ᒫᑎᐅᓯᐅᑉ ᐊᒡᓚᖏᑦ 18:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ “ᑍᒫᒃᑕᐅᖅ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᕕᒋᒐᔭᕆᕚᓯ ᐅᒃᐱᕐᑑᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᑦ ᐱᔪᒥᒃ.”

Aglait Ijjurnaittut

³⁵ “Taimaaktauq Ataatama qilangmiittuup piniarvigigajarivaasi ukpiqtuuqatissinnik isumagijunnairviqarnianngikkussi, uummatissinnit pijumik.”

ᒫᑎᐅᓯᐅᑉ ᐊᒡᓚᖏᑦ 18:35 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:13

ᐊᔪᕐᓴᕐᑐᑦ ᕿᓄᓂᖏᓐᓂᒃ ᑐᓴᕐᑍᓕᒪᔪᖅ, ᕿᓄᓇᓱᐊᓕᕋᓗᐊᕐᐸᑦ ᑐᓴᕐᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:2

ᐃᓅᑉ ᐊᑐᕐᑕᓕᒫᓂ ᓈᒻᒪᒐᓱᒋᕔᑦ ᑕᐅᑐᒃᑕᒥᒍᑦ, ᐊᑕᓂᐅᓪᓕ ᐆᒻᒪᑎᖏᑎᒍᑦ ᖃᐅᔨᓴᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 7:12

ᐆᒻᒪᑎᑎᒃ ᐅᔭᕋᒃᑎᑐᑦ ᓯᑎᔪᕈᕐᑎᑉᐰᑦ, ᐱᖁᔭᓐᓂᒃ ᓈᓚᒍᒪᖏᓐᓂᕐᒧᑦ ᐊᑕᓂᐅᑉ ᐊᔪᒐᖃᖏᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᖏᓐᓂᕐᒧᑦ ᐅᖃᐅᓯᕆᓯᒪᔭᖏᓐᓂᒃ ᐱᔪᖃᓛᕐᑐᒥᒃ ᐅᖃᕐᑎᒥᒍᑦ ᓯᕗᓕᕕᓂᑦᑎᒍᑦ ᐊᓂᕐᓂᕐᒥᒍᑦ. ᑍᒤᒻᒪᑦ ᐊᑕᓂᖅ ᐊᖏᔪᒥᒃ ᓂᓐᖓᓚᐅᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 18:34

ᐊᖓᔪᖅᑳᕐᔪᐊᖅ ᑕᕝᕙ ᓂᓐᖓᒃᑐᐊᓘᕗᖅ, ᑖᓐᓇ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹ, ᓱᒋᐊᕐᑕᐅᖁᓪᓗᒍ ᐊᑭᓕᒃᓴᕆᔭᒥᓂᒃ ᐃᓘᓐᓇᖏᓐᓂᒃ ᐊᑭᓖᓚᐅᖏᓐᓂᓕᒫᖓᓂ.

ᒫᑎᐅᓯᐅᑉ ᐊᒡᓚᖏᑦ 6:12

ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᑍᒫᒃᑕᐅᖅ ᐃᓅᖃᑎᑦᑕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕋᑦᑎᒍ.

ᒫᑯᓯᐅᑉ ᐊᒡᓚᖏᑦ 11:25

ᓇᖏᕐᓗᓯᓕ ᑐᒃᓯᐊᕈᑦᓯ, ᐃᓱᒪᒋᔪᓐᓁᕐᕕᖃᕆᑦᓯ ᐃᓅᖃᑎᑦᓯ ᐊᑲᐅᒃᓴᖏᒃᔪᑎᒃᓴᖃᕈᑦᓯ; ᐊᑖᑕᑦᓯᓐᓄᑦᑕᐅᖅ ᕿᓚᖕᒦᑦᑐᒧᑦ ᐃᓱᒪᒋᔪᓐᓁᕐᕕᐅᖁᓪᓗᓯ ᐊᔪᕐᑐᓕᓂᑦᓯᓐᓂᑦ. [

ᒫᑯᓯᐅᑉ ᐊᒡᓚᖏᑦ 11:26

ᐃᓅᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᓂᐊᖏᒃᑯᑦᓯ ᐊᑖᑕᑦᓯᑦᑕᐅᖅ ᕿᓚᖕᒦᑦᑑᑉ ᐃᓱᒪᒋᔪᓐᓁᕐᕕᒋᓂᐊᖏᓐᓂᕚᓯ ᐊᔪᕐᑐᓕᓂᓯᓂᑦ.]”

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔧᒥᓯᐅᑉ ᐊᒡᓚᖏᑦ 3:14

ᐆᒻᒪᑎᑦᓯᒍᑦ ᐊᓐᓂᕈᑦᔨᓂᕐᒥᒃ ᐱᔪᑑᔪᒪᓂᕐᒥᒡᓗ ᐱᖃᕈᑦᓯ, ᓂᕐᑑᑎᓂᐊᕋᓯ ᓴᒡᓗᖁᓇᓯ ᓱᓕᔪᒧᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.