ᒫᑎᐅᓯᐅᑉ ᐊᒡᓚᖏᑦ 17:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᓗᒍ ᑕᕝᕙᓐᖓᑦ ᐊᓂᖁᕚ, ᐊᓂᕐᓂᕐᓗᒃ ᓄᑲᑉᐱᐊᒥᑦ ᐊᓂᕗᖅ, ᑕᕝᕙᑦᓮᓐᓇᖅ ᓄᑲᑉᐱᐊᖅ ᐋᖅᑭᒃᐳᖅ.

Aglait Ijjurnaittut

¹⁸ Jiisusiup anirnirluk iniqtirlugu tavvanngat aniquvaa, anirnirluk nukappiamit anivuq, tavvatsainnaq nukappiaq aaqqikpuq.

ᒫᑎᐅᓯᐅᑉ ᐊᒡᓚᖏᑦ 17:18 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 12:22

ᐃᓄᐃᑦ ᐃᓚᖏᑦ ᔩᓱᓯᒧᐊᕈᑦᔨᕗᑦ ᑕᐅᑐᖏᑦᑐᒥᒃ ᐊᖑᒻᒥᒃ, ᐅᖃᕈᓐᓇᖏᑦᑐᒥᒡᓗ ᐊᓂᕐᓂᕐᓗᖕᒧᑦ ᐃᓗᒻᒥᕐᑕᐅᓯᒪᒐᒥ, ᑖᓐᓇ ᔩᓱᓯᐅᑉ ᐋᖅᑭᒃᐹ, ᐊᖑᑦ ᐅᖃᕈᓐᓇᕐᓯᕗᖅ ᑕᐅᑐᓕᕐᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 15:28

ᑕᕝᕙ ᔩᓱᓯᐅᑉ ᑭᐅᕚ, “ᐊᕐᓈᖅ ᐅᒃᐱᕐᓃᑦ ᐊᖏᔫᕗᖅ! ᐱᔪᒪᔭᕐᓂᒃ ᑐᓂᓯᕕᐅᓂᐊᓕᕐᐳᑎᑦ.” ᑕᕝᕔᓐᓇᖅ ᐊᕐᓇᐅᑉ ᐸᓂᖓ ᐋᖅᑭᒃᐳᖅ.

ᒫᑎᐅᓯᐅᑉ ᐊᒡᓚᖏᑦ 17:17

ᔩᓱᓯᐅᑉ ᑭᐅᕚ, “ᐅᒃᐱᕐᓂᖃᖏᑦᑐᓯ ᑕᒻᒪᕐᓯᒪᔪᐊᓘᔪᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ? ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕐᕕᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᐅᕙᓐᓄᑦ ᒪᐅᖓ ᕾᑎᓚᐅᕈᒃ.”

ᒫᑎᐅᓯᐅᑉ ᐊᒡᓚᖏᑦ 17:19

ᑕᕝᕙ ᐃᓕᓐᓂᐊᕐᑎᑦ ᔩᓱᓯᒧᐊᕐᐳᑦ ᐃᓄᑑᓕᕐᒪᑦ ᐊᐱᕆᕚᑦ, “ᓱᖕᒪᓪᓕ ᐊᓂᕐᓂᕐᓗᒃ ᐊᓂᑎᑦᓱᓐᓇᓐᖏᓚᕘᑦ?”

ᒫᑎᐅᓯᐅᑉ ᐊᒡᓚᖏᑦ 9:22

ᔩᓱᓯ ᑐᓄᒻᒧᑦ ᕿᕕᐊᕐᓗᓂ ᐊᕐᓇᖅ ᑕᑯᕚ, ᐅᖃᐅᑎᓪᓗᒍ, “ᐸᓃᒃ ᖁᕕᐊᓱᓕᕆᑦ! ᐅᒃᐱᕐᓂᕕᑦ ᐋᖅᑭᒃᐹᑎᑦ,” ᑕᕝᕙᑦᓮᓐᓇᖅ ᐊᕐᓇᖅ ᐋᖅᑭᒃᑕᐅᑦᓯᐊᕐᐳᖅ.

ᒫᑯᓯᐅᑉ ᐊᒡᓚᖏᑦ 1:34

ᖃᓄᑐᐃᓐᓇᖅ ᖃᓂᒻᒪᓯᓖᑦ ᐊᒥᓱᑦ ᐋᖅᑭᒃᐰᑦ, ᐊᓂᕐᓂᕐᓗᖕᓄᓪᓗ ᐃᑎᕐᕕᐅᓯᒪᔪᑦ ᐊᒥᓱᑦ ᐊᓂᑎᑦᓯᕕᒋᕔᑦ; ᐊᓂᕐᓂᕐᓗᐃᑦ ᐅᖃᕐᕕᖃᕐᑎᓐᖏᓔᑦ, ᖃᐅᔨᒪᖕᒪᑕ ᑭᓇᐅᖕᒪᖔᑦ.

ᒫᑯᓯᐅᑉ ᐊᒡᓚᖏᑦ 5:8

ᑖᓐᓇ ᑍᒫᒃ ᐅᖃᕐᐳᖅ, ᔩᓱᓯ ᐅᖃᕐᒪᑦ “ᐊᓂᕐᓂᕐᓘᒃ ᑕᕝᕙᓐᖓᑦ ᐃᓄᖕᒥᑦ ᐊᓂᒋᑦ!”

ᓘᑲᓯᐅᑉ ᐊᒡᓚᖏᑦ 4:41

ᐊᓂᕐᓂᕐᓗᐃᓪᓗ ᐃᓄᖕᓂᑦ ᐅᓄᕐᑐᓂᑦ ᐊᓂᕗᑦ, ᓂᓪᓕᐊᓪᓗᑎᒃ ᐃᒫᒃ, “ᒎᑎᐅᑉ ᐃᕐᓂᕆᕚᑎᑦ!” ᐃᓂᕐᑎᕐᐰᑦ, ᐅᖃᓪᓚᖁᓇᒋᑦ, ᖃᐅᔨᒪᖕᒪᑕ ᙭ᔅᑑᓯᐅᓂᖓᓂᒃ.

ᓘᑲᓯᐅᑉ ᐊᒡᓚᖏᑦ 8:29

ᑍᒫᒃ ᐅᖃᕐᐳᖅ ᔩᓱᓯᐅᑉ ᐊᓂᕐᓂᕐᓗᒃ ᐊᓂᖁᓚᐅᕐᒪᒍ ᐃᓄᖕᒥᑦ ᑖᑦᓱᒪᖓᑦ. ᐅᓄᕐᑐᐃᕐᓱᕐᓗᓂ ᐊᐅᓚᖃᑦᑕᕐᓯᒪᖕᒪᒍ; ᑎᒍᔭᐅᖃᑦᑕᕐᓯᒪᒐᓗᐊᕐᓗᓂ, ᐊᕐᓵᕐᑑᔭᓄᑦ ᑕᓕᖏᒃ ᐃᑎᒐᖏᓪᓗ ᐊᑦᓱᖏᕐᑕᐅᖃᑦᑕᕐᓯᒪᒐᓗᐊᕐᐳᑦ, ᑖᑦᓱᒪᓕ ᐊᕐᓵᕐᑑᔧᑦ ᑭᒃᑐᕋᖃᑦᑕᓚᐅᕐᐰᑦ, ᐊᓂᕐᓂᕐᓘᑉ ᐊᐅᓪᓚᕈᑎᕙᒡᓗᓂᐅᒃ ᐃᓄᖃᖏᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 9:42

ᓱᕈᓯᖅ ᕾᓕᕐᑎᓪᓗᒍ, ᐊᓂᕐᓂᕐᓘᑉ ᓄᓇᒧᑦ ᐅᕐᕈᑎᑉᐹ ᓱᑲᑎᑖᓗᒋᓪᓗᒍ. ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᓗᒍ ᐊᓂᖁᕚ, ᓱᕈᓯᖅ ᐋᖅᑭᒃᐹ, ᐊᑖᑕᖓᓄᑦ ᐅᑎᕐᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 16:18

ᐅᓪᓗᓂᒃ ᐊᒥᓱᓂᒃ ᑖᓐᓇ ᑍᒤᓕᐅᕐᐳᖅ. ᐸᐅᓗᓯᐅᑉ ᐊᖏᔪᒥᒃ ᐊᑲᐅᒋᔪᓐᓃᕋᒥᐅᒃ, ᓵᕝᕕᒋᓪᓗᒍ ᐊᓂᕐᓂᕐᓗᒃ ᐅᖃᐅᑎᕚ, “ᔩᓱᓯ ᙭ᔅᑑᓯᐅᑉ ᐊᑎᖓᓂ ᐅᖃᐅᑎᕙᒋᑦ ᐆᒪᓐᖓᑦ ᐊᕐᓇᒥᑦ ᐊᓂᒋᑦ.” ᐊᓂᕐᓂᕐᓗᒃ ᑕᕝᕙᑦᓮᓐᓇᖅ ᑖᑦᓱᒪᖓᑦ ᐊᕐᓇᒥᑦ ᐊᓂᕗᖅ.