ᒫᑎᐅᓯᐅᑉ ᐊᒡᓚᖏᑦ 24:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᓇᑕᕐᑐᓂᒃ ᖃᓂᒋᔭᑦᓯᓐᓂ ᑐᓵᔪᒫᕐᐳᓯ, ᐅᖓᓯᒋᔭᑦᓯᓐᓂᓗ ᐅᓇᑕᕐᑐᑦ ᐅᖃᐅᓯᐅᓂᖏᓐᓂᒃ ᑐᓴᔪᒫᕐᐳᓯ; ᑲᑉᐱᐊᓱᒃᑍᓕᒋᑦᓯ; ᑍᒤᑦᑐᖃᕆᐊᖃᕐᒪᑦ, ᑭᓯᐊᓂ ᑕᒪᒃᑯᐊ ᓇᓗᓁᕐᓯᓐᖏᓚᑦ ᓯᓚᕐᔪᐊᑉ ᓇᒡᒐᑎᒃᓴᖓᓂᒃ.

Aglait Ijjurnaittut

⁶ Unataqtunik qanigijatsinni tusaajumaaqpusi, ungasigijassinnilu unataqtut uqausiuninginnik tusajumaaqpusi; kappiasuktailigissi; taimaittuqariaqarmat, kisiani tamakkua nalunaiqsinngilat silarjuap naggatiksanganik.

ᒫᑎᐅᓯᐅᑉ ᐊᒡᓚᖏᑦ 24:6 ပူးပေါင်းရင်းမြစ်များ

ᐃᓐᖏᕈᑎᑦ 112:7

ᐱᐅᖏᑦᑐᓂᒃ ᑐᓴᕐᑎᑕᐅᒐᓗᐊᕈᓂ ᓯᕘᕋᓂᐊᓐᖏᓚᖅ; ᑖᑦᓱᒪ ᐆᒻᒪᑎᖓ ᐊᐅᓚᖏᑦᑐᒦᒻᒪᑦ, ᐊᑕᓂᕐᒥᒃ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᔨᕆᒤᐊᐅᑉ ᐊᒡᓚᖏᑦ 47:6

ᐅᖃᕐᐳᓯ, ‘ᐊᑕᓂᐅᑉ ᓴᕕᒡᔪᐊᖓ ᖃᓄᖅ ᐊᑯᓂᐊᑎᒋᔪᖅ ᓄᖅᑲᖓᓂᐊᕐᐲᑦ? ᐴᕆᔭᕐᓂ ᐴᕐᓯᒪᑐᐃᓐᓇᓕᕆᑦ, ᑕᕾᕐᓯᕐᓗᑎᓪᓗ.’

ᐃᓯᑭᐊᓕᐅᑉ ᐊᒡᓚᖏᑦ 21:28

“ᐃᓅᑉ ᐃᕐᓂᖓ, ᐱᔪᒫᕐᑐᒃᓴᓂᒃ ᐅᖃᐅᓯᖃᓕᕆᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᐊᒧᓁᑎᒥᐅᓄᑦ, ᐃᓴᕆᐊᓕᒥᐅᓂᒃ ᐊᑭᕋᕐᑐᕐᓂᖏᓐᓄᑦ; ᑖᒃᑯᐊ ᐅᖃᐅᑎᒃᑭᑦ ᓴᕕᒡᔪᐊᖅ, ᓴᕕᒡᔪᐊᖅ ᐊᒧᔭᐅᕗᖅ ᑐᖁᕅᑦᔪᑕᐅᓂᐊᕐᑐᖅ, ᕿᓪᓕᕐᓴᕐᑕᐅᕗᖅ ᑐᖁᕅᑦᔪᑕᐅᖁᓪᓗᒍ ᕿᓪᓛᒡᒋᕐᑕᕐᐳᕐᓗ ᖃᐅᒻᒫᓪᓚᖃᑦᑕᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 2:3

ᐃᕉᑕᓯ ᑕᒪᑐᒥᖓ ᑐᓴᕋᒥ, ᖁᐊᕐᓵᕐᐳᖅ, ᔨᕉᓴᓕᒻᒥᐅᓪᓗ ᑕᒪᕐᒥᒃ;

ᒫᑎᐅᓯᐅᑉ ᐊᒡᓚᖏᑦ 24:14

ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᓖᑦ ᐊᔪᕆᕐᑐᐃᑦᔪᑕᐅᔪᒫᕐᐳᑦ ᓄᓇᕐᔪᐊᓕᒫᒥ ᓇᓂᑐᐃᓐᓇᖅ, ᓱᓕᓂᖓᓗ ᓴᖅᑭᑎᑕᐅᓗᓂ ᐃᓅᖃᑎᒌᒡᔪᐊᓄᑦ; ᑕᕝᕙ ᓯᓚᕐᔫᑉ ᓇᒡᒐᑖ ᓇᓪᓕᐅᑎᔪᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 26:54

ᑍᒤᑎᑦᓯᒍᒪᓕ, ᖃᓄᖅ ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᒐᔭᕐᐹᑦ, ᑕᒪᓐᓇ ᐱᓂᐊᕐᓂᕆᔭᐅᔪᖅ ᑍᒤᑦᓴᕆᐊᖃᕐᓂᕋᕐᓗᒍ ᐅᖃᕐᓯᒪᔪᑦ?”

ᓘᑲᓯᐅᑉ ᐊᒡᓚᖏᑦ 21:19

ᕿᓄᐃᓵᕐᓂᑦᓯᓐᓄᑦ ᑭᓯᐊᓂ ᐃᓕᑦᓯᓐᓂᒃ ᐱᐅᓕᔪᒫᕐᐳᓯ.”

ᓘᑲᓯᐅᑉ ᐊᒡᓚᖏᑦ 21:9

ᐅᓇᑕᕐᑐᓂᒃ ᑐᓴᕈᑦᓯ ᓵᓚᒋᖃᑦᑕᐅᑎᓇᓱᒃᑐᓂᒃ, ᓯᕘᕋᓂᐊᕋᓯ; ᑕᒪᒃᑯᐊ ᓯᕗᓪᓕᐅᔭᕆᐊᖃᕐᒪᑕ, ᓯᓚᕐᔫᓪᓕ ᐃᓱᐊ ᓱᓕ ᓇᓪᓕᐅᑎᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 22:37

ᑕᒪᒃᑯᓂᖓ ᐅᖃᐅᑎᕙᑦᓯ; ᐊᒡᓔᑦ ᓈᓚᐅᑦᓯᖁᓪᓗᒋᑦ ᐅᕙᓐᓂᒃ ᐅᖃᐅᓯᖃᕐᓯᒪᔪᑦ, ‘ᐱᐅᖏᑦᑐᓕᔪᕐᔪᐊᓄᑦ ᐃᓚᓕᐅᑦᔭᐅᕗᖅ,’ ᑖᒃᑯᐊ ᐅᕙᓐᓂᒃ ᐅᖃᐅᓯᖃᕐᓯᒪᔪᑦ ᓇᓚᐅᑦᓯᓂᐊᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 14:1

“ᐆᒻᒪᑎᒃᑯᑦ ᕿᒃᓵᖕᓂᐊᕋᓯ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᓗᖓ.

ᔪᐊᓇᓯᐅᑉ ᐊᒡᓚᖏᑦ 14:27

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:2

ᐅᐃᒪᔮᕐᑎᑕᐅᖁᓇᓯ ᑲᑉᐱᐊᓱᖁᓇᓯᓗ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔭᕇᕐᓯᒪᓂᕋᕐᑕᐅᑎᓪᓗᒍ, ᐅᕙᒍᓪᓗ ᐅᖃᕐᓯᒪᓂᕋᕐᑕᐅᒍᑦᑕ ᒎᑎᒧᑦ ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖕᓂᑦᑎᒍᓪᓘᓐᓃᑦ ᐊᔪᕆᕐᑐᐃᓂᑦᑎᒍᓪᓘᓐᓃᑦ, ᑎᑎᖅᑲᑎᒍᓪᓘᓐᓃᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:4

ᕿᒻᒥᕐᔪᐊᒥᒡᓗ ᓴᖅᑭᑦᑐᖃᕆᕗᖅ, ᐊᐅᑉᐸᕆᒃᑐᒥᒃ; ᖄᖓᓂᓗ ᐃᑭᒪᔪᖅ ᐱᔪᓐᓇᕐᓂᕐᑖᕐᑎᑕᐅᕗᖅ ᓄᓇᕐᔪᐊᕐᒥᑦ ᓮᒪᓂᕐᒥᒃ ᐲᕐᓯᖁᓪᓗᒍ, ᐃᓅᖃᑎᒌᑦ ᐃᒻᒥᖕᓄᑦ ᑐᖁᕋᐅᑎᖁᓪᓗᒋᑦ; ᓴᕕᒡᔪᐊᒥᒡᓗ ᐊᖏᔪᕐᔪᐊᒥᒃ ᑐᓂᓯᕕᐅᕗᖅ.