ᒫᑎᐅᓯᐅᑉ ᐊᒡᓚᖏᑦ 24:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᑭᖑᓂᖓᒍᑦ ᑎᒍᔭᐅᔪᒫᕐᐳᓯ ᑲᑉᐱᐊᓇᕐᑐᒦᑎᑕᐅᓗᓯ, ᑐᖁᑕᐅᓗᓯᓗ; ᐃᓅᖃᑎᒌᒡᔪᐊᓕᒫᓄᑦ ᐆᒥᒋᔭᐅᔪᒫᕐᐳᓯ ᐱᑦᔪᑎᒋᓗᖓ.

Aglait Ijjurnaittut

⁹ “Kinguningagut tigujaujumaaqpusi kappianaqtumiititaulusi, tuqutaulusilu; inuuqatigiigjualimaanut uumigijaujumaaqpusi pijjutigilunga.

ᒫᑎᐅᓯᐅᑉ ᐊᒡᓚᖏᑦ 24:9 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:27

ᐃᓱᐃᑦᑐᓕᔪᖅ ᐱᐅᒋᔭᐅᓐᖏᓚᖅ ᐃᓱᐊᕐᑐᒧᑦ, ᐃᓱᐊᕐᑐᕐᓗ ᐱᐅᒋᔭᐅᓐᖏᓚᖅ ᐃᓱᐃᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 11:33

ᑐᑭᓯᒪᑦᓯᐊᕐᑐᑦ ᐃᓕᓐᓂᐊᕐᑎᑦᓯᔪᒫᕐᐳᑦ ᑖᑦᓱᒪ ᐱᐅᓯᖓᓂᒃ, ᐅᓪᓗᓂᒃ ᐅᓄᕐᑐᓂᒃ ᓴᕕᒡᔪᐊᒧᑦ ᐃᓚᖏᑦ ᑐᖁᑕᐅᒐᓗᐊᕐᑎᓪᓗᒋᑦ, ᐃᑭᑕᐅᓗᑎᒡᓘᓐᓃᑦ, ᑎᒍᔭᐅᓗᑎᒡᓘᓐᓃᑦ, ᐱᖁᑍᕈᑦᔭᐅᓗᑎᒡᓘᓐᓃᑦ.

ᒫᑎᐅᓯᐅᑉ ᐊᒡᓚᖏᑦ 22:6

ᐃᓚᖏᑕᓕ ᑖᒃᑯᐊ ᐱᔩᑦ ᐅᖃᕆᐊᕐᑐᕐᓯᒪᔪᑦ ᑎᒍᕔᑦ, ᑲᓐᖑᓇᕐᑐᒦᑎᓪᖢᒋᑦ ᐋᓐᓂᕐᓯᕐᐰᑦ, ᑐᖁᓪᓗᒋᓪᓗ.

ᒫᑎᐅᓯᐅᑉ ᐊᒡᓚᖏᑦ 23:34

ᑍᒤᒻᒪᑦ ᓇᓚᐅᑦᑍᔪᓂᒃ ᑎᓕᓯᕕᒋᓂᐊᕐᐸᑦᓯ, ᓯᓚᑐᔪᓂᒡᓗ, ᐊᔪᕆᕐᑐᐃᔨᓂᒡᓗ; ᐃᓚᖏᑦ ᑐᖁᓐᓂᐊᕐᐸᓯ, ᐃᓚᖏᓪᓗ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᓗᓯᐅᒃ, ᐃᓚᖏᑦ ᑏᒐᕐᑐᕐᓗᒋᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᒪᓕᑲᑕᖕᓂᐊᕐᐸᓯᓗ ᐊᑭᕋᕐᑐᕐᓗᒋᑦ ᓄᓇᓕᖕᓂᑦ ᓄᓇᓕᖕᓄᑦ.

ᓘᑲᓯᐅᑉ ᐊᒡᓚᖏᑦ 11:49

ᑍᒤᒻᒪᑦ ᒎᑎ ᓯᓚᑐᓂᕐᒥᒍᑦ ᐅᖃᓚᐅᕐᐳᖅ, ‘ᓇᓚᐅᑦᑍᔪᓂᒃ ᐅᖃᕆᐊᕐᑐᕐᑎᑕᓐᓂᒡᓗ ᑎᓕᓯᕕᒋᔪᒫᕐᐸᒃᑲ; ᑖᒃᑯᐊᓕ ᑐᖁᑦᓯᔪᒫᕐᐳᑦ ᐃᓚᖏᓐᓂᒃ, ᐃᓚᖏᓪᓗ ᐊᑭᕋᕐᑐᕐᓗᒋᑦ.’

ᓘᑲᓯᐅᑉ ᐊᒡᓚᖏᑦ 21:12

ᑕᒪᒃᑯᐊ ᐱᓚᐅᖅᑳᕐᑎᓐᓇᒋᑦ ᑎᒍᔭᐅᔪᒫᕐᐳᓯ, ᐊᑭᕋᕐᑐᕐᑕᐅᓗᓯ, ᐋᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯᓗ, ᐊᖓᔪᖅᑳᕐᔪᐊᓄᑦ ᐊᐅᓚᑦᓯᔨᓄᓪᓗ ᐱᑎᑕᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ.

ᔪᐊᓇᓯᐅᑉ ᐊᒡᓚᖏᑦ 15:18

“ᓯᓚᕐᔪᐊᕐᒥᐅᑦ ᐆᒥᒋᒃᐸᓯ, ᖃᐅᔨᒪᒋᑦᓯ ᐆᒥᒋᖅᑳᕐᒪᖓ ᐃᓕᑦᓯᓐᓂᑦ.

ᔪᐊᓇᓯᐅᑉ ᐊᒡᓚᖏᑦ 15:21

ᑕᒪᒃᑯᓂᖓᓕᒫᖅ ᐱᓂᐊᕐᕕᒋᔪᒫᕐᐹᓯ ᐅᕙᓐᓂᒃ ᐱᑦᔪᑎᖃᕐᓗᑎᒃ, ᐅᕙᓐᓂᒃ ᑎᓕᓯᔪᖅ ᖃᐅᔨᒪᖏᓐᓇᒥᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:22

ᑐᓴᕈᒪᔪᐊᓘᕗᒍᓪᓕ ᐃᓱᒪᒋᔭᕐᓂᒃ; ᖃᐅᔨᒪᒐᑦᑕ ᓇᓂᑐᐃᓐᓇᖅ ᐃᓄᐃᑦ ᐊᑭᕋᕐᑐᖃᑦᑕᕐᒪᑕ ᑕᒪᑐᒧᖓ ᐃᓚᐅᕕᒋᔭᕐᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:59

ᓯᑎᐹᓇᓯ ᒥᓪᓗᕐᑕᐅᓪᓗᓂ ᑐᒃᓯᐊᕐᐳᖅ, “ᐊᑕᓃᖅ ᔩᓱᓯ, ᐊᓂᕐᓂᕋ ᐱᒍᒃ.”

ᐲᑦᑐᕉᓯ ᓯᕗᓪᓖᑦ 4:16

ᐅᖁᒤᑐᕐᔪᐊᕐᒥᑎᑕᐅᓕᕈᑦᓯᓕ ᙭ᔅᑑᓯᒥᐅᑕᐅᓂᓯ ᐱᑦᔪᑎᒋᓗᒍ, ᑕᒪᓐᓇ ᑲᓐᖑᓲᑎᒋᑦᑍᓕᓯᐅᒃ, ᒎᑎᓕ ᓂᕐᑐᕐᓯᐅᒃ ᑖᑦᓱᑐᓇᖅ ᐱᔭᐅᓂᓯ ᐱᑦᔪᑎᒋᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.