ᒫᑎᐅᓯᐅᑉ ᐊᒡᓚᖏᑦ 12:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᕝᕙ ᐹᕆᓯᑦ ᑕᕝᕙᓐᖓᑦ ᕿᒪᕉᑎᓗᑎᒃ ᐃᓱᒪᒃᓴᕐᓯᐅᖃᑎᒌᓕᕐᐳᑦ ᖃᓄᖅ ᔩᓱᓯᒥᒃ ᑐᖁᑦᓯᔪᓐᓇᕐᒪᖔᕐᒥᒃ.

Aglait Ijjurnaittut

¹⁴ Tavva Paarisit tavvanngat qimaruutilutik isumaksaqsiuqatigiiliqput qanuq Jiisusimik tuqutsijunnarmangaarmik.

ᒫᑎᐅᓯᐅᑉ ᐊᒡᓚᖏᑦ 12:14 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 26:4

ᔩᓱᓯᒥᒃ ᑎᒍᓯᔪᒪᓪᓗᑎᒃ ᐃᓱᒪᖃᑎᒌᒃᐳᑦ ᖃᐅᔨᔭᐅᑦᑍᓕᓪᓗᑎᒃ ᑐᖁᑕᐅᑎᑦᓱᒪᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 27:1

ᖃᐅᓕᕐᑎᓪᓗᒍ ᐅᓪᓛᒻᒪᕆᒃᑯᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ, ᔫᑎᓄᓪᓗ ᐊᖓᔪᖅᑲᐅᔪᓕᒫᑦ ᐊᖏᖃᑎᒌᒃᐳᑦ ᔩᓱᓯ ᑐᖁᑕᐅᖁᓪᓗᒍ;

ᒫᑯᓯᐅᑉ ᐊᒡᓚᖏᑦ 14:1

ᐅᓪᓘᒃ ᓱᓕ ᒪᕐᕉᑎᓪᓗᒋᒃ ᓇᓪᓕᐅᓐᓂᕐᓯᐅᕐᕕᖏᑕ ᖄᖏᕐᑕᐅᕕᖕᒥᒃ ᑍᔭᐅᔫᑉ ᐳᕙᓪᓚᖅᑯᑎᖃᖏᑦᑐᒥᒡᓗ ᓂᐊᖂᔭᕐᑐᕐᕕᖏᑕ ᓯᕗᓂᖓᓂ. ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᐱᖁᔭᓂᒡᓗ ᐃᓕᓮᔩᑦ ᐱᑦᔪᑎᒃᓴᕐᓯᐅᓕᕐᐳᑦ ᔩᓱᓯ ᖃᐅᔨᔭᐅᖏᓪᓗᑎᒃ ᑎᒍᔪᒪᓪᓗᒍ, ᑐᖁᑦᓱᒪᓪᓗᒍ;

ᒫᑯᓯᐅᑉ ᐊᒡᓚᖏᑦ 3:6

ᑕᕝᕙ ᐹᕆᓯᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂᑦ ᐊᓂᒐᒥᒃ ᐃᕉᑕᓯᐅᑉ ᐃᑲᔪᕐᑎᖏᓐᓂᒃ ᐃᓚᖃᕐᓗᑎᒃ ᑲᑎᕗᑦ, ᖃᓄᖅ ᑐᖁᑦᓯᔪᓇᖔᕐᒥ ᔩᓱᓯᒥᒃ.

ᓘᑲᓯᐅᑉ ᐊᒡᓚᖏᑦ 22:2

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᐱᖁᔭᓂᒡᓗ ᐃᓕᓮᔩᑦ ᐃᓱᒪᒃᓴᕐᓯᐅᓕᕐᐳᑦ ᖃᓄᖅ ᔩᓱᓯ ᑐᖁᑕᐅᔪᓐᓇᕐᓯᔪᓐᓇᕐᒪᖔᑦ; ᐃᓄᖕᓂᒃ ᓯᕘᕋᒐᒥᒃ.

ᓘᑲᓯᐅᑉ ᐊᒡᓚᖏᑦ 6:11

ᔫᑎᑦ ᓂᓐᖓᒃᐳᑦ ᐅᖃᖃᑎᒌᓕᕐᓗᑎᒃ ᖃᓄᖅ ᔩᓱᓯ ᐱᓂᐊᕐᒪᖔᕐᒥᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 10:31

ᑕᕝᕙ ᔫᑎᑦ ᐅᔭᖅᑲᓂᒃ ᑎᒍᓯᒋᕗᑦ ᔩᓱᓯ ᒥᓪᓗᕈᒪᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 10:39

ᑕᕝᕙ ᔩᓱᓯ ᑎᒍᓇᓱᐊᕋᓗᐊᕐᐹᑦ, ᕿᒪᒃᓯᕗᕐᓕ ᑖᒃᑯᓇᓐᖓᑦ.

ᔪᐊᓇᓯᐅᑉ ᐊᒡᓚᖏᑦ 11:53

ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᑎᒃ ᐃᓱᒪᒃᓴᕐᓯᐅᖃᑎᒌᓕᕐᐳᑦ ᔩᓱᓯᒥᒃ ᖃᓄᐃᓕᐅᕐᓗᑎᒃ ᑐᖁᑦᓯᒐᔭᕐᒪᖔᕐᒥᒃ.

ᔪᐊᓇᓯᐅᑉ ᐊᒡᓚᖏᑦ 11:57

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᐹᕆᓯᓪᓗ ᐱᖁᔨᓚᐅᕐᐳᑦ ᓇᓪᓕᐊᑐᐃᓐᓇᖅ ᔩᓱᓯᐅᑉ ᓇᓃᓐᓂᖓᓂᒃ ᖃᐅᔨᔪᖅ, ᖃᐅᔨᑎᑦᓯᖁᕙᑦ, ᑎᒍᔭᐅᓂᐊᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 5:18

ᑍᒤᒻᒪᑦ ᔫᑎᑦ ᐊᖓᔪᖅᑳᖏᑕ ᔩᓱᓯ ᑐᖁᑕᐅᕕᒃᓴᕐᓯᐅᒃᑲᓐᓂᓕᕐᐹᑦ, ᓴᐸᑎᒥ ᐱᖁᔭᒥᒃ ᓈᓚᓚᐅᖏᓐᓂᖓ ᐱᑦᔪᑎᒋᑐᐃᓐᓇᕐᓇᒍ, ᐅᖃᕐᓯᒪᓂᖓᓄᓪᓕ ᒎᑎᒥᒃ ᓇᖕᒥᓂᕆᓪᓗᒍ ᐊᑖᑕᖃᕐᓂᕋᕐᒪᑦ, ᒎᑎᒥᒃ ᐃᒻᒥᓂᒃ ᑍᒤᓪᓗᐊᖃᕐᑎᖃᕋᓱᖕᓂᕋᕐᖢᓂᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 7:30

ᑕᕝᕙ ᑎᒍᓇᓱᐊᕋᓗᐊᕐᐹᑦ; ᐊᒃᑐᕐᑕᐅᓐᖏᓚᕐᓘᓐᓃᑦ, ᓱᓕ ᐱᔭᐅᕕᒃᓴᖓ ᓇᓪᓕᐅᑎᓯᒪᖏᒻᒪᑦ.

ᔪᐊᓇᓯᐅᑉ ᐊᒡᓚᖏᑦ 7:32

ᐹᕆᓯᓪᓕ ᑐᓴᕋᒥᒃ ᐃᓄᒐᓴᒡᔪᐊᑦ ᐃᒻᒥᖕᓄᑦ ᑍᒫᒃ ᐅᖃᐅᓯᖃᕐᑎᓪᓗᒋᑦ ᔩᓱᓯᒥᒃ, ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᓐᓂᒃ ᑎᓕᓯᕗᑦ ᔩᓱᓯ ᑎᒍᔭᐅᖁᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 7:44

ᐃᓚᖏᑕ ᔩᓱᓯ ᑎᒍᔪᒪᒐᓗᐊᕐᐹᑦ, ᐊᒃᑐᐃᔪᖃᓐᖏᓚᕐᓕ ᑖᑦᓱᒥᖓ.

ᔪᐊᓇᓯᐅᑉ ᐊᒡᓚᖏᑦ 8:59

ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᕐᐳᖅ, ᐊᓂᓪᓗᓂᓗ ᑐᒃᓯᐊᕐᕕᒡᔪᐊᕐᒥᑦ.