ᒫᑎᐅᓯᐅᑉ ᐊᒡᓚᖏᑦ 13:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᔩᓱᓯᐅᑉ ᓱᓕ ᐊᑦᔨᐅᔪᒥᒃ ᐊᓯᐊᓂᒃ ᐅᖃᐅᑎᒃᑲᓐᓂᕐᐰᑦ: “ᒎᑎᐅᑉ ᐊᑕᓂᐅᕕᖓ ᐃᒤᑦᑐᒥᒃ ᐊᑦᔨᖃᕐᐳᖅ, ᐊᕐᓇᖅ ᐳᕙᓪᓚᖅᑯᒻᒥᒃ ᑎᒍᓯᕗᖅ, ᓂᐊᖂᔭᒃᓴᓕᐊᒥᓄᑦ ᐊᖏᔪᒧᑦ ᐊᑯᑉᐹ, ᑖᓐᓇᓕᒫᕐᓗ ᐳᕙᓪᓚᕐᑎᑉᐹ.”

Aglait Ijjurnaittut

³³ Jiisusiup suli ajjiujumik asianik uqautikkanniqpait: “Guutiup Ataniuvinga imaittumik ajjiqaqpuq, arnaq puvallaqqummik tigusivuq, niaquujaksaliaminut angijumut akuppaa, taannalimaarlu puvallaqtippaa.”

ᒫᑎᐅᓯᐅᑉ ᐊᒡᓚᖏᑦ 13:33 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:6

ᐂᑉᕋᕼᐋᒻᓗ ᑐᐊᕕᕐᓗᓂ ᑐᐱᕐᒥᓄᐊᕋᒥ ᓵᕋᒧᑦ ᐅᖃᕐᐳᖅ, “ᑐᐊᕕᕐᓗᑎᑦ, ᓂᐊᖂᔭᒃᓴᑦᓯᐊᒥᒃ ᐃᖑᑦᑎᓵᕆᑦ ᐆᒃᑑᑎᓂᒃ ᐱᖓᓱᓂᒃ; ᐆᑦᓯᓗᑎᓪᓗ.”

ᓴᒧᐃᓕ ᐂᑉᐸᖏᑦ 13:6

ᑕᕝᕙ ᐋᒻᓇᓐ ᖃᓂᒪᓐᖑᐊᓚᐅᕐᐳᖅ ᓯᓂᒡᕕᖕᒥ ᓇᓪᓚᖓᓪᓗᓂ. ᐊᖓᔪᖅᑳᕐᔪᐊᓪᓗ ᑍᕕᑎᐅᑉ ᑕᑯᔭᕐᑐᕐᒪᒍ, ᐋᒻᓇᐅᑉ ᐅᖃᐅᑎᕚ, “ᓇᔭᒐ ᑕᒫᕆ ᓂᕿᓕᐅᕆᐊᕐᑐᖁᓚᐅᕈᒃ ᓂᕿᓕᐅᕐᓗᓂ ᑕᒫᓂ ᑕᑯᓐᓇᕐᑎᓪᓗᖓ, ᑖᑦᓱᒪᓐᖓᑦ ᓇᖕᒥᓂᖅ ᓂᕆᑎᑕᐅᔪᓐᓇᖁᓪᓗᖓ.”

ᔫᐱᐅᑉ ᐊᒡᓚᖏᑦ 17:9

ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ, ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᕼᐆᓯᐊᑉ ᐊᒡᓚᖏᑦ 6:3

ᖃᐅᔨᓕᕐᓚᕗᑦ, ᖃᐅᔨᕚᓪᓕᕋᓱᓚᐅᕐᓚᕗᑦ ᐊᑕᓂᖅ; ᑕᕝᕙ ᐅᕙᑦᑎᓐᓄᑦ ᕾᓂᐊᕐᐳᖅ ᐅᓪᓘᑉ ᖃᐅᓕᕐᓂᖓᑐᑦ; ᐅᐱᕐᖓᒃᓵᒃᑯᑦ ᓯᓚᓗᒡᕕᐅᓕᕐᑐᑎᑐᑦ.”

ᒫᑎᐅᓯᐅᑉ ᐊᒡᓚᖏᑦ 13:24

ᔩᓱᓯᐅᓪᓗ ᐅᖃᐅᑎᒃᑲᓐᓂᕐᐰᑦ ᐊᑦᔨᐅᔪᒥᒃ ᐊᓯᐊᓂᒃ: “ᒎᑎᐅᑉ ᐊᑕᓂᐅᕕᖓ ᐃᒤᑦᑐᒥᒃ ᐊᑦᔨᖃᕐᐳᖅ; ᐊᖑᑦ ᑲᓐᖓᕐᓱᐃᕗᖅ ᑲᓐᖓᕐᓲᑎᒃᓴᓂᒃ ᐱᐅᔪᓂᒃ ᐱᕈᕐᓰᕕᖁᑎᒥᓄᑦ.

ᒫᑯᓯᐅᑉ ᐊᒡᓚᖏᑦ 13:20

ᐊᑕᓂᐅᑉ ᐅᓪᓗᐃᑦ ᓁᒡᓕᒋᐊᕐᓂᐊᖏᑉᐸᒋᑦ, ᐃᓄᓕᒫᑦ ᐱᐅᓕᔭᐅᔪᖃᕋᔭᓐᖏᓚᑦ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ, ᐅᓪᓗᐃᑦ ᑖᒃᑯᐊ ᓁᒡᓕᒋᐊᕐᓯᒪᕔᑦ.

ᓘᑲᓯᐅᑉ ᐊᒡᓚᖏᑦ 13:21

ᐃᒤᑦᑑᔮᕐᐳᖅ, ᐳᕙᓪᓚᖅᑯᑦ, ᐊᕐᓇᐅᑉ ᐳᕙᓪᓚᖅᑯᑦ ᐃᓚᓕᐅᑎᕚ ᓂᐊᖂᔭᒃᓴᖕᒧᑦ ᐊᖏᔪᒧᑦ, ᓂᐊᖂᔭᒃᓴᓕᒫᖅ ᑖᓐᓇ ᐳᕙᓪᓚᕐᑎᑉᐹ.”

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᒐᓔᑎᐊᒥᐅᓄᑦ 5:9

“ᐳᕙᓪᓚᕐᓯᐊᒃᓴᒧᑦ ᒥᑭᔪᒧᑦ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑕᐅᕗᖅ.”

ᐱᓕᐱᒥᐅᓄᑦ 1:6

ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᐱᓕᐱᒥᐅᓄᑦ 1:9

ᑐᒃᓯᐅᑎᕙᑦᓯᓗ ᓇᒡᓕᒍᓱᖕᓂᓯ ᑍᒪᓐᖓᑦ ᐊᖏᒡᓕᕙᓪᓕᐊᖏᓐᓇᖁᓪᓗᒍ, ᖃᐅᔨᕙᓪᓕᐊᖁᓪᓗᓯᓗ ᓱᓕᔪᒥᒃ ᑐᑭᓯᑦᓯᐊᖁᓪᓗᓯᓗ ᖃᓄᐃᓕᐅᕆᐊᖃᕐᓂᕐᒥᒃ,

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.

ᐃᓗᐊᕐᓮᔩᑦ ᐊᒡᓚᖏᑦ 6:19

ᒋᑎᐅᓂ ᐃᒡᓗᒥᓄᐊᕐᐳᖅ ᓂᕿᓕᐅᕐᓗᓂᓗ ᒎᑦᓯᐅᑉ ᓄᕐᕋᖓᓂᒃ, ᓂᐊᖂᔭᓕᐅᕐᓗᓂᓗ ᐳᕙᓪᓚᕐᓴᐅᑎᖃᖏᑦᑐᒥᒃ ᐅᖁᒤᓐᓂᕐᒥᒃ ᐄᕚᒥᒃ ᑍᔭᐅᔪᑐᑦ ᐊᖏᑎᒋᔪᒥᒃ; ᓂᕿ ᐃᕕᐅᔭᒧᐊᕐᐹ ᖃᔪᐊᓗ ᖃᑦᑕᕐᒧᐊᕐᓗᒍ, ᐋᓪᓗᒋᓪᓗ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓃᑦᑐᒧ, ᑐᓂᓪᓗᒋᓪᓗ ᑖᑦᓱᒧᖓ.

ᓴᒧᐃᓕ ᓯᕗᓪᓖᑦ 1:24

ᐃᕐᓂᖓᓗ ᐃᒻᒥᓂᒃ ᐱᔪᓐᓇᕐᓯᖕᒪᑦ, ᓮᓗᐊᒧᑦ ᐂᑦᔪᑎᕚ, ᓇᒃᓴᕐᓗᓂ ᐱᖓᓱᓂᒃ ᐊᕐᕌᒍᓕᖕᒥᒃ ᐃᒻᒧᒃᓯᐅᒊᑦ ᐸᖕᓂᖓᓂᒃ, ᐃᕕᐅᔭᕐᒦᑦᑐᒥᒡᓗ ᓂᐊᖂᔭᒥᒃ, ᕿᓯᖕᒥᒡᓗ ᕔᓂᒥᒃ ᑕᑕᑦᑐᒥᒃ; ᓴᒧᐃᓕᓗ ᒥᑭᔫᒐᓗᐊᕐᑎᓪᓗᒍ; ᐊᑕᓂᐅᑉ ᐃᒡᓗᖓᓄᐊᕈᑎᕚ ᓮᓗᐊᒧᑦ.