ᒪᓚᑬᑉ ᐊᒡᓚᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐱᐅᖏᑦᑐᓕᔪᓂᒡᓗ ᑐᓪᓕᕋᕈᒫᕐᐳᓯ, ᑖᒃᑯᐊ ᐊᕐᔭᓕᓂᕈᕐᑐᑎᑐᑦ ᑍᒤᑦᓱᒫᕐᐳᑦ ᑐᓪᓕᕋᓕᕈᑦᓯᐅᒃ, ᐱᓇᓱᐊᕐᓂᒪ ᐅᓪᓗᖓ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 4:3 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 40:12

ᑕᑯᓚᐅᒃᑭᑦ ᐱᐅᔪᕆᔪᓕᒫᑦ, ᐅᕐᕈᑎᓪᓗᒋᓪᓗ; ᐱᐅᖏᑦᑐᓕᔪᓪᓗ ᑐᓐᖓᕕᖏᑦ ᑐᓪᓕᕋᕐᓗᒋᑦ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᒪᓚᑬᑉ ᐊᒡᓚᖏᑦ 3:17

“ᑖᒃᑯᐊ ᐱᒋᔪᒫᕐᐸᒃᑲ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐱᒃᑯᒥᓇᕐᑐᖁᑎᓐᓂᒃ ᐱᓇᓱᐊᕐᓂᒃᓴᕋ ᐅᓪᓗᖅ ᓇᓪᓕᐅᑎᒃᐸᑦ, ᑖᒃᑯᐊ ᓂᑲᒋᔪᒫᕐᐹᒃᑲ ᐃᓅᑉ ᐃᕐᓂᕐᒥᓂᒃ ᐱᔨᑦᓯᕐᑎᒋᔭᒥᓂᒃ ᓂᑲᒍᓱᒃᐸᖕᓂᖓᑐᑦ.

ᓴᑲᕅᐊᐅᑉ ᐊᒡᓚᖏᑦ 10:5

ᑖᒃᑯᐊ ᑲᑐᑦᔨᓪᓗᑎᒃ ᐊᔪᖏᑦᑐᕐᔪᐊᖑᔪᒫᕐᐳᑦ, ᒪᓂᖅᑲᒧᑦ ᐊᑭᕋᒥᖕᓂᒃ ᑐᓪᓕᕋᕐᑐᑎᑐᑦ ᐊᖅᑯᑎᒥ ᒪᕋᕐᒥᒃ ᒪᓂᖅᑲᒃᓮᔪᑎᑐᑦ ᐅᓇᑕᕐᕕᖕᒥ: ᐊᑕᓂᐅᑉ ᐃᓚᒋᖕᒪᒋᑦ, ᐅᓇᑕᕈᒫᕐᐳᑦ ᕿᒻᒥᕐᔪᐊᓂᓗ ᐃᑭᒪᔪᑦ ᐅᕐᕈᑎᑕᐅᓗᑎᒃ.

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 26:6

ᐅᖁᒤᒃᓴᕐᑎᓚᐅᕐᑕᖏᓐᓄᑦ ᑐᓪᓕᕋᕐᑕᐅᑎᑉᐰᑦ, ᐊᒃᓱᔪᑦ ᐃᑎᒐᖏᓐᓄᑦ, ᐊᔪᕐᓴᕐᑐᓄᑦ ᐱᓱᒡᕕᐅᑎᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:20

ᐸᐅᕐᒊᓪᓗ ᖃᒐᕐᑎᑕᐅᕗᑦ ᐃᑦᑏᔭᕐᑕᐅᕕᖕᒥ ᐃᒡᓗᒐᓮᑦ ᓯᓚᑖᓂ, ᐊᐅᒡᓗ ᑰᓕᕐᐳᖅ ᐸᐅᕐᖎᑦ ᐃᑦᑏᔭᕐᑕᐅᕕᖓᓂᑦ, ᐃᒪᕈᕐᑎᑦᓯᓂᖓᓗ ᑕᑭᓂᖃᕐᐳᖅ 200ᒤᓕᓂᒃ, ᐃᑎᓂᖃᕐᓗᓂᓗ ᐃᑎᒊᑦ ᑕᓪᓕᒪᑦ ᖃᓂᒋᔮᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᑖᓂᐊᓕᐅᑉ ᐊᒡᓚᖏᑦ 7:18

ᖁᑦᓯᖕᓂᕐᐹᖑᔫᓪᓕ ᐃᑦᔪᕐᓁᑦᑐᖁᑎᖏᑦ ᐊᖓᔪᖅᑲᐅᕕᖕᒥᒃ ᑐᓂᓯᔭᐅᔪᒫᕐᐳᑦ, ᐱᓯᒤᓐᓇᓕᕐᓗᒍᓗ, ᐃᓱᖃᖏᑦᑐᒧᑦ, ᐃᓛᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.’

ᐃᓯᑭᐊᓕᐅᑉ ᐊᒡᓚᖏᑦ 28:18

ᐱᐅᖏᑦᑐᓂᒃ ᐱᓇᓱᐊᖃᑦᑕᓕᕋᕕᑦ, ᑕᐅᕐᓰᓂᕐᓗᖃᑦᑕᕐᓂᒃᑯᑦ ᐃᑦᔪᕐᓁᑦᑐᖁᑎᑎᑦᑕᐅᖅ ᓇᕐᕈᓇᕐᓯᑎᓚᐅᕐᐸᑎᑦ; ᐃᑯᐊᓪᓚᒃᑎᑦᓯᓕᓚᐅᕐᐳᖓ ᐊᑯᓐᓇᑦᓯᓐᓂ; ᑕᒪᑐᒧᖓ ᓄᖑᑕᐅᖁᓪᓗᓯ, ᐊᕐᔭᓕᓂᕈᕐᑎᓚᐅᕐᐸᒋᓪᓗ ᓄᓇᒥ ᐃᓄᓕᒫᓄᑦ ᑕᑯᔭᐅᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 25:10

ᐊᑕᓂᐅᑉ ᐱᔪᓐᓇᕐᓂᖓ ᐃᓂᖃᕈᒫᕐᒪᑦ ᖃᖅᑲᒥ ᑕᕝᕙᓂ, ᒧᐊᐱᒥᐅᓪᓕ ᑐᓪᓕᕋᕐᑕᐅᔪᒫᕐᐳᑦ ᐃᓂᒥᖕᓂ, ᐃᕕᒃᑎᑐᑦ ᑐᓪᓕᕋᕐᑕᐅᓗᑎᒃ, ᐊᓇᕐᓂᒃ ᐊᓂᑦᑎᕕᖕᒧᑦ ᐊᓂᑕᐅᔪᑎᑐᑦ ᖃᓕᕇᓕᓗᑎᒃ.

ᐃᓐᖏᕈᑎᑦ 91:13

ᓛᔭᓂᒃ ᖁᒡᓗᒋᐊᓂᒡᓗ ᐱᓱᒡᕕᖃᕐᓂᐊᕐᐳᑎᑦ, ᓛᔭᓪᓗ ᐃᓅᓱᒃᑐᑦ ᖁᒡᓗᒋᐊᓪᓗ ᑐᖁᓐᓇᕐᑐᓖᑦ ᑐᓪᓕᕋᕐᓂᐊᕐᐸᑎᑦ.

ᓴᒧᐃᓕ ᐂᑉᐸᖏᑦ 22:43

ᓯᖃᓪᓕᒐᒃᑭᑦ, ᐳᔪᕋᑐᐃᓐᓇᓐᖑᕐᐳᑦ, ᑐᓪᓕᕋᕐᐸᒃᑲ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᓴᒧᐃᓕ ᐂᑉᐸᖏᑦ 22:39

ᓄᖑᓚᐅᕐᐸᒃᑲ; ᑐᓪᓕᕋᕐᓗᒋᑦ, ᒪᑭᑦᓱᓐᓁᓪᓕᖁᓪᓗᒋᑦ; ᐅᕐᕈᕗᑦ ᓵᓚᐅᓪᓗᑎᒃ ᓵᓐᓂ.

ᐃᓐᖏᕈᑎᑦ 49:14

ᓰᐱᑎᑐᑦ ᑐᖁᖓᔪᑦ ᐃᓂᖓᓂ ᐃᓂᒃᓴᖃᕐᐳᑦ; ᑐᖂᑉ ᓂᕿᒋᔪᒫᕐᐰᑦ; ᓱᓕᑦᓯᐊᕐᑐᓪᓕ ᐊᖓᔪᖅᑳᖑᔪᒫᕐᐳᑦ ᑖᒃᑯᓄᖓ ᐅᓪᓛᒥ; ᐃᓂᖁᓇᕐᓂᖏᑦ ᓱᕈᕈᒫᕐᐳᑦ ᐃᓗᕕᕐᒥ, ᐊᔪᖏᓐᓂᕆᓚᐅᕐᑕᑎᒃ ᐅᖓᓯᒋᓕᕐᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15

ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᐃᓐᖏᕈᑎᑦ 147:6

ᐊᑕᓂᐅᑉ ᐱᐅᔪᕆᖏᑦᑐᑦ ᒪᑭᑎᑉᐰᑦ, ᐱᐅᖏᑦᑐᓪᓕ ᓄᓇᒧᑦ ᐅᕐᕈᑎᓪᓗᒋᑦ.