ᒫᑎᐅᓯᐅᑉ ᐊᒡᓚᖏᑦ 16:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

Aglait Ijjurnaittut

²⁴ Tavva Jiisusiup ilinniaqtini uqautivait, “Nalliat uvannut maligumajuq, pinasuarumajaminik qujanaaqsijuksauvuq, sanningajuliminik agjaqsiluni, maliktuksauvuq uvannik.

ᒫᑎᐅᓯᐅᑉ ᐊᒡᓚᖏᑦ 16:24 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 10:38

ᓇᓪᓕᐊᑦ ᓴᓐᓂᖓᔪᓕᒃᓴᒥᓂᒃ ᓇᒃᓴᖏᑦᑐᖅ ᒪᓕᒡᓗᓂ ᐅᕙᓐᓂᒃ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 27:32

ᑕᕝᕙᓐᖓᑦ ᐊᓂᓪᓗᑎᒃ, ᐊᖑᒻᒥᒃ ᑲᑎᓯᕗᑦ ᓮᕆᓂᒥᐅᑕᕐᒥᒃ, ᓮᒨᓂᒥᒃ ᐊᑎᓕᖕᒥᒃ; ᑖᓐᓇ ᐅᓇᑕᕐᑐᒃᓴᓂᑦ ᐊᒃᓱᕉᑦᔭᐅᓪᓗᓂ ᐊᒡᔭᕐᓯᑎᑕᐅᕗᖅ ᔩᓱᓯᐅᑉ ᓴᓐᓂᖓᔪᓕᒃᓴᖓᓂᒃ.

ᒫᑯᓯᐅᑉ ᐊᒡᓚᖏᑦ 10:21

ᔩᓱᓯᐅᑉ ᑕᑯᓴᕐᓗᒍ ᓇᒡᓕᒋᓪᓗᓂᐅᒃ ᐅᖃᐅᑎᕚ, “ᐊᑕᐅᓯᕐᒥᒃ ᓱᓕ ᐱᓐᖏᓚᑎᑦ; ᐂᓗᑎᑦ ᐱᖁᑎᖕᓂᒃ ᓂᐅᕐᕈᑎᖃᕆᐊᕐᑐᕆᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᒃᓴᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᒫᑯᓯᐅᑉ ᐊᒡᓚᖏᑦ 15:21

ᐊᖅᑯᑖᓂ ᑲᑎᓯᕗᑦ, ᓄᓇᓕᖕᓄᑦ ᑎᑭᓕᕐᑐᒥᒃ, ᐅᓇᑕᕐᑐᒃᓮᓪᓗ ᐃᓱᒪᓯᐅᖏᑦᓯᐊᕐᓗᒍ ᐊᒡᔭᕐᓯᑎᑉᐹᑦ ᔩᓱᓯᐅᑉ ᓴᓐᓂᖓᔪᓕᒃᓴᖓᓂᒃ; ᑖᓐᓇ ᓮᒨᓂᒥᒃ ᐊᑎᖃᕐᐳᖅ ᓮᕆᓂᒥᐅᑕᖅ, ᐊᓕᒃᓵᓐᑕᕆᐅᑉ ᕉᐸᓯᐅᓪᓗ ᐊᑖᑕᖓ.

ᒫᑯᓯᐅᑉ ᐊᒡᓚᖏᑦ 8:34

ᔩᓱᓯ ᐃᓄᖕᓂᒃ ᐃᓕᓐᓂᐊᕐᑎᒥᓂᒡᓗ ᕾᖁᔨᕗᖅ ᐅᖃᐅᑎᓪᓗᒋᑦ, “ᐅᕙᓐᓂᒃ ᒪᓕᒍᒪᔪᖅ, ᐃᒻᒥᓂᒃ ᐃᓱᒪᒋᔪᒃᓴᐅᓐᖏᓚᖅ ᓴᓐᓂᖓᔪᓕᖕᒥᓂᒡᓕ ᐃᕐᓱᒡᓗᓂ ᐅᕙᓐᓂᒃ ᒪᓕᒃᑐᒃᓴᐅᕗᖅ.

ᓘᑲᓯᐅᑉ ᐊᒡᓚᖏᑦ 14:27

ᓴᓐᓂᖓᔪᓕᒃᓴᒥᓂᒃ ᐊᒡᔭᕐᓯᔪᒪᖏᑦᑐᖅ ᒪᓕᒡᓗᖓ, ᑖᓐᓇ ᐃᓕᓐᓂᐊᕐᑎᒋᔪᓐᓇᓐᖏᓚᕋ.

ᓘᑲᓯᐅᑉ ᐊᒡᓚᖏᑦ 23:26

ᐅᓇᑕᕐᑐᒃᓮᑦ ᔩᓱᓯ ᑕᓯᐅᕐᓗᒍ ᐊᓐᓂᓯᓕᕐᐹᑦ, ᐊᓂᓕᕐᓗᑎᒃ ᑲᑎᓯᕗᑦ ᐊᖑᒻᒥᒃ ᓮᕆᓂᒥᐅᕐᒥᒃ ᓮᒨᓂᒥᒃ ᐊᑎᓕᖕᒥᒃ, ᓄᓇᐅᑉ ᐊᓯᐊᓂᑦ ᐃᒡᓗᒐᓴᖕᓄᑦ ᑎᑭᓯᒪᔪᒥᒃ, ᑖᓐᓇ ᓴᓐᓂᖓᔪᓕᖕᒥᒃ ᐃᕐᓱᒃᑎᓕᕐᐹᑦ ᔩᓱᓯᐅᑉ ᑭᖑᓂᖓᓂ.

ᔪᐊᓇᓯᐅᑉ ᐊᒡᓚᖏᑦ 19:17

ᔩᓱᓯ ᐊᓂᕗᖅ, ᓴᓐᓂᖓᔪᓕᒃᓴᓂᓗ ᐃᕐᓱᒃᐹ, ᓂᐊᖁᕕᓂᕐᑕᓕᖕᒧᑦ, ᐄᑉᕉᑎᑐᑦ ᐊᑎᖃᕐᑐᒧᑦ ᒎᓪᒑᑕᒥᒃ.

ᔪᐊᓇᓯᐅᑉ ᐊᒡᓚᖏᑦ 21:19

ᔩᓱᓯ ᑕᒪᑐᒥᖓ ᐅᖃᓚᐅᕐᐳᖅ, ᐲᑦᑐᕉᓯᐅᑉ ᑐᖁᑕᐅᓗᓂ ᒎᑎᐅᑉ ᓂᕐᑐᕐᓇᕐᑎᑕᐅᓂᕆᓛᕐᑕᖓᓂᒃ ᐅᖃᐅᓯᖃᕐᓗᓂ. ᑕᒪᑐᒪ ᑭᖑᕐᖓᒍᑦ ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.”

ᔪᐊᓇᓯᐅᑉ ᐊᒡᓚᖏᑦ 21:22

ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:3

ᓴᖑᑎᑕᐅᔪᖃᖁᓇᓯ ᐅᖁᒤᑦᑐᓄᑦ ᑕᒪᒃᑯᓄᖓ, ᓇᖕᒥᓂᖅ ᖃᐅᔨᒪᒐᑦᓯ ᐊᑭᕋᕐᑐᕐᑕᐅᓂᖅ ᑕᒪᓐᓇ ᐅᕙᑦᑎᓐᓄᑦ ᒎᑎᐅᑉ ᐱᖁᔨᓂᖓᑕ ᐃᓚᒋᖕᒪᒍ.

ᑎᒧᑎᒧᑦ ᐂᑉᐸᖏᑦ 3:12

ᐅᒃᐱᑦᓯᐊᕐᑑᔪᒪᔪᓕᒫᑦ ᙭ᔅᑑᓯ ᔩᓱᓯᒥ ᐊᑭᕋᕐᑐᕐᑕᐅᓂᐊᕐᒪᑕ,

ᐲᑦᑐᕉᓯ ᓯᕗᓪᓖᑦ 2:21

ᑕᒪᑐᒧᖓ ᕾᖁᔭᐅᓯᒪᒐᑦᓯ, ᙭ᔅᑑᓯᑦᑕᐅᖅ ᐋᓐᓂᐊᓚᐅᕐᒪᑦ ᐱᑦᔪᑎᒋᓪᓗᓯ, ᒪᓕᒐᒃᓴᑦᓯᓐᓂᒃ ᕿᒤᓚᐅᕐᒪᑦ, ᒪᓕᖁᓪᓗᓯ ᑖᑦᓱᒪ ᑐᒥᖏᓐᓂᒃ.