ᒫᑎᐅᓯᐅᑉ ᐊᒡᓚᖏᑦ 24:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᖃᐅᔨᒪᓚᐅᓐᖏᓚᑦ ᐅᓕᕕᒃᔪᐊᕐᒧᑦ ᑎᑭᑕᐅᖅᑳᕋᑎᒃ ᑕᒪᕐᒥᒡ ᓄᖑᑕᐅᓚᐅᕐᐳᑦ, ᑍᒤᑦᓱᒫᕆᕗᖅ ᐃᓅᑉ ᐃᕐᓂᖓᑕ ᑎᑭᕝᕕᒃᓴᖓᓂ.

Aglait Ijjurnaittut

³⁹ qaujimalaunngilat ulivigjuarmut tikitauqqaaratik tamarmik nungutaulauqput, taimaittumaarivuq Inuup Irningata tikivviksangani.

ᒫᑎᐅᓯᐅᑉ ᐊᒡᓚᖏᑦ 24:39 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 7:23

ᐊᑕᓂᐅᑉ ᐆᒪᔪᓐᓇᕐᑐᓕᒫᑦ ᓄᓇᕐᔪᐊᕐᒥ, ᐃᓄᐃᑦ, ᐆᒪᔪᑦ, ᐹᕐᖑᕐᑐᓪᓗ, ᑎᖕᒥᐊᓗ ᖃᖓᑕᕙᒃᑐᑦ; ᓄᖑᓚᐅᕐᐰᑦ ᓄᓇᒥ. ᓄᐊ ᐊᒥᐊᒃᑯᑑᓚᐅᕐᐳᖅ, ᐅᒥᐊᕐᔪᐊᕐᒦᖃᑎᖏᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:35

“ᑎᒡᓗᒃᑕᐅᒐᓗᐊᕋᒪ, ᐋᓐᓂᓚᐅᓐᖏᓚᖓ; ᐊᓇᐅᓕᕋᓗᐊᕐᒪᖓ ᐃᒃᐱᖕᓂᓚᐅᓐᖏᓚᖓ. ᖃᖓᓕ ᑐᐸᖕᓂᐊᕐᐳᖓ? ᐃᒥᕐᓂᐊᕐᑕᓐᓂᒃ ᕿᓂᒃᑲᓐᓂᕐᓂᐊᕋᒪ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:12

ᐃᒫᒃ ᐅᖃᕈᕕᑦ, “ᑕᒪᑐᒥᖓ ᖃᐅᔨᒪᖏᑦᓯᐊᓚᐅᕐᑐᒍᑦ,” ᐆᒻᒪᑎᓂᒃ ᖃᐅᔨᓴᕐᑑᑉ ᑕᒪᓐᓇ ᐃᓱᒪᒋᓐᖏᓚᐅᒃ? ᑕᕐᓂᕐᓂᒃ ᑲᒪᔨᐅᑉ ᖃᐅᔨᒪᓐᖏᓚᐅᒃ? ᐱᑎᑦᓯᓂᐊᓐᖏᓚᕐᓘ ᐃᓄᖕᓄᑦ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒌᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:7

ᐃᓱᐊᕐᑑᑉ ᐊᔪᕐᓴᕐᑐᑦ ᖃᓄᐃᓕᐅᕐᑕᐅᔭᕆᐊᖃᕐᓂᖏᑦ ᖃᐅᔨᒪᑦᓯᐊᕐᐰᑦ, ᐱᐅᖏᑦᑐᕐᓕ ᑕᒪᑐᒥᖓ ᖃᐅᔨᒪᓂᕐᒥᒃ ᑐᑭᓯᐅᒪᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 42:25

ᑍᒤᒻᒪᑦ ᓂᓐᖓᒡᕕᒋᒻᒪᕆᓚᐅᕐᐰᑦ, ᐅᓇᑕᕐᓂᒧᓪᓗ ᐊᒃᓱᕈᕐᑎᑕᐅᓪᓗᑎᒃ; ᖃᓂᒋᔭᓕᒫᖓᓪᓗ ᐃᑯᐊᓪᓚᒃᑎᓪᓗᒍ, ᓱᓕᓕ ᑐᑭᓯᓚᐅᓐᖏᓚᑦ; ᐃᑯᒪᒧᓪᓗ ᐆᑕᐅᓚᐅᕐᐳᑦ, ᓱᓕᓕ ᐆᒻᒪᒻᒥᐅᑕᕐᑖᕆᓚᐅᓐᖏᓛᑦ.”

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:3

ᔩᓱᓯ ᐃᖏᒻᒪᑦ ᖃᖅᑲᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖅᑲᓲᓂᒃ ᓇᐹᕐᑐᓕᖕᒧᑦ, ᐃᓕᓐᓂᐊᕐᑎᖏᑕ ᐅᐸᒃᐹᑦ ᑖᒃᑯᑐᐊᖑᓪᓗᑎᒃ, ᐊᐱᕆᓪᓗᒍ, “ᐅᖃᐅᑎᓚᐅᕐᑎᒍᑦ, ᑕᒪᒃᑯᐊ ᖃᖓ ᓇᓪᓕᐅᑎᔪᒫᕐᐸᑦ ᖃᓄᖅ ᑎᑭᕝᕕᒃᓮᑦ ᓇᓗᓁᒃᑯᑕᖃᕈᒫᕐᐸ? ᓄᓇᕐᔪᐊᓪᓗ ᐃᓱᓕᕝᕕᒃᓴᖓ?”

ᒫᑎᐅᓯᐅᑉ ᐊᒡᓚᖏᑦ 24:30

ᑕᕝᕙ ᐃᓅᑉ ᐃᕐᓂᖓᑕ ᓇᓗᓁᒃᑯᑕᖓ ᕿᓚᖕᒥᑦ ᓴᖅᑭᑦᓱᒫᕐᐳᖅ; ᐃᓄᐃᑦ ᐃᓘᓐᓇᑦᓯᐊᑎᒃ ᓄᓇᕐᔪᐊᕐᒦᑦᑐᑦ ᕿᐊᓕᕈᒫᕐᐳᑦ, ᑕᑯᓕᕈᑎᒃ ᐃᓅᑉ ᐃᕐᓂᖓᓂᒃ ᑎᑭᓕᕐᑐᒥᒃ ᕿᓚᐅᑉ ᓄᕗᔭᖏᑎᒍᑦ ᐱᔪᓐᓇᕐᑐᕐᔪᐊᒥᒃ ᓂᕐᑐᕐᓇᕐᑐᕐᔪᐊᕐᒥᒡᓗ.

ᒫᑎᐅᓯᐅᑉ ᐊᒡᓚᖏᑦ 24:37

ᐃᓅᑉ ᐃᕐᓂᖓᑕ ᑎᑭᕝᕕᒃᓴᖓ ᐊᑦᔨᖃᕈᒫᕐᐳᖅ, ᓄᐊ ᐃᓅᑎᓪᓗᒍ ᐱᐅᓯᕆᔭᐅᓚᐅᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 24:40

ᑕᒪᓐᓇ ᓇᓪᓕᐅᑎᒃᐸᑦ ᐊᖑᑏᒃ ᒪᕐᕉᒃ ᐱᕈᕐᓰᕕᖕᒦᑦᓱᒫᕐᐴᒃ; ᐂᑉᐹ ᐊᐅᓪᓚᕈᑦᔭᐅᔪᒫᕐᐳᖅ ᐂᑉᐹᓕ ᕿᒪᒃᑕᐅᓗᓂ.

ᓘᑲᓯᐅᑉ ᐊᒡᓚᖏᑦ 19:44

ᐊᓯᕈᕐᑕᐅᔪᒫᕐᐳᓯ ᐊᕙᓗᕐᔪᐊᑦ ᐃᓗᐊᓃᑦᑐᓕᒫᑦ ᓄᖑᑕᐅᓗᓯ ᕿᑐᕐᖓᓕᒫᓯᓗ, ᐅᔭᕅᓪᓗ ᓴᓇᓯᒪᔪᑦ ᐊᑕᐅᓯᕐᒥᒡᓘᓐᓃᑦ ᖃᓕᕇᒃᑐᖃᕈᓐᓃᕈᒫᕐᐳᑦ; ᒎᑎᐅᑉ ᓴᐳᑦᔨᔭᕐᑐᕐᓂᖓ ᐃᓕᑦᓯᓐᓂᒃ ᑲᒪᒋᓚᐅᖏᓐᓇᑦᓯᐅᒃ.”

ᔪᐊᓇᓯᐅᑉ ᐊᒡᓚᖏᑦ 3:20

ᐱᐅᖏᑦᑐᓕᔫᑉ ᖃᐅᒪᔪᖅ ᐆᒥᒋᕚ, ᖃᐅᒪᔪᒧᐊᕈᒪᓇᓂᓗ, ᐱᐅᖏᑦᑐᓕᓂᖏᑦ ᓴᖅᑭᑎᑕᐅᖁᓇᒋᑦ ᖃᐅᒪᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:41

‘ᑕᑯᒋᑦᓯ, ᒥᑕᐅᑎᒃᓴᕐᑎᐅᔪᓯ, ᑕᑕᒥᓐᓂᐊᕐᓗᓯᓗ, ᐊᓯᕈᕐᑕᐅᓕᕆᑦᓯ; ᐃᓅᑎᓪᓗᓯ ᐱᓂᐊᕐᓂᖃᕐᓂᐊᕋᒪ, ᐱᓂᐊᕐᓂᕐᓂᒃ ᐅᒃᐱᕆᔭᕆᐊᒃᓴᖅ ᐊᔪᕐᑕᑦᓯᓐᓂᒃ, ᐅᖃᐅᓯᐅᒐᓗᐊᕐᐸᑦ ᑐᑭᓯᓇᕐᓯᑎᑕᐅᒐᓗᐊᕐᐸᓪᓘᓐᓃᑦ.’”

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᐲᑦᑐᕉᓯ ᐂᑉᐸᖏᑦ 3:5

ᑖᒃᑯᐊ ᐱᔮᕆᓪᓗᑎᒃ ᑕᒪᑐᒥᖓ ᑲᒪᓐᖏᓚᑦ, ᑍᑦᓱᒪᓂᐊᓗᒃ ᒎᑎᐅᑉ ᐅᖃᐅᓯᖓᒍᑦ ᕿᓔᑦ ᓴᖅᑭᑎᑕᐅᓯᒪᖕᒪᑕ, ᓄᓇᕐᔪᐊᕐᓗ ᓴᓇᔭᐅᓯᒪᓪᓗᓂ ᐃᒫᓂᑦ, ᐃᒪᒃᑯᓪᓗ,

ᐃᓗᐊᕐᓮᔩᑦ ᐊᒡᓚᖏᑦ 20:34

ᐅᓇᑕᕆᐊᓚᐅᕐᐳᑦ ᒋᐱᐊᒧᑦ 10,000ᐃᑦ ᐊᖑᑏᑦ ᓂᕈᐊᕐᑕᐅᓯᒪᔪᑦ ᐃᓴᕆᐊᓕᓂᑦ, ᐅᓇᑕᕐᑐᓪᓗ ᐊᒃᓱᕈᒻᒪᕆᓚᐅᕐᐳᑦ; ᐱᓐᔭᒥᓂᐅᑉ ᑭᖑᕚᖏᑦ ᑲᐅᔨᒪᓚᖏᒻᒪᑕ ᓵᓚᐅᓂᐊᕐᓂᕐᒥᓂᒃ.