ᓘᑲᓯᐅᑉ ᐊᒡᓚᖏᑦ 6:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᔩᓱᓯᐅᑉ ᐃᓕᓐᓂᐊᕐᑎᓂ ᑕᑯᓴᕐᓗᒋᑦ ᐅᖃᐅᑎᕔᑦ: “ᓮᒪᕐᑎᑕᐅᓇᕐᑐᒦᑉᐳᓯ ᐊᔪᕐᓴᕐᑐᓯ; ᒎᑎᐅᑉ ᐊᑕᓂᐅᕕᖓ ᐱᒋᓕᕋᑦᓯᐅᒃ.

Aglait Ijjurnaittut

²⁰ Jiisusiup ilinniaqtini takusarlugit uqautivait: “Saimaqtitaunaqtumiippusi ajuqsaqtusi; Guutiup Ataniuvinga pigilirassiuk.

ᓘᑲᓯᐅᑉ ᐊᒡᓚᖏᑦ 6:20 ပူးပေါင်းရင်းမြစ်များ

ᐃᓐᖏᕈᑎᑦ 37:16

ᐃᓱᐊᕐᑑᑉ ᐱᒋᔭᖏᑦ ᐅᓄᖏᑦᑐᑦ, ᐱᐅᓂᕐᓴᐅᕗᑦ ᐱᐅᖏᑦᑐᓕᔪᑦ ᐅᓄᕐᑐᑦ ᐊᒃᓗᐃᑦᔪᑎᒋᔭᖏᓐᓂᑦ ᐅᓄᕐᑐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:19

ᐱᐅᓂᕐᓴᐅᕗᖅ ᒥᑭᒡᓕᑎᕐᓯᒪᓗᓂ ᐊᔪᕐᓴᕐᑐᓂ, ᐅᓇᑕᕐᓂᒃᑯᑦ ᓵᓚᖃᐅᑎᕕᓂᕐᓂᒃ ᑐᓂᐅᖅᑲᕐᑕᐅᓂᕐᒥᑦ ᐱᐅᔪᕆᔪᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:1

ᐊᒃᓱᔫᓗᓂ ᐱᑦᓯᐊᕐᑐᒥᒃ ᐃᓅᓯᖃᕐᓗᓂ ᐱᐅᓂᕐᓴᐅᕗᖅ, ᓯᓔᑦᑑᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑎᐅᓂᕐᒥᑦ.

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᔨᐸᓁᐊᐅᑉ ᐊᒡᓚᖏᑦ 3:12

ᑍᒃᑯᐊ ᐊᒥᐊᒃᑰᑎᓐᓂᐊᕐᐸᒃᑲ ᒥᑭᒡᓕᑎᕐᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᕐᑐᑦ ᐊᑕᓂᐅᑉ ᐊᑎᖓᓂᒃ.

ᓴᑲᕅᐊᐅᑉ ᐊᒡᓚᖏᑦ 11:11

ᐅᓪᓗᒥ ᑍᑦᓱᒪᓂ ᓯᖁᒥᓚᐅᕐᐳᖅ, ᓰᐱᓂᒃ ᓂᐅᕕᕐᑐᑦ ᓂᐅᕐᕈᑎᓖᓪᓗ ᐅᕙᓐᓂᒃ ᑕᑯᔪᑦ, ᖃᐅᔨᒪᓚᐅᕐᐳᑦ ᑕᒪᓐᓇ ᐊᑕᓂᐅᑉ ᐅᖃᐅᓯᖓᓂᑦ ᐱᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᒫᑎᐅᓯᐅᑉ ᐊᒡᓚᖏᑦ 5:1

ᔩᓱᓯᐅᑉ ᐃᓄᒋᐊᒃᑐᕐᔪᐊᑦ ᑕᑯᒐᒥᒋᑦ, ᖃᖅᑲᐅᑉ ᖄᖓᓄᐊᕐᐳᖅ, ᑕᕝᕙᓂ ᐃᒃᓯᕙᕐᖢᓂ. ᐃᓕᓐᓂᐊᕐᑎᖏᑦ ᐊᕙᑖᓃᓕᕐᒪᑕ,

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᓘᑲᓯᐅᑉ ᐊᒡᓚᖏᑦ 13:28

ᑕᕝᕙᓂ ᕿᐊᔪᒫᕐᐳᓯ ᐊᒡᓕᕈᓚᕐᓗᓯᓗ, ᐂᑉᕋᕼᐋᒻ ᐂᓴᑭᓗ ᔧᑯᓗ ᓇᓚᐅᑦᑍᔫᓚᐅᕐᑐᓪᓗ ᐊᑕᓂᐅᕕᖓᓃᑦᑐᑦ ᑕᑯᒍᑦᓯᐅᒃ ᐃᓕᑦᓯ ᐊᓂᑎᑕᐅᓗᓯ.

ᓘᑲᓯᐅᑉ ᐊᒡᓚᖏᑦ 14:15

ᑕᕝᕙᓂ ᓂᕆᖃᑕᐅᔪᑦ ᐃᓚᖓᑦᑕ ᑕᒪᓐᓇ ᑐᓴᕋᒥᐅᒃ, ᔩᓱᓯ ᐅᖃᐅᑎᕚ, “ᓮᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᑦ ᑍᒃᑯᐊ ᓂᕆᖃᑕᐅᔪᒫᕐᑐᑦ ᒎᑎᐅᑉ ᐊᑕᓂᐅᕕᖓᓂ!”

ᓘᑲᓯᐅᑉ ᐊᒡᓚᖏᑦ 16:25

ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:2

ᐅᖁᒤᑦᑐᓄᑦ ᐊᖏᔪᒥᒃ ᐆᒃᑐᕐᑕᐅᒐᓗᐊᕋᒥᒃ; ᖁᕕᐊᓱᖕᓂᕐᔪᐊᖃᕐᐳᑦ, ᐊᔪᕐᓴᕐᑐᒻᒪᕆᐅᒐᓗᐊᕐᓗᑎᒡᓗ ᐊᓐᓂᕈᓱᖏᑦᓯᐊᕐᓗᑎᒃ ᑐᓂᓯᑦᓯᐊᓚᐅᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:6

ᐅᕙᑦᑎᓐᓂᒃ ᒪᓕᒃᑎᐅᓕᓚᐅᕐᐳᓯ ᐊᑕᓂᕐᒥᒡᓗ; ᐊᖏᔪᒥᒃ ᐅᖁᒤᒃᓴᕐᑎᑕᐅᒐᓗᐊᕐᑎᓪᓗᓯ, ᐅᖃᐅᓰᑦ ᐃᓚᓕᐅᓚᐅᕋᑦᓯᐅᒃ ᖁᕕᐊᓱᒃᑎᑦᑕᐅᓪᓗᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ;

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:5

ᑕᒪᓐᓇ ᓇᓗᓁᕐᓯᕗᖅ ᒎᑎᐅᑉ ᓇᓛᒎᑦᓯᐊᕐᑐᒥᒃ ᐃᖅᑲᕐᑐᐃᓂᖓᓂᒃ, ᑕᒪᑐᒨᓇ ᒎᑎᐅᑉ ᐊᑕᓂᐅᕕᖓᓄᑦ ᐱᔪᓐᓇᕐᓯᑎᑕᐅᓛᕋᑦᓯ, ᐊᒃᓱᕈᕐᑎᑕᐅᑦᔪᑎᒋᔭᑦᓯᓐᓄᑦ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.