ᒫᑎᐅᓯᐅᑉ ᐊᒡᓚᖏᑦ 23:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓂᐅᕕᕐᕕᖕᓂᓗ ᐃᒃᐱᒋᔭᐅᑦᓯᐊᕐᓗᑎᒃ ᓂᓪᓕᐅᑦᔭᐅᔪᒪᕙᒃᐳᑦ, ᐃᓄᖕᓄᑦ ᕌᑉᐰᒥᒃ ᑍᔭᐅᔪᒪᕙᒃᓗᑎᒃ.

Aglait Ijjurnaittut

⁷ niuvirvingnilu ikpigijautsiarlutik nilliujjaujumavakput, inungnut Raappaimik taijaujumavaglutik.

ᒫᑎᐅᓯᐅᑉ ᐊᒡᓚᖏᑦ 23:7 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 11:16

“ᖃᓄᕐᓕ ᐊᑦᔨᐅᑎᑦᓱᓐᓇᕐᐸᒃᑳ? ᒫᓐᓇ ᐃᓅᔪᑦ, ᐃᒤᑦᑑᔭᕐᐳᑦ ᓱᕈᓰᑦ ᓂᐅᕕᕐᕕᐅᑉ ᓴᓂᐊᓂ ᐃᒃᓯᕚᕐᑐᑦ, ᐱᓐᖑᐊᕐᓗᑎᒃ ᕾᒐᓛᖃᑦᑕᐅᑎᓪᓗᑎᒃ ᐃᒻᒥᖕᓄᑦ, ᐃᒤᓕᐅᕐᓗᑎᒃ,

ᒫᑎᐅᓯᐅᑉ ᐊᒡᓚᖏᑦ 23:8

ᕌᑉᐰᒥᒃ ᑍᔭᐅᔭᕆᐊᖃᓐᖏᓚᓯ, ᐃᓘᓐᓇᓯ ᖃᑕᓐᖑᑎᒌᑐᐃᓐᓇᕋᑦᓯ, ᐊᑕᐅᓯᑐᐊᒥᒡᓕ ᕌᑉᐰᖃᕐᐳᓯ.

ᒫᑎᐅᓯᐅᑉ ᐊᒡᓚᖏᑦ 26:25

ᔫᑕᓯᓗ ᐱᔭᐅᒃᑬᓂᐊᕐᑐᖅ ᐅᖃᕐᐳᖅ, “ᕌᑉᐰ ᐅᕙᓐᓂᒃ ᐱᖏᒃᑲᓗᐊᕐᐲᑦ?” ᔩᓱᓯᐅᑉ ᐅᖃᐅᑎᕚ, “ᑕᕝᕙ ᐅᖃᕇᕐᐳᑎ.”

ᒫᑎᐅᓯᐅᑉ ᐊᒡᓚᖏᑦ 26:49

ᔫᑕᓯ ᔩᓱᓯᒧᑦ ᐅᐸᒍᑎᓪᓗᓂ ᐅᖃᐅᑎᕚ, “ᕌᑉᐰ, ᓮᒻᒪᕐᑎᑕᐅᒋᑦ!” ᐃᕿᓪᓗᒍᓗ ᑯᓂᒃᐹ.

ᒫᑯᓯᐅᑉ ᐊᒡᓚᖏᑦ 10:51

ᔩᓱᓯᐅᑉ ᐅᖃᐅᑎᕚ, “ᐅᕙᓐᓅᑦ ᖃᓄᐃᓕᐅᕐᕕᐅᔪᒪᕖᑦ?” ᑕᐅᑐᖏᑦᑑᑉ ᐅᖃᐅᑎᕚ, “ᐊᔪᕆᕐᑐᐃᔩ, ᑕᐅᑐᓕᑲᓐᓂᕈᒪᕗᖓ.”

ᒫᑯᓯᐅᑉ ᐊᒡᓚᖏᑦ 11:21

ᐲᑦᑐᕉᓯ ᐃᖅᑲᐅᒪᒐᒥ ᖃᓄᐃᓕᓚᐅᕐᒪᖔᑦ ᔩᓱᓯ ᑖᑦᓱᒧᖓ ᓇᐹᕐᑐᒧᑦ, ᐅᖃᐅᑎᕚ, “ᕌᐰ, ᑕᑯᒋᑦ! ᓇᐹᕐᑐᖅ ᐱᒋᓕᖕᓂᒃ ᐸᐅᕐᖓᓕᒃᓴᖅ ᐱᕈᕐᕕᐅᓂᐊᕈᓐᓃᕐᓂᕋᓚᐅᕐᑍᑦ ᐸᓂᕐᓂᕐᐳᖅ.”

ᒫᑯᓯᐅᑉ ᐊᒡᓚᖏᑦ 12:38

ᐊᔪᕆᕐᑐᕐᓗᒋᑦ ᐃᒫᒃ ᐅᖃᕐᐳᖅ, “ᖃᐅᔨᓴᑦᓯᐊᕆᑦᓯ ᐱᖁᔭᓂᒃ ᐃᓕᓮᔨᓂᒃ, ᐱᓱᑲᑕᒍᒪᕙᖕᒪᑕ ᐊᓐᓄᕌᕐᓯᒪᓗᑎᒃ ᑕᑭᔪᓂᒃ ᐅᓕᒡᔪᐊᓂᒃ, ᐃᒃᐱᒋᔭᐅᑦᓯᐊᕐᓗᑎᒃ ᓂᓪᓕᐅᑦᔭᐅᔪᒪᕙᒃᓗᑎᒃ ᓂᐅᕕᕐᕕᖕᓂ.

ᒫᑯᓯᐅᑉ ᐊᒡᓚᖏᑦ 14:45

ᔫᑕᓯ ᑕᕝᕗᖓ ᑎᑭᓐᓇᒥ, ᔩᓱᓯᒧᑦ ᐅᐸᒍᑎᑲᐅᑎᒋᕗᖅ ᐅᖃᕐᓗᓂ, “ᕌᐰ!” ᑯᓂᒃᐹ.

ᒫᑯᓯᐅᑉ ᐊᒡᓚᖏᑦ 9:5

ᐲᑦᑐᕉᓯ ᔩᓱᓯᒧᑦ ᐅᖃᕐᐳᖅ, “ᕌᐰ, ᑕᒫᓃᖏᓐᓇᕈᒥᓇᕐᓯᖕᒪᑦ; ᓯᓂᒃᑕᕐᕕᓕᐅᕈᒪᓕᕐᐳᒍᑦ ᐱᖓᓱᓂᒃ, ᐃᓕᖕᓄᑦ ᐊᑕᐅᓯᕐᒥᒃ, ᒨᓯᓯᒧᓪᓗ ᐊᑕᐅᓯᕐᒥᒃ, ᐃᓔᑦᔭᒧᓪᓗ ᐊᑕᐅᓯᕐᒥᒃ.”

ᓘᑲᓯᐅᑉ ᐊᒡᓚᖏᑦ 11:43

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐹᕆᓯᑦ! ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐃᒃᓯᕙᐅᑕᓂ ᐱᐅᓂᕐᐹᓂ ᐃᒃᓯᕙᔪᒪᕙᒃᑐᓯ, ᐃᓄᖕᓄᓪᓗ ᓂᓪᓕᐅᑦᔭᐅᑦᓯᐊᕈᒪᕙᒃᑐᓯ ᓂᐅᕕᕐᕕᖕᓂ.

ᔪᐊᓇᓯᐅᑉ ᐊᒡᓚᖏᑦ 1:38

ᔩᓱᓯ ᕿᕕᐊᕋᒥ, ᑕᑯᕗᖅ ᒪᓕᒃᑑᖕᓂᒃ, ᐅᖃᐅᑎᕚᒃ, “ᓱᓇᒥᒃ ᕿᓂᕐᐱᓰᒃ?” ᑭᐅᕘᒃ, “ᕌᑉᐰ (ᑐᑭᖃᕐᐳᖅ ᐃᓕᓮᔨ), ᓇᓃᖃᑦᑕᕐᐱᑦ?”

ᔪᐊᓇᓯᐅᑉ ᐊᒡᓚᖏᑦ 1:49

ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”

ᔪᐊᓇᓯᐅᑉ ᐊᒡᓚᖏᑦ 11:8

ᐃᓕᓐᓂᐊᕐᑎᖏᑕ ᑭᐅᕚᑦ, “ᕌᑉᐰ, ᔫᑎᑦ ᐅᔭᖅᑲᓄᑦ ᑍᑲᓂ ᒥᓪᓗᕈᒪᓚᐅᕐᐹᑎᑦ; ᑍᑯᖓ ᐅᑎᕈᒪᓕᕆᕖᑦ?”

ᔪᐊᓇᓯᐅᑉ ᐊᒡᓚᖏᑦ 20:16

ᔩᓱᓯᐅᑉ ᐅᖃᐅᑎᕚ, “ᒥᐊᕆ.” ᕿᕕᐊᕐᓗᓂᐅᒡᓗ ᐅᖃᕐᐳᖅ ᐄᑉᕉᑎᑐᑦ, “ᕌᐳᓁ!” ᑐᑭᓕᒃ: “ᐊᔪᕆᕐᑐᐃᔩ!”

ᔪᐊᓇᓯᐅᑉ ᐊᒡᓚᖏᑦ 3:2

ᑖᓐᓇ ᐅᓐᓄᐊᒃᑯᑦ ᔩᓱᓯᒧᐊᕐᐳᖅ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᒎᑎᒥᑦ ᐱᓯᒪᓪᓗᑎᑦ ᐊᔪᕆᕐᑐᐃᔨᐅᒐᕕᑦ; ᐃᓕᒃᑐᑦ ᑕᑕᓐᓇᕐᑐᓂᒃ ᐱᔪᖃᕈᓐᓇᖏᒻᒪᑦ, ᒎᑎᐅᑉ ᓇᔪᖏᑉᐸᒍ.”

ᔪᐊᓇᓯᐅᑉ ᐊᒡᓚᖏᑦ 3:26

ᑕᕝᕙ ᐃᓕᓐᓂᐊᕐᑎᖏᑕ ᔪᐊᓇᓯ ᐅᐸᒃᐹᑦ ᐅᖃᐅᑎᓪᓗᒍᓗ, “ᐊᔪᕆᕐᑐᐃᔩ, ᐊᖑᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᐃᓕᖕᓄᐊᓚᐅᕐᑐᖅ, ᐅᖃᐅᓯᕆᖃᑦᑕᕐᑍᑦ, ᑖᓐᓇ ᐹᑉᑎᑦᓯᖃᑦᑕᓕᕐᐳᖅ, ᐃᓄᓕᒫᓪᓗ ᑖᑦᓱᒧᓐᖓᖃᑦᑕᓕᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 4:31

ᑎᑭᓚᐅᕐᑎᓐᓇᒋᓪᓕ ᔩᓱᓯ ᐃᓕᓐᓂᐊᕐᑎᖏᑕ ᐅᖃᐅᑎᕚᑦ, “ᐊᔪᕆᕐᑐᐃᔩ, ᓂᕆᑬᓐᓇᕆᑦ.”

ᔪᐊᓇᓯᐅᑉ ᐊᒡᓚᖏᑦ 6:25

ᐃᓄᐃᑦ ᔩᓱᓯᒥᒃ ᓇᓂᓯᒐᒥᒃ ᑕᓯᐅᑉ ᐊᑭᐊᓂ, ᐅᖃᐅᑎᕚᑦ, “ᐊᔪᕆᕐᑐᐃᔩ, ᖃᖓ ᑕᒪᐅᓐᖓᕐᐲᑦ?”

ᔪᐊᓇᓯᐅᑉ ᐊᒡᓚᖏᑦ 9:2

ᐃᓕᓐᓂᐊᕐᑎᖏᑕᓗ ᐊᐱᕆᕚᑦ, “ᐊᔪᕆᕐᑐᐃᔩ, ᓇᓪᓕᐊᑦᑕ ᐊᔪᕐᑐᓕᓂᖓᓄᑦ ᑖᓐᓇ ᑕᐅᑐᖕᓇᓂ ᐃᕐᓂᐊᖑᓯᒪᕚ ᓇᖕᒥᓂᕐᓘᓐᓃᑦ ᐊᔪᕐᑐᓕᓂᕐᒥᓄᑦ? ᐊᖓᔪᖅᑳᖏᑕᓘᓐᓃᑦ ᐊᔪᕐᑐᓕᓂᖏᓐᓄᑦ?”