ᒫᑎᐅᓯᐅᑉ ᐊᒡᓚᖏᑦ 24:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓇᓚᐅᑍᔪᓐᖑᐊᕐᑐᑦ ᓱᓕᖏᑦᑐᑦ ᓴᖅᑭᑦᓱᒫᕐᐳᖅ ᐅᓄᕐᑐᓪᓗ ᑕᒻᒪᕐᑎᑦᓱᒫᕐᐰᑦ.

Aglait Ijjurnaittut

¹¹ Nalauttaijunnguaqtut sulinngittut saqqittumaaqpuq unuqtullu tammaqtittumaaqpait.

ᒫᑎᐅᓯᐅᑉ ᐊᒡᓚᖏᑦ 24:11 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 24:12

ᐊᔪᕐᑐᓕᓂᐅᑉ ᐱᕙᓪᓕᐊᓂᖓᓄᑦ, ᐃᓄᐃᑦ ᓇᒡᓕᖕᓂᖏᑦ ᓂᒡᓕᕙᓪᓕᐊᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:5

ᐊᒥᓱᑦ ᐅᕙᓐᓂᒃ ᐱᑦᔪᑎᖃᕐᓂᕋᕐᓗᑎᒃ ᑎᑭᑦᓱᒫᕐᒪᑕ, ᐅᖃᕐᓗᑎᒃ, ‘᙭ᔅᑑᓯᐅᕗᖓ,’ ᐅᓄᕐᑐᓂᒡᓗ ᑕᒻᒪᕐᑎᑦᓯᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᒫᑯᓯᐅᑉ ᐊᒡᓚᖏᑦ 13:22

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᕈᒫᕐᒪᑕ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᒫᕐᐳᑦ ᑲᒪᓇᕐᑐᓕᓂᕐᓂᒡᓗ, ᑕᒻᒪᕐᑎᑦᓯᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᓐᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:30

ᐃᓄᒃᑕᖃᓕᕈᒫᕐᒪᑦ ᐊᑯᓐᓇᑦᓯᓐᓂᑦ ᐱᔪᓂᒃ ᓱᓕᖏᑦᑐᒥᒃ ᐊᔪᕆᕐᑐᐃᖃᑦᑕᕐᑐᓂᒃ, ᒪᓕᒃᑎᑖᕋᓱᐊᕐᓗᑎᒃ ᐃᓕᓐᓂᐊᕐᑎᓂᒃ.

ᑎᒧᑎᒧᑦ ᓯᕗᓪᓖᑦ 4:1

ᐊᓂᕐᓂᖅ ᑐᑭᓯᓇᑦᓯᐊᕐᑐᒥᒃ ᓇᓗᓁᕐᓯᕗᖅ ᐅᓪᓗᐃᑦ ᑭᖑᓪᓕᖏᓐᓂ ᐃᓚᖏᑦ ᐅᒃᐱᕐᓂᕐᒥᒃ ᕿᒤᔪᒫᕐᒪᑕ, ᐊᓂᕐᓂᕐᓂᒃ ᓱᓕᖏᑦᑐᓂᒃ ᒪᓕᒍᒪᓂᕐᓴᐅᔪᓂᒃ ᐊᓂᕐᓂᕐᓗᐃᓪᓗ ᐊᔪᕆᕐᑑᑎᒋᓐᓂᒃ,

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᔪᐊᓇᓯ ᓯᕗᓪᓖᑦ 2:18

ᕿᑐᕐᖓᒃᑲ, ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᐳᖅ; ᑐᓴᐅᒪᒐᑦᓯᓗ ᙭ᔅᑑᓯᒥᒃ ᐊᑭᕋᕐᑐᕐᑐᖅ ᑎᑭᓐᓂᐊᕐᓂᕋᕐᑕᐅᑎᓪᓗᒍ, ᒫᓐᓇᓕ ᙭ᔅᑑᓯᒥᒃ ᐊᑭᕋᕐᑐᕐᑐᑦ ᑎᑭᓯᒪᓕᕐᐳᑦ; ᑍᒤᒻᒪᑦ ᖃᐅᔨᒪᓕᕐᐳᒍᑦ ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᒪᑦ.

ᔪᐊᓇᓯ ᓯᕗᓪᓖᑦ 2:26

ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐃᓕᑦᓯᓐᓂᒃ ᑕᒻᒪᕐᑎᑦᓯᓇᓱᐊᕐᑐᑦ ᐱᑦᔪᑎᒋᓪᓗᒋᑦ.

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.