ᒫᑎᐅᓯᐅᑉ ᐊᒡᓚᖏᑦ 20:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐅᓐᓄᖕᒪᑦ ᐱᕈᕐᓰᕕᖁᑎᓕᒃ ᐱᓇᓱᐊᕐᑎᓄᑦ ᐊᖓᔪᖅᑲᐅᑎᑕᒥᓄᑦ ᐅᖃᕐᐳᖅ, ‘ᐱᓇᓱᐊᕐᑏᑦ ᕾᖁᓗᒋᑦ ᐊᑭᓕᓕᒃᑭᑦ ᐊᑭᓕᐅᑕᐅᓲᒥᒃ, ᑭᖑᓪᓕᕐᐸᐅᓪᓗᑎᒃ ᐱᓇᓱᐊᓯᒋᐊᖅᑲᐅᔪᓂᑦ ᐱᒋᐊᖅᑳᕐᓗᑎᑦ ᓯᕗᓪᓕᕐᐸᐅᖅᑲᐅᔪᓄᑦ ᑎᑭᓪᓗᒋᑦ.’

Aglait Ijjurnaittut

⁸ “Unnungmat piruqsiiviqutilik pinasuaqtinut angajuqqautitaminut uqaqpuq, ‘Pinasuaqtit qaiqulugit akililikkit akiliutausuumik, kingulliqpaullutik pinasuasigiaqqaujunit pigiaqqaarlutit sivulliqpauqqaujunut tikillugit.’

ᒫᑎᐅᓯᐅᑉ ᐊᒡᓚᖏᑦ 20:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:2

ᐂᑉᕋᒻᓗ ᐅᖃᕐᐳᖅ, “ᐊᑕᓃᖅ ᒎᑏ, ᓱᓇᒥᒃ ᑐᓂᔭᒃᓴᖃᕋᕕᑦ ᐅᕙᓐᓄᑦ, ᓱᓕ ᕿᑐᕐᖓᖃᖏᓐᓇᒪ, ᐅᕙᓐᓂᑦ ᑭᖑᕐᖑᑦᔨᔪᒃᓴᑐᐊᖑᖕᒪᑦ ᐃᓔᓯᕆ ᑕᒫᓯᑰᓯᒥᐅᑕᖅ.”

ᒨᓯᓯ ᓯᕗᓪᓖᑦ 43:19

ᑕᕝᕙ ᔫᓯᐱᐅᑉ ᐱᔨᖓ ᒪᓕᒡᓗᒍ ᔫᓯᐱᐅᑉ ᐃᒡᓗᖓᓄᐊᓕᕐᐳᑦ, ᐃᒡᓘᓪᓗ ᐃᑎᕐᑕᕐᕕᖓᓂ ᑖᓐᓇ ᐅᖃᖃᑎᒋᓕᕐᐹᑦ,

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒫᑎᐅᓯᐅᑉ ᐊᒡᓚᖏᑦ 20:7

ᑖᒃᑯᐊ ᑭᐅᕚᑦ, ‘ᐱᓇᓱᒋᐊᕐᑐᖁᔭᐅᓗᑕ ᑎᓕᔭᐅᓚᐅᖏᓐᓇᑦᑕ.’ ᑖᑦᓱᒪ ᐅᖃᐅᑎᕔᑦ, ‘ᐱᓇᓱᐊᕆᐊᕐᑐᓕᕆᑦᓯ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖕᒥ.’

ᒫᑎᐅᓯᐅᑉ ᐊᒡᓚᖏᑦ 20:9

ᐊᖑᑎᑦ ᐱᓇᓱᐊᕆᐊᓯᖅᑲᐅᔪᑦ 5ᖑᓕᕐᑎᓪᓗᒍ, ᐊᑭᓕᕐᑕᐅᕗᑦ ᓯᐅᓪᕕᕆᒥᒃ ᐊᑕᐅᓯᕐᒥᒃ ᐊᑐᓂᑦ.

ᒫᑎᐅᓯᐅᑉ ᐊᒡᓚᖏᑦ 25:19

“ᑕᒪᑐᒪ ᑭᖑᓂᖓᒍᑦ ᐊᑯᓂ ᓂᐸᒪᓚᐅᕐᓗᓂ ᐱᔩᑦ ᐊᖓᔪᖅᑳᖓᑦ ᐅᑎᕐᐳᖅ, ᑮᓇᐅᔭᖏᓐᓂᒃ ᖃᐅᔨᓴᖃᑎᒋᓕᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 25:31

“ᐃᓅᑉ ᐃᕐᓂᖓ ᐊᖓᔪᖅᑳᕐᔪᐊᖑᓗᓂ ᑎᑭᒃᑯᓂ, ᐂᖏᓕᓕᒫᑦ ᐃᓚᒋᓗᒋᑦ, ᐃᒃᓯᕙᐅᑕᕐᔪᐊᕐᒥᓄᑦ ᐱᓐᓇᕐᓇᕐᑐᕐᔪᐊᕐᒧᑦ ᐃᖏᑦᓱᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 10:7

ᐃᒡᓗᒥᑦ ᑕᕝᕙᓐᖓᑦ ᓅᓐᓂᐊᕋᓯ, ᓂᕆᕙᒡᓗᓯ ᐃᒥᕐᐸᒡᓗᓯᓗ ᒪᓂᔭᐅᔪᓂᒃ ᐃᓕᑦᓯᓐᓄᑦ, ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ; ᓯᓂᒃᑕᕐᕕᒋᔭᑦᓯ ᐊᓯᐊᓄᑦ ᓄᒃᑎᕐᓂᐊᕋᓯ.

ᓘᑲᓯᐅᑉ ᐊᒡᓚᖏᑦ 12:42

ᐊᑕᓂᐅᑉ ᑭᐅᕚ, “ᑭᓇᓕ ᑍᒪ ᑲᔪᓯᑦᓯᐊᕐᑑᓪᓗᓂ ᓯᓚᑐᓪᓗᓂᓗ ᐱᔨᐅᕙ? ᑍᒤᑦᑐᖅ ᐊᖓᔪᖅᑳᖓᑕ ᐊᐅᓚᑦᓯᔨᓐᖑᕐᑎᓐᓂᐊᕐᐹ ᐱᔨᖁᑎᒥᓄᑦ, ᑖᑦᓱᒪ ᓂᕆᑎᖃᑦᑕᕐᓂᐊᕐᐰᑦ ᓂᕆᕕᒃᓴᖓᑦ ᓇᓪᓕᐅᑎᔭᕌᖓᑦ.

ᓘᑲᓯᐅᑉ ᐊᒡᓚᖏᑦ 8:3

ᔪᐊᓇᓗ ᑦᓲᓴᐅᑉ ᓄᓕᐊᖓ, ᐃᕉᑕᓯᐅᑉ ᐃᒡᓗᒥᓂ ᐊᖓᔪᖅᑳᖁᑎᖓᑕ; ᓲᓵᓇᓗ, ᐊᕐᓁᓪᓗ ᐊᓯᖏᑦ ᐊᒥᓱᑦ, ᖃᓄᑐᐃᓐᓇᖅ ᐃᑲᔪᕐᐸᒃᑐᑦ ᐃᑲᔫᑎᒋᔪᓐᓇᕐᑕᒥᒃᑎᒍᑦ ᔩᓱᓯᒥᒃ ᐃᓕᓐᓂᐊᕐᑎᖏᓐᓂᒡᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᒨᓯᓯ ᑕᓪᓕᒪᖏᑦ 24:15

ᖃᐅᑕᒫᓪᓕ ᓯᕿᓂᖅ ᓂᐱᓚᐅᕐᑎᓐᓇᒍ ᐊᑭᓕᖃᑦᑕᕐᑕᒃᓴᕆᕙᓯ ᐅᓪᓗᒥ ᐱᓇᓱᐊᕐᓂᖓᓄᑦ ᐊᑭᓕᐅᑎᐅᔪᓂᒃ ᐱᔭᕆᐊᖃᕐᒪᒋᑦ, ᓯᕿᓂᖅ ᓂᐱᓚᐅᖏᓐᓂᖓᓂ; ᑮᓇᐅᔭᕐᑖᕆᐊᖃᕐᒪᑦ ᐊᒃᓱᕈᕐᓗᓂᓗ ᐱᓇᓱᐊᕐᒪᑦ ᓂᕆᐅᒃᓱᓂᓗ. ᐊᑭᓕᓐᖏᑐᐊᕈᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐃᓕᑦᓯᓐᓂᒃ ᓂᓪᓕᐊᑦᔪᑎᖃᕐᓗᓂ, ᑍᒤᑉᐸᑦ ᐸᓯᔭᒃᓴᐅᓕᕋᔭᕐᐳᓯ ᐊᔪᕐᑐᓕᓗᓯᓗ ᑕᒪᑐᒧᖓ.

ᑍᑑᓯᒧᑦ 1:7

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᑲᒪᔨᐅᒐᒥ ᒎᑎᐅᑉ ᐱᓇᓱᐊᕐᓂᖓᓄᑦ, ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ; ᐱᔪᒪᔭᑐᐃᓐᓇᕐᒥᓂᒃ ᐱᓇᓱᐊᕐᑐᒃᓴᐅᒃᖏᓚ ᓂᓐᖓᒃᓴᕅᑦᑐᒃᓴᐅᓇᓂᓗ, ᐋᖓᔮᕐᑎᐅᔪᒃᓴᐅᓐᖏᓚᖅ, ᐃᓕᕋᓇᕋᓱᐊᕐᑎᐅᓇᓂᓗ ᐱᔪᒪᓗᐊᕐᓂᕐᒧᑦ ᑮᓇᐅᔭᕐᓂᐊᕐᑐᒃᓴᐅᓐᖏᓚᖅ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 4:10

ᐊᑐᓂᑦ ᑐᓂᕐᕈᓯᐊᕐᓯᒪᒐᑦᓯ, ᑕᒪᒃᑯᐊ ᐃᓅᖃᑎᑦᓯᓐᓄᑦ ᐱᔨᑦᓯᕈᑎᒋᓯᐅᒃ, ᐊᑐᑦᓯᐊᖁᓪᓗᓯ ᒎᑎᒥᑦ ᑐᓂᕐᕈᓯᐊᑦᓯᓐᓂᒃ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓᒍᑦ:

ᕉᑎᐅᑉ ᐅᓂᒃᑲᐅᓯᓂᖓ 2:6

ᐊᖓᔪᖅᑳᕆᔭᐅᑎᑕᖓᑕ ᑭᐅᕚ, “ᐅᓇ ᓄᓇᖃᑎᒋᓐᖏᑕᕗᑦ ᒧᐊᐱᒥᐅᑕᖅ ᓁᐅᒥᐅᑉ ᑎᑭᖃᑎᒋᓚᐅᕐᑕᖓ ᓄᓇᒥᑦ ᒧᐊᐱᒥᑦ.