ᒫᑎᐅᓯᐅᑉ ᐊᒡᓚᖏᑦ 10:42 - ᐊᒡᓔᑦ ᐃᑦᔪᕐᖕᓁᑦᑐᑦ

⁴² ᓇᓪᓕᐊᑦ ᐃᒥᕐᒥᒃ ᓂᒡᓕᓇᕐᑐᒥᒃ ᐃᒥᕐᑎᑦᓯᔪᖅ ᒪᓕᒡᑎᓐᓂᑦ ᒥᑭᓐᓂᕐᐸᐅᔪᒥᒃ, ᐃᒥᕐᑎᑕᐅᔫᑉ ᐅᕙᓐᓄᑦ ᒪᓕᒡᑎᐅᓂᖓ ᐱᑦᔪᑎᒋᓗᒍ, ᑖᓐᓇ ᓱᓕᒻᒪᕆᒡᓗᖓ ᐅᖃᐅᑎᕙᑦᓯ ᐊᑭᓕᕐᑕᐅᑦᓯᐊᕈᒫᕐᐳᖅ.”

Aglait Ijjurnaittut

⁴² Nalliat imirmik niglinaqtumik imiqtitsijuq maliktinnit mikinniqpaujumik, imiqtitaujuup uvannut maliktiuninga pijjutigilugu, taanna sulimmariglunga uqautivassi akiliqtautsiarumaaqpuq.”

ᒫᑎᐅᓯᐅᑉ ᐊᒡᓚᖏᑦ 10:42 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 17:11

ᐂᒃᓯᓕᕐᑎᓪᓗᒍ, ᕾᖁᕚ ᐅᖃᐅᑎᓪᓗᒍᓗ, “ᓂᐊᑰᔭᒥᒡᓗ ᒥᑭᔪᒥᒃ ᐱᓯᒪᔭᕐᓂᒃ ᕾᑦᓯᓗᑎᑦ.”

ᐊᑕᓃᑦ ᐂᑉᐸᖏᑦ 4:10

ᐃᓂᑖᕐᑎᓚᐅᕐᓚᕗᒃ ᐃᒡᓗᑦᑕ ᖁᓛᓂ ᓯᓂᒃᕕᒃᑖᕐᓗᒍ ᓵᑖᕐᓗᒍᓗ ᐃᒃᓯᕙᐅᑕᖃᕐᑐᒥᒃ ᓇᓂᕈᐊᓕᕐᓗᒍᓗ ᐃᓂᒋᖃᑦᑕᕐᓂᐊᕐᒪᒍ ᐅᕙᑦᑎᓐᓄᑦ ᐊᖅᑯᓵᕌᖓᒥ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:14

ᖃᐅᔨᒪᒋᓪᓗ ᓯᓚᑐᓂᖅ ᑍᒤᑦᓯᐊᕆᕗᖅ ᑕᕐᓂᕐᓄᑦ; ᓇᓂᒍᕕᐅᒃ, ᓯᕗᓂᕐᒥ ᓂᕆᐅᒋᔭᒃᓴᖃᕐᐳᑎᑦ, ᓂᕆᐅᖕᓃᓪᓗ ᐲᕐᑕᐅᓚᐅᕐᓯᒪᓂᐊᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:1

ᓂᐊᖂᔧᑦ ᐃᒫᓄᑦ ᐃᒋᒍᒃ, ᑕᕝᕙ ᓇᓂᔪᒫᕆᕙᑦ ᐅᓪᓗᐃᑦ ᐅᓄᕐᑐᑦ ᑭᖑᕐᒐᑦᑎᒍᑦ.

ᓴᑲᕅᐊᐅᑉ ᐊᒡᓚᖏᑦ 13:7

“ᑐᐸᓕᕆᑦ, ᓴᕕᒡᔪᐊᖅ, ᐱᒋᐊᕐᓗᒍᓗ ᓰᐱᓕᕆᔨᖁᑎᒐ, ᐊᖑᑦ ᐱᓇᓱᐊᖃᑎᒐ!” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ: “ᓰᐱᓕᕆᔨ ᑲᐱᓕᕈᒃ, ᓰᐲᑦ ᑕᕝᕙ ᓯᐊᒻᒪᖕᓂᐊᕐᐳᑦ, ᓰᐱᑯᓗᐃᓪᓗ ᓱᒋᐊᕈᒪᕙᒃᑲ.

ᒫᑎᐅᓯᐅᑉ ᐊᒡᓚᖏᑦ 18:10

“ᖃᐅᔨᓕᕆᑦᓯ ᑕᒪᒃᑯᐊᑯᓗᐃᑦ ᓇᕐᕈᒋᔭᕆᐊᖃᖏᓐᓇᑦᓯᐅᒃ; ᓱᓕᓪᓗᖓ ᐅᖃᕐᐳᖓ ᑖᒃᑯᐊ ᐂᖏᓖᖁᑎᖏᑕ ᐊᑖᑕᒪ ᕿᓚᖕᒦᑦᑑᑉ ᑮᓇᖓ ᑕᑯᐃᓐᓇᖃᑦᑕᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 18:14

ᑍᒫᑦᓮᓐᓇᕐᑕᐅᖅ, ᐊᑖᑕᓯ ᕿᓚᖕᒦᑦᑐᖅ ᑕᒪᒃᑯᓂᖓᑯᓗᒃ ᐊᓯᐅᖁᔨᓐᖏᓚᖅ.”

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᓘᑲᓯᐅᑉ ᐊᒡᓚᖏᑦ 17:2

ᐱᐅᓂᕐᓴᐅᒐᔭᕐᐳᖅ ᑍᓐᓇ ᐊᖅᑯᑎᒋᔭᐅᔪᖅ ᓂᐊᖂᔭᒃᓴᓂᒃ ᓯᖃᓪᓕᓯᕕᐅᑉ ᐅᔭᕋᒃᑕᖓᓂᒃ ᖁᖓᓯᖓᒍᑦ ᓂᕕᓐᖕᒊᕕᐅᓗᓂ ᐃᒪᕕᖕᒧᑦ ᑭᕕᑎᑕᐅᒃᐸᑦ, ᐅᑯᓂᖓᑯᓗᒃ ᐊᔪᕐᑐᓕᑎᑦᓯᓂᖓᓂᑦ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.