ᒫᑎᐅᓯᐅᑉ ᐊᒡᓚᖏᑦ 11:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᔪᐊᓇᓯᓕ ᑎᑭᒻᒪᑦ, ᓂᕆᑦᑍᓕᕙᒃᓗᓂ ᐅᐂᓂᒥᒡᓗ ᐃᒥᕐᐸᒐᓂ, ᐃᓄᐃᓪᓗ ᐅᖃᕐᐳᑦ, ᑖᓐᓇ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᕗᖅ!

Aglait Ijjurnaittut

¹⁸ Juanasili tikimmat, nirittailivagluni uainimiglu imiqpagani, inuillu uqaqput, taanna anirnirlungmik ilummiqtausimavuq!

ᒫᑎᐅᓯᐅᑉ ᐊᒡᓚᖏᑦ 11:18 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 9:11

ᔨᕼᐆ ᐊᖓᔪᖅᑳᖑᖃᑎᒥᓄᑦ ᐅᑎᕐᒪᑦ ᐃᓚᖓᑦᑕ ᐊᐱᕆᕚ, “ᖃᓄᐃᑦᑐᖃᖏᒃᑲᓗᐊᕐᐹ ᓱᖕᒪᓂᓐᓇ ᑐᑮᕈᓯᒪᔪᕐᔫᔮᕐᑐᖅ ᐃᓕᖕᓂᒃ ᑕᑯᔭᕐᑐᐃᕚ?” ᔨᕼᐆᓪᓕ ᑭᐅᕚ, “ᐊᖑ ᑍᓐᓇ ᖃᐅᔨᒪᕙᓯ ᖃᓄᐃᑦᑐᓂᒡᓗ ᐅᖃᐅᓯᖃᓲᖑᖕᒪᖔᑦ ᖃᐅᔨᒪᒋᕙᓯ.”

ᔨᕆᒤᐊᐅᑉ ᐊᒡᓚᖏᑦ 15:17

ᖁᕕᐊᓱᒃᑐᑦ ᐃᒃᓯᕙᖃᑎᒋᓚᐅᓐᖏᓚᒃᑲ, ᖁᕕᐊᓱᓚᐅᓐᖏᓚᖓᓘᓐᓃᑦ; ᐃᓄᑑᓪᓗᖓ ᐃᒃᓯᕙᓚᐅᕐᐳᖓ, ᕾᖁᔭᐅᓯᒪᓂᕋ ᐃᓕᖕᓄᑦ ᐱᑦᔪᑎᒋᓪᓗᒍ, ᓂᓐᖓᐅᒪᓂᕐᒥᒃ ᑕᑕᑎᓚᐅᕋᕕᖓ.

ᔨᕆᒤᐊᐅᑉ ᐊᒡᓚᖏᑦ 29:26

ᐊᑕᓂᐅᑉ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᑦ ᔨᕼᐅᐃᐊᑕᐅᑉ ᐃᓂᖓᓂ ᑲᒪᔨᒻᒪᕆᐅᓕᖁᓪᓗᑎᑦ ᑐᒃᓯᐊᕐᕕᒡᔪᐊᒥ, ᑍᒤᒻᒪᑦ ᐱᔭᒃᓴᖃᕐᐳᑎᑦ ᐃᓱᒪᖃᑦᓯᐊᖏᑦᑐᑦ ᐅᕝᕙᓘᓐᓃᑦ ᒎᑎᒧᑦ ᐅᖃᕐᑎᒋᔭᐅᓐᖑᐊᕐᑐᑦ ᐊᑦᑐᖏᐅᓯᕐᑕᐅᕙᖁᓪᓗᒋᑦ ᐊᕐᓵᕐᑑᔭᓄᑦ ᖁᖓᓯᕈᓯᕐᑕᐅᓯᒪᓗᑎᒃ ᓴᕕᕋᔭᖕᒥᒃ.

ᕼᐆᓯᐊᑉ ᐊᒡᓚᖏᑦ 9:7

ᐅᓪᓗᐃᑦ ᓱᒋᐊᕐᑕᐅᕖᑦ ᑎᑭᑉᐳᑦ, ᐅᓪᓗᐃᓪᓗ ᐊᑭᓕᕐᑕᐅᕖᑦ ᑎᑭᑉᐳᑦ; ᐃᓴᕆᐊᓕ ᖃᐅᔨᓂᐊᕐᐳᖅ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓯᓔᑦᑑᕗᖅ, ᐊᓂᕐᓂᓕᕆᔪᕐᓗ ᐃᓱᒤᕈᑎᕗᖅ, ᐱᐅᖏᑦᑐᓕᓂᓯ ᐊᖏᓗᐊᕐᓂᖓᓄᑦ ᐆᒥᓱᖕᓂᓯᓗ ᐊᖏᓗᐊᕐᓂᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 10:25

ᑍᒤᒻᒪᑦ, ᐃᓕᓐᓂᐊᕐᑎ ᐃᓕᓐᓂᐊᕐᑎᑦᓯᔨᒥᑐᑦ ᑍᒤᓕᕈᓂ ᑕᕝᕙ ᓈᒻᒪᒃᓯᕗᖅ, ᐱᔨᓗ ᐊᖓᔪᖅᑳᖃᕐᑐᖅ ᑍᒫᑦᓮᓐᓇᖅ ᐊᖓᔪᖅᑳᒥᑑᓕᕈᓂ ᑕᕝᕙ ᓈᒻᒪᒃᓯᕗᖅ. ᐃᓚᒌᒃᑐᑦ ᐊᖓᔪᖅᑳᖓᑦ ᐱᐅᓪᓯᐹᐱᒥᒃ ᑍᔭᐅᖃᑦᑕᕐᓯᒪᒃᐸᑦ, ᑕᕝᕙ ᓇᖕᒥᓂᖏᑦ ᐊᑎᖃᕐᑎᑕᐅᓂᐊᕐᐳᑦ, ᐱᐅᖏᓐᓂᕐᓴᐅᒃᑲᓐᓂᕐᑐᒥᒃ!”

ᒫᑎᐅᓯᐅᑉ ᐊᒡᓚᖏᑦ 11:17

‘ᑲᑎᑎᑕᐅᔪᖃᓐᖑᐊᕐᑎᓪᓗᒍ ᓂᑦᔮᑎᑦᓯᓐᖑᐊᕐᐳᒍᑦ ᐃᓕᑦᓯᓐᓄᑦ, ᑖᓂᓯᕈᒪᓐᖏᓚᓯᓕ! ᑐᖁᔪᕐᓯᐅᑎᓄᓪᓗ ᐃᓐᖏᕐᕕᒋᓐᖑᐊᕐᐸᑦᓯ, ᕿᐊᔪᒪᖏᑦᑐᓯᓕ!’

ᒫᑎᐅᓯᐅᑉ ᐊᒡᓚᖏᑦ 3:4

ᔪᐊᓇᓯ ᐊᓐᓄᕌᖃᓚᐅᕐᐳᖅ ᑳᒥᓕᐅᑉ ᒥᖅᑯᖓᓂᒃ; ᑕᑦᓯᕈᑎᖃᕐᓗᓂ ᐊᒥᕕᓂᕐᒥᒃ, ᓂᕿᖃᕐᓗᓂᓗ ᐱᒡᓕᕐᑕᓂᒃ ᐃᒍᑦᑍᓪᓗ ᓰᕐᓇᐅᑎᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 9:34

ᐹᕆᓯᓪᓕ ᐅᖃᓕᕐᐳᑦ, “ᐅᓇ ᐊᓂᕐᓂᕐᓗᒃᑐᑦ ᐊᖓᔪᖅᑳᖓᓐᓄᑦ ᐱᔪᓐᓇᕐᓂᖃᕐᑎᑕᐅᔪᖅ ᐊᓂᑎᑦᓯᔪᓐᓇᕐᓂᕐᒥᒃ ᑍᒤᑦᑐᓂᒃ.”

ᒫᑯᓯᐅᑉ ᐊᒡᓚᖏᑦ 3:22

ᐱᖁᔭᓂᒃ ᐃᓕᓮᔩᑦ ᐃᓚᖏᑦ ᔨᕉᓴᓕᒻᒥᓐᖔᕐᓯᒪᔪᑦ ᐃᒫᒃ ᐅᖃᕐᐳᑦ, “ᔩᓱᓯᐅᓇ ᐱᐅᓪᓯᐹᐱᒥᒃ ᐃᓗᒻᒥᕐᑕᐅᓯᒪᒐᒥ, ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓂᒃ, ᑖᑦᓱᒪ ᐱᔪᓐᓇᓂᕐᑖᕐᑎᓯᒪᔭᖓ ᐊᓂᕐᓂᕐᓗᖕᓂᒃ ᐊᓂᑎᑦᓯᔪᓐᓇᕐᑎᓪᓗᓂᐅᒃ.”

ᓘᑲᓯᐅᑉ ᐊᒡᓚᖏᑦ 1:15

ᐊᔪᖏᑦᑐᕐᔪᐊᖑᔪᒫᕐᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᔪᒫᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 10:20

ᐊᒥᓱᑦ ᑕᕝᕙᓃᑦᑐᑦ ᐅᖃᕐᐳᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᒐᒥ, ᐃᓱᒤᕈᑎᓯᒪᕗᖅ; ᓱᖕᒪᓄᓇ ᓈᓚᒃᐱᓯᐅᒃ?”

ᔪᐊᓇᓯᐅᑉ ᐊᒡᓚᖏᑦ 7:20

ᐃᓄᒋᐊᒃᑐᕐᔪᐊᑦ ᑭᐅᕚᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᕗᑎᑦ! ᑭᓇᒨᑦ ᑐᖁᑕᐅᓇᓱᐊᕐᐲᑦ?”

ᔪᐊᓇᓯᐅᑉ ᐊᒡᓚᖏᑦ 8:48

ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”

ᔪᐊᓇᓯᐅᑉ ᐊᒡᓚᖏᑦ 8:52

ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᒐᕕᑦ. ᐂᑉᕋᕼᐋᒻ ᑐᖁᓚᐅᕐᐳᖅ, ᓇᓚᐅᑦᑍᔪᓪᓗ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᕐᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’

ᐋᐴᓯᑕᓖᑦ ᐱᓂᐊᕐᓂᖏᑦ 26:24

ᐸᐅᓗᓯ ᐸᓯᔭᒃᓴᐅᖏᓐᓂᕐᒥᓂᒃ ᑍᒫᒃ ᓇᓗᓁᕐᓯᑎᓪᓗᒍ, ᕕᓯᑕᓯᐅᑉ ᕾᒐᓛᕐᕕᒋᕚ, “ᐸᐅᓗᓯ, ᐃᓱᒤᕈᑎᓕᕐᑐᑎᑦ; ᐃᓕᓯᒪᓂᐊᓗᖕᓄᑦ ᑐᑭᖃᕈᓐᓃᕐᑎᑕᐅᕗᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:27

ᑎᒥᒐᓕ ᐅᖁᒤᒃᓴᕐᑎᓪᓗᒍ, ᐅᕙᓐᓄᑦ ᓯᐊᓛᖑᑎᑉᐸᕋ ᐊᓯᓐᓂᒃ ᐊᔪᕆᑦᑐᐃᓚᐅᕐᑎᓪᓗᖓ, ᓵᓚᒃᓴᐅᑎᒃᓴᒥᒃ ᐱᔪᓐᓁᓪᓕᑎᑕᐅᔪᒪᓇᖓ.