ᒫᑎᐅᓯᐅᑉ ᐊᒡᓚᖏᑦ 20:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᔩᓱᓯᐅᑉ ᐅᖃᐅᑎᕚ, “ᓱᓇᒥᒃ ᐱᔪᒪᕖᑦ?” ᐊᕐᓇᖅ ᐅᖃᕐᐳᖅ, “ᐱᖁᔨᓚᐅᕆᑦ ᐊᖓᔪᖅᑳᕐᔪᐊᓐᖑᕈᕕᑦ ᐅᑯᐊᒃ ᐃᕐᓃᒃᑲᒃ ᐃᒃᓯᕙᖁᓗᒋᒃ ᐊᑕᓂᐅᕕᖕᓂ ᐂᑉᐸᖓ ᑕᓕᕐᐱᖕᓂ ᐂᑉᐸᖓᓗ ᓴᐅᒥᖕᓂ.”

Aglait Ijjurnaittut

²¹ Jiisusiup uqautivaa, “Sunamik pijumavit?” Arnaq uqaqpuq, “Piqujilaurit angajuqqaarjuannguruvit ukuak irniikkak iksivaqulugik Ataniuvingni aippanga taliqpingni aippangalu saumingni.”

ᒫᑎᐅᓯᐅᑉ ᐊᒡᓚᖏᑦ 20:21 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 2:19

ᑕᕝᕙ ᐹᓯᐸ ᐊᖓᔪᖅᑳᕐᔪᐊᒧᐊᕐᐳᖅ ᓲᓗᒨᓂᒧᑦ, ᐊᑐᓁᔭ ᐅᖃᕆᐊᕐᑑᑎᓪᓗᒍ. ᐊᖓᔪᖅᑳᕐᔪᐊᖅ ᓂᑯᕕᑉᐳᖅ ᐊᓈᓇᓂ ᐸᕐᕆᐊᕐᓱᒍ ᐅᑯᕝᕕᒋᕚ; ᐃᖏᓪᓗᓂᓗ ᐃᒃᓯᕙᐅᑕᕐᔪᐊᒥᓄᑦ, ᐊᓯᐊᓂᒃᑕᐅᖅ ᐃᒃᓯᕙᐅᑕᕐᒥᒃ ᐃᓕᓯᖁᔨᕗᖅ ᐊᓈᓇᖓᑕ ᐃᒃᓯᕚᕐᕕᒋᓂᐊᕐᑕᖓᓂᒃ, ᑕᓕᕐᐱᐊᓄᓪᓗ ᐃᖏᑉᐳᖅ ᓴᓂᐊᓄᑦ.

ᐊᑕᓃᑦ ᓯᕗᓪᓖᑦ 3:5

ᑕᕝᕙᓂ ᒋᐱᐅᓂᒥ ᐊᑕᓂᖅ ᓴᖅᑭᑉᐳᖅ ᓲᓗᒨᓂᒧᑦ ᓯᓐᓇᒃᑑᒪᒃᑯᑦ ᐅᓐᓄᐊᒥ ᐅᖃᕐᓗᓂᓗ, “ᑐᒃᓯᐊᓚᐅᕆᑦ ᓱᓇᒥᒃ ᑐᓂᓯᕕᐅᔪᒪᖕᒪᖔᕐᐱᑦ ᐅᕙᓐᓄᑦ.”

ᐃᔅᑕᐅᑉ ᐊᒡᓚᖏᑦ 5:3

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ ᐃᔅᑕᕐᒧᑦ, “ᑯᐃᓐ ᐊᓯᑖ ᓱᔪᒪᒐᕕᑦ? ᐱᔪᒪᔭᕐᓂᒃ ᐅᖃᐅᑎᓚᐅᓐᖓ, ᐱᔪᒪᔭᕐᓂᒃ ᑐᓂᓯᕕᒋᓂᐊᕐᐸᒋᑦ ᐊᒡᓛᑦ ᐊᖓᔪᖅᑲᐅᕕᖕᒪ ᐊᕝᕙᓪᓗᐊᖓᓂᒃ ᑐᓂᓯᕕᒋᔪᓐᓇᕐᐸᒋᑦ.”

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᐃᓐᖏᕈᑎᑦ 45:9

ᐊᖓᔪᖅᑳᕐᔪᐊᑉ ᐸᓂᖏᑦ ᐃᓚᒋᔭᐅᕗᑦ ᐊᕐᓇᓄᑦ ᐅᐱᒋᔭᐅᔪᓄᑦ; ᑕᓕᕐᐱᖕᓃᑉᐳᕐᓗ ᑯᐃᓐ, ᐊᑐᕐᑐᖅ ᒎᓗᓂᒃ ᐅᐱᕼᐃᒥᐅᑕᓂᒃ.

ᔨᕆᒤᐊᐅᑉ ᐊᒡᓚᖏᑦ 45:5

ᐱᔪᓐᓇᕐᑐᕐᔪᐊᖑᓕᕈᑎᒃᓴᓂᒃ ᕿᓂᕈᕕᑦ, ᕿᓂᕈᓐᓃᕆᑦ ᐊᓯᕈᕐᑕᐅᓇᕐᑐᒥᒃ ᐃᓄᓕᒫᓄᑦ ᑎᑭᑎᑦᓯᓂᐊᕋᒪ, ᐊᑕᓂᖅ ᐅᖃᕐᐳᖅ, ᐃᕝᕕᓪᓕ ᐃᓅᓯᕐᒥᒃ ᑐᓂᓂᐊᕐᐸᒋᑦ ᓇᒧᑐᐃᓐᓇᖅ ᐂᓂᐊᕈᕕᑦ ᐃᓅᑎᑦᓱᒫᕐᐸᒋᑦ.”

ᒫᑎᐅᓯᐅᑉ ᐊᒡᓚᖏᑦ 18:1

ᑍᑦᓱᒪᓂ ᐃᓕᓐᓂᐊᕐᑏᑦ ᔩᓱᓯᒧᐊᕐᐳᑦ, ᐅᖃᕐᓗᑎᒃ, “ᑭᓈ ᐱᓪᓚᕆᐅᓂᕐᐸᐅᕙ ᒎᑎᐅᑉ ᐊᑕᓂᐅᕕᖓᓂ?”

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 20:22

ᔩᓱᓯᐅᑉ ᑭᐅᕚᒃ, “ᐊᐱᖅᑯᓯᕆᔭᑦᓯᖕᓂᒃ ᖃᐅᔨᒪᓐᖏᓚᓯᒃ, ᐃᒥᐅᑎᒥᒃ ᐃᒥᕐᓂᐊᕐᑕᓐᓂᒃ ᐃᒥᕈᓐᓇᕐᐱᓰᒃ?” ᑖᒃᑯᐊᒃ ᑭᐅᕚ, “ᐃᒥᕈᓐᓇᕐᐸᕗᒃ.”

ᒫᑎᐅᓯᐅᑉ ᐊᒡᓚᖏᑦ 20:32

ᔩᓱᓯ ᓄᖅᑲᕐᓗᓂ ᑖᒃᑯᖕᓂᖓ ᕾᖁᔨᓕᕐᐳᖅ, ᐅᖃᕐᓗᓂ, “ᐅᕙᓐᓅᑦ ᖃᓄᖅ ᐱᓇᓱᐊᕐᕕᐅᔪᒪᕕᓯ?”

ᒫᑯᓯᐅᑉ ᐊᒡᓚᖏᑦ 10:51

ᔩᓱᓯᐅᑉ ᐅᖃᐅᑎᕚ, “ᐅᕙᓐᓅᑦ ᖃᓄᐃᓕᐅᕐᕕᐅᔪᒪᕖᑦ?” ᑕᐅᑐᖏᑦᑑᑉ ᐅᖃᐅᑎᕚ, “ᐊᔪᕆᕐᑐᐃᔩ, ᑕᐅᑐᓕᑲᓐᓂᕈᒪᕗᖓ.”

ᒫᑯᓯᐅᑉ ᐊᒡᓚᖏᑦ 16:19

ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ.

ᒫᑯᓯᐅᑉ ᐊᒡᓚᖏᑦ 6:22

ᐃᕉᑎᐊᓯᐅᑉ ᐸᓂᖓ ᑕᕝᕗᓐᖓᓚᐅᕐᒪᑦ ᑖᓂᓯᕐᓗᓂᓗ ᓵᖏᓐᓂ, ᑕᒪᓐᓇ ᐃᕉᑕᓯᐅᑉ ᖁᕕᐊᒋᕚ ᓂᕆᔭᕐᑐᕐᑎᓯᒪᔭᖏᑕᓗ ᖁᕕᐊᒋᒋᕚᑦ; ᐊᖓᔪᖅᑳᕐᔪᐊᖅ ᓂᕕᐊᕐᓯᐊᒧᑦ ᐅᖃᕐᐳᖅ, “ᓱᓇᒥᒃ ᐱᑎᑕᐅᔪᒪᒍᕕᑦ ᐱᔪᒪᑉᕕᒋᓚᐅᓐᖓ ᓱᓇᑐᐃᓐᓇᑦᓯᐊᒥᒃ ᐱᔪᒪᔭᕐᓂᒃ ᑐᓂᓯᕕᒋᓂᐊᕐᐸᒋᑦ.”

ᓘᑲᓯᐅᑉ ᐊᒡᓚᖏᑦ 18:41

“ᓱᓇᒥᒃ ᐅᕙᓐᓄᑦ ᐱᓂᐊᕐᕕᐅᔪᒪᕖᑦ?” ᐅᖃᕐᐳᖅ, “ᐊᑕᓃᖅ ᑕᐅᑐᓕᕐᑎᑕᐅᔪᒪᕗᖓ.”

ᓘᑲᓯᐅᑉ ᐊᒡᓚᖏᑦ 19:11

ᐃᓄᐃᑦ ᑕᒪᑐᒥᖓ ᓈᓚᒃᑎᓪᓗᒋᑦ, ᔩᓱᓯᐅᑉ ᐅᓂᒃᑲᐅᑎᕔᑦ ᐊᑦᔨᐅᔪᒥᒃ, ᔨᕉᓴᓕᒻᒧᑦ ᖃᒡᓕᒐᒥᒃ, ᐃᓄᐃᑦ ᐃᓱᒪᖕᒪᑕ ᒎᑎᐅᑉ ᐊᑕᓂᐅᕕᖓ ᒫᓐᓇᒃᑯᑦ ᓴᖅᑭᑦᓴᐅᑎᒋᓂᐊᕋᓱᒋᓕᕐᓗᒍ.

ᓘᑲᓯᐅᑉ ᐊᒡᓚᖏᑦ 22:24

ᐃᓕᓐᓂᐊᕐᑎᓪᓕ ᐃᒻᒥᖕᓄᑦ ᐂᕙᖃᑎᒌᓕᕐᐳᑦ, ᓇᓪᓕᐊᑦ ᐊᖏᓂᕐᓴᒥᒃ ᐃᓱᒪᒋᔭᐅᔪᒃᓴᐅᖕᒪᖔᑦ.

ᔪᐊᓇᓯᐅᑉ ᐊᒡᓚᖏᑦ 15:7

ᐅᕙᓐᓃᓐᖏᓇᕈᑦᓯ, ᐅᖃᐅᓯᒃᑲᓗ ᐃᓗᑦᓯᓐᓃᖏᓐᓇᕐᐸᑕ, ᐱᔪᒪᔭᑦᓯᓐᓂᒃ ᓱᓇᑐᐃᓐᓇᒥᒃ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 1:6

ᐋᐴᓯᑕᓖᑦ ᑲᑎᒪᒐᒥᒃ ᔩᓱᓯᒥᒃ ᐃᓚᖃᕐᓗᑎᒃ ᐊᐱᕆᕚᑦ, “ᐊᑕᓃᖅ ᒫᓐᓇᐅᔪᖅ ᐃᓴᕆᐊᓕᒥᐅᑦ ᐊᖓᔪᖅᑲᐅᕕᖓ ᐱᒋᐊᕐᑎᒃᑲᓐᓂᕐᓂᐊᕐᐱᐅᒃ?”

ᕉᒪᒥᐅᓄᑦ 12:10

ᓇᒡᓕᒃᑎᒌᒋᑦᓯ ᐅᒃᐱᖃᑎᒌᑦ ᓇᒡᓕᖕᓂᖓᑐᑦ; ᐊᓯᑦᓯᓂᒃ ᐅᐱᒋᔭᖃᕐᓂᖅ ᐊᒃᓱᕉᑎᒋᓯᐅᒃ.

ᕉᒪᒥᐅᓄᑦ 8:34

ᑭᓇ ᐃᒋᑕᒃᓴᓐᖑᕐᑎᑦᓯᔪᓐᓇᕐᐹ ᑕᑯᒋᑦ ᙭ᔅᑑᓯ ᔩᓱᓯᐅᑉ, ᑐᖁᓚᐅᕐᑑᑉ, ᑐᖁᒥᓪᓗ ᒪᑭᓚᐅᕐᑑᑉ, ᒎᑎᐅᓪᓗ ᑕᓕᕐᐱᐊᓃᑦᑑᑉ, ᑖᑦᓱᒪ ᑕᕝᕙ ᑐᒃᓯᐅᑎᖃᑦᑕᕐᐹᑎᒍᑦ.

ᑯᓘᓯᐊᒥᐅᓄᑦ 3:1

ᑕᕝᕙ ᙭ᔅᑑᓯ ᒪᑭᖃᑎᒋᓯᒪᒍᑦᓯᐅᒃ, ᐹᓃᑦᑐᓂᒃ ᐃᓱᒪᖃᕆᑦᓯ, ᙭ᔅᑑᓯ ᑕᑉᐹᓃᒻᒪᑦ, ᒎᑎᐅᑉ ᑕᓕᕐᐱᐊᓂ ᐃᒃᓯᕙᓪᓗᓂ.