ᓘᑲᓯᐅᑉ ᐊᒡᓚᖏᑦ 6:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓄᒋᐊᒃᑐᑦ ᔩᓱᓯᒥᒃ ᐊᒃᑐᐃᓇᓱᐊᕐᐳᑦ, ᐱᔪᓐᓇᕐᓂᖅ ᑖᑦᓱᒪᖓᑦ ᐊᓂᖕᒪᑦ ᐋᓐᓂᐊᔪᓕᒫᑦ ᐋᖅᑭᒃᐰᑦ.

Aglait Ijjurnaittut

¹⁹ Inugiaktut Jiisusimik aktuinasuaqput, pijunnarniq taassumangat aningmat aanniajulimaat aaqqikpait.

ᓘᑲᓯᐅᑉ ᐊᒡᓚᖏᑦ 6:19 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 13:21

ᐅᓪᓗᐃᑦ ᐃᓚᖓᓐᓂ ᐃᓴᕆᐊᓕᒥᐅᑍᑦ ᐃᓅᔪᓐᓃᕐᑐᕕᓂᕐᒥᒃ ᐃᓗᕕᕐᓯᓇᓱᒃᑎᓪᓗᒋᑦ, ᑎᑭᑕᐅᕗᑦ ᐃᓄᐊᕐᑎᓄᑦ: ᑎᑭᑕᐅᓕᕋᒥᒃ ᐃᓗᕕᕐᓂᐊᕐᑕᒥ ᑎᒥᕕᓂᖓ ᐃᓕᔭᐅᕗᖅ ᐃᓗᕕᖓᓄᑦ ᑲᑍᑐᐃᓐᓇᕐᓗᒍ ᕿᒪᒃᓯᕗᑦ ᑎᒥᕕᓂᖅ ᐃᓔᓴᐅᑉ ᑎᒥᕕᓂᖓᑕ ᓴᐅᓂᕕᓂᖏᓐᓄᑦ ᐊᒃᑑᑎᒐᒥ ᐆᒻᒪᕐᐳᖅ, ᐆᒻᒪᕋᒥᓗ ᓂᑯᕕᑉᐳᖅ.

ᒫᑎᐅᓯᐅᑉ ᐊᒡᓚᖏᑦ 14:36

ᐃᓄᐃᑦ ᐃᓚᖏᑦ ᕿᓄᕗᑦ ᔩᓱᓯᐅᑉ ᐊᓐᓄᕌᖏᑕ ᓯᓈᒍᑐᐃᓐᓇᕐᖑᓐᓃᑦ ᖃᓂᒪᔪᑦ ᐊᒃᑐᕐᓯᔪᓐᓇᖁᓪᓗᒋᑦ; ᔩᓱᓯᐅᑉ ᐊᓐᓄᕌᖏᑕ ᓯᓈᓂᒃ ᐊᒃᑐᕐᓯᔪᓕᒫᑦ ᐋᖅᑭᒃᑕᐅᕗᑦ.

ᒫᑯᓯᐅᑉ ᐊᒡᓚᖏᑦ 3:10

ᐃᓄᖕᓂᒃ ᐊᒥᓱᓂᒃ ᖃᓂᒪᔪᓂᒃ ᐋᖅᑭᒃᓯᓚᐅᕐᒪᑦ, ᑍᒤᒻᒪᑦ ᖃᓂᒪᔪᑦ ᐃᓄᖕᓂᒃ ᐱᖑᔧᓪᓗᑎᒃ ᔩᓱᓯᒧᐊᕋᓱᐊᕐᐳᑦ ᐊᒃᑐᕈᒪᓪᓗᓂᑦᔪᒃ.

ᒫᑯᓯᐅᑉ ᐊᒡᓚᖏᑦ 5:30

ᔩᓱᓯ ᖃᐅᔨᕗᖅ ᐱᔪᓐᓇᕐᓂᖅ ᐃᒻᒥᓂᑦ ᐊᓂᖕᒪᑦ, ᑕᕝᕔᓐᓇᖅ ᐅᑎᒧᑦ ᕿᕕᐊᕐᐳᖅ ᐃᓄᒐᓴᒡᔪᐊᓄᑦ, ᐅᖃᕐᓗᓂ, “ᑭᐊ ᐊᓐᓄᕌᒃᑲ ᐊᒃᑐᕐᒪᒋᑦ?”

ᒫᑯᓯᐅᑉ ᐊᒡᓚᖏᑦ 6:56

ᓇᒧᑐᐃᓐᓇᖅ ᑎᑭᑦᑕᕌᖓᑦ; ᓄᓇᓕᖕᓄᑦ, ᐃᒡᓗᒐᓴᖕᓄᓪᓗ, ᐱᕈᕐᓰᕕᖃᕐᑐᓄᓪᓗ, ᐃᓄᐃᑦ ᖃᓂᒪᔪᖁᑎᒥᖕᓂᒃ ᐊᖅᑯᑏᑦ ᐊᖅᑯᓵᒐᓪᓚᕆᐅᓂᖏᓐᓄᑦ ᐂᑎᑦᓯᖃᑦᑕᕐᐳᑦ, ᖃᓂᒪᔪᖁᑎᖏᑦ ᔩᓱᓯᐅᑉ ᐊᓐᓄᕌᖏᑕ ᓯᓂᖓᓂᒡᓘᓐᓃᑦ ᐊᒃᑐᕐᓯᔪᓐᓇᖁᓪᓗᒋᑦ; ᐊᒃᑐᕐᓯᔪᓕᒫᑦ ᔩᓱᓯᐅᑉ ᐊᓐᓄᕌᖓᓂᒃ ᐋᖅᑭᒃᑕᐅᕗᑦ.

ᒫᑯᓯᐅᑉ ᐊᒡᓚᖏᑦ 8:22

ᐱᑦᓮᑕᒧᑦ ᑎᑭᑉᐳᑦ, ᐃᓄᐃᑦ ᐃᓚᖏᑦ ᑕᕝᕗᓐᖓᐅᑦᔨᕗᑦ ᑕᐅᑐᖏᑦᑐᒥᒃ, ᕿᓄᕕᒋᕚᑦ ᑖᑦᓱᒥᖓ ᐊᒃᑐᕐᓯᖁᓪᓗᒍ.

ᓘᑲᓯᐅᑉ ᐊᒡᓚᖏᑦ 5:17

ᐅᓪᓗᐃᑦ ᑖᒃᑯᐊ ᐃᓚᖓᓐᓂ, ᔩᓱᓯ ᐊᔪᕆᕐᑐᐃᑎᓪᓗᒍ, ᐹᕆᓯᑦ ᐱᖁᔭᓂᒡᓗ ᐃᓕᓮᔩᑦ ᑕᕝᕙᓃᖃᑕᐅᓚᐅᕆᕗᑦ, ᑕᕝᕗᓐᖓᕐᓯᒪᓪᓗᑎᒃ ᓄᓇᓕᖕᓂᑦ ᒐᓕᓕᐊᒦᑦᑐᓕᒫᓂᑦ, ᔫᑎᐊᒥᓪᓗ, ᔨᕉᓴᓕᒻᒥᓪᓗ; ᐊᑕᓂᐅᑉ ᐱᔪᓐᓇᕐᓂᖓ ᓇᔫᑎᖕᒪᑦ ᑖᑦᓱᒪᓂ, ᖃᓂᒪᔪᑦ ᐋᖅᑭᒃᑕᐅᓚᐅᕐᐳᑦ.

ᓘᑲᓯᐅᑉ ᐊᒡᓚᖏᑦ 6:18

ᐊᓂᕐᓂᕐᓗᖕᓄᑦ ᐃᓗᒻᒥᕐᑕᐅᓯᒪᔪᑦ ᑕᕝᕗᓐᖓᓚᐅᕆᕗᑦ ᐋᖅᑭᒃᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 19:12

ᐊᒡᓛᓪᓘᓐᓃᑦ ᖁᖓᓯᕈᑏᑦ ᐊᓪᓚᕈᑏᓪᓘᓐᓃᑦ ᐸᐅᓗᓯᐅᑉ ᑎᒥᖓᓄᑦ ᐊᒃᑐᕐᓯᒪᔪᑦ ᖃᓂᒪᔪᓄᐊᕈᑦᔭᐅᔭᕌᖓᑕ, ᑕᕝᕙ ᖃᓂᒻᒪᓰᑦ ᐊᓂᕗᑦ, ᐊᓂᕐᓂᕐᓗᐃᓪᓗ ᐊᓂᕗᑦ ᑖᒃᑯᓇᓐᖓᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.