ᒫᑎᐅᓯᐅᑉ ᐊᒡᓚᖏᑦ 23:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ “ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

Aglait Ijjurnaittut

¹³ “Ilissinnut kappiannamik, piqujanik ilisaijit Paarisillu, takkurmuuqtusi! Guutiup Ataniuvingata ukkuanga ukkuaqsimagassiuk inuit itiqunagit; nangminirlu itiqsimanasi, tavvungalu itirasuaqtut agviarasuaqpasi! [

ᒫᑎᐅᓯᐅᑉ ᐊᒡᓚᖏᑦ 23:13 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᓴᑲᕅᐊᐅᑉ ᐊᒡᓚᖏᑦ 11:17

ᑲᑉᐱᐊᓐᓇᒦᒡᓕ ᑖᓐᓇ ᓰᐱᓕᕆᔨ, ᓰᐱᓂᒃ ᕿᒤᔪᖅ! ᑕᓕᖓ ᓴᕕᒡᔪᐊᒧᑦ ᐊᓇᐅᔭᐅᓕ, ᐃᔨᖓᓗ ᑕᓕᕐᐱᐊ ᑲᐱᔭᐅᓕ ᓴᕕᒡᔪᐊᕐᒧᑦ! ᑕᓕᖓ ᐸᓂᕐᓕ ᓄᑭᖃᕈᓐᓁᕐᓗᓂ, ᐃᔨᖓᓗ ᑕᐅᑐᒍᓐᓁᕐᓕ!”

ᒫᑎᐅᓯᐅᑉ ᐊᒡᓚᖏᑦ 23:16

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᑕᐅᑐᖏᑦᑑᓪᓗᓯ ᑕᓯᐅᕐᑎᐅᔪᓯ! ᐊᔪᕆᕐᑐᐃᖃᑦᑕᕋᑦᓯ, ‘ᒎᑎᐅᑉ ᑐᒃᓯᐊᕐᕕᒃᔪᐊᖁᑎᖓ ᑍᖃᓯᐅᑎᓗᒍ ᐅᖃᕕᒃᑐᖃᕐᐸᑦ, ᑖᓐᓇ ᕿᓚᒃᑕᐅᓯᒪᖏᓐᓂᕋᕐᐸᓯ; ᒎᑎᐅᑉ ᑐᒃᓯᐊᕐᕕᒃᔪᐊᖁᑎᖓᑕ ᒎᓗᖓ ᑍᖃᓯᐅᑎᓗᒍ ᐅᖃᕕᒃᑐᖃᕐᐸᑦ, ᑖᓐᓇ ᕿᓚᒃᓱᕐᑕᐅᓂᕋᕐᐸᓯ.’

ᒫᑎᐅᓯᐅᑉ ᐊᒡᓚᖏᑦ 23:23

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᑐᓂᓯᖃᑦᑕᕐᑐᓯ ᒎᑎᒧᑦ ᐊᒡᓛᑦ ᓂᖀᑦ ᒪᒪᕐᓴᐅᑎᖏᑕ ᑕᓪᓕᒪᐅᔪᖏᓐᓂᒃ, ᒪᑯᓂᖓ ᒥᓐᑏᑦ, ᑎᐅᓪᓗ, ᑯᒥᓃᓂᒡᓗ, ᐱᖁᔧᑦ ᐊᔪᕆᕐᑐᐃᑦᔪᑎᖏᑕ ᐱᔭᕆᐊᖃᕐᓂᕐᐹᖏᑦ ᓈᓚᒍᒪᓇᒋᑦ, ᒪᑯᐊ ᐊᑦᔨᒌᒃᑎᑦᓯᓂᖅ, ᓂᑲᒍᓱᖕᓂᕐᓗ, ᐅᒃᐱᕐᓂᕐᓗ; ᑕᒪᒃᑯᐊ ᑕᒪᑦᔭ ᐊᑐᕆᐊᖃᕐᑕᓯ, ᐊᓯᖏᑦ ᖁᔭᓈᖏᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 23:25

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐃᒥᐅᑎᑦ ᐸᓕᐊᓪᓗ ᓯᓚᑎᖏᑦ ᓴᓗᒻᒪᕐᓴᕐᐸᒃᐸᓯ, ᐃᓗᖏᓪᓕ ᑕᑕᑉᐳᑦ ᓯᕘᕋᓵᕆᓂᕐᒥᒃ, ᐃᓱᒪᒋᔭᑑᔪᒪᓂᕐᒥᒡᓗ.

ᒫᑎᐅᓯᐅᑉ ᐊᒡᓚᖏᑦ 23:27

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐃᓗᕕᕐᑎᑐᑦ ᖃᑯᕐᑕᒥᒃ ᓯᓚᑖᒍᑦ ᐊᒥᐊᕆᔪᑎᑐᑦ ᑍᒤᑉᐳᓯ, ᓯᓚᑎᖏᑦ ᑕᑯᒥᓇᕐᑐᐊᓘᕗᑦ, ᐃᓗᖏᓪᓕ ᑕᑕᑉᐳᑦ ᓴᐅᓂᕕᓂᕐᓂᒃ ᒪᒤᑦᑐᐊᓗᖕᓂᒡᓗ.

ᒫᑎᐅᓯᐅᑉ ᐊᒡᓚᖏᑦ 23:29

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᓇᓚᐅᑦᑍᔪᑦ ᐃᓗᕕᖏᑦ ᐱᐅᓴᕐᐸᓯ, ᐃᖅᑲᐅᒪᔭᐅᑦᔪᑎᒃᓴᖏᓐᓂᒡᓗ ᑎᑎᕋᕐᓯᒪᔪᑎᒍᑦ ᐃᓅᓯᖃᑦᓯᐊᓚᐅᕐᑐᓂᒃ ᐃᓅᑎᓪᓗᒋᑦ ᓇᓗᓁᕐᓯᓯᒪᔪᓯ;

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᓘᑲᓯᐅᑉ ᐊᒡᓚᖏᑦ 11:52

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐱᖁᔭᓂᒃ ᐃᓕᓮᔩᑦ! ᐃᓕᓯᒪᓂᐅᑉ ᒪᑐᖓᑕ ᐲᕈᑖ ᐱᓯᒪᒐᑦᓯᐅᒃ; ᐃᓕᑦᓯᓕ ᓇᖕᒥᓂᖅ ᐃᑎᕐᓂᐊᓐᖏᓚᓯ, ᐃᑎᕈᒪᔪᓪᓗ ᐃᑎᕐᑎᑦᑍᓕᓪᓗᒋᑦ!”

ᔪᐊᓇᓯᐅᑉ ᐊᒡᓚᖏᑦ 9:22

ᐊᖓᔪᖅᑳᖏᒡᓕ ᑍᒫᒃ ᐅᖃᕐᐴᒃ ᔫᑎᑦ ᓯᕘᕋᒋᒐᒥᒋᑦ, ᔫᑎᑦ ᐊᖏᖃᑎᒌᒃᓯᒪᓕᕐᒪᑕ ᓇᓪᓕᐊᑦ ᙭ᔅᑑᓯᐅᓂᕅᒃᐸᑦ ᑖᑦᓱᒥᖓ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑦᓯᔪᓐᓇᕐᓂᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 9:24

ᑕᕝᕙ ᑭᖑᓪᓕᕐᒥ ᑕᐅᑐᓚᐅᖏᑦᑐᖅ ᕾᖁᓕᕆᕚᑦ, ᐅᖃᐅᑎᓪᓗᒍᓗ, “ᒎᑎ ᓂᕐᑐᓚᐅᕈᒃ; ᖃᐅᔨᒪᕗᒍᑦ ᐊᖑᑦ ᑖᓐᓇ ᐊᔪᕐᑐᓕᔫᖕᒪᑦ.”

ᔪᐊᓇᓯᐅᑉ ᐊᒡᓚᖏᑦ 9:34

ᑖᒃᑯᐊ ᑭᐅᕚᑦ, “ᐊᔪᕐᓂᕐᒥ ᐃᕐᓂᐊᖑᓯᒪᓪᓗᑎᑦ ᐱᕈᕐᓴᔭᐅᕕᒋᓪᓗᒍᓗ, ᐅᕙᑦᑎᓐᓂᒃ ᐊᔪᕆᕐᑐᐃᓇᓱᐊᕐᐲ?” ᔫᑎᓪᓗ ᐅᒃᐱᕐᓂᕐᒧᑦ ᑲᑎᒪᕕᖓᓐᓂᑦ ᐊᓂᑎᑉᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:8

ᑖᑦᓱᒪᓕ ᐊᖓᒃᑰᑉ ᒍᕇᑭᑎᑐᑦ ᐃᓔᒪᓯᒥᒃ ᐊᑎᓕᐅᑉ ᐊᑭᕋᕐᑐᕐᐹᒃ, ᐊᖓᔪᖅᑳᖅ ᐅᒃᐱᕐᓂᕐᒥᒃ ᑕᒪᑐᒥᖓ ᑲᒪᔪᓐᓃᕐᑎᓐᓇᓱᐊᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 5:28

ᐅᖃᕐᓗᓂ, “ᐊᒃᓱᕈᕐᓗᑕ ᐃᓕᑦᓯᓐᓂᒃ ᐃᓂᕐᑎᕆᓚᐅᕐᐳᒍᑦ ᐊᔪᕆᕐᑐᐃᖃᑦᑕᖁᓇᑕ ᑖᑦᓱᒪ ᐊᑎᖓᓂ, ᐃᓕᑦᓯᓕ ᔨᕉᓴᓕᒻᒥᐅᑦ ᑕᒪᕐᒥᐊᓗᒃ ᑐᓴᕐᑎᓕᕐᐸᓯ ᐊᔪᕆᕐᑐᐃᓂᑦᓯᓐᓄᑦ, ᐅᕙᑦᑎᓐᓂᒃ ᑍᑦᓱᒪ ᑐᖁᑕᐅᓂᖓᓄᑦ ᓵᑕᒃᓴᐅᓂᕅᖃᑦᑕᕐᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:40

ᑲᑎᒪᔨᕐᔪᐊᑦ ᒐᒤᓕᐊᓕᐅᑉ ᐅᖃᐅᓯᖏᓐᓂᒃ ᓈᓚᓚᐅᕐᐳᑦ, ᐋᐴᓯᑕᓖᑦ ᐃᑎᖁᒐᒥᑦᔪᒃ, ᑏᒐᕐᑐᕐᑕᐅᑎᑉᐰᑦ ᐃᓂᕐᑎᒻᒪᕆᒡᓗᒋᑦ ᐊᔪᕆᕐᑐᐃᑦᔪᑎᖃᖃᑦᑕᖁᓇᒋᑦ ᔩᓱᓯᒥᒃ, ᑕᕝᕙᓐᖓᑦ ᐊᓂᖁᕔᑦ.

ᑎᒧᑎᒧᑦ ᐂᑉᐸᖏᑦ 3:8

ᔮᓂᔅᑐᑦ ᔭᒻᐳᕆᓯᑐᓪᓗ ᒨᓯᓯᒥᒃ ᐊᑭᕋᕐᑐᓚᐅᕐᒪᑎᒃ, ᑍᒫᒃᑕᐅᖅ ᑖᒃᑯᐊ ᐊᖑᑎᑦ ᓱᓕᔪᒥᒃ ᐊᑭᕋᕐᑐᕆᕗᑦ; ᐃᓱᒪᖏᑦ ᐊᓯᕈᕐᑕᐅᓯᒪᕗᑦ ᐅᒃᐱᕐᓂᕐᒥᓪᓗ ᑲᑕᒃᓯᒪᓪᓗᑎᒃ.

ᑎᒧᑎᒧᑦ ᐂᑉᐸᖏᑦ 4:15

ᑖᓐᓇ ᖃᐅᔨᒪᓇᓱᐊᑦᓯᐊᕐᓂᐊᕐᐸᑦ, ᐊᔪᕆᕐᑑᑎᑦᑎᓐᓂᒃ ᐊᖏᔪᒥᒃ ᐊᑭᕋᕐᑐᒻᒪᕆᓚᐅᕐᒪᑦ.