ᒪᓚᑬᑉ ᐊᒡᓚᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒪᓚᑬᑉ ᐊᒡᓚᖏᑦ 4:1 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 18:16

ᐊᒫᖏᑦ ᓄᓇᐅᑉ ᐃᓗᐊᓃᑦᑐᑦ ᐸᓂᕐᐳᑦ, ᐊᕙᓚᖓᔪᖏᓪᓗ ᓴᖅᑭᔮᕐᑐᑦ ᑐᖁᓕᕗᑦ.

ᐃᓐᖏᕈᑎᑦ 119:119

ᐱᐅᖏᑦᑐᓕᒫᑦ ᓄᓇᒦᑦᑐᑦ ᐱᐅᖏᓐᓂᕐᓗᑯᑎᑐᑦ ᑍᒤᑎᑉᐸᑎᑦ; ᑍᒤᒻᒪᑦ ᐃᓕᓮᑦᔪᑎᑎᑦ ᐅᖓᒋᕙᒃᑲ.

ᐃᓐᖏᕈᑎᑦ 37:9

ᐱᐅᖏᑦᑐᓕᓂᕐᒥᒃ ᐱᓂᐊᕐᓂᖃᕐᑐᑦ ᐊᕕᑕᐅᔪᒫᕐᒪᑕ; ᐊᑕᓂᕐᒥᒡᓕ ᐅᑕᖅᑭᔪᑦ, ᓄᓇᒥᒃ ᑭᖑᕐᖑᑦᔨᔪᒫᕐᐳᑦ.

ᒨᓯᓯ ᐂᑉᐸᖏᑦ 15:7

ᐱᔪᓐᓇᕐᓂᕐᔪᐊᕕᓪᓗ ᐊᔪᖏᓂᖓᓄᑦ ᐊᑭᕋᕐᑐᕐᑎᑎᑦ ᓵᓚᒋᕙᑎᑦ; ᓂᓐᖓᐅᒪᓂᕐᓂᒡᓗ ᓴᖅᑭᑎᑦᓯᕕᒋᒐᕕᒋᑦ, ᐃᕕᒐᕐᑎᑐᑦ ᐃᑯᐊᓪᓚᒃᑕᐅᔪᑎᑐᑦ ᑍᒤᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 40:24

ᐱᕈᕐᓯᐊᖑᓕᕋᑖᕐᑎᓪᓗᒋᑦ, ᐱᕈᕐᓯᐊᒃᓴᑐᑦ ᐃᓕᔭᐅᕋᑖᕐᑐᑎᑐᑦ ᓄᓇᒧᑦ, ᒪᖑᒃᓯᒪᓂᖏᑦ ᐱᕈᓕᕐᑎᓪᓗᒋᑦ ᓱᐱᖕᒪᒋᑦ ᑐᖁᓕᕗᑦ, ᐊᖅᑯᓇᕐᒧᑦ ᑎᑭᑕᐅᑲᓪᓚᒃᑲᒥᒃ ᑎᒃᑕᐅᕋᕐᐳᑦ ᑭᓪᓗᕐᑕᐅᓂᕕᓂᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 47:14

ᑕᑯᒋᑦ, ᐃᕕᒃᓱᒐᕐᑎᑐᑦ ᐸᓂᕐᑐᑎᑐᑦ ᑍᒤᑦᓱᒫᕐᐳᑦ, ᐃᑯᒪᒧᑦ ᓄᖑᑕᐅᔪᑎᑐᑦ; ᐃᒻᒥᖕᓂᒡᓗ ᓴᐳᑎᔪᓐᓇᕈᒫᓐᖏᓚᑦ ᐃᑯᐊᓚᔪᖅ ᐊᖏᓗᐊᕈᒫᕐᒪᑦ; ᐃᑯᒪ ᐅᖅᑰᓯᑦᑎᕐᕕᒃᓴᑐᐃᓐᓇᐅᔪᒫᖏᒻᒪᑦ, ᓴᓂᐊᓂᓗ ᐃᒃᓯᕙᕕᒃᓴᐅᔪᒫᕋᓂ.

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:19

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓄᑦ ᓄᓇ ᐃᑯᐊᓪᓚᒃᑕᐅᕗᖅ, ᐃᓄᐃᓪᓗ ᐃᑯᒪᒧᑦ ᐃᑯᐊᓪᓚᖅᑯᑎᒃᓴᑎᑐᑦ ᑍᒤᓪᓗᑎᒃ; ᓇᓪᓕᐊᓪᓘᓐᓃᑦ ᖃᑕᓐᖑᑎᒥᓂᒃ ᓴᐳᑦᔨᔪᓐᓇᕐᓂᐊᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 20:38

ᐊᑭᕋᕐᑐᕐᑏᑦ ᐃᓕᑦᓯᓐᓂᑦ ᐲᔭᕈᒫᕐᐸᒃᑲ, ᐊᔪᕐᑐᓕᔪᓪᓗ ᐅᕙᓐᓄᑦ: ᓄᓇᒋᔭᖏᓐᓂᑦ ᐊᐅᓪᓚᕐᑎᓪᓗᒋᑦ, ᐅᑎᕐᑎᑦᓱᒫᓐᖏᓚᒃᑲ ᐃᓴᕆᐊᓕᒧᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 21:32

ᐃᑯᐊᓚᔪᒧᑦ ᐃᑯᐊᓪᓚᖅᑯᑎᒋᔭᐅᔪᒫᕐᐳᓯ; ᐊᐅᓯᓗ ᓄᓇᒥ ᓯᐊᒻᒪᖓᔪᒫᕐᐳᖅ; ᐃᖅᑲᐅᒪᔭᐅᔪᓐᓃᕐᓗᓯ ᐳᐃᒍᕐᑕᐅᔪᒫᕐᐳᓯ, ᐅᕙᖓ ᐊᑕᓂᖅ ᑕᒪᑐᒥᖓ ᐅᖃᕐᐳᖓ.”

ᐃᓯᑭᐊᓕᐅᑉ ᐊᒡᓚᖏᑦ 24:11

ᐅᒃᑯᓯᒃ ᑲᓐᓄᔭ ᐃᓗᓕᖃᕈᓐᓃᕐᑎᓪᓗᒍ ᕿᔪᒃᓴᑦ ᖄᖓᓄᑦ ᐃᓕᔭᐅᓕ, ᐊᐅᒪᕈᕐᑎᓪᓗᒍ ᓴᓗᒪᖏᓐᓂᖓ ᐊᐅᖕᓂᐊᕐᒪᑦ, ᒪᓐᖏᕐᑐᕆᐅᓂᖓᓗ ᐲᔭᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 34:17

ᐃᓕᑦᓯᓕ ᓰᐱᖁᑎᒃᑲ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᖅᑲᕐᑐᕈᒫᕐᐸᒃᑲ ᓰᐲᑦ ᐊᑐᓂᑦ, ᓰᐲᓪᓗ ᐊᖑᓴᓪᓗᖏᑦ ᒎᑦᓰᓪᓗ ᐊᖑᓴᓪᓗᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 7:10

“ᑕᑯᒋᑦ, ᑕᕝᕙ ᐅᓪᓗᖅ! ᑕᑯᒋᑦ, ᑎᑭᑉᐳᖅ! ᐊᓯᕈᕐᑕᐅᓂᒃᓴᓯ ᑎᑭᑉᐳᖅ, ᐊᑦᔨᒌᓐᖏᑎᑦᓯᓂᖅ ᐱᕈᕇᕐᓯᒪᓕᕐᒪᑦ, ᐱᐅᔪᕆᓂᐅᑉ ᐱᕈᕐᓂᒃᓴᖓ ᐆᒻᒪᕈᕐᐳᖅ.

ᔪᐃᓕᐅᑉ ᐊᒡᓚᖏᑦ 2:1

ᑎᑦᑐᓚᐅᑏᑦ ᓂᓪᓕᕐᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᓁᑦᑐᒥ, ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ, ᖃᓂᑦᑑᓕᕐᓗᓂ.

ᔪᐃᓕᐅᑉ ᐊᒡᓚᖏᑦ 2:31

ᓯᕿᓂᕐᓗ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᐂᒨᓯᐅᑉ ᐊᒡᓚᖏᑦ 2:9

“ᐊᓯᕈᓚᐅᕋᓗᐊᕋᒃᑭᑦ ᐊᒧᕅᑎᒥᐅᑦ ᓵᖏᓐᓂ, ᓇᐹᕐᑐᑎᑐᑦ ᓰᑕᕆᑎᑐᑦ ᐳᕐᑐᑎᒋᓚᐅᕋᓗᐊᕐᐳᑦ ᑐᑭᓕᐊᕐᑐᑎᑐᑦ ᐳᕐᑐᔪᑎᑐᑦ, ᓲᖑᑎᒋᓚᐅᕋᓗᐊᕐᑎᓪᓗᒋᑦ ᓯᑕᒃᑕᑎᑐᑦ ᐆᒃᑎᑐᑦ; ᖄᖓᓃᑦᑐᑦ ᐱᕈᕐᑐᖏᑦ ᐊᓯᕈᓚᐅᕐᐸᒃᑲ, ᐊᒫᖏᓪᓗ ᐊᑖᓃᑦᑐᑦ ᐱᖃᓯᐅᑎᓪᓗᒋᑦ.

ᐅᐸᑍᐊᑉ ᐊᒡᓚᖏᑦ 1:18

ᔧᑰᑉ ᑭᖑᕚᖏᑦ ᐃᑯᐊᓚᔪᒫᕐᐳᑦ, ᔫᓯᐱᐅᓪᓗ ᑭᖑᕚᖏᑦ ᐃᑯᒪᐅᔪᒫᕐᓗᑎᒃ; ᐄᓴᐅᓪᓗ ᑭᖑᕚᖏᑦ ᑭᑉᐸᑯᑎᑐᑦ ᑍᒤᑦᓱᒫᕐᐳᑦ; ᐊᒥᐊᒃᑯᖃᕈᒫᓐᖏᓚᓪᓗ ᐄᓴᐅᑉ ᑭᖑᕚᖏᑦ; ᐊᑕᓂᖅ ᑍᒫᒃ ᐅᖃᕐᒪᑦ.

ᓇᕼᐅᒥᐅᑉ ᐊᒡᓚᖏᑦ 1:10

ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 1:14

ᐊᑕᓂᐅᑉ ᐅᓪᓗᕐᔪᐊᖓ ᖃᒡᓕᓕᕐᐳᖅ, ᖃᓪᓕᕗᖅ ᑎᑭᑦᓴᐅᑎᒋᓕᕐᓗᓂᓗ; ᐊᑕᓂᐅᑉ ᐅᓪᓗᖓᑕ ᓂᐱᖓ ᖃᓯᓕᓇᕐᐳᖅ, ᑕᕝᕙᓂ ᐊᖑᑏᑦ ᐊᔪᖏᑦᑐᐊᓗᐃᑦ ᓂᐱᓕᐊᓘᔪᒫᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᓴᑲᕅᐊᐅᑉ ᐊᒡᓚᖏᑦ 14:1

ᐊᑕᓂᐅᑉ ᐅᓪᓗᖓ ᓇᓪᓕᐅᑎᔪᒫᕐᐳᖅ, ᐅᓇᑕᕐᓂᕐᒧᑦ ᓵᓚᖃᓚᐅᕐᓗᓯ ᐱᖁᑎᑦ ᐱᔭᐅᔪᑦ ᐃᓕᑦᓯᓐᓄᑦ ᐊᒡᒍᕐᑕᐅᔪᒫᕐᒪᑕ.

ᒪᓚᑬᑉ ᐊᒡᓚᖏᑦ 3:15

ᐊᒡᓛᑦ ᐱᐅᔪᕆᔪᑦ ᓮᒻᒪᕐᑎᑕᐅᓯᒪᕗᑦ; ᐱᐅᖏᑦᑐᓕᔪᑦ ᐊᔪᕐᓴᕈᓐᓁᕐᐸᓪᓕᐊᑐᐃᓐᓇᓐᖏᓚᑦ ᒎᑎᒥᒡᓗ ᐆᒃᑐᕋᕋᓗᐊᕐᒪᑕ ᑲᒪᒋᔭᐅᓐᖏᓚᑦ.’”

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᒪᓚᑬᑉ ᐊᒡᓚᖏᑦ 3:2

“ᑭᐊ ᐊᑐᕈᓐᓇᕈᒫᕐᐸᐅᒃ ᐅᓪᓗᖅ ᑖᑦᓱᒪ ᑎᑭᕝᕕᒃᓴᖓ? ᑭᓇᓗ ᓇᖏᕈᓐᓇᕈᒫᕐᐸ ᓴᖅᑭᑉᐸᑦ? ᑖᓐᓇ ᐃᑯᒪᑐᑦ ᓴᕕᕋᔭᒃᓴᓂᒃ ᐊᐅᒃᑎᑦᓯᔪᑎᑎᑐᑦ ᑍᒤᑦᓱᒫᕐᒪᑦ ᐊᓐᓄᕌᓂᒡᓗ ᐅᐊᓴᐅᑎᑎᑐᑦ;

ᒪᓚᑬᑉ ᐊᒡᓚᖏᑦ 3:3

ᑖᓐᓇ ᐃᒃᓯᕙᔪᒫᕐᐳᖅ ᐃᑯᒪᒧᑦ ᐊᐅᒃᑎᑦᓯᔨᑎᑐᑦ ᓯᐅᓪᕕᕆᓂᒡᓗ ᓴᓗᒻᒪᕐᓮᔨᑎᑐᑦ, ᓕᕔᑉ ᑭᖑᕚᖏᓐᓂᒃ ᓴᓗᒻᒪᕐᓮᔪᒫᕐᐳᖅ ᐊᐅᒃᑎᑦᓱᒫᕐᐰᑦ ᒎᓗᑎᑐᑦ ᓯᐅᓪᕕᕆᑎᑐᓪᓗ, ᑐᓂᕐᕈᓯᕈᓐᓇᕐᓯᓚᐅᖏᓐᓂᖏᓐᓂ ᐊᑕᓂᐅᑉ ᓈᒻᒪᒋᔭᖏᓐᓂᒃ.

ᒪᓚᑬᑉ ᐊᒡᓚᖏᑦ 4:5

“ᑕᑯᒋᑦ, ᐃᓔᑦᔭᒥᒃ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᑦᓯ ᐊᑕᓂᐅᑉ ᐅᓪᓗᕐᔪᐊᖓ ᓯᕘᕋᓇᕐᑐᕐᔪᐊᖅ ᑎᑭᓚᐅᖅᑳᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 3:12

ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᓘᑲᓯᐅᑉ ᐊᒡᓚᖏᑦ 19:43

ᐅᓪᓗᖅ ᓇᓪᓕᐅᑎᔪᒫᕐᐳᖅ, ᐊᑭᕋᕐᑐᕐᑎᑦᓯᓐᓂᑦ ᐃᓗᒪᔭᐅᕕᒃᓴᓯ ᐊᕙᑎᓕᒫᑦᓯᓐᓂᑦ, ᐃᓗᔭᐅᓗᓯ ᑎᑭᑕᐅᔪᒫᕐᕕᒃᓴᓯ.

ᓘᑲᓯᐅᑉ ᐊᒡᓚᖏᑦ 21:20

“ᔨᕉᓴᓕᒻ ᑕᑯᒍᑦᓯᐅᒃ ᐅᓇᑕᕐᑐᒃᓴᓄᑦ ᐃᓗᒪᔭᐅᔪᖅ, ᖃᐅᔨᔪᒫᕐᐳᓯ ᑕᕝᕙ ᓯᖁᑦᑎᕐᑕᐅᕕᒃᓴᖓ ᖃᒡᓕᖕᒪᑦ.

ᓘᑲᓯᐅᑉ ᐊᒡᓚᖏᑦ 6:23

ᑍᒤᑕᐅᓕᕈᑦᓯ ᖁᕕᐊᓱᒋᑦᓯ, ᕿᒡᒋᕐᑕᕐᓗᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ; ᓯᕗᓕᕕᓂᖏᑦᑕᐅᖅ ᑍᒤᓕᐅᕆᓚᐅᕐᒥᖕᒪᑕ ᓇᓚᐅᑦᑍᔪᓂᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᐲᑦᑐᕉᓯ ᐂᑉᐸᖏᑦ 3:7

ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.