ᒫᑎᐅᓯᐅᑉ ᐊᒡᓚᖏᑦ 24:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

Aglait Ijjurnaittut

³⁵ Qilaglu nunalu nungujumaaqpuuk; uqausikkali nungujumaanngilat.”

ᒫᑎᐅᓯᐅᑉ ᐊᒡᓚᖏᑦ 24:35 ပူးပေါင်းရင်းမြစ်များ

ᐃᓐᖏᕈᑎᑦ 102:26

ᑖᒃᑯᐊ ᓄᖑᓐᓂᐊᕐᐳᑦ, ᐃᕝᕕᓪᓕ ᑍᒤᖏᓐᓇᕐᓂᐊᕐᐳᑎᑦ; ᐄᓛᒃ, ᓱᓇᓕᒫᑦ ᓄᑕᐅᔪᓐᓃᕐᐸᓪᓕᐊᓂᐊᕐᐳᑦ ᐊᓐᓄᕌᑎᑐᑦ; ᐅᓕᒡᔪᐊᑎᑐᑦ ᐊᓯᑦᔨᕈᕕᒋᑦ, ᑕᕝᕙ ᐊᓯᑦᔨᕐᓂᐊᕐᐳᑦ.

ᐃᓐᖏᕈᑎᑦ 119:89

ᐊᑕᓃᖅ, ᐅᖃᐅᓯᕐᑎᑦ ᕿᓚᖕᒥ ᓱᖁᓯᔪᐃᑦᑑᕗᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 19:7

ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐃᓐᖏᕈᑎᑦ 89:34

ᐊᖏᖃᑎᖃᕐᓯᒪᓂᕋ ᓯᖁᒥᓐᓂᐊᓐᖏᓚᕋ, ᐅᖃᐅᓰᓪᓗ ᐅᕙᓐᓂᑦ ᐊᓂᓯᒪᔪᑦ ᓴᖑᑎᓐᓂᐊᓐᖏᓚᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:5

ᒎᑎᐅᑉ ᐅᖃᐅᓯᖏᑦ ᓇᓗᓁᕐᓗᑎᒃ ᑕᒪᕐᒥᒃ ᓱᓕᕗᑦ; ᓴᐴᓗᑕᒃᓴᐅᕗᓪᓗ ᑖᑦᓱᒥᖓ ᑕᑎᖃᕐᑐᓄᑦ ᑕᒤᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 34:4

ᕿᓚᖕᒥ ᑕᑯᒃᓴᐅᔪᓕᒫᑦ ᐊᐅᒍᒫᕐᐳᑦ, ᕿᓚᒡᓗ ᐃᒧᔭᐅᔪᒫᕐᐳᖅ ᐰᑉᐹᖁᑎᑎᑐᑦ ᐃᒧᔫᑎᑐᑦ, ᐅᓪᓗᕆᐊᓕᒫᓪᓗ ᑲᑕᒐᕈᒫᕐᐳᑦ, ᓇᐹᕐᑑᑉ ᕔᓂᒃᓴᓂᒃ ᐸᐅᕐᖓᓕᐅᑉ ᐸᐅᕐᖓᖏᑕ ᑲᑕᒐᕐᓂᖏᑎᑐᑦ, ᓇᐹᕐᑑᓪᓗ ᐱᒋᓕᒃᓴᐅᑉ ᐅᖃᐅᔭᖏᑕ ᑲᑕᒐᕐᓂᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 40:8

ᐃᕕᒃᓱᒊᑦ ᑐᖁᓕᕙᖕᒪᑕ ᐱᕈᕐᑐᓪᓗ ᑐᖁᓕᕙᒃᑭᓪᓗᑎᒃ; ᒎᑎᐅᓪᓕ ᐅᖃᐅᓯᖏᑦ ᑍᒤᓕᖎᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 54:10

ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 4:28

ᑕᒪᒃᑯᐊᓕᒫᑦ ᐊᑐᓚᐅᕐᐳᑦ ᐊᖓᔪᖅᑳᕐᔪᐊᕐᒧᑦ ᓂᐱᑯᓁᓴᒧᑦ.

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒫᑎᐅᓯᐅᑉ ᐊᒡᓚᖏᑦ 5:18

ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ.

ᒫᑯᓯᐅᑉ ᐊᒡᓚᖏᑦ 13:31

ᕿᓚᒡᓗ ᓄᓇᓗ ᓄᖑᔪᒫᕐᐴᒃ, ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᓘᑲᓯᐅᑉ ᐊᒡᓚᖏᑦ 21:33

ᕿᓚᒡᓗ ᓄᓇᓗ ᓄᖑᔪᒫᕐᐴᒃ, ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐲᑦᑐᕉᓯ ᓯᕗᓪᓖᑦ 1:25

ᐊᑕᓂᐅᓪᓕ ᐅᖃᐅᓯᖓ ᓱᖁᓯᕐᓂᐊᓐᖏᓚᖅ ᐃᓱᖃᖏᑦᑐᒧᑦ.” ᐅᖃᐅᓯᕐᓗ ᑕᒪᑦᔭ ᐊᔪᕆᕐᑐᐃᑦᔪᑕᐅᓚᐅᕐᑐᖅ ᐃᓕᑦᓯᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:14

ᓄᓇᕐᔪᐊᓪᓗ ᓯᓚᖓ ᐲᕐᑕᐅᕗᖅ ᑎᑎᖅᑲᑎᑐᑦ ᐃᒧᔭᐅᔪᑎᑐᑦ, ᖃᖅᑲᓕᒫᓪᓗ ᕿᑭᕐᑕᓕᒫᓪᓗ ᐃᓂᒥᖕᓂᑦ ᐲᕐᑕᐅᕗᑦ.