ᓘᑲᓯᐅᑉ ᐊᒡᓚᖏᑦ 6:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᑐᓂᓯᒋᑦᓯ, ᑕᕝᕙ ᑐᓂᓯᕕᐅᓛᕆᕗᓯ; ᐆᒃᑑᒻᒧᑦ ᑕᑕᑦᑐᒥᒃ, ᓯᑎᓴᕐᓯᒪᔪᒥᒃ, ᐊᐅᓚᑎᓪᓗᒍ ᑕᑕᑎᕐᓯᒪᔪᒥᒃ, ᐊᒥᒐᓐᖏᓗᐊᕐᑐᒥᒃ ᑕᕝᕙ ᑐᓂᓯᕕᐅᒐᔭᕐᐳᓯ. ᐊᓯᑦᓯᓐᓄᑦ ᐱᓂᐊᓂᕆᖃᑦᑕᕐᑕᓯ ᒪᓕᒃᓗᒋᑦ ᐱᓂᐊᕐᕕᐅᔪᒫᕆᕗᓯ.”

Aglait Ijjurnaittut

³⁸ Tunisigissi, tavva tunisiviulaarivusi; uuktuummut tatattumik, sitisaqsimajumik, aulatillugu tatatiqsimajumik, amiganngiluaqtumik tavva tunisiviugajaqpusi. Asissinnut pinianiriqattaqtasi maliglugit piniarviujumaarivusi.”

ᓘᑲᓯᐅᑉ ᐊᒡᓚᖏᑦ 6:38 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 19:36

ᑍᒫᕌᓗᒃ ᐊᑭᓕᕐᑕᐅᔭᕆᐊᖃᓐᖏᓚᖓ; ᖃᓂᐅᑐᐃᓇᕐᓂᐊᕐᐸᒋᑦ ᖃᓂᑦᑐᒧᑦ ᔪᐊᕐᑕᓂᐅᑉ ᑰᖓᑕ ᐅᖓᑎᑦᓯᐊᖓᓄᑦ.

ᐃᔅᑕᐅᑉ ᐊᒡᓚᖏᑦ 7:10

ᑕᕝᕙᓂ ᕼᐂᒪᓂ ᕿᒥᑕᐅᕗᖅ ᕿᒥᑦᓯᕕᖕᒥ ᓴᓇᔭᐅᑎᓚᐅᕐᑕᒥᓂ ᒧᐊᑎᑬ ᐱᓪᓗᒍ. ᑕᕝᕙ ᐊᖓᔪᖅᑳᕐᔪᐊᖅ ᓮᒻᒪᕐᐳᖅ.

ᐃᔅᑕᐅᑉ ᐊᒡᓚᖏᑦ 9:25

ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ.

ᔫᐱᐅᑉ ᐊᒡᓚᖏᑦ 42:11

ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.

ᐃᓐᖏᕈᑎᑦ 79:12

ᐃᓅᖃᑎᕗᑦ ᐊᑭᓂᐊᕐᕕᒋᒃᑭᑦ 7ᐃᕐᑐᓪᓗᐊᕐᑐᒥᒃ ᐅᑎᕐᑎᑦᓯᕕᒋᓗᒋᑦ, ᐃᓕᖕᓂᒃ ᐊᑕᓃᖅ ᒥᑕᐅᑎᒃᓴᕐᓂᕆᓚᐅᕐᑕᖏᓐᓄᑦ ᒥᑕᐅᑎᒋᓗᒋᑦ!

ᒨᓯᓯ ᐂᑉᐸᖏᑦ 21:24

ᐃᔨ ᐃᔨᒧᑦ, ᑭᒍᑎ ᑭᒍᑎᒧᑦ, ᐊᒡᒊᑦ ᐊᒡᒐᓄᑦ, ᐃᑎᒊᑦ ᐃᑎᒐᖕᓄᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:22

ᐊᑕᓂᐅᑉ ᓮᒻᒪᕐᑎᑦᓯᓂᖓ ᐊᒃᓗᐃᑎᑦᓯᕗᑦ, ᕿᒃᓵᖕᓇᕐᑐᓂᒡᓗ ᐃᓚᓯᒪᓇᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:9

ᐃᖅᑲᓱᒃᐸᒃᑐᖅ ᐊᓯᒥᓂᒃ ᓮᒻᒪᕐᑎᑕᐅᓂᐊᕐᐳᖅ, ᐊᒃᓱᔪᓄᑦ ᑐᓂᓯᖃᑦᑕᕋᒥ ᓂᕿᖁᑎᒥᓂᒃ.

ᔨᕆᒤᐊᐅᑉ ᐊᒡᓚᖏᑦ 32:18

ᐃᓄᒐᓴᒃᔪᐊᓄᑦ ᓇᒡᓕᒍᓱᖕᓂᕐᓂᒃ ᑕᑯᑎᑦᓯᕙᒃᐳᑎᑦ ᑭᓯᐊᓂᑦᑕᐅᖅ ᓯᕗᓕᖏᑕ ᐊᔪᕐᑐᓕᓯᒪᓂᖏᓐᓄᑦ ᑭᖑᕚᕇᑦ ᓱᒋᐊᕐᐸᒃᑭᕙᑎᑦ. ᐊᑕᓃᖅ ᐱᔪᓐᓇᕐᑐᕐᔪᐊᖑᓪᓗᑎᑦ ᒎᑎᐅᒐᕕᑦ ᖁᑦᓯᖕᓂᕐᐹᒍᓪᓗᑎᑦ ᐊᑎᖃᕐᐳᑎᓪᓗ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 10:42

ᓇᓪᓕᐊᑦ ᐃᒥᕐᒥᒃ ᓂᒡᓕᓇᕐᑐᒥᒃ ᐃᒥᕐᑎᑦᓯᔪᖅ ᒪᓕᒡᑎᓐᓂᑦ ᒥᑭᓐᓂᕐᐸᐅᔪᒥᒃ, ᐃᒥᕐᑎᑕᐅᔫᑉ ᐅᕙᓐᓄᑦ ᒪᓕᒡᑎᐅᓂᖓ ᐱᑦᔪᑎᒋᓗᒍ, ᑖᓐᓇ ᓱᓕᒻᒪᕆᒡᓗᖓ ᐅᖃᐅᑎᕙᑦᓯ ᐊᑭᓕᕐᑕᐅᑦᓯᐊᕈᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 7:2

ᐃᖅᑲᕐᑐᐃᓂᓯ ᒪᓕᒡᓗᒍ ᑍᒫᓪᓗᐊᖅ ᐃᖅᑲᕐᑐᕐᑕᐅᔪᒫᕆᕗᓯ, ᐱᓇᓱᐊᕐᓂᓯ ᒪᓕᒡᓗᒍ ᑍᒫᓪᓗᐊᖅ ᐱᓇᓱᐊᕐᕕᐅᔪᒫᕆᕗᓯ.

ᒫᑯᓯᐅᑉ ᐊᒡᓚᖏᑦ 4:24

ᐅᖃᐅᑎᕔᑦ, “ᑐᓴᕐᑕᑦᓯᓐᓂᒃ ᐃᒃᐱᒍᓱᑦᓯᐊᕆᑦᓯ; ᐊᓯᑦᓯᓐᓄᑦ ᐃᖅᑲᕐᑐᐃᓂᓯ ᒪᓕᒡᓗᒍ ᒎᑎᒧᑦ ᐃᖅᑲᕐᑐᕐᑕᐅᔪᒫᕆᕗᓯ, ᐊᒡᓛᑦ ᖃᐅᔨᓴᕐᑕᐅᒻᒪᕆᖕᓂᕐᓴᐅᓗᓯ.

ᓘᑲᓯᐅᑉ ᐊᒡᓚᖏᑦ 6:30

ᐃᓕᖕᓂᑦ ᓱᓇᒥᒃ ᐱᔪᒪᔪᑦ ᑕᒪᕐᒥᒃ ᑐᓂᓯᕕᒋᓯᐅᒃ; ᐱᒋᔭᕐᓂᒃ ᐱᔪᖃᕐᐸᑦ ᐅᑎᕐᑎᖁᓗᒍ ᐅᖃᐅᑎᓂᐊᕐᓇᒍ.

ᒨᓯᓯ ᑕᓪᓕᒪᖏᑦ 15:10

ᑐᓂᓯᕕᒋᔭᒃᓴᕆᕙᑦ ᐊᓐᓂᕈᓱᖏᓪᓗᑎᑦ ᐱᐅᖏᑦᑐᒥᒡᓗ ᐃᓱᒪᖃᖏᓪᓗᑎᑦ ᑐᓂᓯᓕᕈᕕᑦ ᑖᑦᓱᒧᖓ; ᑕᕝᕙ ᐊᑕᓂᐅᑉ ᓮᒻᒪᕐᑎᓐᓂᐊᕐᐹᑎᑦ ᐱᓇᓱᐊᕐᑕᓕᒫᕐᓂ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 1:7

ᐊᑐᓁ-ᐱᔨᒃᓗ ᐅᖃᕐᐳᖅ, “ᐊᖓᔪᖅᑳᕐᔪᐊᑦ 70 ᑯᓪᓗᖏᑦ ᐳᑐᒍᖏᓪᓗ ᓇᑲᓯᒪᔪᑦ ᐳᑯᖃᑦᑕᓚᐅᕐᐳᑦ ᑲᑕᒐᕐᓂᕐᓗᑯᓂᒃ ᓂᕆᕕᖕᒪ ᐊᑖᓂᑦ ᓂᕆᓂᕐᓗᑯᓂᒃ. ᑍᒤᒻᒪᑦ ᒎᑎᐅᑉ ᐱᓂᐊᕐᓂᕕᓂᓐᓄᑦ ᑍᒃᑯᓄᖓ ᐊᑭᓂᐊᕐᕕᒋᕚᖓ.” ᑕᕝᕙ ᔨᕉᓴᓕᒧᐊᕈᑎᕚᑦ, ᑕᕝᕙᓂᓗ ᑐᖁᕗᖅ.