑉ ᐊᒡᓚᖏᑦ 25:41 - ᐊᒡᓔᑦ ᐃᑦᔪᕐᖕᓁᑦᑐᑦ

⁴¹ “ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

Aglait Ijjurnaittut

⁴¹ “Tavva saumingminiittunut uqarumaarivuq, ‘Tamaaniinngilaurissi Guutimut narrunaqtusi, ikumarjuarmut nungusuittumuarissi upalungairutausimajumut Saataanasimut aingiliqutinginnullu;

ᒫᑎᐅᓯᐅᑉ ᐊᒡᓚᖏᑦ 25:41 ပူးပေါင်းရင်းမြစ်များ

ᐃᓐᖏᕈᑎᑦ 119:115

ᐅᕙᓐᓂᑦ ᕿᒪᕉᑎᒋᑦᓯ, ᐃᓕᑦᓯ ᐊᔪᕐᑐᓕᔪᓯ, ᒎᑎᒪ ᐱᖁᔭᖏᑦ ᒪᓕᖕᓂᐊᕋᒃᑭᑦ.

ᐃᓐᖏᕈᑎᑦ 119:21

ᐱᐅᔪᕆᔪᑦ ᓱᒋᐊᕐᐸᑎᑦ; ᓯᕗᓂᕐᓗᒃᑎᑕᐅᓕᑦ ᐱᖁᔭᕐᓂᒃ ᓈᓚᒍᓐᓃᕐᑐᑦ.

ᐃᓐᖏᕈᑎᑦ 139:19

ᒎᑏ, ᑕᕝᕙᑐᖅ ᐱᐅᖏᑦᑐᑦ ᑐᖁᓚᐅᒃᑭᑦ! ᐅᕙᓐᓂᒃ ᕿᒤᓚᐅᕆᑦᓯ ᐃᓅᑉ ᐊᐅᖓᓂᒃ ᐃᒥᕈᒃᑎᐅᔪᓯ!

ᐃᓐᖏᕈᑎᑦ 6:8

ᐱᐅᖏᑦᑐᓕᓂᕐᒥᒃ ᐱᓇᓱᐊᕐᑎᐅᔪᓯ ᕿᒪᓚᐅᕐᓯᓐᖓ; ᐊᑕᓂᐅᑉ ᖁᕝᕕᐅᕐᓂᕐᒪ ᓂᐱᖓ ᑐᓵᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 66:24

ᐊᓂᒍᑎᒡᓗ ᑕᑯᔪᒫᕐᐳᑦ ᐅᕙᓐᓂᒃ ᐊᑭᕋᕐᑐᕐᑐᑦ ᑎᒥᕕᓂᖏᓐᓂᒃ ᑐᖁᖓᔪᓂᒃ; ᖁᐱᕐᕈᖏᓪᓗ ᑐᖁᔪᒫᓐᖏᓚᑦ, ᐃᑯᐊᓚᔪᒦᓪᓗᑎᒡᓗ ᖃᒥᑕᒃᓴᐅᖏᑦᑐᓂ, ᐃᓅᖃᑎᒌᒡᔪᐊᓄᑦ ᑕᒪᓐᓇ ᑕᑯᒥᓁᑦᑐᕐᔪᐊᖑᔪᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 17:5

ᐃᒫᒃ ᐊᑕᓂᖅ ᐅᖃᕐᐳᖅ: “ᓇᕐᕈᓇᕐᐳᖅ ᐃᓄᖕᒥᒃ ᑕᑎᖃᕐᑐᖅ ᑎᒥᐅᓪᓗ ᓴᓐᖏᓂᖓᓂᒃ ᓲᖑᓂᖃᕋᓱᒃᑐᖅ, ᐆᒻᒪᑎᒥᒍᑦ ᕿᒤᓯᒪᔪᖅ ᐊᑕᓂᕐᒥᒃ.

ᒫᑎᐅᓯᐅᑉ ᐊᒡᓚᖏᑦ 13:40

ᑖᒃᑯᐊ ᐱᕈᕐᓂᕐᓗᒃᑐᑦ ᑲᑎᑕᐅᓪᓗᑎᒃ ᐃᑭᑕᐅᖕᒪᑕ ᐃᑯᒪᒧᑦ, ᑍᒫᑦᓮᓐᓇᕐᑕᐅᖅ ᐱᔪᖃᕈᒫᕐᐳᖅ ᓯᓚᕐᔫᑉ ᐃᓱᐊᓂ:

ᒫᑎᐅᓯᐅᑉ ᐊᒡᓚᖏᑦ 13:42

ᑖᒃᑯᐊ ᐃᒋᑦᓱᒫᕐᐰᑦ ᐃᑯᒪᕐᔪᐊᕐᒧᑦ; ᑕᕝᕙᓂ ᕿᐊᔪᒫᕐᐳᑦ ᐊᒡᓕᕈᓚᕐᓗᑎᒡᓗ ᐋᓐᓂᐊᓂᕐᒧᑦ.

ᒫᑎᐅᓯᐅᑉ ᐊᒡᓚᖏᑦ 13:50

ᐱᐅᖏᑦᑐᑦ ᐃᒋᑦᓱᒫᕐᐰᑦ ᐃᑯᒪᕐᔪᐊᕐᒧᑦ; ᑕᕝᕙᓂ ᕿᐊᔪᒫᕐᐳᑦ ᐊᒡᓕᕈᓚᕐᓗᑎᒡᓗ ᐋᓐᓂᐊᓂᕐᒧᑦ.”

ᒫᑎᐅᓯᐅᑉ ᐊᒡᓚᖏᑦ 18:8

“ᐊᒡᒐᒃᐱᑦ ᐃᑎᒐᒃᐱᓪᓘᓐᓃᑦ ᐊᔪᕐᑐᓕᑎᑉᐸᑎᑦ, ᓇᑲᒃᑭᑦ ᐃᒋᓪᓗᒋᑦ; ᐃᓕᖕᓄᑦ ᐱᐅᓂᕐᓴᐅᒐᔭᕐᐳᖅ ᐃᓅᓯᕐᒧᑦ ᐃᑎᕈᕕᑦ ᐃᒡᓗᐃᓐᓇᕐᒥ ᐊᒡᒐᖃᕐᓗᑎᑦ, ᐃᒡᓗᐃᓐᓇᕐᒥᒡᓘᓐᓃᑦ ᐃᑎᒐᖃᕐᓗᑎᑦ ᑐᓯᐊᓪᓗᑎᓪᓗ. ᐃᒡᓗᒃᑐᑦ ᐊᒡᒐᖃᕐᓗᑎᑦ, ᐃᒡᓗᒃᑐᓪᓗ ᐃᑎᒐᖃᕐᓗᑎᑦ ᐃᒋᑕᐅᑐᐃᓐᓇᕋᔭᕐᓂᕐᓂᑦ ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 25:42

ᑳᒃᑎᓪᓗᖓ ᓂᕆᑎᓚᐅᖏᓐᓇᑦᓯᓐᖓ, ᐃᒥᕈᒃᑎᓪᓗᖓ ᐃᒥᕐᑎᓚᐅᖏᓐᓇᑦᓯᓐᖓ;

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”

ᒫᑎᐅᓯᐅᑉ ᐊᒡᓚᖏᑦ 3:12

ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᒫᑎᐅᓯᐅᑉ ᐊᒡᓚᖏᑦ 5:22

ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 7:23

ᑕᕝᕙ ᑭᐅᔪᒫᕐᐸᒃᑲ, ‘ᖃᐅᔨᒪᓚᐅᕐᓯᒪᓐᖏᓚᑦᓯ; ᑕᒫᓃᓐᖏᓚᐅᕆᑦᓯ! ᐊᔪᕐᑐᓕᔪᐊᓘᔪᓯ!’”

ᓘᑲᓯᐅᑉ ᐊᒡᓚᖏᑦ 13:27

ᑖᓐᓇ ᑭᐅᔪᒫᕆᕗᖅ, ‘ᓇᑭᓐᖔᕐᒪᖔᑦᓯ ᖃᐅᔨᒪᓐᖏᓚᑦᓯ; ᑕᒫᓃᓐᖏᓚᐅᕆᑦᓯ, ᐱᐅᖏᑦᑐᓕᔪᐊᓘᔪᓯ!’

ᓘᑲᓯᐅᑉ ᐊᒡᓚᖏᑦ 16:24

ᕾᒐᓛᓕᕐᐳᖅ, ‘ᐊᑖᑖᒃ ᐂᑉᕋᕼᐋᒻ, ᓂᑲᒋᓚᐅᓐᖓ, ᓛᓴᕉᓯ ᑎᓕᓚᐅᕈᒃ ᑎᑭᓂ ᒥᓱᒡᓗᒍ ᐃᒥᕐᒧᑦ, ᐅᖃᓐᓂᒃ ᓂᒡᓕᑎᕆᖁᓗᒍ; ᐋᓐᓂᐊᔪᐊᓘᒐᒪ ᐅᕙᓂ ᐃᑯᒫᓗᖕᒥ.’

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:7

ᐃᓕᑦᓯᓕ ᐊᒃᓱᕈᕐᓇᕐᑐᑰᕐᑎᑕᐅᓂᓯᓂᒃ ᐊᓂᒍᐃᑎᑕᐅᓂᐊᕐᐳᓯ ᐅᕙᒍᓪᓗᑕᐅᖅ, ᑕᒪᑐᒥᖓ ᐱᓇᓱᐊᕈᒫᕐᐳᖅ ᐊᑕᓂᖅ ᔩᓱᓯᐅᑉ ᓴᖅᑭᑉᕕᖓᓂ ᕿᓚᖕᒥᑦ ᐂᖏᓕᖁᑎᓂ ᐱᔪᓐᓇᕐᑐᕐᔪᐊᑦ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:9

ᑍᒃᑯᐊ ᐋᓐᓂᐊᔪᒫᕐᐳᑦ ᓱᒋᐊᕐᑕᐅᓕᕈᑎᒃ ᐱᕖᕈᑦᔭᐅᓇᕐᑐᒧᑦ ᐃᓱᖃᖏᑦᑐᒧᑦ ᐊᑕᓂᐅᓪᓗ ᓇᔪᒐᖓᓂᑦ ᐲᕐᑕᐅᓪᓚᕆᒃᓗᑎᒃ ᐱᓐᓇᕐᓇᕐᓂᕐᔪᐊᖓᓂᑦ ᐱᔪᓐᓇᕐᓂᖓᓂᓪᓗ,

ᐄᑉᕈᐃᓄᑦ 6:8

ᓄᓇᓕ ᑲᑭᓪᓚᕐᓇᕐᑐᓂᒃ ᐱᕈᕐᓂᕐᓗᒃᑐᓂᒡᓗ ᐱᕈᕐᕕᐅᒃᐸᑦ ᐊᑑᑎᒃᓴᖃᓐᖏᓚᖅ ᓇᕐᕈᒋᔭᐅᓂᖓ ᓇᓗᓇᕈᓐᓃᕐᐸᒃᐳᖅ. ᑭᖑᓪᓕᕐᐹᒥᒃ ᐃᑯᐊᓚᒐᒃᓴᑐᐃᓐᓇᐅᓕᕐᓗᓂ.

ᐲᑦᑐᕉᓯ ᐂᑉᐸᖏᑦ 2:4

ᒎᑎ ᐂᖏᓕᓂᒃ ᐊᔪᕐᑐᓕᔪᓂᒃ ᐊᒥᐊᒃᑯᓯᓚᐅᓐᖏᓚᖅ, ᐃᒋᓚᐅᕐᐰᑦ ᑲᑉᐱᐊᓇᕐᑐᕕᖕᒧᑦ ᑕᕝᕙᓂᓗ ᕿᓚᒃᓱᕐᓗᒋᑦ ᐊᕐᓵᕐᑑᔭᓄᑦ ᑖᕐᓂᕐᐹᒥ ᑕᕝᕙᓃᓐᓂᐊᓕᕐᓗᑎᒃ ᐅᑕᖅᑭᓪᓗᑎᒃ ᐃᖅᑲᕐᑐᕐᑕᐅᕕᒃᓴᒥᖕᓂᒃ;

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.