ᒫᑎᐅᓯᐅᑉ ᐊᒡᓚᖏᑦ 24:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᑕᑯᒍᑦᓯ ᑐᒃᓯᐊᕐᕕᒡᔪᐊᕐᒥ ᑕᑯᒥᓁᑦᑐᕐᔪᐊᒥᒃ ᐃᓕᓯᕕᐅᓂᖓᓂᒃ ᓇᓚᐅᑦᑍᔫᑉ ᑖᓂᐊᓕᐅᑉ ᐅᖃᐅᓯᕆᓯᒪᔭᖓᓂᒃ, ᐃᑦᔪᕐᓁᑦᑐᕕᖕᒦᑦᑐᒥᒃ (ᐊᑐᐊᕐᓯᔫᑉ ᑐᑭᓯᔭᕆᐊᖃᕐᑕᖓ),

Aglait Ijjurnaittut

¹⁵ “Takugussi tuksiarvigjuarmi takuminaitturjuamik ilisiviuninganik nalauttaijuup Taanialiup uqausirisimajanganik, ijjurnaittuvingmiittumik (atuaqsijuup tukisijariaqaqtanga),

ᒫᑎᐅᓯᐅᑉ ᐊᒡᓚᖏᑦ 24:15 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 44:29

ᐃᓕᑦᓯᓐᓄᑦ ᓇᓗᓁᒃᑯᑕᐅᓕᕐᓕ ᑕᕝᕙᓂ ᓄᓇᒋᔭᑦᓯᓐᓂ ᓱᒋᐊᕈᒫᕋᑦᓯ, ᐊᑕᓂᖅ ᐅᖃᕐᐳᖅ, ᓯᕘᕋᓮᓂᕆᔭᒃᑲ ᐃᓕᑦᓯᓐᓂᒃ ᑍᒤᓕᖕᒊᓐᓇᕐᓂᐊᕐᒪᑕ ᐊᑐᓕᖏᓐᓂᓕᒫᒥᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 40:4

ᑖᑦᓱᒪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐃᒃᐱᒋᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ, ᑐᑭᓯᑦᓯᐊᕋᓱᐊᕐᓗᑎᓪᓗ ᑕᒤᓐᓂᒃ ᐃᓕᖕᓄᑦ ᑕᑯᔭᐅᑎᓐᓂᐊᕐᑕᓐᓂᒃ, ᑕᒪᒃᑯᓂᖓ ᑕᑯᑎᑦᓯᖁᓪᓗᖓ ᐃᓕᖕᓄᑦ ᑕᒪᐅᓐᖓᕐᑎᑕᐅᒐᕕᑦ; ᑕᑯᔭᓕᒫᕐᓂᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᖃᐅᓯᖃᕐᑐᒃᓴᐅᕗᑎᑦ.”

ᑖᓂᐊᓕᐅᑉ ᐊᒡᓚᖏᑦ 1:6

ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐃᓚᖏᑦ ᐅᑯᐊᖑᓚᐅᕐᐳᑦ: ᑖᓂᐊᓕ, ᕼᐊᓇᓁᐊ, ᒥᓮᐅᓪ, ᐊᔭᕅᐊᓗ.

ᑖᓂᐊᓕᐅᑉ ᐊᒡᓚᖏᑦ 11:31

ᐅᓇᑕᕐᑐᒃᓴᕐᔪᐊᖁᑎᖏᑦ ᓱᕐᔪᒍᒫᕐᐳᑦ ᑐᒃᓯᐊᕐᕕᒡᔪᐊᑉ ᐊᕙᓗᕐᔪᐊᖓ ᐃᑦᔪᕐᓇᕐᓯᑎᓪᓗᒍ, ᓄᖅᑲᕐᑎᑦᓯᓗᑎᒡᓗ ᐆᒪᔪᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᓂᕐᒥᒃ; ᑕᕝᕙ ᐃᓕᓯᔪᒫᕐᐳᑦ ᐃᑦᔪᕐᓇᕐᑐᕐᔪᐊᒥᒃ ᑲᑉᐱᓇᕐᑐᕐᔪᐊᒥᒃ.

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 9:23

ᑐᒃᓯᐊᓕᑐᐊᕋᕕᑦ ᑭᐅᔭᐅᑦᔪᑏᑦ ᑐᓂᔭᐅᔭᕇᖅᑲᐅᕗᖅ, ᕾᕗᖓ ᐅᖃᐅᑎᔭᕐᑐᕐᓗᑎᑦ, ᐊᖏᔪᒥᒃ ᖁᕕᐊᒋᔭᐅᕗᑎᑦ. ᑍᒤᒻᒪᑦ ᐅᖃᐅᓯᒃᓴᖅ ᐃᓕᖕᓄᑦ ᐃᓱᒪᒋᑦᓯᐊᕈᒃ ᑕᑯᑎᑕᐅᓂᕐᓗ ᑐᑭᓯᓗᒍ.

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 24:16

ᑕᕝᕙ ᔫᑎᐊᒦᑦᑐᑦ ᕿᒫᔭᕆᐊᖃᕈᒫᕐᐳᑦ ᖃᖅᑲᓄᑦ;

ᒫᑯᓯᐅᑉ ᐊᒡᓚᖏᑦ 13:14

“ᑕᑯᓕᕈᑦᓯ ᑕᑯᒥᓁᑦᑐᕐᔪᐊᕐᒥᒃ ᓇᑉᐸᕐᑕᐅᔪᒥᒃ ᑕᒫᓂ ᐃᓂᒃᓴᕆᓐᖏᑕᖓᓂ (ᐊᑐᐊᕐᓯᔫᑉ ᑐᑭᓯᓕᐅᒃ ᖃᓄᖅ ᑐᑭᖃᕐᒪᖔᑦ), ᑕᕝᕙ ᔫᑎᐊᒦᑦᑐᑦ ᕿᒫᔭᕆᐊᖃᓕᕈᒫᕐᐳᑦ ᖃᖅᑲᓄᑦ.

ᓘᑲᓯᐅᑉ ᐊᒡᓚᖏᑦ 19:43

ᐅᓪᓗᖅ ᓇᓪᓕᐅᑎᔪᒫᕐᐳᖅ, ᐊᑭᕋᕐᑐᕐᑎᑦᓯᓐᓂᑦ ᐃᓗᒪᔭᐅᕕᒃᓴᓯ ᐊᕙᑎᓕᒫᑦᓯᓐᓂᑦ, ᐃᓗᔭᐅᓗᓯ ᑎᑭᑕᐅᔪᒫᕐᕕᒃᓴᓯ.

ᓘᑲᓯᐅᑉ ᐊᒡᓚᖏᑦ 21:20

“ᔨᕉᓴᓕᒻ ᑕᑯᒍᑦᓯᐅᒃ ᐅᓇᑕᕐᑐᒃᓴᓄᑦ ᐃᓗᒪᔭᐅᔪᖅ, ᖃᐅᔨᔪᒫᕐᐳᓯ ᑕᕝᕙ ᓯᖁᑦᑎᕐᑕᐅᕕᒃᓴᖓ ᖃᒡᓕᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 11:48

ᑲᒪᒋᖏᓪᓗᒍ ᐃᓱᒪᕐᓱᕐᑎᓐᓂᐊᕈᑦᑎᒍ, ᑕᕝᕙ ᐃᓄᓕᒫᑦ ᐅᒃᐱᓕᕐᓂᐊᕐᐳᑦ ᑖᑦᓱᒧᖓ, ᕉᒪᒥᐅᓪᓗ ᐅᕙᑦᑎᓐᓄᑦ ᕾᓗᑎᒃ ᐊᓯᕈᐃᔪᒫᕐᐳᑦ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᓄᖁᑎᑦᑎᓐᓂᒡᓗ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:28

ᕾᒐᓛᓕᕐᐳᑦ, “ᐃᓴᕆᐊᓕᒥᐅᑕᐅᔪᓯ ᐃᑲᔪᕐᑎᒍᑦ! ᐅᒫ ᐃᓄᐃᑦ ᓇᓂᑐᐃᓐᓇᖅ ᓄᓇᖃᕐᑐᑦ ᐊᔪᕆᕐᑐᖃᑦᑕᕐᒪᒋᑦ ᐃᓅᖃᑎᕗᓪᓗ ᐱᖁᔭᓂᒃ ᑐᒃᓯᐊᕐᕕᒡᔪᐊᒥᒡᓗ ᒪᓕᖁᓇᒋᑦ, ᒫᓐᓇ ᒍᕇᑭᓂᒃ ᐊᒡᓛᑦ ᑐᒃᓯᐊᕐᕕᒡᔪᐊᕐᒧᑦ ᐃᑎᕐᑎᑦᓯᓯᒪᓕᕐᐳᖅ ᐃᑦᔪᕐᓁᑦᑐᒥᒃ ᓇᕐᕈᓇᕐᓯᑎᑦᓯᓪᓗᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:13

ᑎᒍᔭᐅᑎᑦᓯᔪᑦ ᑲᑎᒪᔨᕐᔪᐊᓄᐊᕐᑎᑦᓯᕗᑦ ᐊᖑᑎᓂᒃ ᓯᑎᐹᓇᓯᒥᒃ ᓴᒡᓗᑎᖃᕐᓂᐊᕐᑐᓂᒃ, ᐅᖃᕐᓗᑎᒃ, “ᐅᓇ ᐊᖑᑦ ᐊᑭᕋᕐᑐᕐᓗᓂ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᑦᔪᕐᓁᑦᑐᒥᒃ ᒨᓯᓯᐅᓪᓗ ᐱᖁᔭᖏᓐᓂᒃ ᐅᖃᐅᓯᖃᖃᑦᑕᕐᑐᖅ;

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:3

ᓮᒪᓇᕐᑐᒦᑉᐳᖅ ᑖᒃᑯᓂᖓ ᐅᖃᓕᒫᕐᑐᖅ ᓇᓚᐅᑦᑍᔪᑕᐅᓯᒪᔪᓂᒃ, ᓮᒪᓇᕐᑐᒦᑭᕗᑦ ᑕᒪᒃᑯᓂᖓ ᐱᔪᒫᕐᑐᒃᓴᓂᒃ ᑐᓴᕐᑐᑦ, ᓈᓚᒃᑐᓪᓗ ᑕᕝᕙᓂ ᑎᑎᕋᕐᑕᐅᓯᒪᔪᓂᒃ, ᓇᓪᓕᐅᓐᓂᒃᓴᖏᑦ ᖃᓂᑦᑑᓕᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:22

“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”