ᒫᑎᐅᓯᐅᑉ ᐊᒡᓚᖏᑦ 21:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓇᐹᕐᑐᒥᒡᓗ ᐸᐅᕐᖓᓕᒃᓴᒥᒃ ᐊᖅᑯᑎᐅᑉ ᓴᓂᐊᓃᑦᑐᒥᒃ ᑕᑯᒐᒥ ᐅᐸᒃᐹ, ᓇᓂᓯᓐᖏᓚᕐᓗ ᐱᕈᕐᑐᖏᓐᓂᒃ ᐅᖃᐅᔭᖃᑐᐃᓐᓇᕐᒪᑦ. ᓇᐹᕐᑐᖅ ᐅᖃᐅᑎᕚ, “ᐱᕈᕐᕕᐅᒃᑲᓐᓂᓚᐅᕐᓯᒪᑦᔮᔪᓐᓃᕐᐳᑎᑦ!” ᑕᕝᕔᓐᓇᖅ ᓇᐹᕐᑐᖅ ᐸᐅᕐᖓᓕᒃᓴᖅ ᑐᖁᓕᕗᖅ.

Aglait Ijjurnaittut

¹⁹ Napaaqtumiglu paurngaliksamik aqqutiup sanianiittumik takugami upakpaa, nanisinngilarlu piruqtunginnik uqaujaqatuinnarmat. Napaaqtuq uqautivaa, “Pirurviukkannilauqsimajjaajunniiqputit!” Tavvainnaq napaaqtuq paurngaliksaq tuqulivuq.

ᒫᑎᐅᓯᐅᑉ ᐊᒡᓚᖏᑦ 21:19 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 5:2

ᓄᓇ ᐳᐊᕐᕆᔭᓚᐅᕐᐹ ᐅᔭᕅᔭᕐᓗᒍᓗ; ᐃᓕᐅᕅᕕᒋᓚᐅᕐᐹ ᕔᓂᒃᓴᓂᒃ ᐱᐅᓂᕐᐹᓂᒃ; ᐳᕐᑐᔪᒥᒡᓗ ᕿᑎᖓᓂ ᐃᒡᓗᓕᐅᕐᐳᖅ ᖃᐅᔨᓴᕐᕕᖕᒥᒃ, ᐃᑎᕐᓴᓕᐅᓪᓗᓂᓗ ᕔᓂᒃᓴᓂᒃ ᐃᑦᑏᔧᕕᒃᓴᒥᓂᒃ, ᕔᓂᒃᓮᓪᓗ ᐱᕈᕇᕐᓯᐊᕆᓕᕐᐰᑦ, ᐱᐅᔪᓂᒃ ᓂᕆᐅᒡᓗᓂ, ᕔᓂᒃᓮᓪᓕ ᐱᕈᕇᕋᓗᐊᕐᒪᑕ ᐱᐅᖏᑦᑐᓂᒃ ᐸᐅᕐᖓᖃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 8:13

“ᑲᑎᕐᓱᐃᕕᖃᕈᓐᓃᕐᑎᑦᓱᒫᕐᐸᒃᑲ ᐊᑕᓂᖅ ᐅᖃᕐᐳᖅ, ᐅᕐᐱᒐᖁᑎᖏᑦ ᕔᓂᒃᓴᓂᒃ ᐸᐅᕐᖓᑕᖃᕈᓐᓃᕐᓗᑎᒃ ᓇᐹᕐᑐᖁᑎᖏᓪᓗ ᐱᕈᕐᕕᐅᔪᓐᓇᕈᓐᓃᕐᓗᑎᒃ ᐸᐅᕐᖓᓂᒃ ᐅᖃᐅᔭᖏᓪᓗ ᑐᖁᓕᔪᒫᕐᐳᑦ ᑐᓂᑦᔪᑎᒋᓚᐅᕐᑕᓐᓂᒃ ᐊᕐᓵᕐᑕᐅᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 21:20

ᐃᓕᓐᓂᐊᕐᑎᖏᓪᓕ ᑕᒪᑐᒥᖓ ᑕᑯᓐᓈᕋᒥᒃ ᑲᒪᓂᐊᕐᐳᑦ ᐅᖃᕐᓗᑎᒃ, “ᖃᓄᐊᓗᖑᓇ ᓇᐹᕐᑐᖅ ᐸᐅᕐᖓᓕᒃᓴᖅ ᕿᓚᒥᑯᓗᒃ ᑐᖁᓕᑲᐅᕐᑐᕐᐹ?”

ᒫᑯᓯᐅᑉ ᐊᒡᓚᖏᑦ 11:14

ᔩᓱᓯ ᓇᐹᕐᑐᒧᑦ ᐅᖃᕐᐳᖅ, “ᐃᓕᖕᓂᑦ ᐸᐅᕐᖓᓂᒃ ᓂᕆᕕᐅᓚᐅᕐᓯᒪᓂᐊᕈᓐᓃᕐᐳᑎᑦ.” ᐃᓕᓐᓂᐊᕐᑎᖏᑕ ᑐᓴᕐᐹᑦ ᑍᒫᒃ ᐅᖃᕐᑎᓪᓗᒍ.

ᒫᑯᓯᐅᑉ ᐊᒡᓚᖏᑦ 11:20

ᖃᐅᑎᓪᓗᒍ ᐅᓪᓛᒃᑯᑦ ᓴᓂᖅᑯᓕᕋᒥᑦᔪᒃ ᓇᐹᕐᑐᖅ ᐱᒋᓕᖕᓂᒃ ᐸᐅᕐᖓᓕᒃᓴᖅ ᑕᑯᕚᑦ, ᐸᓂᒻᒪᕆᓕᕐᑐᖅ ᐊᒡᓛᑦ ᐊᒫᒥᓄᑦ.

ᓘᑲᓯᐅᑉ ᐊᒡᓚᖏᑦ 3:9

ᒫᓐᓇ ᐅᓕᒪᐅᑦ ᐅᐸᓗᖕᒊᕐᑕᐅᓯᒪᓕᕇᕐᐳᖅ ᓇᐹᕐᑐᑦ ᒪᖑᒃᓯᒪᓂᖏᑎᒍᑦ ᓇᑲᑎᕐᑕᐅᖁᓪᓗᒋᑦ; ᑍᒤᒻᒪᑦ ᓇᐹᕐᑐᓕᒫᑦ ᐸᐅᕐᖓᖃᖏᑦᑐᑦ ᓇᑲᑕᐅᓂᐊᕐᐳᑦ ᐃᒋᑕᐅᓗᑎᒃ ᐃᑯᒪᒧᑦ.”

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 15:6

ᐅᕙᓐᓃᖏᓐᓇᖏᑦᑐᖅ, ᐃᒋᑕᐅᓂᐊᕐᐳᖅ ᓇᐹᕐᑑᑉ ᐊᕙᓚᖓᔪᖏᑎᑐᑦ ᐸᓂᕐᑐᑎᑐᑦ; ᐊᕙᓚᖓᔪᑦ ᑲᑎᑕᐅᓪᓗᑎᒃ, ᐃᒋᑕᐅᕙᖕᒪᑕ ᐃᑯᒪᒧᑦ, ᐃᑯᐊᓪᓚᒃᑕᐅᓪᓗᑎᒃ.

ᑎᒧᑎᒧᑦ ᐂᑉᐸᖏᑦ 3:5

ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ.

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᔫᑎᐅᑉ ᐊᒡᓚᖏᑦ 1:12

ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᓂᕆᕕᒃᔪᐊᖃᑎᒌᖕᓂᑦᓯᓂ ᐱᓐᖏᑦᓯᕐᑐᕐᓗᑎᒃ ᐱᖃᑕᐅᕗᑦ ᓱᕅᔪᒪᓪᓗᑎᒃ ᐃᓕᑦᓯᓐᓂᒃ, ᐃᒻᒥᖕᓂᑐᐊᖅ ᐃᓱᒪᒋᕗᑦ; ᓄᕗᔭᑎᑐᑦ ᓯᓚᓗᒃᑎᑦᓯᔪᓐᓇᖏᑦᑐᑎᑐᑦ ᐊᓄᕆᒧᑦ ᐃᖏᕐᕋᔪᑎᑐᑦ ᑍᒤᑉᐳᑦ; ᓇᐹᕐᑐᑎᑐᑦ ᐱᕈᕐᑐᖃᖏᑦᑐᑎᑐᑦ ᐅᑭᐊᒃᓵᖑᓕᕐᑎᓪᓗᒍ, ᓇᐹᕐᑐᑦ ᐊᒫᖏᑎᒍᑦ ᐲᕐᑕᐅᓯᒪᔪᑎᑐᑦ, ᑐᖁᖓᓪᓚᕆᒃᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:11

ᓇᓪᓕᐊᑦ ᐱᐅᖏᑦᑐᓕᔪᖅ ᐱᐅᖏᑦᑐᒥᒃ ᐱᓇᓱᐊᖏᓐᓇᕐᓕ, ᑲᓐᖑᓇᕐᑐᓕᔪᕐᓗ ᐱᐅᖏᑦᑐᓂᒃ ᑲᓐᖑᓇᕐᑐᓖᓐᓇᕐᓕ, ᐃᓗᐊᕐᑐᓕᔪᕐᓗ ᐱᑦᓯᐊᕐᓂᕐᒥᒃ ᐱᓇᓱᐊᖏᓐᓇᕐᓕ, ᐃᑦᔪᕐᓁᑦᑐᕐᓗ ᐃᑦᔪᕐᓁᖏᓐᓇᕐᓕ.”