ᒫᑎᐅᓯᐅᑉ ᐊᒡᓚᖏᑦ 23:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᕐᒧᑦ ᑎᑭᑕᐅᔪᒫᕐᐳᓯ, ᐸᓯᔭᒃᓴᐅᖏᑦᑐᓂᒃ ᐃᓄᐊᖃᑦᑕᕐᓂᑦᓯᓐᓄᑦ ᓄᓇᕐᔪᐊᕐᒥ, ᐂᐱᓕᐅᑉ ᐸᓯᔭᒃᓴᐅᖏᑦᑑᑉ ᐃᓄᐊᕐᑕᐅᓂᖓᓂᑦ, ᓴᑲᕅᐊᐅᑉ ᐸᕋᑬᐊᐅᑉ ᐃᕐᓂᖓᑕ ᐃᓄᐊᕐᑕᐅᓂᖓ ᑎᑭᓪᓗᒍ, ᑖᓐᓇ ᐃᓄᐊᓚᐅᕐᑕᓯ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ.

Aglait Ijjurnaittut

³⁵ Tamanna pijjutigillugu sugiaqtaunirmut tikitaujumaaqpusi, pasijaksaunngittunik inuaqattarnitsinnut nunarjuarmi, Aipiliup pasijaksaunngittuup inuaqtauninganit, Sakaraiaup Parakaiaup irningata inuaqtauninga tikillugu, taanna inualauqtasi tuksiarvigjuarmi tunirrusirviup ijjurnaittuviullu akunningani.

ᒫᑎᐅᓯᐅᑉ ᐊᒡᓚᖏᑦ 23:35 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 4:8

ᑬᓂᐅᓪᓕ ᓄᑲᓂ ᐂᐱᓕ ᐅᖃᐅᑎᕚ, “ᐊᕗᖓ ᓇᑎᕐᓇᒧᑦ ᐂᓚᐅᕐᓗᒃ.” ᓇᑎᕐᓇᒦᓕᕐᓗᑎᒡᓗ ᑬᓂᐅᑉ ᓄᒃᑲᓂ ᐂᐱᓕ ᓵᓪᓗᒍ ᑐᖁᑉᐹ.

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᐊᑕᓃᑦ ᐂᑉᐸᖏᑦ 24:4

ᐸᓯᔭᒃᓴᐅᖏᑦᑐᓂᒡᓗ ᑐᖁᕅᖃᑦᑕᕐᓯᒪᓂᖓᓄᑦ; ᔨᕉᓴᓕᒥᒃ ᐸᓯᔭᒃᓴᐅᖏᑦᑐᑦ ᐊᐅᖏᓐᓂᒃ ᑕᕐᓴᕐᑖᕐᑎᑦᓯᓯᒪᓕᓚᐅᕐᒪᑦ, ᑕᒪᓐᓇᓗ ᐊᑕᓂᐅᑉ ᐃᓱᒪᒋᔪᓐᓁᓚᐅᓐᖏᓛ.

ᐂᓮᐊᓯᐅᑉ ᐊᒡᓚᖏᑦ 14:21

ᑐᖁᕅᓂᖅ ᐃᕐᓂᖏᓐᓂᑦ ᐸᕐᓇᐅᑕᐅᓕᕐᓕ ᓯᕗᓕᖏᑕ ᐸᓯᔭᒃᓴᐅᓂᕐᖏᑦ ᐱᑦᔪᑎᒋᓗᒋᑦ, ᑖᒃᑯᐊ ᒪᑭᓪᓗᑎᒃ ᓄᓇᕐᔪᐊᕐᒥᒃ ᓇᖕᒥᓂᕐᑖᖁᓇᒋᑦ, ᓄᓇᕐᔪᐊᖅ ᐃᒡᓗᒐᓴᒡᔪᐊᓕᐊᖏᓐᓄᑦ ᑕᑕᑕᐅᖁᓇᒍ.”

ᐂᓮᐊᓯᐅᑉ ᐊᒡᓚᖏᑦ 26:21

ᑕᑯᒋᑦ, ᐊᑕᓂᖅ ᐃᓂᒋᔭᒥᓂᑦ ᑎᑭᓐᓂᐊᕐᒪᑦ ᓄᓇᕐᔪᐊᕐᒥᐅᓂᒃ ᓱᒋᐊᕐᓯᔭᕐᑐᕐᓗᓂ ᐊᔪᕐᑐᓕᓂᖏᑦ ᐱᑦᔪᑎᒋᓗᒋᑦ, ᐃᔨᕋᕐᑐᕐᓗᑎᒃ ᐃᓄᐊᕐᓯᖃᑦᑕᕐᓃᑦ ᓄᓇᕐᔪᐊᕐᒥ ᓴᖅᑭᑎᑕᐅᔪᒫᕐᒪᑕ, ᐃᓄᐊᕐᑕᐅᖃᑦᑕᕐᑐᕕᓃᓪᓗ ᓄᓇᐅᑉ ᐃᔨᕐᓯᒪᓂᐊᕈᓐᓃᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 2:34

ᐊᓐᓄᕌᓯ ᐊᐅᒥᓯᒪᕗᑦ ᐸᓯᔭᒃᓴᐅᖏᑦᑐᑦ ᐊᔪᕐᓴᕐᑐᓪᓗ ᐊᐅᖏᓐᓂᒃ, ᖃᐅᔨᒪᒐᓗᐊᕐᓗᓯᐅᒃ ᑎᒡᓕᒐᕐᑎᐅᖏᒻᒪᑕ. “ᑍᒤᒐᓗᐊᕐᑎᓪᓗᒍ,

ᔨᕆᒤᐊᐅᑉ ᐊᒡᓚᖏᑦ 26:15

ᖃᐅᔨᒪᒋᑦᓯᓕ, ᑐᖁᒃᑯᑦᓯᓐᖓ ᐸᓯᔭᒃᓴᑑᓂᐊᕐᐳᓯ ᑐᖁᑦᑎᓯᒪᓂᑦᓯᓐᓂᒃ ᐸᓯᔭᒃᓴᐅᖏᑦᑐᒥᒃ, ᐊᑕᓂᐅᑉ ᐅᖃᖁᓚᐅᕐᒪᖓ ᑕᒪᒃᑯᓂᖓ ᐅᖃᐅᓯᕐᓂᒃ ᑐᓵᑎᓪᓗᓯ.”

ᔨᕆᒤᐊᐅᑉ ᐊᒡᓚᖏᑦ 26:23

ᔪᕅᐊᓗ ᑎᒍᕚᑦ ᐄᑦᔨᑉᑎᒥᑦ ᐅᑎᐅᑎᓪᓗᒍᓗ ᐊᖓᔪᖅᑳᕐᔪᐊᒧᑦ ᔨᕼᐅᐃᐊᑭᒧᑦ, ᑖᑦᓱᒪᓗ ᑐᖁᑕᐅᑎᑉᐹ, ᑎᒥᖓᓗ ᐃᓗᕕᕐᑕᐅᑎᓪᓗᒍ ᐃᓄᑐᐃᓐᓇᕐᓄᑦ ᐃᓗᕕᕐᓯᕕᖕᒧᑦ.)

ᔨᕆᒤᐊᐅᑉ ᐊᒡᓚᖏᑦ 26:8

ᔨᕆᒤᐊᓕ ᐅᖃᕇᑐᐊᕐᒪᑦ ᐃᓄᖕᓄᑦ ᐊᑕᓂᐅᑉ ᐅᖃᖁᔭᖏᓐᓂᒃ ᑎᒍᔭᐅᕗᖅ ᑐᓂᕐᕈᓯᕐᑎᑦᓯᔨᓄᓪᓗ ᓇᓚᐅᑦᑍᔪᓄᓪᓗ ᐃᓄᓕᒫᓄᓪᓗ, ᐅᖃᐅᑎᓪᓗᒍᓗ, “ᑐᖁᔪᒃᓴᐅᕗᑎᑦ!

ᓴᑲᕅᐊᐅᑉ ᐊᒡᓚᖏᑦ 1:1

ᑍᕉᓯ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᕐᕌᒎᖕᓂᒃ ᒪᕐᕉᖕᓂᒃ, ᑕᖅᑭᓂᒡᓗ ᓯᑕᒪᐅᔪᕐᑐᓂᒃ, ᐊᑕᓂᖅ ᐅᖃᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᓴᑲᕅᐊᒃᑯᑦ ᐱᕆᑬᐊᐅᑉ ᐃᕐᓂᖓᒍᑦ, ᐃᑑᑉ ᐃᕐᖑᑕᖓᒍᑦ, ᐅᖃᕐᓗᓂ,

ᒨᓯᓯ ᓯᑕᒪᖏᑦ 35:33

ᓄᓇ ᐃᓂᒋᔭᓯ ᐃᑦᔪᕐᓇᕐᑑᓕᖁᓇᒍ; ᐊᐅᑉ ᓄᓇ ᐃᑦᔪᕐᓇᕐᓯᑎᒻᒪᒍ, ᓄᓇᓗ ᓱᓇᒧᑦ ᓴᓗᒻᒪᕐᑎᑕᐅᔪᓐᓇᕋᓂ, ᐊᐅᒃ ᑯᕕᔭᐅᓯᒪᔪᖅ ᑕᒪᐅᖓ ᐱᓪᓗᒍ, ᑭᓯᐊᓂ ᐊᐅᖕᒥᒃ ᑯᕕᓯᓚᐅᕐᑑᑉ ᓴᓗᒻᒪᕐᑎᑦᓱᓐᓇᕐᒪᒍ.

ᓘᑲᓯᐅᑉ ᐊᒡᓚᖏᑦ 11:51

ᐂᐱᓕᐅᑉ ᑐᖁᑕᐅᓂᖓᓂᑦ ᓴᑲᕅᐊᐅᑉ ᑐᖁᑕᐅᓂᖓ ᑎᑭᓪᓗᒍ, ᑖᓐᓇ ᑐᖁᑕᐅᓚᐅᕐᒪᑦ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ. ᐃᓛᒃ ᐅᖃᐅᑎᕙᑦᓯ, ᒫᓐᓇ ᐅᑯᐊ ᐃᓅᔪᑦ ᓱᒋᐊᕐᑕᐅᔪᒫᕐᐳᑦ ᑍᒃᑯᐊ ᑕᒪᕐᒥᑦᓯᐊᖅ ᓱᒋᐊᕐᑕᐅᑦᔪᑎᒋᓗᒋᑦ!

ᐋᐴᓯᑕᓖᑦ ᐱᓂᐊᕐᓂᖏᑦ 5:28

ᐅᖃᕐᓗᓂ, “ᐊᒃᓱᕈᕐᓗᑕ ᐃᓕᑦᓯᓐᓂᒃ ᐃᓂᕐᑎᕆᓚᐅᕐᐳᒍᑦ ᐊᔪᕆᕐᑐᐃᖃᑦᑕᖁᓇᑕ ᑖᑦᓱᒪ ᐊᑎᖓᓂ, ᐃᓕᑦᓯᓕ ᔨᕉᓴᓕᒻᒥᐅᑦ ᑕᒪᕐᒥᐊᓗᒃ ᑐᓴᕐᑎᓕᕐᐸᓯ ᐊᔪᕆᕐᑐᐃᓂᑦᓯᓐᓄᑦ, ᐅᕙᑦᑎᓐᓂᒃ ᑍᑦᓱᒪ ᑐᖁᑕᐅᓂᖓᓄᑦ ᓵᑕᒃᓴᐅᓂᕅᖃᑦᑕᕐᓗᓯ.”

ᐄᑉᕈᐃᓄᑦ 11:4

ᐅᒃᐱᕐᓂᑯᑦ ᐂᐱᓕ ᒎᑎᒧᑦ ᑐᓂᕐᕈᓯᓚᐅᕐᐳᖅ ᑐᓂᕐᕈᓯᐅᑎᒃᓴᒥᒃ ᐱᐅᒋᔭᐅᓂᕐᓴᒥᒃ ᑬᓂᐅᑉ ᑐᓂᕐᕈᑎᖓᓂᑦ, ᐅᒃᐱᕐᓂᖓᓄᑦ ᐃᓗᐊᕐᑑᓂᕋᕐᑕᐅᕗᖅ, ᒎᑎᐅᓪᓗ ᓈᒻᒪᒋᓚᐅᕐᐹ ᐂᐱᓕᐅᑉ ᑐᓂᕐᕈᑎᖓ; ᐅᒃᐱᕋᒥᓗ ᓱᓕ ᐅᖃᓪᓚᒃᐳᖅ, ᑐᖁᖓᓕᕋᓗᐊᕐᓗᓂ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:24

ᐹᐱᓘᓂ ᓱᒋᐊᕐᑕᐅᓚᐅᕐᐳᖅ ᓇᓚᐅᑦᑍᔪᑦ ᐃᑦᔪᕐᓁᑎᑕᐅᓯᒪᔪᓪᓗ ᐊᐅᖏᑦ ᑕᑯᔭᐅᓚᐅᕐᒪᑕ ᑕᕝᕙᓂ, ᑐᖁᕋᕐᑕᐅᓯᒪᔪᑦ ᓄᓇᕐᔪᐊᕐᒥ.