ᒫᑎᐅᓯᐅᑉ ᐊᒡᓚᖏᑦ 13:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐱᕈᕐᑐᒃᓮᓪᓕ ᑲᑕᒃᑐᑦ ᐅᕐᐲᑦ ᑲᑭᓪᓚᐅᑎᓖᑦ ᐊᑯᕐᖓᓐᓄᑦ ᐃᒤᑦᑐᒥᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᓄᑦ; ᑕᒪᑐᒪᓕ ᐃᓅᓯᐅᑉ ᐃᓱᒪᔮᕐᓇᕐᓂᖓᓄᑦ ᐊᔪᕐᓴᖏᑦᑑᔪᒪᓂᕐᒧᓪᓗ ᐅᖃᐅᓰᑦ ᐃᐱᑎᑕᐅᕗᑦ, ᐱᕈᕐᕕᐅᓇᑎᒡᓗ.

Aglait Ijjurnaittut

²² Piruqtuksailli kataktut uqpit kakillautilit akurngannut imaittumik tukiqaqput, uqausirnik tusaqtunut; tamatumali inuusiup isumajaarnarninganut ajuqsanngittuujumanirmullu uqausit ipititauvut, pirurviunatiglu.

ᒫᑎᐅᓯᐅᑉ ᐊᒡᓚᖏᑦ 13:22 ပူးပေါင်းရင်းမြစ်များ

ᐃᓐᖏᕈᑎᑦ 52:7

“ᐆᒪ ᐊᖑᑎᐅᑉ ᒎᑎ ᐊᔪᖏᑦᔪᑎᒋᓚᐅᓐᖏᓛ, ᑕᑎᖃᕐᓂᕐᓴᐅᓚᐅᕐᐳᕐᓕ ᐊᒃᓗᐃᑦᔪᑎᒥᓂᒃ, ᐱᐅᖏᑦᑐᓕᓂᕐᓗ ᓴᓐᖏᔫᑦᔪᑎᒋᓚᐅᕐᐹ.”

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:28

ᐊᒃᓗᐃᑦᔪᑎᒥᓂᒃ ᑕᑎᖃᕐᑐᖅ ᓄᖑᕈᑎᓂᐊᕐᐳᖅ, ᐃᓱᐊᕐᑐᕐᓕ ᐆᒻᒪᕐᑎᑐᑦ ᐅᖃᐅᔭᕐᑎᑐᑦ ᐱᕈᕐᐸᓪᓕᐊᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:5

ᐊᒃᓱᐃᓕᕐᓂᖅ ᐃᔨᖕᓄᑦ ᑕᑯᒐᕕᐅᒃ, ᑕᕝᕔᓐᓇᖅ ᐊᓯᐅᕗᖅ; ᐊᒃᓱᐃᓐᓂᖅ ᐃᓴᕈᖃᕐᑐᑎᑐᑦ ᑎᖏᔪᑐᑦ ᑍᒤᒻᒪᑦ; ᓇᒃᑐᕋᓕᒃᑐᑦ ᕿᓚᖕᒧᑦ ᑎᖏᔪᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:8

ᐃᓄᑐᐊᕐᑕᖃᕐᐳᖅ ᐃᓅᖃᑎᖃᕋᓂᓗ: ᐃᕐᓂᖃᓐᖏᓚᖅ ᖃᑕᓐᖑᑎᖃᕋᓂᓗ. ᑭᓯᐊᓂ ᐊᒃᓱᕈᕐᓗᓂ ᓴᓇᓂᖓ ᐃᓱᓕᑦᓱᓐᓇᓐᖏᓚᖅ, ᐃᔨᖏᒡᓗ ᐱᖃᕈᒪᓂᕐᒥᒃ ᓈᒻᒪᒃᓯᔪᓐᓇᓐᖏᓛᒃ. ᐊᐱᕆᓚᐅᕐᓯᒪᓐᖏᓚᕐᓕ, “ᑭᓇᒥᒃ ᓴᓇᒍᑦᔨᕗᖓ? ᓇᖕᒥᓂᕐᓗ ᖁᕕᐊᓱᖕᓂᒃᓴᓐᓂᒃ ᐊᓯᐅᔨᑦᓗᖓ?” ᑕᒪᓐᓇ ᑐᑭᖃᓐᖏᓚᖅ ᐱᓂᐊᕐᓂᕐᓗ ᖁᕕᐊᓇᖏᑦᑑᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 4:3

ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, “ᔫᑕᒥᐅᑦ ᔨᕉᓴᓕᒥᐅᓪᓗ ᐃᓄᖏᓐᓄᑦ: ᓄᓇᓕᕆᐊᕆᓯᒪᓐᖏᑕᑦᓯᓐᓂᒃ ᓄᓇᓕᕆᓕᕆᑦᓯ, ᐱᕈᕐᓯᐊᒃᓴᓂᒡᓗ ᑲᓐᖓᕐᓱᐃᑦᑍᓕᒋᑦᓯ ᐅᕐᐲᑦ ᑲᑭᓐᓇᕐᑐᖃᕐᑐᑦ ᐊᑯᓐᓂᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 12:32

ᓇᓪᓕᐊᓪᓗ ᐊᑭᕋᕐᑐᕐᑐᖅ ᐃᓅᑉ ᐃᕐᓂᖓᓂᒃ ᐃᓱᒪᒋᔪᓐᓁᕐᑕᐅᓂᐊᕐᐳᖅ; ᓇᓪᓕᐊᓪᓕ ᐊᑭᕋᕐᑐᕐᐸᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓱᒪᒋᔪᓐᓁᕐᑕᐅᓂᐊᓐᖏᓚᖅ, ᒫᓐᓇ ᓇᓪᓕᐅᑦᑐᒥ ᐱᔪᒫᕐᑐᒥᓗ.”

ᒫᑎᐅᓯᐅᑉ ᐊᒡᓚᖏᑦ 13:39

ᐊᑭᕋᕐᑐᕐᑎ ᐱᕈᕐᓂᕐᓗᒃᑐᒃᓴᓂᒃ ᑲᓐᖓᕐᓱᐃᔪᖅ ᑖᓐᓇᐅᕗᖅ ᓵᑖᓇᓯ; ᓇᑲᑎᕆᕝᕕᒃ ᑕᕝᕙ ᓯᓚᕐᔫᑉ ᐃᓱᐊ, ᑲᑎᕐᓱᐃᔩᑦ ᑕᕝᕙ ᐂᖏᓖᑦ.

ᒫᑎᐅᓯᐅᑉ ᐊᒡᓚᖏᑦ 13:40

ᑖᒃᑯᐊ ᐱᕈᕐᓂᕐᓗᒃᑐᑦ ᑲᑎᑕᐅᓪᓗᑎᒃ ᐃᑭᑕᐅᖕᒪᑕ ᐃᑯᒪᒧᑦ, ᑍᒫᑦᓮᓐᓇᕐᑕᐅᖅ ᐱᔪᖃᕈᒫᕐᐳᖅ ᓯᓚᕐᔫᑉ ᐃᓱᐊᓂ:

ᒫᑎᐅᓯᐅᑉ ᐊᒡᓚᖏᑦ 13:7

ᐃᓚᖏᓪᓕ ᐱᕈᕐᑐᒃᓮᑦ ᑲᑕᒃᐳᑦ ᐅᕐᐱᖕᓄᑦ ᑲᑭᓪᓚᐅᑎᓕᖕᓄᑦ, ᑖᒃᑯᐊ ᐱᕈᕋᒥᒃ, ᐃᐱᑎᑕᐅᕗᑦ ᐅᕐᐱᖕᓄᑦ ᑲᑭᓪᓚᐅᑎᓕᖕᓄᑦ.

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᓘᑲᓯᐅᑉ ᐊᒡᓚᖏᑦ 12:21

“ᑍᒤᓐᓂᕗᕐᑕᐅᖅ ᐃᒻᒥᓄᑦ ᐱᒃᓴᒥᓂᒃ ᑲᑎᕐᓱᐃᔪᖅ, ᐊᒃᖢᔪᑎᑐᑦ ᑕᑯᓐᓈᕐᑕᐅᕗᑦ ᒎᑎᒧᑦ.”

ᓘᑲᓯᐅᑉ ᐊᒡᓚᖏᑦ 21:34

“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

ᓘᑲᓯᐅᑉ ᐊᒡᓚᖏᑦ 8:14

ᐊᒻᒪ ᐱᕈᕐᓯᐊᒃᓴᑦ ᐅᕐᐱᖕᓄᑦ ᑲᑭᓪᓚᐅᑎᓕᖕᓄᑦ ᑲᑕᒃᑐᑦ ᐅᑯᐊᖑᒋᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓱᒪᔮᕐᓂᕐᒧᓪᓕ ᐱᖁᑎᑖᕈᒪᓂᕐᓄᓪᓗ, ᐱᕈᕐᓯᐊᒃᓴᖏᓪᓗ ᐱᕈᕈᓐᓇᕐᓯᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:18

ᓮᒨᓂ ᑕᑯᒐᒥ ᐊᓂᕐᓂᖅ ᑐᓂᔭᐅᖕᒪᑦ ᐋᐴᓯᑕᓖᑦ ᐸᑎᒻᒥᒃᓯᓂᖏᑎᒍᑦ, ᑮᓇᐅᔭᓂᒃ ᑐᓂᓯᔪᒪᓕᕐᐳᖅ ᑖᒃᑯᖕᓄᖓ,

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:20

ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᕐᑎ? ᒎᑎᐅᓪᓕ ᓯᓚᕐᔪᐊᕐᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᕐᑎᓚᐅᓐᖏᓔᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:6

ᓯᓚᑐᔪᓂᒡᓕᑦᑕᐅᖅ ᐅᖃᐅᓯᖃᕋᓗᐊᕆᕗᖓ ᐅᒃᐱᕐᓂᕐᒥ ᐱᕈᕇᕐᓯᒪᔪᓄᑦ, ᓯᓚᑐᓂᖅ ᓯᓚᕐᔪᐊᕐᒥᑦ ᐱᔪᖅ ᐊᑐᕐᓇᒍ ᓯᓚᕐᔪᐊᕐᒥᐅᓪᓗ ᐊᐅᓚᑦᓯᔨᖏᓐᓂᑦ ᐱᔪᖅ ᐊᑐᕐᒥᓇᒍ, ᑕᒪᒃᑯᐊ ᓱᓇᐅᔪᓐᓃᕐᓂᐊᕐᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:8

ᓇᓪᓕᐊᓪᓘᓐᓃᑦ ᐊᐅᓚᑦᓯᔩᑦ ᓯᓚᕐᔪᐊᕐᒥ ᑕᒪᑐᒥᖓ ᑐᑭᓯᓯᒪᓐᖏᓚᑦ; ᑐᑭᓯᓚᐅᕈᓂᑦᔪᒃ, ᐊᑕᓂᖅ ᓂᕐᑐᕐᓇᕐᑐᕐᔪᐊᖅ ᑭᑭᐊᒃᑐᕋᔭᓚᐅᓐᖏᓛᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18

ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᒐᓔᑎᐊᒥᐅᓄᑦ 1:4

ᑖᓐᓇ ᐃᒻᒥᓂᒃ ᑐᓂᓚᐅᕐᐳᖅ ᐊᔪᕐᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᕐᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ;

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᑎᒧᑎᒧᑦ ᐂᑉᐸᖏᑦ 4:10

ᑏᒪᓯᐅᑉ ᕿᒪᖕᒪᖓ, ᓯᓚᕐᔫᑉ ᐱᖏᑦ ᐅᖓᒋᓕᕋᒥᒋᑦ, ᑎᓴᓗᓁᑲᒧᐊᓚᐅᕐᒪᑦ; ᑯᕇᓯᓃᓯᓗ ᒐᓔᑎᐊᒧᐊᓚᐅᐳᖅ, ᑍᑑᓯᓗ ᑕᓪᒪᑎᐊᒧᐊᓚᐅᕆᓪᓗᓂ.