Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ᒫᑎᐅᓯᐅᑉ ᐊᒡᓚᖏᑦ 11:23 - ᐊᒡᓔᑦ ᐃᑦᔪᕐᖕᓁᑦᑐᑦ

23 ᐃᕝᕕᓪᓗ ᑲᐲᕐᓂᐊᒻ! ᐃᓕᖕᓂᒃ ᖃᖓᑦᑕᕐᑎᑦᓱᒪᕖᑦ? ᕿᓚᖕᒧᑦ, ᐃᒋᑕᐅᔪᒫᕐᐳᑎᓪᓕ ᐃᑯᒪᕐᔪᐊᕐᒧᑦ! ᑲᒪᓇᕐᑐᓕᓃᓪᓕ ᐃᓕᑦᓯᓐᓂ ᐱᓂᐊᕐᑕᐅᓚᐅᕐᑐᑦ ᐱᓂᐊᕐᓂᐅᒐᔭᓚᐅᕐᐸᑕ ᓱᑑᒪᒥ, ᓱᑑᒪᒥᐅᑦ ᓱᓕ ᐅᓪᓗᒥ ᓴᖅᑭᔮᕋᔭᕐᐳᑦ!

အခန်းကိုကြည့်ပါ။ ကော်ပီ

Aglait Ijjurnaittut

23 Ivvillu Kapiirniam! Ilingnik qangattaqtittumavit? Qilangmut, igitaujumaaqputilli ikumarjuarmut! Kamanaqtulinilli ilissinni piniaqtaulauqtut piniarniugajalauqpata Sutuumami, Sutuumamiut suli ullumi saqqijaarajaqput!

အခန်းကိုကြည့်ပါ။ ကော်ပီ




ᒫᑎᐅᓯᐅᑉ ᐊᒡᓚᖏᑦ 11:23
30 ပူးပေါင်းရင်းမြစ်များ  

ᓱᑑᒪᐅᓪᓗ ᐃᓄᖏᑦ ᐱᐅᖏᑦᑐᓕᔨᐊᓘᓚᐅᕐᐳᑦ, ᐊᔪᕐᑐᓕᔪᕐᔪᐊᖑᓪᓗᑎᒡᓗ ᐊᑕᓂᕐᒧᑦ.


ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.


ᑐᖁᖓᔪᑦ ᐃᓂᖏᓐᓄᑦ ᑲᑕᒃᑎᑦᓱᒫᕐᐸᒋᑦ ᐃᑎᕐᓴᒧᑦ, ᐃᓄᖕᓄᑦ ᓯᕗᓪᓕᕕᓂᕐᓄᑦ, ᑕᕝᕙᓃᖁᓪᓗᑎᑦ ᓄᓇᕐᔪᐊᑉ ᐊᑖᓂ, ᑐᖁᖓᔪᑦ ᐊᑯᕐᖓᓐᓂ, ᐃᑎᕐᓴᒥ ᐃᓂᖃᕐᑐᓂ, ᓄᓇᓕᖕᓄᑦ ᐃᓚᒋᔭᐅᔪᓐᓃᑯᓪᓗᓯ ᐃᓅᔪᓂᓗ ᐃᓂᒃᓴᖃᕈᓐᓁᖁᓪᓗᓯ.


ᑕᒪᑐᒪ ᑭᖑᓂᖓᒍᑦ ᓇᐹᕐᑐᖃᕐᓂᐊᕈᓐᓁᕐᐳᖅ ᑍᒫᒃ ᑕᑭᑎᒋᔪᒥᒃ ᓄᕗᔭᓄᑦ ᑎᑭᐅᑎᔪᓐᓇᕐᑐᒥᒃ, ᐃᒪᖃᑦᓯᐊᕐᑐᒥ ᐱᕈᕋᓗᐊᕈᑎᒃ ᑍᒫᒃ ᑕᑭᑎᒋᔪᖃᓚᐅᕐᓯᒪᑦᔮᔪᓐᓃᕐᐳᖅ; ᑐᖁᔪᒃᓮᓐᓇᐅᓕᕐᒪᑕ, ᓄᓇᕐᔪᐊᕐᒥᐅᑦ ᐃᓄᖏᑎᑐᑦ, ᑐᖁᖓᔪᑦ ᐃᓂᖓᓄᐊᕐᐸᒃᑐᑎᑐᑦ.


“ᐃᓅᑉ ᐃᕐᓂᖓ, ᐄᑦᔨᑉᑎᒥᐅᑦ ᐃᓄᒐᓴᒡᔪᐊᖏᑦ ᕿᐊᑦᔪᑎᒋᒃᑭᑦ, ᑐᖁᖓᔪᓪᓗ ᐃᓂᖓᓄᑦ ᐂᑎᓪᓗᒋᑦ, ᐃᓅᖃᑎᒌᒡᔪᐊᓄᑦ ᐱᔪᓐᓇᕐᑐᕐᔪᐊᖑᓚᐅᕐᑐᓄᑦ, ᓄᓇᕐᔪᐊᑉ ᐊᑖᓃᓕᕐᑐᓄᑦ, ᑐᖁᖓᔪᑦ ᐃᓂᖓᓂ:


“ᐃᓛᒥᐅᑦᑕᐅᖅ ᑕᕝᕙᓃᒃᑭᕗᑦ ᐃᓚᓕᒫᕕᓂᖏᓪᓗ ᐊᕙᑖᓂ ᐃᓗᕕᕐᓯᒪᒋᕗᑦ; ᑐᖁᑕᐅᓯᒪᔪᓕᒫᑦ ᓴᕕᒡᔪᐊᒧᑦ ᑐᖁᑕᐅᓯᒪᔪᑦ, ᑭᐱᓯᒪᖏᑦᑐᓄᑦ ᐃᓚᒋᔭᐅᓕᕐᐳᑦ ᓄᓇᐅᑉ ᐊᑖᓂ, ᐃᓅᓪᓗᑎᒃ ᑲᑉᐱᐊᓱᒃᑎᑦᓯᕙᓚᐅᕐᑐᑦ ᐃᓅᖃᑎᒥᖕᓂᒃ, ᑲᓐᖑᓲᑎᒃᓴᒥᖕᓂᒃ ᓇᔪᕐᑎᖃᕐᓗᑎᒃ ᑐᖁᖓᔪᓄᑦ ᐃᓚᒋᔭᐅᕗᑦ.


ᓇᒃᑐᕋᓕᒃᑎᑐᑦ ᖁᒻᒧᐊᒃᑲᓗᐊᕈᕕᑦ, ᐃᕙᕕᖃᕋᓗᐊᕈᕕᓪᓗ ᐅᓪᓗᕆᑦᔭᑦ ᐊᑯᕐᖓᓐᓂ, ᑕᕝᕙᓐᖓᑦ ᑲᑕᒃᑎᑦᓱᒫᕐᐸᒋᑦ,” ᐊᑕᓂᖅ ᐅᖃᕐᐳᖅ.


ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᒎᑎᐅᑉ ᓂᑲᒋᓂᕐᓴᕆᓛᕐᐰᑦ ᓱᑑᒪᒥᐅᑦ ᒍᒨᕋᒥᐅᓪᓗ ᐃᓄᖏᑦ ᑖᒃᑯᓇᖓᑦ ᓄᓇᓕᖕᓂᑦ ᑐᓐᖓᓱᒃᑎᑦᓯᖏᑦᑐᓂᑦ.”


ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.


ᔩᓱᓯ ᐃᓕᓐᓂᐊᕐᑎᖏᓪᓗ ᑲᐲᕐᓂᐊᒧᑦ ᑎᑭᒻᒪᑕ, ᑐᒃᓯᐊᕐᕕᒃᔪᐊᕐᒥ ᑖᒃᓯᑎᒍᑦ ᐊᑭᓕᕐᓱᐃᑎᑦᓯᔨ, ᐲᑦᑐᕉᓯᒧᐊᕐᐳᖅ ᐊᐱᕆᓪᓗᒍ, “ᐅᓇ ᐃᓕᓮᔨᓯ ᑐᒃᓯᐊᕐᕕᒃᔪᐊᑉ ᑖᒃᓯᖏᓐᓂᒃ ᐊᑭᓖᕙᓐᖏᑦᑑᖅ?”


ᐃᒡᓗᒐᓮᑦ ᓈᓴᕇᑎ ᕿᒪᒡᓗᒋᑦ ᑲᐲᕐᓂᐊᒥ ᓄᓇᖃᕆᐊᕐᑐᕐᐳᖅ, ᑕᓯᐅᑉ ᓯᓈᓃᑦᑐᒥ, ᓯᐳᓗᓂᐅᑉ ᓈᑉᑕᓕᐅᓪᓗ ᐃᓚᖓᓃᑦᑐᒧᑦ.


ᔩᓱᓯ ᑲᐲᕐᓂᐊᒧᑦ ᑎᑭᓕᕐᑎᓪᓗᒍ, ᕉᒪᒥᐅᑦ ᐅᓇᑕᕐᑐᒃᓴᖁᑎᖏᓐᓄᑦ 100ᓄᑦ ᐊᖓᔪᖅᑳᖑᔫᑉ ᔩᓱᓯᒧᐊᕐᐳᖅ, ᕿᓄᕕᒋᓪᓗᒍ ᐅᖃᕐᐳᖅ:


ᐃᕝᕕᓪᓗ ᑲᐲᕐᓂᐊᒻ, ᐃᓕᖕᓂᒃ ᖁᕝᕙᕐᑎᑦᓱᒪᕖᑦ ᕿᓚᖕᒧᑦ ᑎᑭᓪᓗᑎᑦ? ᑲᑕᒃᑎᑕᐅᔪᒫᕐᐳᑎᑦ ᑲᑉᐱᐊᓇᕐᑐᕕᖕᒧᑦ!


ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᒥᑭᒡᓕᑎᑕᐅᓂᐊᕐᐳᑦ, ᐃᒻᒥᖕᓂᒡᓗ ᒥᑭᒡᓕᑎᕐᑐᑦ ᐊᖏᔪᕈᕐᑎᑕᐅᓂᐊᕐᐳᑦ.”


ᑐᖁᖓᔪᑦ ᐃᓂᖓᓂ ᐋᓐᓂᐊᔪᐊᓘᓪᓗᓂ ᖃᐅᔨᓕᕐᐳᖅ, ᖁᒻᒧᑦ ᑕᑯᓴᕋᒥ ᐂᑉᕋᕼᐋᒻ ᑕᑯᕚ ᐅᖓᓯᒃᑐᒦᑦᑐᖅ, ᓛᓴᕉᓯᓗ ᓴᓂᐊᓃᑦᑐᖅ.


ᔩᓱᓯᐅᑉ ᐅᖃᐅᑎᕔᑦ, “ᓇᓗᓇᓐᖏᓚᖅ ᐃᒫᒃ ᐅᖃᐅᓯᑐᖃᕐᒥᒃ ᐅᖃᐅᑎᔪᒪᓂᐊᕋᑦᓯᓐᖓ, ‘ᐋᓐᓂᐊᓯᐅᕐᑏ ᐃᓕᖕᓂᒃ ᐋᖅᑭᓚᐅᕆᑦ; ᑐᓴᕐᓯᒪᔭᑦᑎᓐᓂᒃ ᑲᐲᕐᓂᐊᒥ ᐱᓂᐊᕐᓂᕆᓚᐅᕐᑕᕐᓂᒃ, ᐅᕙᓂ ᓈᓴᕇᑎᒥ ᐱᓇᓱᐊᓚᐅᕆᑦᑕᐅᖅ.’”


ᑐᖁᖓᔪᑦ ᐃᓂᖓᓄᑦ ᑕᕐᓂᕋ ᕿᒪᖕᓂᐊᖏᓐᓇᕕᐅᒃ, ᐃᑦᔪᕐᓁᑦᑐᖁᑏᑦ ᐃᒍᓇᖁᓂᐊᓐᖏᓚᑦ ᐃᓗᕕᕐᒥ.


ᓯᕗᓂᕐᒥᓂ ᖃᐅᔨᒐᒥ, ᙭ᔅᑑᓯᐅᑉ ᒪᑭᓛᕐᓂᖓᓂᒃ ᐅᖃᕋᒥ, ‘ᕿᒪᒃᑕᐅᓚᐅᓐᖏᓚᖅ ᑐᖁᖓᔪᑦ ᐃᓂᖓᓂ; ᑎᒥᖓᓗ ᐃᒍᓇᓚᐅᓐᖏᓚᖅ ᐃᓗᕕᕐᒥ.’


ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.


ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.


ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ.


ᐃᒪᕐᔪᐊᒥᓗ ᑐᖁᓯᒪᔪᑦ ᐃᒪᕐᔪᐊᑉ ᓴᖅᑭᑎᒃᑭᕔᑦ, ᓄᓇᕐᔪᐊᒥᓗ ᑐᖁᖓᔪᑦ ᐃᓂᖏᓐᓃᑦᑐᑦ ᓄᓇᕐᔪᐊᑉ ᓴᖅᑭᑎᒃᑭᕔᑦ, ᑕᕝᕙ ᑕᒪᕐᒥᒃ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ.


ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ