ᒫᑎᐅᓯᐅᑉ ᐊᒡᓚᖏᑦ 16:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᔩᓱᓯᐅᑉ ᐲᑦᑐᕉᓯ ᓵᓪᖢᒍ ᐅᖃᐅᑎᕚ, “ᓵᑖᓇᓰ, ᑐᓄᓐᓅᐊᕆᑦ! ᐊᑐᕆᐊᖃᕐᑕᓐᓂᒃ ᐊᒡᕕᐊᕋᓱᐊᕋᕕᑦ; ᑕᒪᓐᓇ ᐃᓱᒪᒋᔧᑦ ᒎᑎᒥᑦ ᐱᖏᒻᒪᑦ, ᐃᓄᑐᐃᓐᓇᕐᒥᓪᓕ ᐱᕗᖅ!”

Aglait Ijjurnaittut

²³ Jiisusiup Piitturuusi saattlugu uqautivaa, “Saataanasi, tununnuarit! Aturiaqaqtannik agviarasuaravit; tamanna isumagijait Guutimit pinngimmat, inutuinnarmilli pivuq!”

ᒫᑎᐅᓯᐅᑉ ᐊᒡᓚᖏᑦ 16:23 ပူးပေါင်းရင်းမြစ်များ

ᐱᓕᐱᒥᐅᓄᑦ 3:19

ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ.

ᑯᓘᓯᐊᒥᐅᓄᑦ 3:2

ᐹᓃᑦᑐᑦ ᐱᓇᓱᐊᕐᓯᒋᑦ, ᓄᓇᒦᑦᑐᑦ ᐱᓇᒋᑦ.

ᒫᑯᓯᐅᑉ ᐊᒡᓚᖏᑦ 8:33

ᐃᓕᓐᓂᐊᕐᑎᒥᓄᑦ ᕿᕕᐊᕐᓗᓂ, ᐲᑦᑐᕉᓯ ᓱᐊᒃᐹ, ᐅᖃᕐᓗᓂ, “ᓵᑖᓇᓰ ᑐᓄᓐᓄᐊᕆᑦ! ᐃᓱᒪᒋᔧᑦ ᒎᑎᒥᑦ ᐱᖏᒻᒪᑦ, ᐃᓄᖕᒥᓪᓕ ᐱᕗᖅ.”

ᒫᑎᐅᓯᐅᑉ ᐊᒡᓚᖏᑦ 4:10

ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

ᔪᐊᓇᓯᐅᑉ ᐊᒡᓚᖏᑦ 6:70

ᔩᓱᓯᐅᑉ ᑭᐅᕔᑦ, “ᐃᓕᑦᓯ 12ᓗᓯ ᓂᕈᐊᓚᐅᓐᖏᓚᑦᓯ? ᐃᓚᑦᓯᓕ ᐃᓚᖓᑦ ᓵᑖᓇᓯᐅᕗᖅ.”

ᓘᑲᓯᐅᑉ ᐊᒡᓚᖏᑦ 4:8

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐊᑕᓂᖅ ᒎᑎᒋᔧᑦ ᑐᒃᓯᐊᕐᕕᒋᔭᒃᓴᕆᕙᑦ, ᑖᓐᓇᑐᐊᕐᓗ ᐱᔨᑦᓯᕐᑕᒃᓴᕆᕙᑦ.’”

ᒨᓯᓯ ᓯᕗᓪᓖᑦ 3:17

ᐊᖑᒻᒧᓪᓗ ᐅᖃᕆᕗᖅ, “ᓄᓕᐊᕐᓂᒃ ᓈᓚᓚᐅᕋᕕᑦ, ᓇᐹᕐᑐᒥᓪᓗ ᓂᕆᓪᓗᑎᑦ ᐃᓂᕐᑎᕈᑎᒋᓚᐅᕐᑕᓐᓂᒃ ᐃᒫᒃ, ‘ᑖᓐᓇ ᓂᕆᕕᒋᑦᑍᓕᓯᐅᒃ,’ ᓄᓇᑦᑕᐅᖅ ᓇᕐᕈᓇᕐᓯᑎᑕᐅᓂᐊᓕᕐᐳᖅ ᐱᑦᔪᑎᒋᓪᓗᑎᑦ; ᐊᒃᓱᕈᕐᓗᑎᑦ ᓂᕿᒃᓴᕐᓯᐅᕐᐸᖕᓂᐊᓕᕐᐳᑎᑦ ᓄᓇᒥ ᐃᓅᓯᓕᒫᕐᓂ.

ᕉᒪᒥᐅᓄᑦ 14:13

ᑍᒤᒻᒪᑦ ᐃᖅᑲᕐᑐᖃᑦᑕᐅᑎᔪᓐᓃᕐᑕ ᐅᕙᑦᑎᓐᓄᑦ, ᐃᓱᒪᑖᓕᕆᑦᓯ ᐅᒃᐱᕐᑑᖃᑎᑦᑎᓐᓄᑦ ᐹᓪᓚᒡᕕᒃᓴᒥᒃ ᐊᐳᕐᕕᒡᓴᒥᒡᓘᓐᓃᑦ ᐊᖅᑯᑖᓄᑦ ᐃᓕᓯᓚᐅᕐᓯᒪᔪᒪᖏᓪᓗᑕ.

ᑯᕉᓂᑲ ᓯᕗᓪᓖᑦ 21:1

ᓵᑖᓇᓯ ᐱᓇᓱᐊᓕᕐᐳᖅ ᐃᓴᕆᐊᓕᒥᐅᑦ ᐊᑭᕋᕐᑐᕐᓗᒋᑦ, ᑍᕕᑎᓗ ᑲᔪᖏᕐᓴᕐᐹ ᐃᓴᕆᐊᓕᑎᓂᒃ ᓈᓮᖁᓪᓗᒍ.

ᓴᒧᐃᓕ ᐂᑉᐸᖏᑦ 19:22

ᑍᕕᑎᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑭᓇᒨᑦ ᐊᐱᕆᔭᐅᕕᓯᒃ ᖃᓄᖅ ᐃᓱᒪᖕᒪᖔᑦᓯᒃ ᔨᕈᐃᐊᐅᑉ ᐃᕐᓂᖏᒃ? ᐊᒃᓱᕈᕐᑎᓐᓇᓱᐊᕐᐱᓯᓐᖔ? ᐅᕙᖓᐅᕗᖅ ᒫᓐᓇ ᐊᖓᔪᖅᑳᕐᔪᐊᖑᓕᕐᑐᖅ ᐃᓴᕆᐊᓕᒥᐅᓄᑦ, ᐅᓪᓗᒥᓗ ᐃᓴᕆᐊᓕᒥᐅᑕᒥᒃ ᑐᖁᑦᓯᔪᖃᕐᓂᐊᓐᖏᓚᖅ.”

ᐂᓮᐊᓯᐅᑉ ᐊᒡᓚᖏᑦ 8:14

ᑖᓐᓇ ᐃᑦᔪᕐᓁᑦᑐᕐᔪᐊᖑᖕᒪᑦ, ᐅᔭᕋᐅᓪᓗᓂᓗ ᐊᒡᕕᐊᕈᑕᕆᔭᐅᔪᖅ, ᕾᕐᑑᕗᖅ ᐹᓪᓚᒡᕕᒃᓴᖅ ᑕᒪᖏᖕᓄᑦ ᐃᓴᕆᐊᓕᒃᑯᑦ ᑭᖑᕚᖏᓐᓄᑦ ᒪᕐᕈᐃᓕᖅᑲᖓᔪᓄᑦ, ᒥᑭᒋᐊᖑᕗᖅ ᓂᒐᐅᓪᓗᓂᓗ ᔨᕉᓴᓕᒥ ᓄᓇᖃᕐᑐᓄᑦ.

ᕉᒪᒥᐅᓄᑦ 14:21

ᐱᐅᓂᕐᓴᐅᕗᖅ ᓂᕿᒥᒃ ᓂᕆᖏᒃᑯᕕᒃ ᐅᐂᓂᒥᒡᓘᓐᓃᑦ ᐃᒥᖏᒃᑯᕕᑦ ᐊᓯᖏᓐᓂᒡᓘᓐᓃᑦ ᐅᒃᐱᕐᑑᖃᑎᕕᑦ ᑲᑕᒍᑎᒋᒐᔭᕐᑕᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 18:7

ᑲᑉᐱᐊᓇᒻᒪᕆᒃᐳᖅ ᓯᓚᕐᔪᐊᕐᒥᐅᓄᑦ ᑲᑕᒍᑕᐅᔪᓐᓇᕐᑐᓂᒃ ᐊᔪᕐᑐᓕᓂᕐᒧᑦ ᐱᓇᓱᐊᕐᐸᒃᑐᑦ! ᑍᒤᓕᐅᕐᑐᖃᑦᓮᓐᓇᕐᓂᐊᕋᓗᐊᕐᐳᖅ; ᑲᑉᐱᐊᓐᓇᒦᒡᓕ ᐃᓄᒃ ᑲᑕᒍᑕᐅᔪᓐᓇᕐᑐᓂᒃ ᐊᖅᑯᑎᒋᔭᐅᔪᖅ!

ᒫᑎᐅᓯᐅᑉ ᐊᒡᓚᖏᑦ 16:22

ᐲᑦᑐᕉᓯᐅᑉ ᓴᓂᒥᓄᐊᕐᑎᓪᓗᓂᐅᒃ ᐃᓂᕐᑎᒻᒪᕆᓕᕐᐹ; ᐅᖃᕐᓗᓂ, “ᒎᑎᐅᑉ ᑕᒪᓐᓇ ᓄᖅᑲᕐᑎᓪᓕᐅᒃ, ᐊᑕᓃᖅ! ᑕᒪᓐᓇ ᐃᓕᖕᓄᑦ ᑎᑭᓚᐅᕐᓯᒪᓂᐊᓐᖏᓚᖅ!”