ᒫᑎᐅᓯᐅᑉ ᐊᒡᓚᖏᑦ 18:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᖓᔪᖅᑳᕐᔪᐊᖅ ᑖᑦᓱᒥᖓ ᐃᓚᑦᓱᒍᓱᓕᕋᒥ, ᐃᓱᒪᒋᔪᓐᓁᕐᕕᒋᕚ ᐊᑭᓕᒃᓴᓕᒫᖏᓐᓂᒃ; ᐊᓂᖁᓕᕐᓗᒍᓗ.

Aglait Ijjurnaittut

²⁷ Angajuqqaarjuaq taassuminga ilatsugusulirami, isumagijunnairvigivaa akiliksalimaanginnik; aniqulirlugulu.

ᒫᑎᐅᓯᐅᑉ ᐊᒡᓚᖏᑦ 18:27 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᐃᓐᖏᕈᑎᑦ 145:8

ᐊᑕᓂᖅ ᐱᑦᓯᐊᕐᓂᖃᕐᒪᑦ ᐊᖏᔪᒥᒃ ᓂᑲᒍᓱᖕᓂᖃᕐᓗᓂᓗ, ᓂᓐᖓᒃᓴᕅᖏᑦᑐᖅ ᓇᒡᓕᖕᓂᕐᔪᐊᖃᕐᓗᓂᓗ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 18:28

“ᑖᓐᓇ ᐊᖑᑦ ᑕᕝᕙᓐᖓᑦ ᐊᓂᒐᒥ ᐱᔨᐅᖃᑎᒥᓂᒃ ᑲᑎᓯᕗᖅ ᐊᑭᓕᒃᓴᖃᕐᕕᒋᔨᒥᓂᒃ ᑮᓇᐅᔭᓂᒃ ᐅᓄᖏᑦᑐᓂᒃ; ᐅᐸᒃᓗᒍ ᑐᖅᑯᔮᒃᓯᕚ ᐅᖃᐅᑎᓪᓗᒍ, ‘ᐊᑭᓖᓚᐅᕆᑦ ᐅᕙᓐᓄᑦ ᐊᑭᓕᒃᓴᕆᔭᕐᓂᒃ.’

ᒫᑎᐅᓯᐅᑉ ᐊᒡᓚᖏᑦ 18:32

ᑕᕝᕙ ᐊᖓᔪᖅᑳᕐᔪᐊᑉ ᐱᔨᓂ ᐃᑎᕐᑎᑕᐅᖁᓕᕐᐹ; ᐃᑎᕐᒪᑦ ᐅᖃᐅᑎᕚ, ‘ᐱᐅᖏᑦᑐᐊᓘᔪᑎᑦ! ᐃᓱᒪᒋᔪᓐᓁᕐᕕᒋᓚᐅᕐᐸᒋᑦ ᕿᓄᕕᒋᒐᕕᖓ ᐃᓘᓐᓇᓕᒫᖏᓐᓂᒃ ᐅᕙᓐᓄᑦ ᐊᑭᓕᒃᓴᕆᔭᕐᓂᒃ.

ᓘᑲᓯᐅᑉ ᐊᒡᓚᖏᑦ 7:42

ᑖᒃᑯᐊᒃ ᐊᑐᓂᑦ ᐊᑭᓕᐅᑎᒃᓴᖃᖏᒻᒪᑎᒃ ᐊᑭᓕᒃᓴᖃᕐᕕᒋᔨᖏᒃᑕ ᐊᑭᓖᖁᔪᓐᓃᕐᓗᒋᒃ ᐃᓱᒪᒋᔪᓐᓁᕐᕕᒋᕚᒃ. ᓇᓪᓕᐊᒡᓕ ᑍᒪ ᐊᑭᓕᒃᓴᖃᕐᕕᒋᔭᒥᓂᒃ ᓇᒡᓕᒍᓱᖕᓂᕐᓴᐅᒐᔭᕐᐹ?”

ᓘᑲᓯᐅᑉ ᐊᒡᓚᖏᑦ 7:43

ᓮᒨᓂ ᑭᐅᕗᖅ, “ᐃᓱᒪᕗᖓ ᐅᓄᕐᓂᕐᓴᓂᒃ ᐊᑭᓕᒃᓴᖃᓚᐅᕐᑐᖅ.” ᔩᓱᓯᐅᑉ ᐅᖃᐅᑎᕚ, “ᓱᓕᕗᑎᑦ.”

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.