ᒫᑎᐅᓯᐅᑉ ᐊᒡᓚᖏᑦ 23:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᓄᓇᒃᑯᑦ ᐃᖏᕐᕋᕙᒃᑐᓯ ᐃᒪᒃᑯᓪᓗ ᐅᒥᐊᕐᑐᕐᓗᓯ ᐃᑳᕐᐸᒃᑐᓯ ᐊᑕᐅᓯᑯᓗᖕᒥᒃ ᒪᓕᒃᑎᑖᕆᐊᕐᑐᕐᓗᓯ; ᒪᓕᒃᑎᑖᕌᖓᑦᓯ, ᑲᑉᐱᐊᓇᕐᑐᕕᖕᒧᐊᕐᑐᒃᓴᓐᖑᕐᑎᑉᐸᓯ ᐃᓕᑦᓯᓐᓂᑦ ᒪᕐᕈᐊᕐᑎᓪᓗᐊᕐᑐᒥᒃ ᐱᐅᖏᓐᓂᕐᓴᐅᓕᕐᑎᓪᓗᒍ!

Aglait Ijjurnaittut

¹⁵ “Ilissinnut kappiannamik, piqujanik ilisaijit Paarisillu, takkurmuuqtusi! Nunakkut ingirravaktusi imakkullu umiaqturlusi ikaaqpaktusi atausikulungmik maliktitaariaqturlusi; maliktitaaraangassi, kappianaqtuvingmuaqtuksannguqtippasi ilissinnit marruaqtilluaqtumik piunnginniqsauliqtillugu!

ᒫᑎᐅᓯᐅᑉ ᐊᒡᓚᖏᑦ 23:15 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 8:17

ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᒡᓗᒐᓴᖕᓂᓗ, ᓇᓂᑐᐃᓐᓇᖅ ᐊᖓᔪᖅᑳᕐᔪᐊᑉ ᐱᖁᔨᓂᖓᑦ ᐅᖃᓕᒫᕐᑕᐅᑐᐊᕐᒪᑦ, ᔫᑎᑦ ᖁᕕᐊᓱᓚᐅᕐᐳᑦ ᓯᕆᓪᓗᑎᒡᓗ, ᓂᕆᕕᒡᔪᐊᕐᓗᑎᒃ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ. ᑍᒤᒻᒪᒃ ᐃᓄᐃᑦ ᐅᓄᕐᑐᑦ ᓄᓇᓕᖕᓃᑦᑐᑦ ᔫᑎᓐᖑᖃᑦᑕᐅᕗᑦ, ᔫᑎᓂᒃ ᑲᑉᐱᐊᓱᓕᕋᒥᒃ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᒫᑎᐅᓯᐅᑉ ᐊᒡᓚᖏᑦ 5:22

ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 5:29

ᑍᒤᒻᒪᑦ ᐃᔨᕕᑦ ᑕᓕᕐᐱᐅᑉ ᐊᔪᕐᑐᓕᑎᑉᐸᑎᑦ, ᐲᕈᒃ ᐃᒋᓪᓗᒍᓗ! ᐃᓕᖕᓄᑦ ᐱᐅᓂᕐᓴᐅᕗᖅ ᑎᒦᑦ ᐃᓚᑰᒃᐸᑦ, ᑎᒥᓕᒫᕕᑦ ᐃᒋᑕᐅᒐᔭᕐᓂᖓᓂᑦ ᐃᑯᒪᕐᔪᐊᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᐋᐴᓯᑕᓖᑦ ᐱᓂᐊᕐᓂᖏᑦ 13:10

ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 13:43

ᔫᑎᑦ ᑲᑎᒪᕕᖓᓐᓂ ᑲᑎᒪᔭᕇᕋᒥᒃ, ᔫᑎᑦ ᐊᒥᓱᑦ, ᔫᑎᐅᖏᑦᑐᓪᓗ ᐊᒥᓱᑦ ᔫᑎᓐᖑᕐᑎᑕᐅᓯᒪᔪᑦ ᒪᓕᒃᐳᑦ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐸᐅᓗᓯᒃᑯᒃ ᑖᒃᑯᓄᖓ ᐅᖃᓪᓚᒃᐴᒃ ᐃᓇᒃᓱᕐᓗᒋᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᐃᓅᖏᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:19

ᔫᑎᑦ ᐊᓐᑎᐅᑭᐊᒥᑦ ᐱᓯᑎᐊᒦᑦᑐᒥᑦ ᐂᑯᓂᐊᒥᓪᓗ ᑎᑭᑉᐳᑦ; ᐃᓄᐃᑦ ᐃᒻᒥᒃᑎᑐᑦ ᐃᓱᒪᑖᕐᑎᑦᓴᕇᕋᒥᒋᑦ, ᐸᐅᓗᓯ ᒥᓪᓗᕐᐹᑦ ᐅᔭᖅᑲᓄᑦ ᐅᓂᐊᕐᓗᒍ ᓄᓇᓖᑦ ᓯᓚᑖᓄᑦ, ᑐᖁᓇᓱᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 14:2

ᔫᑎᓪᓕ ᐅᒃᐱᖏᑦᑐᑦ ᐅᐃᒪᔮᕐᑎᑦᓯᓕᕐᐳᑦ ᔫᑎᐅᖏᑦᑐᓂᒃ ᐊᑭᕋᕐᑐᕐᑕᐅᑎᑦᓯᓇᓱᐊᕐᓗᑎᒃ ᐅᒃᐱᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:13

ᔫᑎᑦ ᑎᓴᓗᓁᑲᒦᑦᑐᑦ ᑐᓴᕋᒥᒃ ᐸᐅᓗᓯ ᐊᔪᕆᕐᑐᐃᖕᒪᑦ ᒎᑎᐅᑉ ᐅᖃᐅᓯᖏᓐᓂᒃ ᐱᕆᐊᒥ, ᑍᑯᖓ ᐂᒋᕗᑦ ᐅᐃᒪᔮᕐᑎᑦᓯᓕᕐᓗᑎᒃ ᐃᓄᒋᐊᒃᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:10

ᐴᕐᒋᐊᒥ ᐸᒻᐱᓕᐊᒥᓗ, ᐄᑦᔨᑉᑎᒥ ᓕᐱᐊᓪᓗ ᐃᓚᖓᓂ ᓮᕆᓂᐅᑉ ᖃᓂᒋᔭᖓᓂᑦ, ᐃᓚᖏᓪᓗ ᕉᒪᒥᓐᖔᕐᓯᒪᔪᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 6:5

ᐅᒃᐱᕐᑑᖃᑎᒌᓕᒫᑦ ᐋᐴᓯᑕᓖᑦ ᐅᖃᐅᓯᖏᓐᓂᒃ ᐊᑲᐅᒃᓴᓚᐅᕐᐳᑦ, ᓂᕈᐊᓚᐅᕐᐳᑦ ᓯᑎᐹᓇᓯᒥᒃ, ᐅᒃᐱᕐᓂᖃᑦᓯᐊᕐᑐᒥᒃ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᒥᒃ, ᐱᓕᑉᐴᓯᒥᒡᓗ, ᐳᕈᑯᕉᓯᒥᒡᓗ, ᓁᑲᓄᐊᕆᒥᒡᓗ, ᑍᒨᓂᒥᒡᓗ, ᐸᕐᒥᓈᓯᒥᒡᓗ, ᓂᑯᓚᓯᒥᒡᓗ, ᑖᓐᓇ ᔫᑎᓐᖑᕐᑎᑕᐅᓯᒪᔪᖅ ᐊᓐᑎᐅᑭᐊᒥᐅᖅ.

ᒐᓔᑎᐊᒥᐅᓄᑦ 4:17

ᑍᒃᑯᐊ ᐊᓯᕗᑦ ᐊᒃᓱᕈᑦᓯᐊᕐᑐᐊᓘᔮᕐᒪᑕ ᐃᓕᑦᓯᓐᓄᑦ, ᑭᓯᐊᓂᓕ ᐃᓱᒪᒋᔭᖏᑦ ᓈᒻᒪᓈᕐᓯᒪᓐᖏᓚᑦ; ᐃᓕᑦᓯᓐᓂᒃ ᐊᕕᑎᑦᓯᓇᓱᐊᑐᐃᓐᓇᕐᐳᑦ ᐅᕙᓐᓂᑦ, ᐃᓕᑦᓯᓐᓄᑦ ᐃᓱᒪᒋᔭᐅᑦᓯᐊᕈᒪᑐᐃᓐᓇᕐᓗᑎᒃ.

ᒐᓔᑎᐊᒥᐅᓄᑦ 6:12

ᑍᒃᑯᐊ ᑎᒥᒃᑯᑦ ᖁᕕᐊᒋᔭᐅᔪᒪᔪᑦ ᐃᓕᑦᓯᓐᓂᒃ ᑭᐱᔭᐅᖁᔨᕗᑦ, ᑍᒤᓕᐅᕐᐳᓪᓕ ᐊᑭᕋᕐᑐᕐᑕᐅᔪᒪᓇᑎᒃ ᙭ᔅᑑᓯᐅᑉ ᓴᓐᓂᖓᔪᓕᖓ ᐱᓪᓗᒍ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.