ᓘᑲᓯᐅᑉ ᐊᒡᓚᖏᑦ 6:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑲᑉᐱᐊᓇᕐᑐᒦᑉᐳᓯ ᒫᓐᓇ ᐊᕿᐊᑦᑐᓱᒃᑐᓯ; ᑳᓕᕈᒫᕋᑦᓯ. ᑲᑉᐱᐊᓇᕐᑐᒦᑉᐳᓯ ᒫᓐᓇ ᐃᒡᓚᕐᑐᓯ, ᐅᒡᒍᐊᕐᓗᓯ ᕿᐊᔪᒫᕋᑦᓯ.

Aglait Ijjurnaittut

²⁵ Kappianaqtumiippusi maanna aqiattusuktusi; kaalirumaarassi. Kappianaqtumiippusi maanna iglaqtusi, ugguarlusi qiajumaarassi.

ᓘᑲᓯᐅᑉ ᐊᒡᓚᖏᑦ 6:25 ပူးပေါင်းရင်းမြစ်များ

ᐃᓐᖏᕈᑎᑦ 49:19

ᐊᑖᑕᖓᑕ ᑭᖑᕚᖏᓐᓂ ᐃᓚᓕᐅᑎᔭᕐᑐᕐᓂᐊᐳᖅ; ᖃᐅᒪᔪᒥᒃ ᑕᑯᓂᐊᕈᓐᓃᕐᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:13

ᐃᔪᕿᑕᒃᑲᓗᐊᕐᓗᓂ ᐆᒻᒪᑎ ᖁᕕᐊᓱᖏᑦᑐᓐᓇᕐᐳᖅ, ᖁᕕᐊᓱᖕᓂᖅ ᐃᓱᓕᑉᐸᑦ ᕿᒃᓵᖕᓂᖅ ᐱᒋᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:2

ᐅᖃᕐᐳᖓ, “ᐃᒡᓚᕐᓂᖅ, ᓯᓔᑦᑑᕗᖅ. ᖁᕕᐊᓱᖕᓂᖅ ᑭᓱᒥᒃ ᐱᕚᓪᓕᕐᑎᑦᓯᕚ?”

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:3

ᕿᒃᓵᖕᓂᖅ ᐱᐅᓂᕐᓴᐅᕗᖅ ᐃᒡᓚᕐᓂᕐᒥᑦ, ᑮᓇᕐᒧᑦ ᑲᑕᓗᖓᔪᒧᑦ ᐆᒻᒪᑎ ᐋᖅᑭᒃᑕᐅᖕᒪᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:6

ᑲᑭᓪᓚᕐᓇᕐᑑᑉ ᓄᑦᑖᓂᖏᑦ ᑐᓴᕐᓴᐅᖕᒪᑕ ᐅᒃᑯᓯᐅᑉ ᐊᑖᓂ, ᑍᒤᓐᓂᕗᖅ ᓯᓔᑦᑑᑉ ᐃᒡᓚᕐᓂᖓ, ᑕᒪᓐᓇ ᑐᑭᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 28:7

ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᐋᖓᔮᓗᐊᕐᓂᕐᒧᑦ ᐅᕐᕈᔮᓕᕐᐳᑦ, ᐃᒥᓗᐊᕐᓂᕐᒧᓪᓗ ᕔᓂᒥᒃ ᓴᓐᖏᔪᒥᒡᓗ ᐅᕐᕈᖃᑦᑕᑐᐃᓐᓇᓕᕐᐳᑦ; ᕔᓂᑐᕐᓂᕐᒧᑦ ᓇᓗᓕᕐᓯᒪᓕᕐᐳᑦ, ᐅᕐᕈᔮᕐᐳᑦ ᐃᒥᓗᐊᒧᑦ ᓴᓐᖏᔪᒧᑦ; ᑕᑯᓐᓇᕐᑕᖏᑦ ᐱᐅᔪᓐᓃᕐᓗᑎᒃ, ᑕᒻᒪᖃᑦᑕᓕᕐᐳᑦ ᐃᖅᑲᕐᑐᐃᓇᓱᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᐂᓮᐊᓯᐅᑉ ᐊᒡᓚᖏᑦ 8:21

ᓄᓇᒥ ᐃᓐᖏᕐᕋᔪᒫᕐᐳᑦ ᐅᑯᒤᒃᓴᕐᓗᑎᒃ, ᑳᒡᓗᑎᒡᓗ; ᑳᖕᓂᕐᒧᓪᓗ ᓂᓐᖓᐅᒪᓗᑎᒃ ᐅᖃᕐᓂᕐᓘᑦᔨᔪᒫᕐᐳᑦ ᐊᖓᔪᖅᑳᕐᔪᐊᕐᒥᖕᓂᒃ ᒎᑎᒥᖕᓂᒡᓗ, ᖁᒻᒧᓪᓗ ᑕᑯᓴᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:20

ᑕᓕᕐᐱᖕᒥᖕᓄᑦ ᓂᕿᒃᓴᓂᒃ ᐊᕐᓵᕐᓯᒐᓗᐊᕐᐳᑦ, ᓱᓕᓕ ᑳᒃᓗᑎᒃ; ᓴᐅᒥᖕᒥᖕᓄᑦ ᓂᕆᓪᓗᑎᒃ ᓄᖒᑦᓯᖓᓗᐊᕐᐳᑦ, ᓱᓕᓕ ᐊᑭᐊᑦᑐᓐᖏᓚᑦ; ᐃᓄᐃᓪᓗ ᐊᑐᓂᑦ ᐊᒡᓛᑦ ᐃᓅᖃᑎᒥ ᑎᒥᖏᓐᓂᒃ ᓂᕆᕗᑦ.

ᐂᒨᓯᐅᑉ ᐊᒡᓚᖏᑦ 8:10

ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᓇᕼᐅᒥᐅᑉ ᐊᒡᓚᖏᑦ 1:10

ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 12:20

ᒎᑎᐅᓪᓕ ᐅᖃᐅᑎᕚ, ‘ᓯᓔᑦᑐᑎᑦ! ᒫᓐᓇ ᐅᓐᓄᒃ ᐃᓅᔪᓐᓃᕐᓂᐊᕐᐳᑎᑦ; ᑭᐊᓕ ᑍᒪ ᑲᑎᕐᓱᓚᐅᕐᑕᑎᑦ ᐱᓂᐊᓕᕐᐰᑦ?’

ᓘᑲᓯᐅᑉ ᐊᒡᓚᖏᑦ 13:28

ᑕᕝᕙᓂ ᕿᐊᔪᒫᕐᐳᓯ ᐊᒡᓕᕈᓚᕐᓗᓯᓗ, ᐂᑉᕋᕼᐋᒻ ᐂᓴᑭᓗ ᔧᑯᓗ ᓇᓚᐅᑦᑍᔫᓚᐅᕐᑐᓪᓗ ᐊᑕᓂᐅᕕᖓᓃᑦᑐᑦ ᑕᑯᒍᑦᓯᐅᒃ ᐃᓕᑦᓯ ᐊᓂᑎᑕᐅᓗᓯ.

ᓘᑲᓯᐅᑉ ᐊᒡᓚᖏᑦ 6:24

ᑲᑉᐱᐊᓇᕐᑐᒦᑉᐳᓯᓕ ᒫᓐᓇ ᐊᔪᕐᓴᖏᑦᑐᓯ, ᐱᔭᕆᐊᑭᑦᑐᒥᒃ ᐃᓅᓯᖃᕇᕋᑦᓯ.

ᓘᑲᓯᐅᑉ ᐊᒡᓚᖏᑦ 6:26

“ᑲᑉᐱᐊᓇᕐᑐᒦᑉᐳᓯ ᐃᓄᖕᓂᑦ ᐱᐅᒋᔭᐅᓪᓗᓯ ᐅᖃᐅᓯᐅᑦᓯᐊᖃᑦᑕᕐᑐᓯ, ᓯᕗᓪᓕᖏᑦᑕᐅᖅ ᑍᒤᓕᐅᓚᐅᕐᒥᖕᒪᑕ ᓇᓚᐅᑦᑍᔪᓂᕋᕐᑐᓂᒃ ᓱᓕᖏᑦᑐᓂᒃ.”

ᓘᑲᓯᐅᑉ ᐊᒡᓚᖏᑦ 8:53

ᑖᒃᑯᐊ ᐃᔪᕆᕚᑦ, ᖃᐅᔨᒪᒐᒥᒃ ᑐᖁᖓᓐᖕᒪᑦ.

ᐃᐱᓯᒥᐅᓄᑦ 5:4

ᐅᖃᐅᓯᕐᓘᑎᓂᒃ, ᒥᑕᐅᑎᖃᕐᓂᕐᓂᒃ, ᐅᖃᕐᓂᕐᓘᑎᓂᒡᓗ ᐊᑐᕐᑐᒃᓴᐅᔪᓐᓃᕐᐳᓯ; ᖁᔭᓕᖔᕐᓗᓯᓕ ᐱᒋᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᔧᒥᓯᐅᑉ ᐊᒡᓚᖏᑦ 4:9

ᕿᒃᓵᓕᕆᑦᓯ ᕿᐊᓗᓯᓗ ᐅᒡᒍᐊᕐᓂᕐᒧᑦ. ᐃᒡᓚᕐᓂᓯ ᕿᐊᓂᓐᖑᓕᕐᓕᑦ ᖁᕕᐊᓱᖕᓂᓯᓗ ᕿᒃᓵᖕᓂᓐᖑᕐᑎᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:17

ᐅᖃᕐᐳᑎᑦ, ᐊᔪᕐᓴᓐᖏᑑᕗᖓ, ᐱᖁᑎᖃᑦᓯᐊᕐᓗᖓ, ᑭᓐᖒᒪᔭᖃᕈᓐᓃᕐᓗᖓᓗ; ᖃᐅᔨᒪᓐᖏᓚᑎᓪᓕ ᐊᔪᕐᓴᕐᓂᕐᓂᒃ, ᑕᑯᑦᓱᓇᕐᑐᐊᓘᓂᕐᓂᒃ, ᐊᔪᕐᓴᕐᐳᑎᑦ, ᑕᐅᑐᖏᑦᑑᓪᓗᑎᑦ, ᐊᓐᓄᕌᖃᕐᓇᒡᓗ.

ᓴᒧᐃᓕ ᓯᕗᓪᓖᑦ 2:5

ᐃᓄᐃᑦ ᓂᕆᑦᓯᐊᕐᐸᓚᐅᕐᑐᑦ ᐃᖅᑲᓁᔭᓕᕐᐳᑦ ᓂᕿᑖᕈᒪᒧᑦ, ᑳᒃᐸᓚᐅᕐᑐᑦ ᑳᒍᓐᓃᕐᐳᑦ. ᕿᑐᕐᖏᓱᐃᑦᑐᖅ ᕿᑐᕐᖓᕐᑖᕐᐳᖅ 7ᓂᒃ, ᕿᑐᕐᖓᖃᕐᑐᓪᓕ ᐅᓄᕐᑐᓂᒃ ᓄᖑᕈᑎᕗᖅ.