ᒫᑎᐅᓯᐅᑉ ᐊᒡᓚᖏᑦ 24:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᓖᑦ ᐊᔪᕆᕐᑐᐃᑦᔪᑕᐅᔪᒫᕐᐳᑦ ᓄᓇᕐᔪᐊᓕᒫᒥ ᓇᓂᑐᐃᓐᓇᖅ, ᓱᓕᓂᖓᓗ ᓴᖅᑭᑎᑕᐅᓗᓂ ᐃᓅᖃᑎᒌᒡᔪᐊᓄᑦ; ᑕᕝᕙ ᓯᓚᕐᔫᑉ ᓇᒡᒐᑖ ᓇᓪᓕᐅᑎᔪᒫᕐᐳᖅ.”

Aglait Ijjurnaittut

¹⁴ Uqausit tusaruminaqtut Guutiup Ataniuvinganik uqausilit ajuriqtuijjutaujumaaqput nunarjualimaami nanituinnaq, suliningalu saqqititauluni inuuqatigiigjuanut; tavva silarjuup naggataa nalliutijumaaqpuq.”

ᒫᑎᐅᓯᐅᑉ ᐊᒡᓚᖏᑦ 24:14 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 7:10

“ᑕᑯᒋᑦ, ᑕᕝᕙ ᐅᓪᓗᖅ! ᑕᑯᒋᑦ, ᑎᑭᑉᐳᖅ! ᐊᓯᕈᕐᑕᐅᓂᒃᓴᓯ ᑎᑭᑉᐳᖅ, ᐊᑦᔨᒌᓐᖏᑎᑦᓯᓂᖅ ᐱᕈᕇᕐᓯᒪᓕᕐᒪᑦ, ᐱᐅᔪᕆᓂᐅᑉ ᐱᕈᕐᓂᒃᓴᖓ ᐆᒻᒪᕈᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 10:7

ᐃᒫᒃ ᐊᔪᕆᕐᑐᐃᓗᓯ, ‘ᕿᓚᐅᑉ ᐊᑕᓂᐅᕕᐊ ᖃᒡᓕᓕᕐᐳᖅ!’

ᒫᑎᐅᓯᐅᑉ ᐊᒡᓚᖏᑦ 18:19

“ᓱᓕ ᐅᖃᐅᑎᒃᑲᓐᓂᕐᐸᑦᓯ, ᓄᓇᕐᔪᐊᕐᒥ ᒪᕐᕉᓗᓯᒃ ᐊᖏᖃᑎᒌᒃᑯᑦᓯᒃ ᓱᓇᑐᐃᓐᓇᕐᒥᒃ ᑐᒃᓯᐊᕈᑎᖃᕈᒪᓗᓯᒃ, ᑕᒪᑐᒥᖓ ᑕᕝᕙ ᑐᓂᓯᕕᐅᓂᐊᕐᐳᓯᒃ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 24:3

ᔩᓱᓯ ᐃᖏᒻᒪᑦ ᖃᖅᑲᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖅᑲᓲᓂᒃ ᓇᐹᕐᑐᓕᖕᒧᑦ, ᐃᓕᓐᓂᐊᕐᑎᖏᑕ ᐅᐸᒃᐹᑦ ᑖᒃᑯᑐᐊᖑᓪᓗᑎᒃ, ᐊᐱᕆᓪᓗᒍ, “ᐅᖃᐅᑎᓚᐅᕐᑎᒍᑦ, ᑕᒪᒃᑯᐊ ᖃᖓ ᓇᓪᓕᐅᑎᔪᒫᕐᐸᑦ ᖃᓄᖅ ᑎᑭᕝᕕᒃᓮᑦ ᓇᓗᓁᒃᑯᑕᖃᕈᒫᕐᐸ? ᓄᓇᕐᔪᐊᓪᓗ ᐃᓱᓕᕝᕕᒃᓴᖓ?”

ᒫᑎᐅᓯᐅᑉ ᐊᒡᓚᖏᑦ 24:6

ᐅᓇᑕᕐᑐᓂᒃ ᖃᓂᒋᔭᑦᓯᓐᓂ ᑐᓵᔪᒫᕐᐳᓯ, ᐅᖓᓯᒋᔭᑦᓯᓐᓂᓗ ᐅᓇᑕᕐᑐᑦ ᐅᖃᐅᓯᐅᓂᖏᓐᓂᒃ ᑐᓴᔪᒫᕐᐳᓯ; ᑲᑉᐱᐊᓱᒃᑍᓕᒋᑦᓯ; ᑍᒤᑦᑐᖃᕆᐊᖃᕐᒪᑦ, ᑭᓯᐊᓂ ᑕᒪᒃᑯᐊ ᓇᓗᓁᕐᓯᓐᖏᓚᑦ ᓯᓚᕐᔪᐊᑉ ᓇᒡᒐᑎᒃᓴᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 4:23

ᔩᓱᓯ ᒐᓕᓕᐊᓕᒫᒥ ᓇᒧᑐᐃᓐᓇᖅ ᐂᖃᑦᑕᕐᐳᖅ, ᐊᔪᕆᕐᑐᐃᕙᒡᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᐅᖃᐅᓯᖃᕐᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐊᑦᔨᒌᖏᑦᑐᓂᒃ ᐋᓐᓂᐊᓖᑦ ᖃᓂᒪᔪᓪᓗ ᐃᓄᐃᑦ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 9:35

ᔩᓱᓯ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ ᐃᖏᕐᕋᕗᖅ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᔪᕆᕐᑐᐃᕙᒡᓗᓂ, ᐅᖃᓪᓚᒡᓗᓂᓗ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐃᓄᐃᓪᓗ ᖃᓄᑐᐃᓐᓇᖅ ᐋᓐᓂᐊᓖᑦ, ᖃᓂᒪᔪᓪᓗ ᐋᖅᑭᒃᐰᑦ.

ᒫᑯᓯᐅᑉ ᐊᒡᓚᖏᑦ 13:10

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᖅᑳᕆᐊᖃᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.

ᓘᑲᓯᐅᑉ ᐊᒡᓚᖏᑦ 2:1

ᐅᓪᓗᓂ ᑍᒃᑯᓇᓂ ᕉᒪᒥᐅᑦ ᐊᖓᔪᖅᑳᕐᔪᐊᖓᑦ ᓰᓴᕆ ᐋᒐᔅᑕᓯ ᐊᖓᔪᖅᑲᐅᕕᖕᒥᓃᑦᑐᑦ ᐃᓄᓕᒫᑦ ᓈᓴᕐᑕᐅᖁᓚᐅᕐᐰᑦ ᐱᖁᑎᖏᑦ ᐱᖃᓯᐅᑎᓗᒋᑦ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᓘᑲᓯᐅᑉ ᐊᒡᓚᖏᑦ 4:5

ᑕᕝᕙ ᓵᑖᓇᓯᐅᑉ ᐳᕐᑐᔪᒧᐊᕐᑎᑉᐹ, ᑕᑯᑎᓪᓗᒍ ᓯᓚᕐᔪᐊᕐᒥ ᐊᖓᔪᖅᑲᐅᕕᓕᒫᓂᒃ ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 1:2

ᐅᓪᓗᖅ ᑍᓐᓇ ᕿᓚᓕᐊᕐᓂᖓ ᑎᑭᓪᓗᒍ, ᕿᓚᓕᐊᓚᐅᖏᓐᓂᕐᒥᓂ, ᐊᑐᕐᑕᐅᖁᔭᒥᓂᒃ ᐅᖃᓚᐅᕐᒪᑦ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᐋᐴᓯᑕᓕᖕᓄᑦ ᓂᕈᐊᕐᓯᒪᔭᒥᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:28

ᑍᒃᑯᐊ ᐃᓚᖓᑦ ᐋᒐᐹᓯᒥᒃ ᐊᑎᓕᒃ ᓂᑯᕕᓪᓗᓂ ᓇᓚᐅᑦᑍᓕᕐᐳᖅ ᐊᓂᕐᓂᒃᑯᑦ ᐅᖃᕐᑎᑕᐅᓪᓗᓂ ᓄᓇᕐᔪᐊᓕᒫᒥ ᑳᖕᓇᕐᑐᕐᔪᐊᖃᓛᕐᓂᕋᕐᓗᒍ; ᑕᒪᓐᓇ ᓇᓪᓕᐅᑎᓚᐅᕐᐳᖅ ᑲᓚᐅᑎᐊᓯ ᐊᖓᔪᖅᑳᕐᔪᐊᖑᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:6

ᓇᓂᖏᓐᓇᒥᑦᔪᒃ, ᔧᓴᓐ ᐅᒃᐱᕐᑐᓪᓗ ᐊᓯᖏᑦ ᑎᒍᕔᑦ, ᓄᓇᓖᑦ ᐊᐅᓚᑦᓯᔨᖏᓐᓄᐊᕐᑎᓪᓗᒋᑦ, ᕾᒐᓛᕐᓗᑎᒃ ᐅᖃᕐᐳᑦ, “ᐅᑯᐊ ᐊᖑᑏᑦ ᐅᐃᒪᔮᕐᑎᑦᓯᓕᕐᐳᑦ ᓇᓂᑐᐃᓐᓇᖅ, ᒫᓐᓇ ᓄᓇᑦᑎᓐᓂ ᑍᒤᓕᐅᓕᕆᕗᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 19:27

ᑍᒪᓕ ᓇᖏᐊᕐᓇᕐᑐᒦᓕᕐᐳᒍᑦ, ᐱᓇᓱᐊᒐᕗᑦ ᐱᓪᓗᒋᑐᐃᓐᓇᐅᖏᑦᑐᖅ, ᒎᑎᑦᑎᓐᓄᑦ ᐋᕐᑎᒥᓯᒧᑦ ᑐᒃᓯᐊᕐᕕᕗᑦ ᓱᓇᐅᔪᓐᓃᕐᑎᑕᐅᓂᐊᓕᕐᐳᖅ, ᐋᕐᑎᒥᓯᓗ ᐊᓯᕈᕐᑕᐅᒐᔭᕆᐊᖓᓂᒃ, ᑖᓐᓇ ᑐᒃᓯᐊᕐᕕᒋᔭᐅᕙᖕᒪᑦ ᐂᓯᐊᒥ ᓇᓂᑐᐃᓐᓇᕐᓗ ᓄᓇᖃᕐᑐᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:25

“ᒫᓐᓇ ᑕᑯᒋᑦ, ᐃᓕᑦᓯᓐᓄᑦ ᐊᔪᕆᕐᑐᐃᖃᑦᑕᓚᐅᕐᑐᖓ ᒎᑎᐅᑉ ᐊᑕᓂᐅᕕᖓᓂᒃ ᖃᐅᔨᒪᕗᖓ ᑕᑯᒃᑲᓐᓂᕐᓂᐊᕈᓐᓃᕋᑦᓯᓐᖓ.

ᕉᒪᒥᐅᓄᑦ 10:18

ᐊᐱᕆᕗᖓᓕ, ᑐᓴᓚᐅᓐᖏᓛᑦ? ᐃᓛᒃ ᑐᓴᓪᓚᕆᒃᓯᒪᕗᑦ; ᐊᒡᓔᑦ ᐅᖃᕐᒪᑕ: “ᓂᐱᖏᑦ ᓄᓇᕐᔪᐊᓕᒫᒧᑦ ᑎᑭᐅᑎᕗᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ ᑎᑭᑉᐳᑦ.”

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᐄᑉᕈᐃᓄᑦ 1:6

ᐊᒻᒪᓗ, ᐃᕐᓂᕐᑖᕆᐅᕈᑎᓂ ᑎᓕᓕᕋᒥᐅᒃ ᓯᓚᕐᔪᐊᕐᒧᑦ, ᐅᖃᓚᐅᕐᐳᖅ, “ᒎᑎᐅᑉ ᐂᖏᓕᖁᑎᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᑦ.”

ᐄᑉᕈᐃᓄᑦ 2:5

ᐂᖏᓖᑦ ᐊᐅᓚᑦᓯᔨᒃᓴᓐᖑᕐᑎᓚᐅᖏᒻᒪᒋᑦ ᓯᓚᕐᔪᐊᕐᒧᑦ ᐱᔪᒫᕐᑐᒧᑦ, ᑕᒪᑐᒧᖓ ᐅᖃᐅᓯᕆᔭᑦᑎᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:6

ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:14

ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:10

ᐅᖃᐅᓯᒃᑲ ᒪᓕᒡᓗᒋᑦ ᕿᓄᐃᓵᓚᐅᕋᕕᑦ, ᓴᐳᑎᓯᒪᓂᐊᕐᐸᒋᑦ ᐆᒃᑐᕐᑕᐅᓇᕐᑐᓂᑦ ᓯᓚᕐᔪᐊᕐᒥᐅᓕᒫᓄᑦ ᑎᑭᑦᓱᒫᕐᑐᓂᑦ, ᐆᒃᑐᕐᑕᐅᖁᓪᓗᒋᑦ ᓄᓇᕐᔪᐊᕐᒦᑦᑐᑦ.