ᓘᑲᓯᐅᑉ ᐊᒡᓚᖏᑦ 6:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑍᒤᑕᐅᓕᕈᑦᓯ ᖁᕕᐊᓱᒋᑦᓯ, ᕿᒡᒋᕐᑕᕐᓗᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ; ᓯᕗᓕᕕᓂᖏᑦᑕᐅᖅ ᑍᒤᓕᐅᕆᓚᐅᕐᒥᖕᒪᑕ ᓇᓚᐅᑦᑍᔪᓂᒃ.

Aglait Ijjurnaittut

²³ Taimaitaulirussi quviasugissi, qiggiqtarlusi taanisirlusilu quviasungnirmut, angijumik akiliqtaujumaarassi qilangmi; sivulivininngittauq taimailiurilaurmingmata nalauttaijunik.

ᓘᑲᓯᐅᑉ ᐊᒡᓚᖏᑦ 6:23 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 6:16

ᐃᒃᓯᕐᕕᒃ ᐃᒡᓗᒐᓴᖕᓄᐊᕐᑕᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᑕᑯᓴᕋᒥ ᐃᒐᓛᒃᑯᑦ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ ᑖᓂᓯᕐᑐᒥᒃ ᕿᒡᒋᕐᑕᕐᑐᒥᒡᓗ ᐊᑕᓂᐅᑉ ᓵᖓᓂ; ᐆᒻᒪᑎᒥᒍᓪᓗ ᖁᕕᐊᒋᔪᓐᓃᓚᐅᕐᐹ.

ᐊᑕᓃᑦ ᓯᕗᓪᓖᑦ 18:4

ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐅᐸᑍᐊ ᑎᒍᓯᓚᐅᕐᐳᖅ ᐅᖃᕐᑎᖏᓐᓂᒃ 100ᓂᒃ ᐃᔨᕐᑎᓪᓗᒋᓪᓗ 50ᐅᓈᕐᑎᕐᓗᒋᑦ ᕾᕈᓱᖕᒧᑦ, ᓂᕆᑎᖃᑦᑕᓚᐅᕐᐰᑦ ᓂᐅᖂᔭᒥ ᐃᒥᕐᑎᖃᑦᑕᕐᓗᒋᓪᓗ.)

ᐊᑕᓃᑦ ᓯᕗᓪᓖᑦ 19:10

ᑭᐅᕚᓗ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ; ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᓯᕗᓪᓖᑦ 19:14

ᑭᐅᕗᖅ, “ᐊᒃᓱᕉᑎᕾᓐᓇᕐᐳᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᕈᑎᒋᓯᒪᔧᑦ ᕿᒪᒃᓯᒪᓕᕐᒪᑦᔪᒃ, ᑐᓂᕐᕈᓯᕐᕕᖁᑎᑎᓪᓗ ᓯᖁᒥᑉᐰᑦ, ᐅᖃᕐᑎᑎᓪᓗ ᑐᖁᕌᕐᐰᑦ ᓴᕕᒡᔪᐊᒧᑦ. ᐅᕙᖓᓗ, ᐅᕙᖓᑐᐊᖅ, ᐊᒥᐊᒃᑯᑑᕗᖓ, ᐅᕙᓐᓂᒡᓗ ᕿᓂᓕᕐᐳᑦ ᑐᖁᑦᓯᔪᒪᓪᓗᑎᒃ.”

ᐊᑕᓃᑦ ᓯᕗᓪᓖᑦ 19:2

ᑕᕝᕙ ᔨᔨᐱᐅᓪ ᐅᖃᕆᐊᕐᑐᕐᑎᑦᓯᕗᖅ ᐃᓔᑦᔭᒧᑦ, ᐅᖃᕐᓗᓂ, “ᒎᑎᓄᑦ ᓱᒋᐊᕐᑕᐅᓚᖓ ᑐᖁᑕᐅᓗᖓ ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᐱᓂᐊᕐᕕᒋᓂᐊᖏᒃᑯᒃᑭᑦ ᐅᖃᕐᑎᐅᓚᐅᕐᑐᓂᒃ ᐱᓂᐊᕐᓂᕆᓚᐅᕐᑕᕐᑐᑦ.”

ᐊᑕᓃᑦ ᓯᕗᓪᓖᑦ 21:20

ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᐊᑕᓃᑦ ᓯᕗᓪᓖᑦ 22:27

ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ: “ᐅᓇ ᐊᖑᑦ ᑎᒍᔭᐅᒪᕕᖕᒧᐊᕐᑕᐅᓕ, ᓂᕆᔪᒪᑎᖃᑦᑕᕐᓗᒍᓗ ᓁᒪᓗᓂ ᓂᐊᖂᔭᒥᒃ ᐃᒥᕐᒥᒡᓗ, ᐅᑎᓚᐅᖅᑳᕐᑎᓐᓇᖓ, ᖃᓄᐃᖏᑦᓯᐊᕐᓗᖓ.”’”

ᐊᑕᓃᑦ ᓯᕗᓪᓖᑦ 22:8

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᐅᖃᕐᐳᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᓱᓕ, ᒤᑬᐊᒥᒃ ᐃᒻᓚᐅᑉ ᐃᕐᓂᖓᓂᒃ, ᐊᑕᓂᕐᒥᒃ ᖃᐅᔨᒋᐊᕐᕕᒋᔪᓐᓇᕐᒥᔭᕗᑦ, ᑭᓯᐊᓂᓕ ᑖᓐᓇ ᐆᒥᒋᕙᕋ, ᐱᐅᔪᓂᒃ ᐅᖃᐅᓯᒃᓴᖃᓚᐅᕐᓯᒪᖏᒻᒪᑦ ᐅᕙᓐᓄᑦ, ᐱᐅᖏᑦᑐᓂᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

ᐊᑕᓃᑦ ᐂᑉᐸᖏᑦ 6:31

ᐅᖃᕐᓗᓂᓗ, “ᒎᑎᐅᑉ ᓱᒋᐊᕐᓕᖓ, ᐊᑦᑕᕆᖏᓪᓗᓂᖓ ᐃᓔᓴᐅᑉ ᓴᕚᑎᐅᑉ ᐃᕐᓂᖓᑕ ᓂᐊᖁᐊ ᓱᓕ ᐅᓪᓗᒥ ᑎᒥᖓᓄᑦ ᐊᑕᓂᐊᕐᐸᑦ!”

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:26

ᑍᒤᒃᑲᓗᐊᕐᒪᑦ ᐃᓄᖁᑎᑎᑦ ᐊᑭᕋᕐᑐᓕᓚᐅᕐᐳᑦ ᓈᓚᒍᓐᓃᕐᓗᑎᒡᓗ ᐃᓕᖕᓂᒃ, ᐱᖁᔭᕐᓂᒡᓗ ᑐᓄᑦᓯᓚᐅᕐᐳᑦ, ᐅᖃᕐᑎᖕᓂᒡᓗ ᑐᖁᑦᓯᓚᐅᕐᐳᑦ ᐃᓂᕐᑎᕆᔪᓂᒃ, ᐃᓕᖕᓄᑦ ᐅᑎᖁᔨᓪᓗᑎᒃ ᐅᖃᓪᓚᓚᐅᕐᑐᓂᒃ, ᐃᓕᖕᓂᒡᓗ ᐅᖃᕐᓂᕐᓘᑎᖃᖃᑦᑕᓚᐅᕐᐳᑦ ᑍᒪᓐᖓᑦ.

ᐃᓐᖏᕈᑎᑦ 58:11

ᐃᓄᐃᑦ ᑕᕝᕙ ᐅᖃᕈᒫᕐᐳᑦ, ᓱᓕᔪᒥᒃ ᐃᓱᐊᕐᑐᑦ ᐊᑭᓕᕐᑕᐅᕗᑦ; ᓱᓕᔪᒥᒃ ᐃᓛᒃ ᒎᑎ ᐃᖅᑲᕐᑐᐃᕗᖅ ᓄᓇᕐᔪᐊᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 35:6

ᑐᓯᐊᑦᑐᑦ ᐱᒡᓕᕐᑕᓕᕈᒫᕐᐳᑦ ᑐᒃᑐᑎᑐᑦ, ᐅᖃᕈᓐᓇᖏᑦᑐᓪᓗ ᐃᓐᖏᓕᕐᓗᑎᒃ ᖁᕕᐊᓱᖕᓂᕐᒧᑦ, ᐃᒪᖅ ᑰᓕᕈᒫᕐᒪᑦ ᓱᓇᖃᔪᐃᑦᑐᒃᑯᑦ, ᑰᒐᓛᖃᓕᕐᓗᓂᓗ ᓄᓇᒥ ᓯᐅᕋᕐᔪᐊᒥ.

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”

ᓘᑲᓯᐅᑉ ᐊᒡᓚᖏᑦ 1:41

ᐃᓕᓴᐱᐅᑉ ᒥᐊᕆᐅᑉ ᓂᐱᖓ ᑐᓴᕋᒥᐅᒃ, ᓄᑕᕋᒃᓴᖓ ᓈᖓᓂ ᐊᐅᓚᑦᔭᒃᐳᖅ; ᐃᓕᓴᐱᓗ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᖅ.

ᓘᑲᓯᐅᑉ ᐊᒡᓚᖏᑦ 1:44

ᑕᑯᒋᑦ, ᓂᐲᑦ ᑐᓴᕋᒃᑯ, ᓄᑕᕋᒃᓴᕋ ᐃᒡᓕᐊᓐᓂ ᖁᕕᐊᓱᖕᓂᕐᒧᑦ ᐊᐅᓚᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:10

ᓂᐱᖁᕐᑐᓪᓗᓂ ᐅᖃᐅᑎᕚ, “ᒪᑭᓪᓗᑎᑦ ᓂᑯᕕᒋᑦ.” ᓂᑯᕕᓐᓇᒥ ᐱᓱᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 3:8

ᓂᑯᕕᓐᓇᒥ ᕿᒡᒋᕐᐳᖅ ᐱᓱᓕᕐᓗᓂ ᑐᒃᓯᐊᕐᕕᒡᔪᐊᕐᒧᑦ ᐃᑎᖃᑕᐅᓕᕐᐳᖅ, ᐱᓱᒃᓗᓂ ᕿᒡᒋᖃᑦᑕᕐᓗᓂᓗ ᒎᑎ ᓂᕐᑐᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 5:3

ᑕᒪᑐᒥᖓᑐᐊᖑᖏᑦᑐᖅ, ᐊᒃᓱᕈᕐᑎᑕᐅᓂᑦᑎᓐᓂᒡᓕ ᖁᕕᐊᓲᑎᖃᕐᐳᒍᑦ, ᖃᐅᔨᒪᒐᑦᑕ ᐊᒃᓱᕈᕐᑎᑕᐅᓂᖅ ᕿᓄᐃᓵᕐᓂᕐᒥᒃ ᐱᑎᑦᓯᖕᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 2:12

ᕿᓄᐃᓵᕈᑦᑕ, ᐊᐅᓚᑦᓯᖃᑎᒋᔪᒫᕆᕙᕗᑦ; ᖃᐅᔨᒪᖏᓐᓂᕋᕈᑦᑎᒍ, ᖃᐅᔨᒪᖏᓐᓂᕋᕈᒫᕆᕚᑎᒍᑦᑕᐅᖅ;

ᐄᑉᕈᐃᓄᑦ 11:26

ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.

ᐄᑉᕈᐃᓄᑦ 11:6

ᐅᒃᐱᕐᓂᖃᖏᓪᓗᓂ ᒎᑎᒧᑦ ᖁᕕᐊᒋᔭᐅᓂᖅ ᐊᔪᕐᓇᕕᒃᐳᖅ. ᒎᑎᒧᐊᕈᒪᔪᖅ ᒎᑎᖃᕐᑐᒥᒃ ᐅᒃᐱᕐᑐᒃᓴᐅᕗᖅ ᑖᓐᓇ ᕿᓂᕐᑎᒥᓄᑦ ᐊᑭᓖᔪᓐᓇᕐᒪᑦ.

ᔧᒥᓯᐅᑉ ᐊᒡᓚᖏᑦ 1:2

ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ,

ᐲᑦᑐᕉᓯ ᓯᕗᓪᓖᑦ 4:13

ᖁᕕᐊᓲᑎᒋᓯᐅᒡᓕ ᙭ᔅᑑᓯᐅᑉ ᓯᕐᓕᕿᑎᑕᐅᓂᕆᓚᐅᕐᑕᖓᓂᒃ ᐃᓚᖏᐅᑎᑎᑕᐅᒐᑦᓯ ᑕᒪᑐᒧᖓ, ᖁᕕᐊᓲᑎᖃᒻᒪᕆᒍᓐᓇᖁᓪᓗᓯ ᓯᕆᓗᓯᓗ ᑖᑦᓱᒪ ᓂᕐᑐᕐᓇᕐᓂᕐᔪᐊᖓ ᓴᖅᑭᑎᑕᐅᒃᐸᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:17

“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᑐᓂᓯᕕᒋᓂᐊᕐᐸᒃᑲ ᓂᕿᒃᓴᒥᒃ ᒫᓇᒥᒃ ᐃᔨᕐᓯᒪᔪᒥᒃ, ᑐᓂᓯᕕᒋᓗᒋᓪᓗ ᐅᔭᕋᖕᒥᒃ ᖃᑯᕐᑕᒥᒃ, ᑕᕝᕙᓂ ᐊᑎᖏᑦ ᓄᑖᑦ ᑎᑎᕋᕐᓯᒪᓂᐊᕐᐳᑦ ᐊᓯᖏᓐᓄᑦ ᖃᐅᔨᒪᔭᐅᖏᑦᑐᑦ ᑐᓂᓯᕕᐅᔫᑉ ᑭᓯᒥ ᖃᐅᔨᒪᓂᐊᕐᐰᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:26

ᓵᓚᖃᕐᑐᖅ ᐱᓇᓱᐊᕐᑕᐅᖁᔭᓐᓂᒡᓗ ᐱᓇᓱᐊᖏᓐᓇᕐᓗᓂ ᐃᓱᓕᑦᑎᔪᖅ, ᐱᔪᓐᓇᕐᓂᕐᑖᕐᑎᑦᓱᒪᕙᕋ ᐃᓅᖃᑎᒌᒡᔪᐊᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5

ᓵᓚᖃᕐᑐᑦ ᖃᑯᕐᑕᓂᒃ ᐊᓐᓄᕌᕐᑕᐅᔪᒫᕐᒪᑕ, ᐊᑎᖏᓪᓗ ᐲᕐᓂᐊᓐᖏᓚᒃᑲ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖏᓐᓂᑦ; ᐊᑖᑕᒪ ᐂᖏᓖᖁᑎᖏᑕᓗ ᓵᖓᓂ ᐊᑎᖏᑦ ᐅᖃᐅᓯᕆᔪᒪᕙᒃᑲ.