ᒫᑎᐅᓯᐅᑉ ᐊᒡᓚᖏᑦ 16:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙᓐᖓᑦ ᐱᒋᐊᕐᓗᓂ ᔩᓱᓯ ᓇᓗᓇᖏᑦᓯᐊᕐᑐᒥᒃ ᐃᓕᓐᓂᐊᕐᑎᒥᓄᑦ ᐅᖃᐅᓯᖃᓕᕐᐳᖅ, “ᔨᕉᓴᓕᒻᒧᐊᕆᐊᖃᕐᐳᖓ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᖓ ᐊᖏᔪᒥᒃ ᔫᑎᓄᑦ ᐊᖓᔪᖅᑲᐅᔪᓄᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᐳᖓ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᑦᓱᒫᕆᕗᖓ.”

Aglait Ijjurnaittut

²¹ Tavvanngat pigiarluni Jiisusi nalunanngitsiaqtumik ilinniaqtiminut uqausiqaliqpuq, “Jiruusalimmuariaqaqpunga tavvani aanniatitaujumaaqpunga angijumik Juutinut angajuqqaujunut, tunirrusiqtitsijillu angajuqqaanginnut, piqujaniglu ilisaijinut, tuqutaujumaaqpunga, ulluilli pingajuanni makittumaarivunga.”

ᒫᑎᐅᓯᐅᑉ ᐊᒡᓚᖏᑦ 16:21 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 12:7

ᓴᓪᓗ, ᐊᒧᒃ, ᕼᐃᓪᑬᐊ, ᔨᑍᐊ. ᑖᒃᑯᐊ ᑕᕝᕙ ᐊᖓᔪᖅᑳᕆᔭᐅᓚᐅᕐᑐᑦ ᑐᓂᕐᕈᓯᕐᑎᑦᓯᔨᐅᖃᑎᒥᓄᑦ ᔩᓱᐊ ᐊᖓᔪᖅᑳᖑᑎᓪᓗᒍ ᑐᓂᕐᕈᓯᕐᑎᑦᓯᔨᓄᑦ. ᐅᑯᐊᖑᓚᐅᕐᐳᑦ ᔩᓱᐊ, ᐱᓄᐃ, ᑲᑦᒤ-ᓕ, ᓯᕆᐰᐊ, ᔫᑕ, ᒪᑕᓁᐊᓗ, ᑖᒃᑯᐊ ᑕᕝᕙ ᐃᓐᖏᕐᓂᕐᒧᑦ ᖁᔭᓕᓂᕐᒧᓪᓗ ᐊᖓᔪᖅᑳᖑᓚᐅᕐᑐᑦ ᐃᓚᒥᖕᓄᑦ.

ᒫᑎᐅᓯᐅᑉ ᐊᒡᓚᖏᑦ 12:40

ᔫᓇ ᐃᒪᕐᒥᐅᑖᓘᑉ ᐃᓗᐊᓃᓚᐅᕐᒪᑦ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ, ᑍᒫᒃᑕᐅᖅ ᐃᓅᑉ ᐃᕐᓂᖓ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ ᓄᓇᕐᔪᐊᑉ ᐃᑎᓂᖓᑕ ᐃᓗᐊᓃᑦᓱᒫᕆᕗᖅ.

ᒫᑎᐅᓯᐅᑉ ᐊᒡᓚᖏᑦ 16:22

ᐲᑦᑐᕉᓯᐅᑉ ᓴᓂᒥᓄᐊᕐᑎᓪᓗᓂᐅᒃ ᐃᓂᕐᑎᒻᒪᕆᓕᕐᐹ; ᐅᖃᕐᓗᓂ, “ᒎᑎᐅᑉ ᑕᒪᓐᓇ ᓄᖅᑲᕐᑎᓪᓕᐅᒃ, ᐊᑕᓃᖅ! ᑕᒪᓐᓇ ᐃᓕᖕᓄᑦ ᑎᑭᓚᐅᕐᓯᒪᓂᐊᓐᖏᓚᖅ!”

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᒫᑎᐅᓯᐅᑉ ᐊᒡᓚᖏᑦ 17:12

ᐅᖃᐅᑎᕙᑦᓯᓕ, ᐃᓔᑦᔭ ᑎᑭᑦᑕᕇᕐᓯᒪᕗᖅ, ᐃᓄᐃᓪᓗ ᐃᓕᑕᕆᓐᖏᓛᑦ, ᐱᓂᐊᕐᕕᒋᓚᐅᕐᐹᓪᓗ ᐃᓱᒪᕐᓲᑎᒋᓪᓗᒍ. ᑍᒫᒃᑕᐅᖅ ᐃᓅᑉ ᐃᕐᓂᖓ ᑖᒃᑯᓇᓐᖓᑦ ᐋᓐᓂᐊᑎᑕᐅᔪᒫᕆᕗᖅ.”

ᒫᑎᐅᓯᐅᑉ ᐊᒡᓚᖏᑦ 17:9

ᖃᖅᑲᒥᑦ ᐊᖅᑲᓕᕐᓗᑎᒃ, ᔩᓱᓯᐅᑉ ᐃᓂᕐᑎᕐᐰᑦ, ᐅᖃᕐᓗᓂ, “ᑕᒪᑐᒥᖓ ᑕᑯᑎᑕᐅᓂᑦᓯᓐᓂᒃ ᑭᓇᑐᐃᓐᓇᕐᒧᑦ ᐅᖃᕐᑍᓕᒋᑦᓯ; ᐃᓅᑉ ᐃᕐᓂᖓ ᒪᑭᓚᐅᖅᑳᕐᑎᓐᓇᒍ ᑐᖁᖓᔪᓂᑦ.”

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᒫᑎᐅᓯᐅᑉ ᐊᒡᓚᖏᑦ 26:2

“ᖃᐅᔨᒪᕗᓯ ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᐅᓂᐊᓕᕐᒪᑦ, ᐃᓅᑉ ᐃᕐᓂᖓ ᑐᓂᔭᐅᓛᕐᐳᖅ ᑭᑭᐊᒃᑐᕐᑕᐅᖁᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 26:47

ᔩᓱᓯ ᓱᓕ ᐅᖃᓪᓚᒃᑎᓪᓗᒍ, ᔫᑕᓯ ᐃᓕᓐᓂᐊᕐᑎᑦ 12 ᐃᓚᖓᑦ, ᑎᑭᑉᐳᖅ, ᐃᓚᖃᕐᓗᓂ ᐃᓄᒐᓴᒡᔪᐊᓂᒃ ᓱᒋᐅᓯᔭᕐᑐᓂᒃ ᓴᕕᒡᔪᐊᓂᒃ ᐊᓇᐅᑕᓂᒡᓗ, ᑎᓕᔭᐅᓯᒪᔪᓂᒃ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ, ᔫᑎᓪᓗ ᐊᖓᔪᖅᑳᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 27:12

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ ᔫᑎᓄᓪᓗ ᐊᖓᔪᖅᑲᐅᔪᓄᑦ ᐸᓯᒃᓯᕋᓱᒃᑐᓄᑦ ᐊᑕᐅᓯᐊᕐᓗᓂᓘᓐᓃᑦ ᑭᐅᓚᐅᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 27:63

ᐅᖃᕐᓗᑎᒃ, “ᐊᖓᔪᖅᑳᖅ, ᐃᖅᑬᒐᑦᑕ ᑍᓐᓇ ᓴᒡᓗᑐᔪᐊᓗᒃ ᓱᓕ ᐃᓅᓪᓗᓂ ᐅᖃᓚᐅᕐᒪᑦ, ‘ᐅᓪᓗᑦ ᐱᖓᔪᐊᓐᓂ ᒪᑭᑦᓱᒫᕐᐳᖓ ᐃᓅᓕᕐᒥᓗᖓ.’

ᒫᑎᐅᓯᐅᑉ ᐊᒡᓚᖏᑦ 28:6

ᑕᕝᕙᓃᑦᑐᓐᓃᕐᐳᖅ; ᒪᑭᓯᒪᓕᕐᒪᑦ, ᓲᕐᓗ ᐃᓕᑦᓯᓐᓄᑦ ᐅᖃᓚᐅᕋᒥ. ᐊᑏ ᕾᓗᓯᒃ ᑕᑯᕐᓯᐅᒃ ᓇᓪᓚᖓᕕᒋᓚᐅᕐᑕᖓ.

ᒫᑯᓯᐅᑉ ᐊᒡᓚᖏᑦ 8:31

ᑕᑉᕙ ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ ᐃᓅᑉ ᐃᕐᓂᖓ ᐋᓐᓂᐊᑎᑕᐅᔭᕆᐊᖃᕐᓂᖓᓂᒃ ᐊᖏᔪᒥᒃ, ᔪᑎᑦ ᐊᖓᔪᖅᑳᖏᓐᓄᑦ ᓇᕐᕈᒋᔭᐅᒻᒪᕆᒍᒫᕐᓂᒥᓂᒃ ᑐᓂᕐᕈᓯᕐᑎᑦᓯᔨᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᓂᒥᓂᒡᓗ, ᐅᓪᓗᐃᑦ ᐱᖓᔪᐊᓐᓂ ᒪᑭᑦᓱᒫᕐᓂᒥᓂᒃ.

ᒫᑯᓯᐅᑉ ᐊᒡᓚᖏᑦ 9:12

ᔩᓱᓯᐅᑉ ᐅᖃᐅᑎᕔᑦ, “ᐄᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᑦᓴᕇᓚᐅᕐᐳᖅ ᐃᓘᓐᓇᖏᓐᓂᒃ ᐊᑐᐃᓐᓇᕈᐃᓪᓗᓂ; ᖃᓄᕐᓕ ᐊᒡᓔᑦ ᐅᖃᕐᐸᑦ ᐃᓅᑉ ᐃᕐᓂᖓᓂᒃ, ᐅᓄᕐᑐᓄᑦ ᐋᓐᓂᐊᑎᑕᐅᔪᒫᕐᓂᖓᓂᒃ ᓇᕐᕈᒋᔭᐅᔪᒫᕐᓂᖓᓂᒡᓗ?

ᓘᑲᓯᐅᑉ ᐊᒡᓚᖏᑦ 17:25

ᑍᒤᓚᐅᖅᑳᕐᑎᓐᓇᒍ ᐃᓅᑉ ᐃᕐᓂᖓ ᐊᖏᔪᒥᒃ ᐋᓐᓂᐊᑎᑕᐅᔭᕆᐊᖃᕐᐳᖅ ᓇᕐᕈᒋᔭᐅᔭᕆᐊᖃᕐᓗᓂᓗ ᒫᓐᓇ ᐃᓅᔪᓄᑦ.

ᓘᑲᓯᐅᑉ ᐊᒡᓚᖏᑦ 24:46

ᐅᖃᐅᑎᓪᓗᒋᑦ, “ᐃᒫᒃ ᑕᕝᕙ ᑎᑎᕋᕐᓯᒪᕗᖅ, ᙭ᔅᑑᓯ ᐋᓐᓂᐊᑎᑕᐅᔭᕆᐊᖃᕐᐳᖅ ᐅᓪᓗᐃᓪᓗ ᐱᖓᔪᐊᓐᓂ ᒪᑭᑦᓴᕆᐊᖃᕐᐳᖅ ᑐᖁᖓᔪᓂᑦ,

ᓘᑲᓯᐅᑉ ᐊᒡᓚᖏᑦ 9:31

ᑖᒃᑯᐊᒃ ᓴᖅᑭᕐᐴᒃ ᑕᑯᒥᓇᕐᑐᐊᓗᖕᒥᒃ ᖃᐅᒪᓂᖃᕐᓗᑎᒃ ᔩᓱᓯᐅᑉ ᐊᑯᓂᐅᖏᑦᑐᖅ ᐊᐅᓪᓚᕐᓂᐊᓕᕐᓂᖓᓂᒃ ᐅᖃᐅᓯᖃᕐᓗᑎᒃ, ᐊᑐᕐᓂᐊᕐᑕᖓᓂᒃ ᔨᕉᓴᓕᒻᒥ.