ᒫᑎᐅᓯᐅᑉ ᐊᒡᓚᖏᑦ 11:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

Aglait Ijjurnaittut

²⁵ Taissumaniutillugu Jiisusi uqaqpuq, “Ataataak, qujagivagit, Ataniujutit qilangmi nunarjuarmilu! Tamakkua ijiqsimagavigit silatujunut ilisimajunullu, tamatumingali saqqititsilauravit nutaqqatitut taimaittunut;

ᒫᑎᐅᓯᐅᑉ ᐊᒡᓚᖏᑦ 11:25 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 14:19

ᓮᒻᒪᕐᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᕐᐹᖑᔫᑉ ᓮᒻᒪᕐᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!

ᒨᓯᓯ ᓯᕗᓪᓖᑦ 14:22

ᐂᑉᕋᐅᑉ ᑭᐅᕚ ᓱᑑᒪᐅᑉ ᐊᖓᔪᖅᑳᕐᔪᐊᖓ, “ᐊᑕᓂᐅᑉ, ᒎᑎᐅᑉ ᖁᑦᓯᖕᓂᕐᐹᖑᔫᑉ, ᕿᓚᖕᒥᒡᓗ ᓄᓇᒥᒡᓗ ᓴᓇᓚᐅᕐᑑᑉ ᓵᖓᓂ ᐅᖃᕕᒃᐳᖓ,

ᐊᑕᓃᑦ ᐂᑉᐸᖏᑦ 19:15

ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᑯᕉᓂᑲ ᓯᕗᓪᓖᑦ 29:13

“ᑍᒤᒻᒪᑦ ᒫᓐᓇ ᖁᔭᒋᕙᑦᑎᒋᑦ ᒎᑎᕗᑦ, ᐊᑏᓪᓗ ᓂᕐᑐᕐᓇᕐᑐᖅ ᓂᕐᑐᕐᐸᕗᑦ.

ᔫᐱᐅᑉ ᐊᒡᓚᖏᑦ 37:24

ᑍᒤᒻᒪᑦ ᐃᓄᐃᑦ ᑖᓐᓇ ᓯᕘᕋᒋᕚᑦ; ᓯᓚᑐᔫᔪᕆᔫᒐᓗᐊᓪᓗ ᓇᓪᓕᐊᑦ ᐃᒃᐱᒋᓐᖏᓔᑦ.”

ᐃᓐᖏᕈᑎᑦ 8:2

ᓄᑕᕋᓛᑦ, ᓄᑕᕅᓪᓗ ᐊᒫᒪᒃᑐᑦ ᖃᓂᖏᑎᒍᑦ ᐱᔪᓐᓇᕐᓂᕐᒥᒃ ᐱᒋᐊᕐᑎᑦᓯᔪᑎᑦ, ᐊᑭᕋᕐᑐᕐᑎᑎᑦ ᐱᑦᔪᑎᒋᓪᓗᒋᑦ, ᐊᑭᕋᕐᑐᕐᑐᖅ ᐊᑭᒋᐊᕈᒪᔪᓪᓗ ᓂᐸᖏᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 5:21

ᑲᑉᐱᐊᓐᓇᒦᒃ ᐃᒻᒥᖕᓂᒃ ᑕᐅᑐᒃᑕᒥᒍᑦ ᓯᓚᑐᓇᓱᒋᔪᑦ, ᖃᐅᔨᒪᓂᕐᓴᐅᓇᓱᒋᔪᓪᓗ ᐃᒻᒥᒍᑦ ᑕᐅᑐᒃᑕᒥᒍᑦ!

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑎᐅᓯᐅᑉ ᐊᒡᓚᖏᑦ 21:16

ᑕᕝᕙ ᑖᒃᑯᐊ ᔩᓱᓯ ᐅᖃᐅᑎᕚᑦ, “ᑐᓵᕖᑦ, ᓱᕈᓰᑦ ᖃᓄᐃᓕᖕᒪᖔᑕ?” ᔩᓱᓯᐅᑉ ᑭᐅᕔᑦ, “ᑐᓵᑦᓯᐊᕐᐸᒃᑲ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ, ‘ᓱᕈᓯᑯᓗᖕᓂᑦ ᓄᑕᕋᓛᓂᓪᓗ ᐊᒪᒪᒃᑐᓂᑦ ᐊᑐᐃᓐᓇᕈᐃᓚᐅᕐᐳᑎᑦ ᖃᓂᖏᑎᒍᑦ ᓂᕐᑐᕐᑕᐅᔪᒪᓪᓗᑎᑦ.’”

ᓘᑲᓯᐅᑉ ᐊᒡᓚᖏᑦ 22:42

ᐅᖃᕐᓗᓂ, “ᐊᑖᑖᒃ, ᐱᔪᒪᒍᕕᑦ, ᐃᒥᐅᑦ ᐅᓇ ᐲᕐᑎᓚᐅᕈᒃ ᐅᕙᓐᓂᑦ; ᐱᔪᒪᔭᕋᐅᖏᑦᑐᕐᓕ, ᐱᔪᒪᔧᓪᓕ ᐱᓕ.”

ᓘᑲᓯᐅᑉ ᐊᒡᓚᖏᑦ 23:34

ᔩᓱᓯ ᐅᖃᕐᐳᖅ, “ᐊᑖᑖᒃ, ᐃᓱᒪᒋᔪᓐᓁᕐᕕᒋᒃᑭᑦ; ᖃᓄᐃᓕᐅᕐᓂᕐᒥᖕᓂᒃ ᖃᐅᔨᒪᖏᒻᒪᑕ.” ᔩᓱᓯᐅᑉ ᐊᓐᓄᕌᖏᑦ ᓇᓚᐅᑖᕈᑎᒋᓪᓗᒋᑦ ᐊᑐᓂᑦ ᐱᑖᕋᓱᐊᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 11:41

ᑕᕝᕙ ᐅᔭᕋᒃ ᐲᕐᐹᑦ ᐃᓗᕕᕐᒥᑦ. ᔩᓱᓯ ᖁᒻᒧᑦ ᑕᑯᓴᕐᓗᓂ, ᐅᖃᕐᐳᖅ, “ᐊᑖᑕᒃ, ᖁᔭᒋᕙᒋᑦ ᑐᓴᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 12:27

“ᒫᓐᓇᓕ ᐆᒻᒪᑎᒃᑯᑦ ᐅᖁᒤᑐᒦᑉᐳᖓ. ᖃᓄᖅ ᐅᖃᐅᓯᕆᔭᕆᐊᖓ ᓇᓗᕙᕋ? ᐅᖃᕈᓐᓇᕋᓗᐊᕐᑐᖓ, ‘ᐊᑖᑖᒃ, ᐃᖃᕐᕋᖅ ᑕᒪᓐᓇ ᓇᓪᓕᐅᑎᑎᑦᑍᓕᒍᒃ.’ ᑭᓯᐊᓂᓕ ᑕᒪᓐᓇ ᑎᑭᑦᔪᑎᒋᓯᒪᕙᕋ, ᐃᑲᕐᕋᖅ ᑕᒪᓐᓇ ᐊᑑᑎᔭᕆᐊᖃᕋᑯ.

ᔪᐊᓇᓯᐅᑉ ᐊᒡᓚᖏᑦ 12:28

ᐊᑖᑖᒃ, ᐊᑏᑦ ᓂᕐᑐᕐᓇᕐᑎᓕᕈᒃ.” ᑕᕝᕙ ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ, “ᓂᕐᑐᕐᓇᕐᑎᓚᐅᕐᐸᕋ, ᓱᓕᓗ ᓂᕐᑐᕐᓇᕐᑎᒃᑲᓐᓂᕐᓂᐊᕐᐸᕋ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:24

ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:10

ᒎᑎᐅᓪᓕ ᓇᓗᓇᕐᑐᖅ ᑕᒪᓐᓇ ᓇᓗᓁᓚᐅᕐᐹ ᐅᕙᑦᑎᓐᓄᑦ ᐊᓂᕐᓂᕐᒥᒍᑦ. ᐊᓂᕐᓂᐅᑉ ᑐᑭᓯᓇᓱᐊᕐᒪᒋᑦ ᓱᓇᓕᒫᑦ, ᒎᑎᐅᑉ ᐃᑎᓂᕐᔪᐊᖓ ᐊᒡᓛᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:14

ᑍᒃᑯᐊᓕ ᐃᓱᒪᖏᑦ ᓱᓕ ᒪᑐᓯᒪᕗᑦ ᐅᓪᓗᒥᒧᑦ ᑎᑭᓪᓗᒍ; ᐅᖃᓕᒫᓕᕌᖓᒥᒃ ᐊᖏᖃᑎᒌᖕᓂᑐᖃᕐᓃᑦᑐᓂᒃ, ᒪᑐᐊᕆᔭᐅᓚᐅᕐᑐᖅ ᓱᓕ ᐲᕐᑕᐅᓯᒪᓐᖏᓚᖅ, ᑖᓐᓇ ᒪᑐᐊᖅ ᙭ᔅᑑᓯᒃᑯᑦ ᑭᓯᐊᓂ ᐲᕐᑕᐅᔪᓐᓇᕐᒪᑦ.

ᓴᒧᐃᓕ ᓯᕗᓪᓖᑦ 2:18

ᑍᒤᒃᑲᓗᐊᕐᑎᓪᓗᒋᓪᓕ ᓱᕈᓯᖅ ᓴᒧᐃᓕ ᑲᔪᓯᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ, ᓵᓕᑕᕐᒥᒃ ᖃᓪᓗᓈᕐᑕᒥᒃ ᐃᑦᔪᕐᓁᑦᑐᒥᒃ ᐊᑐᕐᓗᓂ.