ᓘᑲᓯᐅᑉ ᐊᒡᓚᖏᑦ 8:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᔩᓱᓯᐅᑉ ᐅᖃᐅᑎᕔᑦ, “ᓇᐅᒡᓕ ᐅᒃᐱᕐᓂᓯ?” ᑖᒃᑯᐊ ᑲᒪᓂᐊᕐᓗᑎᒃ ᑲᑉᐱᐊᓱᒻᒪᕆᒃᐳᑦ, ᐃᒻᒥᖕᓄᑦ ᐅᖃᖃᑦᑕᐅᑎᓪᓗᑎᒃ, “ᖃᓄᐃᑦᑑᒐᒥᐅᓇ, ᐊᒡᓛᑦ ᐊᓄᕆᒥᒃ ᐃᒪᕐᒥᒡᓗ ᐅᖃᐅᑦᔨᓪᓗᓂ ᓈᓚᒃᑕᐅᔪᓐᓇᕐᐸ?”

Aglait Ijjurnaittut

²⁵ Jiisusiup uqautivait, “Naugli ukpirnisi?” Taakkua kamaniarlutik kappiasummarikput, immingnut uqaqattautillutik, “Qanuittuugamiuna, aglaat anurimik imarmiglu uqaujjilluni naalaktaujunnaqpa?”

ᓘᑲᓯᐅᑉ ᐊᒡᓚᖏᑦ 8:25 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 8:26

ᔩᓱᓯᐅᑉ ᑭᐅᕔᑦ, “ᓱᖕᒪᑦ ᑲᑉᐱᐊᓱᒃᑐᐊᓘᕕᓯ? ᐅᒃᐱᕐᓂᑭᓗᐊᕋᑦᓯ!” ᒪᑭᓪᖢᓂ ᐊᓄᕆ ᐃᒪᕐᓗ ᐃᓂᕐᑎᕐᐹᒃ, ᐊᓄᕌᕈᓐᓃᕐᐳᖅ ᐃᑯᓪᓚᑦᓯᐊᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:4

ᑭᓇ ᕿᓚᓕᐊᓚᐅᕐᓯᒪᕚ ᐊᒻᒪ ᐅᑎᕐᒥᓗᓂ ᓄᓇᒧᑦ? ᑭᓇ ᐊᓄᕆᒥᒃ ᐊᒡᒐᖕᒥᓄᑦ ᑎᒎᖅᑬᔪᓐᓇᕐᐹ? ᑭᓇ ᐃᒥᕐᒥᒃ ᐊᓐᓄᕌᒥᓄᑦ ᕿᓚᒃᓱᐃᓯᒪᕚ? ᑭᓇ ᑲᑎᑦᓯᓯᒪᕙ ᐃᒪᕐᔪᐊᕐᒥᒃ ᐊᓐᓄᕌᒥᓄᑦ? ᑭᓇ ᐋᖅᑭᒃᓯᓯᒪᕙ ᓄᓇᕐᔪᐊᑉ ᑭᒡᓕᖏᓐᓂᒃ? ᑭᓇᒥᒃ ᐊᑎᖃᕐᐸ, ᐃᕐᓂᖓᓗ ᑭᓇᐅᕙ?

ᒫᑎᐅᓯᐅᑉ ᐊᒡᓚᖏᑦ 14:31

ᑕᕝᕔᓐᓇᖅ ᔩᓱᓯᐅᑉ ᐃᓴᒃᓗᒍ ᑎᒍᕚ ᐅᖃᐅᑎᓪᓗᒍ, “ᐅᒃᐱᕐᓂᑭᓗᐊᕋᕕᑦ! ᓱᖕᒫᑦ ᖁᓚᓕᕐᐲ?”

ᔪᐊᓇᓯᐅᑉ ᐊᒡᓚᖏᑦ 11:40

ᔩᓱᓯᐅᑉ ᐅᖃᐅᑎᕚ, “ᐅᖃᐅᑎᓚᐅᓐᖏᓚᒌᑦ ᐅᒃᐱᕈᕕᑦ ᒎᑎᐅᑉ ᓂᕐᑐᕐᓇᕐᓂᕐᔪᐊᖓ ᑕᑯᔪᓐᓇᕋᕕᐅᒃ?”

ᓘᑲᓯᐅᑉ ᐊᒡᓚᖏᑦ 12:28

ᒎᑎᐅᑉ ᓄᓇᒥ ᐃᕕᒃᓱᒊᑦ ᐊᓐᓄᕌᕐᑎᑉᐰᑦ ᒫᓐᓇ ᐅᓪᓗᒥ ᐱᕈᕐᑐᑦ, ᖃᐅᒃᐸᓪᓗ ᐲᔭᕐᑕᐅᓗᑎᒃ ᐃᒋᑕᐅᓂᐊᕐᒥᔪᑦ ᐃᒐᒧᑦ, ᑖᑦᓱᒪᓕ ᐊᓐᓄᕌᒃᓴᖃᕐᑎᑦᑐᓇᕆᕚᓯ ᓇᓗᓇᖏᓚᖅ, ᐃᓕᑦᓯ ᐅᒃᐱᕐᓂᑭᑦᑐᓯ!

ᒫᑎᐅᓯᐅᑉ ᐊᒡᓚᖏᑦ 17:20

ᔩᓱᓯᐅᑉ ᑭᐅᕔᑦ, “ᐅᒃᐱᕐᓂᑭᓗᐊᕋᑦᓯ, ᓱᓕᔪᒥᒃ ᐅᖃᐅᑎᕙᑦᓯ, ᐅᒃᐱᕐᓂᖃᕈᑦᓯ ᐱᕈᕐᓯᐊᒃᓴᐅᑉ ᑲᓐᖓᕐᓲᑎᒃᓴᕐᑕᖓᑐᑦ ᒥᑭᔪᑯᓗᒃᑎᑐᑦ ᒪᔅᑕᕐᑦᑐᑦ, ᐆᒧᖓ ᖃᖅᑲᒧᑦ ᐅᖃᕈᓐᓇᕐᐳᓯ, ‘ᐅᕙᓐᖓᑦ ᓅᑦᒋᑦ ᐊᕗᖓ,’ ᑕᕝᕙᓐᖓᓪᓗ ᓅᓐᓂᐊᕐᐳᖅ; ᓱᓇᓕᒫᓂᒃ ᐊᔪᕐᑕᖃᕐᓂᐊᓐᖏᓚᓯ.” [

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:29

ᐃᒪᕕᐅᓪᓗ ᐃᑎᓂᕆᔭᕆᐊᖃᕐᑕᖏᑦ ᓈᒻᒪᒃᓯᓕᕐᑎᓪᓗᓂᒋᑦ, ᐃᒪᕐᔪᐊᑉ ᐅᓕᖃᑦᑕᕐᓂᒃᓴᖓᑕ ᐃᓱᓕᑦᑕᕐᕕᒃᓴᖓ ᐅᖃᐅᓯᕆᑎᓪᓗᓂᐅᒃ, ᓄᓇᕐᔪᐊᑉ ᑐᓐᖓᕕᒃᓴᖓ ᐋᖅᑭᒃᓱᓕᕐᑎᓪᓗᓂᐅᒃ ᑕᕝᕙᓃᓚᐅᕐᐳᖓ.

ᒫᑎᐅᓯᐅᑉ ᐊᒡᓚᖏᑦ 6:30

ᐱᕈᕐᑐᑦ ᒪᑯᐊ ᒎᑎᐅᑉ ᑍᒫᒃ ᑕᑯᒥᓇᕐᑎᒻᒪᒋᑦ, ᐅᓪᓗᒥ ᑕᒫᓃᑦᑐᑦ ᖃᐅᒃᐸᑦ ᐱᑕᖃᕈᓐᓃᕐᓂᐊᕐᒥᔪᑦ, ᐃᑭᑕᐅᓗᑎᒃ ᕿᔪᒋᔭᐅᓂᐊᕐᒪᑕ, ᒎᑎᐅᑉ ᐊᓐᓄᕌᒃᓴᑦᓯᓐᓂᒃ ᑐᓂᓯᕕᒋᔪᓐᓇᕐᓂᕐᓴᕆᓐᖏᓛᓰ ᐅᒃᐱᕐᓂᑭᑦᑐᓯ!

ᒫᑎᐅᓯᐅᑉ ᐊᒡᓚᖏᑦ 8:10

ᔩᓱᓯᐅᑉ ᑕᒪᓐᓇ ᑐᓴᕋᒥᐅᒃ ᑲᒪᓂᐊᕆᕚ, ᒪᓕᒡᑎᓂ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑍᒫᒃ ᐅᒃᐱᕐᓂᖃᕐᑎᒋᔪᒥᒃ, ᖃᐅᔨᓚᐅᓐᖏᓚᖓ ᐃᓴᕆᐊᓕᒥ.

ᒫᑯᓯᐅᑉ ᐊᒡᓚᖏᑦ 4:35

ᐅᓪᓗᒥ ᑕᕝᕙᓂ ᐅᓐᓄᖕᒪᑦ, ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᑕᓯᐅᑉ ᐊᑭᐊᓄᐊᓚᐅᕐᑕ.”

ᓘᑲᓯᐅᑉ ᐊᒡᓚᖏᑦ 8:24

ᐃᓕᓐᓂᐊᕐᑎᖏᑕ ᐅᐸᒃᓗᒍ ᑐᐹᕐᐹᑦ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᐊᔪᕆᕐᑐᐃᔩ, ᑐᖁᓂᐊᖅᑰᓕᕋᑦᑕ!” ᔩᓱᓯ ᒪᑭᓐᓇᒥ ᐊᓄᕆ ᒪᓕᐊᓗᐃᓪᓗ ᐃᓂᕐᑎᕐᐰᑦ; ᐊᓄᕌᕈᓐᓃᕐᓗᓂ ᐅᕐᓱᐊᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 8:26

ᑕᕝᕙ ᓄᓇᒧᑦ ᒋᕌᓴᒧᑦ ᑎᑭᑉᐳᑦ, ᑕᓯᕐᔪᐊᑉ ᒐᓕᓕᐊᑉ ᐊᑭᐊᓃᑦᑐᒧᑦ.