ᒫᑎᐅᓯᐅᑉ ᐊᒡᓚᖏᑦ 20:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᒎᑎᐅᑉ ᐊᑕᓂᐅᕕᖓ ᐊᑦᔨᖃᕐᐳᖅ ᐊᖑᒻᒥᒃ ᐅᓪᓛᒻᒪᕆᒃᑯᑦ ᕿᓂᕆᐊᕐᑐᒥᒃ ᐃᓄᖕᓂᒃ ᐱᓇᓱᐊᕐᑎᒃᓴᒥᓂᒃ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᒥᓂ.

Aglait Ijjurnaittut

¹ “Guutiup Ataniuvinga ajjiqaqpuq angummik ullaammarikkut qiniriaqtumik inungnik pinasuaqtiksaminik paurganik uainiksauniaqtunik piruqsiiviqutimini.

ᒫᑎᐅᓯᐅᑉ ᐊᒡᓚᖏᑦ 20:1 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 13:24

ᔩᓱᓯᐅᓪᓗ ᐅᖃᐅᑎᒃᑲᓐᓂᕐᐰᑦ ᐊᑦᔨᐅᔪᒥᒃ ᐊᓯᐊᓂᒃ: “ᒎᑎᐅᑉ ᐊᑕᓂᐅᕕᖓ ᐃᒤᑦᑐᒥᒃ ᐊᑦᔨᖃᕐᐳᖅ; ᐊᖑᑦ ᑲᓐᖓᕐᓱᐃᕗᖅ ᑲᓐᖓᕐᓲᑎᒃᓴᓂᒃ ᐱᐅᔪᓂᒃ ᐱᕈᕐᓰᕕᖁᑎᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 13:31

ᔩᓱᓯᐅᑉ ᐅᖃᕐᕕᒋᒃᑲᓐᓂᕐᐰᑦ ᐊᑦᔨᐅᔪᒥᒃ ᐊᓯᐊᓂᒃ: ᐅᖃᕐᓗᓂ, “ᒎᑎᐅᑉ ᐊᑕᓂᐅᕕᖓ ᐱᕈᕐᓯᐊᒃᓴᑐᑦ ᒪᔅᑕᕐᑦᑐᑦ ᑍᒤᑉᐳᖅ ᐊᖑᑎᐅᑉ ᐱᕈᕐᓯᐊᒃᓴᖅ ᑎᒍᒐᒥᐅᒃ ᐱᕈᕐᓰᕕᖁᑎᒥᓄᑦ ᑲᓐᖓᕐᓲᑎᒋᕚ.

ᒫᑎᐅᓯᐅᑉ ᐊᒡᓚᖏᑦ 13:33

ᔩᓱᓯᐅᑉ ᓱᓕ ᐊᑦᔨᐅᔪᒥᒃ ᐊᓯᐊᓂᒃ ᐅᖃᐅᑎᒃᑲᓐᓂᕐᐰᑦ: “ᒎᑎᐅᑉ ᐊᑕᓂᐅᕕᖓ ᐃᒤᑦᑐᒥᒃ ᐊᑦᔨᖃᕐᐳᖅ, ᐊᕐᓇᖅ ᐳᕙᓪᓚᖅᑯᒻᒥᒃ ᑎᒍᓯᕗᖅ, ᓂᐊᖂᔭᒃᓴᓕᐊᒥᓄᑦ ᐊᖏᔪᒧᑦ ᐊᑯᑉᐹ, ᑖᓐᓇᓕᒫᕐᓗ ᐳᕙᓪᓚᕐᑎᑉᐹ.”

ᒫᑎᐅᓯᐅᑉ ᐊᒡᓚᖏᑦ 13:47

“ᐊᒻᒪᑦᑕᐅᖅ, ᒎᑎᐅᑉ ᐊᑕᓂᐅᕕᖓ ᐃᖃᓗᖕᓂᐅᑎᑎᑐᑦ ᓄᓗᐊᑎᑐᑦ ᑍᒤᑉᐳᖅ ᐃᒫᓄᑦ ᓂᖏᑎᑕᐅᔪᑎᑐᑦ ᖃᓄᐃᑦᑐᑐᐃᓐᓈᓗᖕᓂᒃ ᓄᓗᐊᕐᑎᑦᓯᔪᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 20:2

ᐱᓇᓱᐊᕐᑎᑦ ᐊᖏᖃᑎᒋᔭᕇᕋᒥᒋᑦ ᐊᑭᓕᐅᑕᐅᓲᒥᒃ ᐊᑭᓕᕈᒪᓪᓗᒋᑦ, ᓯᐅᓪᕕᕆᒥᒃ ᐊᑕᐅᓯᕐᒥᒃ ᐅᓪᓗᒧᑦ ᐊᑕᐅᓯᕐᒧᑦ, ᑎᓕᕔᑦ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᒥᓂ ᐱᓇᓱᐊᕆᐊᕐᑐᖁᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 21:28

“ᖃᓄᕐᓕ ᐃᓱᒪᕕᓰ? ᐊᖑᑎᑕᖃᓚᐅᕐᐳᖅ ᒪᕐᕉᖕᓂᒃ ᐃᕐᓂᓕᖕᒥᒃ; ᐃᕐᓂᓂᓗ ᐊᖓᔪᒃᓕᖅ ᐅᐸᒃᓗᒍ ᐅᖃᐅᑎᕚ, ‘ᐃᕐᓃᒃ, ᐅᓪᓗᒥ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᓂ ᐱᓇᓱᐊᕆᐊᕐᑐᓚᐅᕆᑦ.’

ᒫᑎᐅᓯᐅᑉ ᐊᒡᓚᖏᑦ 22:2

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕐᐳᖅ, ᐊᖓᔪᖅᑳᕐᔪᐊᒥᒃ ᓂᕆᕕᒃᔪᐊᒃᓴᓕᐅᕐᑐᒥᒃ ᐃᕐᓂᖓ ᑲᑎᑎᑕᐅᓂᐊᓕᕐᒪᑦ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᒫᑎᐅᓯᐅᑉ ᐊᒡᓚᖏᑦ 25:1

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕐᐳᖅ ᐊᕐᓇᓂᒃ ᖁᓕᓂᒃ ᓇᓂᕈᐊᒥᖕᓂᒃ ᓇᒃᓴᕐᓗᑎᒃ ᐅᐃᒃᓴᒥᒃ ᐸᕐᕆᐊᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 25:14

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕆᕗᖅ ᐊᖑᒻᒥᒃ ᐊᖏᕐᕋᒥᓂᒃ ᕿᒤᓂᐊᓕᕐᑐᒥᒃ ᐅᖓᓯᒃᑐᒧᑦ ᐊᐅᓪᓚᕐᓂᐊᕐᑐᒥᒃ; ᐱᔨᓂ ᕾᖁᕔᑦ ᐱᖁᑎᓕᒫᒥᓄᑦ ᑲᒪᔨᐅᖁᓪᓗᒋᑦ ᐊᖓᔪᖅᑳᓐᖑᕐᑎᑉᐰᑦ;

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑯᓯᐅᑉ ᐊᒡᓚᖏᑦ 13:34

ᐊᖑᑎᑐᑦ ᐊᐅᓪᓚᕐᑐᑐᑦ ᑍᒤᑦᓱᒫᕐᐳᖅ, ᐊᖏᕐᕋᒥᓂᒃ ᕿᒤᓕᕋᒥ ᐱᔨᒥᓂᒃ ᑲᒪᔨᐅᑎᑦᓯᔪᑐᑦ, ᑖᒃᑯᐊ ᐊᑐᓂᑦ ᐱᓇᓱᐊᕆᐊᖃᕐᑕᖏᓐᓂᒃ ᐅᖃᐅᑎᑦᓯᐊᕐᐰᑦ, ᐅᒃᑯᐊᒥᒃ ᖃᐅᔨᓴᕐᑎᐅᓂᐊᕐᑐᖅ ᖃᐅᔨᓴᑦᓯᐊᖁᕚ.

ᔪᐊᓇᓯᐅᑉ ᐊᒡᓚᖏᑦ 15:1

“ᐅᕙᖓ ᓱᓕᔪᒥᒃ ᓇᐹᕐᑑᕗᖓ ᐅᐂᓂᒃᓴᓕᒃ, ᐊᑖᑕᒐᓗ ᐸᐅᕐᖓᓕᒃᓴᓂᒃ ᐱᕈᕐᓰᕕᓕᕆᔨᐅᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.