ᒫᑎᐅᓯᐅᑉ ᐊᒡᓚᖏᑦ 21:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ “ᑍᒤᒻᒪᑦ ᐅᖃᐅᑎᕙᑦᓯ, ᒎᑎᐅᑉ ᐊᑕᓂᐅᕕᖓᓂᒃ ᐊᕐᓵᕐᑕᐅᔪᒫᕐᐳᓯ ᑐᓂᔭᐅᖔᕐᓗᓂ ᐃᓄᖕᓄᑦ ᐱᕈᕐᑐᖃᕐᑎᑦᓯᔪᓐᓇᕐᑐᓄᑦ. [

Aglait Ijjurnaittut

⁴³ “Taimaimmat uqautivassi, Guutiup Ataniuvinganik aqsaaqtaujumaaqpusi tunijaungaarluni inungnut piruqtuqaqtitsijunnaqtunut. [

ᒫᑎᐅᓯᐅᑉ ᐊᒡᓚᖏᑦ 21:43 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᐂᓮᐊᓯᐅᑉ ᐊᒡᓚᖏᑦ 26:2

ᐃᑎᕐᑕᕐᕕᒡᔪᐊᖏᑦ ᐅᒃᑯᐃᕐᑕᐅᓕᕐᓕᑦ ᐃᓅᖃᑎᒌᒡᔪᐊᑦ ᓱᖁᓯᔪᐃᓪᓗᑎᒃ ᐃᓱᐊᕐᑐᑦ ᐃᑎᕐᑎᑕᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 28:2

ᑕᑯᒋᑦ, ᐊᑕᓂᖅ ᓂᕈᐊᕐᓯᓯᒪᓕᕇᕐᐳᖅ ᓴᓐᖏᔪᕐᔪᐊᒥᒃ ᓯᕘᕋᔪᐃᑦᑐᒥᒃ; ᑎᑭᑲᓪᓚᒍᓐᓇᕐᑐᒥᒃ ᓇᑕᖅᑯᕐᓇᓕᕐᑐᑎᑐᑦ ᐊᖅᑯᓇᕐᔪᐊᑎᑐᓪᓗ, ᓯᓚᓗᕕᒡᔪᐊᕐᑐᑎᑐᓪᓗ, ᐅᓗᑦᔭᐅᔪᑐᓪᓘᓐᓃᑦ, ᑖᑦᓱᒪ ᓄᓇᕐᔪᐊᖅ ᑕᒪᒃᑯᓂᖓ ᑎᑭᑕᐅᑎᑦᓱᒫᕐᐹ ᑲᑉᐱᐊᓇᕐᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 12:28

ᒎᑎᐅᓪᓕ ᐊᓂᕐᓂᖓᒍᑦ, ᐊᓂᕐᓂᕐᓗᐃᑦ ᐊᓂᑎᒍᒃᑭᑦ, ᑕᕝᕙ ᒎᑎᐅᑉ ᐊᑕᓂᐅᕕᖓᓄᑦ ᑎᑭᑕᐅᓯᒪᓕᕐᐳᓯ.

ᒫᑎᐅᓯᐅᑉ ᐊᒡᓚᖏᑦ 21:41

ᑖᒃᑯᐊ ᐅᖃᕐᐳᑦ, “ᓂᑲᒋᖏᑦᓯᐊᕐᓗᒋᑦ ᐱᐅᖏᑦᑐᓕᔪᑦ ᑐᖁᒃᑲᔭᕐᐰᑦ, ᐱᕈᕐᓰᕕᒃ ᑲᒪᔨᓄᑦ ᐊᓯᖏᓐᓄᑦ ᑲᒪᒋᔭᐅᑎᓕᕋᔭᕐᐹ ᐱᕈᕐᑐᖏᓐᓂᒃ ᐱᖃᑕᐅᑎᑦᓯᖃᑦᑕᕋᔭᕐᑐᓄᑦ ᑲᑎᕐᓱᐃᕕᒃ ᓇᓪᓕᐅᑎᔭᕌᖓᑦ.”

ᒫᑎᐅᓯᐅᑉ ᐊᒡᓚᖏᑦ 21:42

ᔩᓱᓯᐅᑉ ᐅᖃᐅᑎᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ? ‘ᐅᔭᕋᒃ ᑐᓐᖓᕕᒃᓴᖅ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᓪᓚᕆᐊᓗᓐᖑᕐᐳᖅ ᑎᕆᖅᑰᓕᕐᓗᓂ; ᑕᒪᓐᓇ ᐊᑕᓂᐅᑉ ᓇᖕᒥᓂᖅ ᐱᓇᓱᐊᓚᐅᕐᐹ; ᐅᕙᑦᑎᓐᓄᓪᓗ ᑲᒪᓇᕐᑐᐊᓘᕗᖅ!’

ᒫᑎᐅᓯᐅᑉ ᐊᒡᓚᖏᑦ 21:44

ᓇᓪᓕᐊᑦ ᑕᕝᕗᖓ ᐅᔭᕋᖕᒧᑦ ᑲᑕᒃᑐᖅ ᓯᖁᒥᓐᓂᐊᕐᐳᖅ; ᐅᔭᕋᒃ ᓇᓪᓕᐊᓐᓄᑦ ᑲᑕᒃᑯᓂ, ᑲᑕᒡᕕᒋᔭᒥᓂᒃ ᓯᖃᓪᓕᓯᓂᐊᕐᐳᖅ.]”

ᔪᐊᓇᓯᐅᑉ ᐊᒡᓚᖏᑦ 3:3

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑑᑉ, ᒎᑎᐅᑉ ᐊᑕᓂᐅᕕᖓ ᑕᑯᔪᓐᓇᓐᖏᓛ.”

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:2

ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.