ᒫᑎᐅᓯᐅᑉ ᐊᒡᓚᖏᑦ 24:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

Aglait Ijjurnaittut

³¹ Tavva tittulautirjuat nipingit nillirumaaqput, aingiliqutini tilijumaaqpait nunarjualimaamut nunaup anuraarvigisuunginnut sitamanut, taakkua katiqsijumaaqput taassuma niruaqsimajanginnik nunaup isuanit isuanut.”

ᒫᑎᐅᓯᐅᑉ ᐊᒡᓚᖏᑦ 24:31 ပူးပေါင်းရင်းမြစ်များ

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 67:7

ᒎᑎᐅᑉ ᓮᒻᒪᕐᑎᓚᐅᕐᐹᑎᒍᑦ, ᓄᓇᕐᔪᐊᓕᒫᓪᓗ ᐃᓱᐊ ᑎᑭᓪᓗᒍ ᓯᕘᕋᒋᔭᒃᓴᕆᕚᑦ.

ᐃᓐᖏᕈᑎᑦ 81:3

ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.

ᒨᓯᓯ ᐂᑉᐸᖏᑦ 19:16

ᐅᓪᓗᓪᓕ ᐱᖓᔪᖓᑦᑕ ᐅᓪᓛᕆᔭᖓᓂ ᑲᓪᓕᕐᐳᖅ ᖃᐅᒻᒪᓪᓛᓪᓗᓂᓗ, ᓄᕗᔭᓗ ᐃᒻᒥᒎᕐᑐᖅ ᓴᖅᑭᑉᐳᖅ ᖃᖅᑳᓘᑉ ᖄᖓᒍᑦ. ᑎᑦᑐᓚᐅᑎᐅᓪᓗ ᓂᐱᖓ ᓂᐱᑑᓪᓗᓂ ᑐᓴᕐᑕᐅᕗᖅ, ᐃᓄᓕᒫᓪᓗ ᓄᓇᓕᖕᓃᑦᑐᑦ ᑲᑉᐱᐊᓱᓕᕐᐳᑦ ᖁᐊᕐᓵᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 13:5

ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᐂᓮᐊᓯᐅᑉ ᐊᒡᓚᖏᑦ 43:6

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐅᖃᐅᑎᔪᒫᕐᐸᒃᑲ, ‘ᓴᒃᑯᓕᕐᓯᐅᒃ.’ ᐅᓪᓗᓪᓗᐊᓪᓗ ᓇᓛᓂᕐᒥᐅᑦ ᐅᖃᐅᑎᓗᒋᑦ, ‘ᐅᓂᒃᑎᓯᒪᑦᑍᓕᓯᒋᒃ.’ ᐃᕐᓂᒃᑲ ᓄᓇᓂ ᐅᖓᓯᒃᑐᓃᑦᑐᑦ ᕾᑎᑕᐅᓕᑦ, ᐸᓂᒃᑲᓗ ᓄᓇᕐᔪᐊᑉ ᑭᒡᓕᖓᓃᑦᑐᑦ ᕾᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 60:4

ᐊᕙᒻᒧᑦ ᑕᑯᑦᓯᐊᕆᐊᓕᕆᑦᓯ, ᑕᑯᓗᓯᓗ; ᑲᑎᕙᓪᓕᐊᔪᓂᒃ ᕾᔪᓂᒡᓗ ᐃᓕᑦᓯᓐᓄᑦ; ᐃᕐᓂᓯ ᐅᖓᓯᒃᑐᒥᑦ ᕾᔪᒫᕐᐳᑦ, ᐸᓂᓯᓗ ᐊᒡᔭᕐᑕᐅᓗᑎᒃ ᐰᕆᔨᒥᖕᓄᑦ.

ᑖᓂᐊᓕᐅᑉ ᐊᒡᓚᖏᑦ 7:2

ᑖᓂᐊᓕ ᐅᖃᕐᐳᖅ, “ᐅᓐᓄᐊᒃᑯᑦ ᑕᑯᑎᑕᐅᓪᓗᖓ ᑕᑯᓚᐅᕐᐳᖓ, ᐊᓄᕆᓂᒃ ᓯᑕᒪᓂᒃ ᕿᓚᖕᒥᑦ ᐱᔪᓂᒃ ᐃᒪᕐᔪᐊᒥᒃ ᐊᐅᓚᑎᑦᓯᔪᓂᒃ.

ᓴᑲᕅᐊᐅᑉ ᐊᒡᓚᖏᑦ 14:5

ᐃᓕᑦᓯᓗ ᕿᒫᔪᒫᕐᐳᓯ ᖃᖅᑲᐅᑉ ᓇᕐᓴᕐᔪᐊᖓᒍᑦ, ᓇᕐᓴᔪᐊᖅ ᑎᑭᓯᒪᔪᒫᕐᒪᑦ ᐊᔨᐅᓪᒧᑦ: ᕿᒫᔪᒫᕐᐳᓯ ᕿᒫᓚᐅᕋᑦᓯᑐᑦ ᓄᓇ ᓴᔪᒃᐱᓗᒃᑎᓪᓗᒍ ᐊᖓᔪᖅᑳᕐᔪᐊᖅ ᐅᓮᐊ ᔫᑕᒥ ᐊᖓᔪᖅᑳᕐᔪᐊᖑᑎᓪᓗᒍ. ᐊᑕᓂᖅ ᑕᕝᕙ ᒎᑎᒐ ᑎᑭᑦᓱᒫᕐᐳᖅ, ᐃᑦᔪᕐᓁᑦᑐᖁᑎᓂ ᐃᓚᒋᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 2:6

“ᐊᐅᓪᓚᓕᕆᑦᓯ! ᐊᐅᓪᓚᓕᕆᑦᓯ! ᕿᒫᓕᕆᑦᓯ ᓯᕿᓂᐅᑉ ᑕᕐᕋᖓᑕ ᓄᓇᖏᓐᓂᑦ,” ᑍᒫᒃ ᐊᑕᓂᖅ ᐅᖃᕐᐳᖅ, “ᓄᓇᓄᑦ ᐅᖓᓯᒃᑐᓄᑦ ᓇᒧᑐᐃᓐᓇᖅ ᐊᐅᓪᓚᕐᑎᓯᒪᒐᑦᓯ.

ᓴᑲᕅᐊᐅᑉ ᐊᒡᓚᖏᑦ 6:5

ᐂᖏᓕᐅᑉ ᑭᐅᕚᖓ, “ᐅᑯᐊ ᐊᓂᕐᓃᑦ ᕿᓚᖕᒥᑦ ᐱᔪᑦ, ᓄᓇᕐᔪᐊᓕᒫᑉ ᐊᑕᓂᖓᑦᑕ ᓇᔪᒐᖓᓂᑦ ᑕᒪᐅᓐᖓᕐᑐᑦ.

ᓴᑲᕅᐊᐅᑉ ᐊᒡᓚᖏᑦ 9:10

ᐅᓇᑕᐅᑏᑦ ᐊᒃᓴᓗᐊᓖᑦ ᐱᑕᖃᕈᓐᓁᕐᑎᑦᓱᒪᕙᒃᑲ ᐃᕗᕅᒥᑦ, ᕿᒻᒥᕐᔪᐊᓪᓗ ᔨᕉᓴᓕᒥᑦ, ᐱᑎᒃᓰᑦ ᐅᓇᑕᐅᑏᑦ ᓇᑲᑎᕈᒫᕐᐳᑦ: ᓮᓕᓂᕐᒥᒡᓗ ᐅᖃᐅᓯᖃᕈᒫᕐᐳᖅ ᐃᓅᖃᑎᒌᒡᔪᐊᓄᑦ; ᐊᖓᔪᖅᑲᐅᕕᖓ ᑭᒡᓕᖃᕈᒫᕐᐳᖅ ᐃᒪᐅᑉ ᓯᓈᓂᑦ ᐃᒡᓗᐊ ᐃᒤᑉ ᓯᓈ ᑎᑭᓪᓗᒍ, ᑰᖕᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 13:41

ᐃᓅᑉ ᐃᕐᓂᖓ ᐂᖏᓖᖁᑎᒥᓂᒃ ᑎᓕᓯᔪᒫᕐᐳᖅ, ᑲᑎᕐᓱᐃᔭᕐᑐᖁᓪᓗᒋᑦ ᑕᕝᕙᓐᖓᑦ ᐊᑕᓂᐅᕕᖕᒥᓂᑦ, ᐃᓄᖕᓂᒃ ᐊᔪᕐᑐᓕᑎᑦᓯᔪᓂᒃ ᑕᒤᓐᓂᒃ, ᐊᓯᖏᓐᓂᒡᓗ ᐊᔪᕐᑐᓕᓂᕐᒥᒃ ᐱᓇᓱᐊᕐᑐᓂᒃ,

ᒫᑎᐅᓯᐅᑉ ᐊᒡᓚᖏᑦ 24:22

ᐅᓪᓗᐃᑦ ᑍᒃᑯᐊ ᒎᑎᐅᑉ ᓁᒡᓕᒋᐊᓐᖏᑉᐸᒋᑦ, ᓇᓪᓕᐊᓐᓂᒡᓘᓐᓃᑦ ᐃᓄᖕᒥᒃ ᐊᓐᓇᒃᑐᖃᕋᔭᓐᖏᓚᖅ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ ᒎᑎᐅᑉ ᐅᓪᓗᐃᑦ ᓁᒡᓕᒋᐊᕈᒫᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:32

“ᐃᓕᑦᓯᕕᒋᓚᐅᕐᓯᐅᒃ ᓇᐹᕐᑐ ᐸᐅᕐᖓᓕᒃ; ᐊᕙᓚᖓᔪᖏᑦ ᐱᕈᓕᕌᖓᑕ ᑐᖑᔪᕐᓯᓪᓗᑎᒃ ᐅᖃᐅᔭᕐᑖᕐᐸᓪᓕᐊᓕᕌᖓᑕ, ᖃᐅᔨᒪᓕᕐᐸᒃᐳᓯ ᐊᐅᔭᓪᓚᕆᓐᖑᓯᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᒫᑯᓯᐅᑉ ᐊᒡᓚᖏᑦ 13:27

ᑖᑦᓱᒪ ᐂᖏᓖᑦ ᑎᓕᔪᒫᕐᐰᑦ, ᑲᑎᕐᓱᐃᖁᓪᓗᒋᑦ ᓂᕈᐊᕐᓯᒪᔭᖏᓐᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᑦ ᓯᑕᒪᓂᑦ, ᓄᓇᕐᔪᐊᑉ ᐃᓱᐊᓂᑦ ᕿᓚᐅᑉ ᐃᓱᐊᓄᑦ.”

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᕉᒪᒥᐅᓄᑦ 10:18

ᐊᐱᕆᕗᖓᓕ, ᑐᓴᓚᐅᓐᖏᓛᑦ? ᐃᓛᒃ ᑐᓴᓪᓚᕆᒃᓯᒪᕗᑦ; ᐊᒡᓔᑦ ᐅᖃᕐᒪᑕ: “ᓂᐱᖏᑦ ᓄᓇᕐᔪᐊᓕᒫᒧᑦ ᑎᑭᐅᑎᕗᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ ᑎᑭᑉᐳᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:52

ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᑎᑦᑐᓚᐅᑦ ᑭᖑᓪᓕᕐᐹᖅ ᓂᓪᓕᕐᐸᑦ. ᑎᑦᑐᓚᐅᑦ ᓂᓪᓕᑐᐊᕐᐸᑦ, ᑐᖁᖓᔪᑦ ᒪᑭᑦᓱᒫᕐᐳᑦ ᓱᕈᔭᑦᑑᔪᓐᓃᕐᓗᑎᒃ, ᐅᕙᒍᓪᓗ ᑕᒪᑦᑕ ᐊᓯᑦᔨᕐᑕᐅᔪᒫᕐᐳᒍᑦ.

ᐃᐱᓯᒥᐅᓄᑦ 1:10

ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

ᒨᓯᓯ ᑕᓪᓕᒪᖏᑦ 30:4

ᐊᒡᓛᒃ ᓄᓇᐅᑉ ᐅᖓᓯᖕᓂᕐᐹᖓᓄᑦ ᓯᐊᒻᒪᕐᑎᑕᐅᓯᒪᒐᓗᐊᕈᑦᓯ, ᐊᑕᓂᐅᑉ ᒎᑎᑦᓯ ᑲᑎᕐᓱᕈᒫᕐᐹᓯ ᐅᑎᕐᑎᓪᓗᓯᓗ,

ᒨᓯᓯ ᑕᓪᓕᒪᖏᑦ 4:32

“ᐅᓪᓗᐃᑦ ᐊᓂᒍᕐᓯᒪᔪᑦ ᕿᒥᕐᕈᓚᐅᕐᓯᐅᒃ, ᐃᓅᓚᐅᕐᑎᓐᓇᓯ ᐱᓂᐊᕐᓂᐅᓚᐅᕐᑐᑦ, ᑕᐅᕗᖓᓕᒫᖅ ᒎᑎᐅᑉ ᐃᓄᖕᓂᒃ ᐱᓐᖑᕐᑎᑦᓯᒋᐊᕐᓂᖓᓄᑦ ᑎᑭᓪᓗᒍ ᑕᕝᕙᓂ ᓄᓇᕐᔪᐊᕐᒥ. ᓄᓇᕐᔪᐊᓕᒫᖅ ᐊᑕᖏᕐᓗᒍ ᕿᒥᕐᕈᐊᓚᐅᕐᓯᐅᒃ. ᑕᒪᑐᒪ ᓯᕗᓂᖓᒍᑦ ᑍᒫᒃ ᐱᕕᒃᔪᐊᖑᑎᒋᔪᒥᒃ ᐱᔪᖃᓚᐅᕐᓯᒪᕚ? ᓇᓪᓕᐊᓐᓂᒡᓘᓐᓃᑦ ᑍᒫᓪᓗᐊᖅ ᐱᓯᒪᑎᒋᔪᒥᒃ ᑐᓴᐅᒪᔪᖅᑲᕐᓯᒪᕚ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:1

ᐊᑕᓂᑦᑕᓕ ᔩᓱᓯ ᙭ᔅᑑᓯᐅᑉ ᑎᑭᕝᕕᒃᓴᖓᓂᒃ ᑲᑎᕐᓱᑕᐅᔪᒫᕐᓂᑦᑎᓐᓂᒃ ᓇᔪᕐᓂᐊᓕᕐᓗᒍ, ᖃᑕᓐᖑᑎᒃᑲ ᕿᓄᕕᒋᕙᑦᓯ,

ᐄᑉᕈᐃᓄᑦ 12:19

ᑎᑦᑐᓚᐅᑎᐅᓪᓗ ᓂᐱᖓᓂᒃ, ᐅᖃᓪᓚᒃᑑᓪᓗ ᓂᐱᖓᓂᒃ ᐃᓄᐃᑦ ᑐᓴᕋᒥᒃ ᕿᓄᓕᓚᐅᕐᐳᑦ ᑍᒤᑦᑐᒥᒃ ᑐᓴᒃᑲᓐᓂᕈᒪᔪᓐᓃᕐᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:20

ᑕᑯᖅᑲᐅᔭᑎᑦ ᐅᓪᓗᕆᐊᑦ 7 ᑕᓕᕐᐱᓐᓄᑦ ᑎᒍᒥᐊᕐᑕᒃᑲ ᓇᓗᓇᕐᑐᑦ, ᒎᓗᐃᓪᓗ ᖃᐅᒻᒪᖁᑎᐅᑉ ᐃᓂᖏᑦ 7; ᐅᓪᓗᕆᐊᓪᓗ 7 ᐂᖏᓕᒋᔭᐅᕗᑦ ᐅᒃᐱᕐᑑᖃᑎᒌᓄᑦ 7ᓄᑦ ᐊᒻᒪᓗ 7 ᖃᐅᒻᒪᖅᑯᑎᐅᑉ ᐃᓂᖏᑦ ᐅᒃᐱᕐᑑᖃᑎᒌᖑᕗᑦ 7.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:1

ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᐂᖏᓖᓂᒃ ᓯᑕᒪᓂᒃ ᓇᖏᕐᑐᓂᒃ ᓄᓇᕐᔪᐊᑉ ᑎᓴᒤᓕᖃᖓᕕᖏᓐᓂ, ᑖᒃᑯᐊᓗ ᐊᓄᕆᓂᒃ ᓯᑕᒪᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᒃ ᓄᖅᑲᕐᑎᑦᓯᓯᒪᕗᑦ, ᐊᓄᕌᖁᓇᒍ ᓄᓇᕐᔪᐊᕐᒥ ᐃᒫᓂᓗ ᓇᐹᕐᑐᓂᓘᓐᓃᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:2

ᑕᕝᕙ ᑕᑯᓕᕐᐳᖓ ᐂᖏᓖᓂᒃ 7ᓂᒃ ᒎᑎᐅᑉ ᓵᖓᓂ ᓇᖏᕐᑐᓂᒃ, ᑎᑦᑐᓚᐅᑎᓂᒡᓗ 7ᓂᒃ ᑐᓂᓯᕕᐅᕗᑦ.