ᒫᑎᐅᓯᐅᑉ ᐊᒡᓚᖏᑦ 12:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐹᕆᓯᓪᓗ ᑕᒪᑐᒥᖓ ᑕᑯᒐᒥᒃ, ᔩᓱᓯᒧᑦ ᐅᖃᕐᐳᑦ, “ᑕᑯᒋᑦ, ᐃᓕᓐᓂᐊᕐᑎᑎᑦ ᑍᒤᓕᐅᕐᑎᓪᓗᒋᑦ ᓴᐸᑎᒥ ᐊᑐᖁᔭᐅᖏᑦᑐᒥᒃ ᐊᑐᕐᐳᑦ!”

Aglait Ijjurnaittut

² Paarisillu tamatuminga takugamik, Jiisusimut uqaqput, “Takugit, ilinniaqtitit taimailiuqtillugit Sapatimi atuqujaunngittumik atuqput!”

ᒫᑎᐅᓯᐅᑉ ᐊᒡᓚᖏᑦ 12:2 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 12:10

ᑕᑯᒋᑦ, ᑕᕝᕙᓂ ᐊᖑᑎᑕᖃᕐᐳᖅ ᓄᑭᖃᖏᑦᑐᓂᒃ ᐊᒡᒐᓕᖕᒥᒃ. ᐃᓄᐃᑦ ᐃᓚᖏᑦ ᑕᕝᕙᓃᑉᐳᑦ ᔩᓱᓯᒥᒃ ᐊᑭᕋᕐᑐᕈᑎᒃᓴᒥᖕᓂᒃ ᐱᑦᔪᑎᒃᓴᓯᐅᕈᒪᓪᓗᑎᒃ, ᑍᒤᒻᒪᑦ ᔩᓱᓯ ᐊᐱᕆᕚᑦ, “ᐱᖁᔭᑦᑎᓐᓂᒃ ᐊᑭᕋᕐᑐᕐᐹ ᓴᐸᑎᐅᑎᓪᓗᒍ ᐃᓄᖕᒥᒃ ᐋᖅᑭᒃᓯᔪᖃᕐᐸᑦ?”

ᓘᑲᓯᐅᑉ ᐊᒡᓚᖏᑦ 14:3

ᔩᓱᓯ ᐅᖃᕐᐳᖅ, ᐱᖁᔭᓂᒃ ᐃᓕᓮᔨᓄᑦ ᐹᕆᓯᓄᓪᓗ, “ᐱᖁᔧᑦ ᓴᐸᑎᒥ ᐋᖅᑭᒃᓯᖁᔨᕚ ᐋᖅᑭᒃᓯᖁᔨᓐᖏᓚᓪᓘᓐᓃᑦ?”

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 58:13

“ᓴᐸᑎ ᑲᒪᒋᑦᓯᐊᕐᓂᐊᕈᑦᓯᐅᒃ, ᐱᔪᒪᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ ᐅᓪᓗᖅ ᐃᑦᔪᕐᓁᑎᑕᕋ, ᓴᐸᑎᓗ ᑍᓪᓗᒍ ᖁᕕᐊᓇᕐᑐᒥᒃ, ᐊᑕᓂᐅᑉ ᐅᓪᓗᖓ ᐃᑦᔪᕐᓁᑦᑐᖅ ᐅᐱᓐᓇᕐᑑᑎᒃᑯᑦᓯᐅᒃ; ᐅᐱᒋᒍᑦᓯᐅᒡᓗ, ᐊᑐᕈᒪᔭᑐᐃᓐᓇᕐᓂᒃ ᐱᓇᓱᐊᕐᕕᒋᖏᓪᓗᒍ, ᖁᕕᐊᒋᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ, ᐅᖃᕈᓘᔭᑐᐃᓐᓇᕐᕕᒋᖏᓪᓗᒍᓗ ᐊᑐᖏᑦᑐᓂᒃ;

ᒨᓯᓯ ᐂᑉᐸᖏᑦ 35:2

ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᒫᑎᐅᓯᐅᑉ ᐊᒡᓚᖏᑦ 12:3

ᔩᓱᓯᐅᑉ ᑭᐅᕔᑦ, “ᐊᑐᐊᕐᓯᓚᐅᕐᓯᒪᓐᖏᓚᓰ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᖓᓂᒃ, ᑍᑦᓱᒪᓂ ᓇᖕᒥᓂᖅ ᐅᓇᑕᕐᑐᒃᓴᖁᑎᖏᓪᓗ ᑳᓕᕐᑎᓪᓗᒋᑦ?

ᒫᑯᓯᐅᑉ ᐊᒡᓚᖏᑦ 2:24

ᐹᕆᓯᑦ ᔩᓱᓯᒧᑦ ᐅᖃᕐᐳᑦ, “ᑕᑯᒋᑦ, ᐃᓕᓐᓂᐊᕐᑎᑎᑦ ᐱᖁᔭᑦᑎᓐᓂᒃ ᒪᓕᒍᓐᓃᕐᐳᑦ ᓴᐸᑎᒥ ᑍᒤᓕᐅᕐᑎᓪᓗᒋᑦ!”

ᓘᑲᓯᐅᑉ ᐊᒡᓚᖏᑦ 6:2

ᑕᕝᕙ ᐹᕆᓯᑦ ᐃᓚᖏᑦ ᐅᖃᕐᐳᑦ, “ᓲᖅ ᓴᐸᑎᒥ ᐱᖁᔭᓄᑦ ᐱᖁᔭᐅᖏᑦᑐᒥᒃ ᐱᕕᓰ?”