ᓘᑲᓯᐅᑉ ᐊᒡᓚᖏᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓂᕐᑎᕐᐹ, ᑭᓇᑐᐃᓐᓇᕐᒧᑦ ᐅᖃᖁᓇᒍ; ᐅᖃᐅᑎᓪᓗᒍ, “ᑐᓂᕐᕈᓯᕐᑎᑦᓯᔨᒧᑦ ᐂᓕᕆᑦ ᖃᐅᔨᓴᕐᓂᐊᕐᒪᑎᑦ, ᑐᓂᕐᕈᑎᒃᓴᒥᒡᓗ ᐋᖅᑭᒃᑕᐅᓂᕐᓄᑦ ᑐᓂᕐᕈᓯᓗᑎᑦ, ᒨᓯᓯᐅᑉ ᐱᖁᔨᓂᖓ ᒪᓕᒡᓗᒍ, ᐃᓄᖕᓄᑦ ᖃᐅᔨᑦᔪᑕᐅᖁᓪᓗᒍ ᐋᖅᑭᒃᑕᐅᓂᕐᓂᒃ.”

Aglait Ijjurnaittut

¹⁴ Iniqtiqpaa, kinatuinnarmut uqaqunagu; uqautillugu, “Tunirrusiqtitsijimut ailirit qaujisarniarmatit, tunirrutiksamiglu aaqqiktaunirnut tunirrusilutit, Muusisiup piqujininga maliglugu, inungnut qaujijjutauqullugu aaqqiktaunirnik.”

ᓘᑲᓯᐅᑉ ᐊᒡᓚᖏᑦ 5:14 ပူးပေါင်းရင်းမြစ်များ

ᒨᓯᓯ ᐱᖓᔪᖏᑦ 13:2

“ᓇᓪᓕᐊᑦ ᐅᕕᓂᖓᓂ ᖃᑦᑎᒃᑐᖃᕐᐸᑦ, ᐅᕝᕙᓗ ᖃᑦᑎᒃᑐᒥᒃ ᐊᖕᒪᕐᓯᒪᔪᖃᕐᐸᑦ, ᐅᕝᕙᓘᓐᓃᑦ ᐊᐅᐸᕐᓯᓯᒪᔪᖃᕐᐸᑦ, ᐃᓱᒪᓇᕐᐸᓪᓗ ᐂᑦᑐᕐᓗᐃᔪᓐᓇᕐᑑᔮᕐᓗᓂ, ᐂᕉᓂᒧᑦ, ᑭᖑᕚᖓᓄᓪᓘᓐᓃᑦ ᑐᓂᕐᕈᓯᕐᑎᑦᓯᔨᒧᑦ ᐂᔪᒃᓴᐅᕗᖅ.

ᒨᓯᓯ ᐱᖓᔪᖏᑦ 13:49

ᐊᓐᓄᕌᖅ ᐅᖁᒃᓯᒪᔪᖅ, ᐆᒪᔫᑉ ᐊᒥᕕᓂᖓᓘᓐᓃᑦ, ᓄᕕᕐᓴᕐᓯᒪᔪᕐᓘᓐᓃᑦ, ᖃᓪᓗᓈᕐᑕᓕᐊᕆᓯᒪᔪᕐᓘᓐᓃᑦ, ᐆᒪᔫᑉ ᐊᒥᖓᓂᓐᖔᕐᓯᒪᔪᕐᓘᓐᓃᑦ, ᑐᖑᔪᕈᔪᒃᐸᑦ, ᐊᐅᐸᕈᔪᒃᐸᓪᓘᓐᓃᑦ, ᐊᖏᒡᓕᕙᓪᓕᐊᒃᐸᓪᓗ ᑐᓂᕐᕈᓯᕐᑎᑦᓯᔨᒧᑦ ᑕᑯᑎᑕᐅᔭᕆᐊᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 10:18

ᐅᕙᖓᓗ ᐱᑦᔪᑎᒋᓗᖓ ᐃᖅᑲᕐᑐᕐᑕᐅᔪᒫᕐᐳᓯ ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᓄᓪᓗ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕈᓐᓇᖁᓪᓗᓯ ᑖᒃᑯᓄᖓ, ᔫᑎᐅᖏᑦᑐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 12:16

ᐃᓂᕐᑎᕐᐰᑦ ᐃᓄᖕᓄᑦ ᐅᖃᐅᓯᕆᔭᐅᔪᒪᓇᓂ.

ᒫᑎᐅᓯᐅᑉ ᐊᒡᓚᖏᑦ 8:4

ᑕᕝᕙ ᔩᓱᓯᐅᑉ ᐅᖃᐅᑎᕚ, “ᐃᒃᐱᒍᓱᑦᓯᐊᕆᑦ! ᓇᓪᓕᐊᓐᓄᑐᐃᓐᓇᖅ ᐅᓂᒃᑳᕐᑍᓕᒋᑦ; ᑐᓂᕐᕈᓯᕐᑎᑦᓯᔨᒧᓪᓕ ᐂᓕᕆᑦ ᖃᐅᔨᓴᕐᑕᐅᓂᐊᕋᕕᑦ; ᐃᓄᖕᓄᑦ ᖃᐅᔨᔭᐅᑦᓯᐊᖁᓪᓗᑎᑦ ᐋᖅᑭᒃᑕᐅᓂᕐᓂᒃ, ᒨᓯᓯᐅᑉ ᑐᓂᓯᖁᔨᓂᖓ ᒪᓕᒡᓗᒍ ᑐᓂᕐᕈᓯᕆᐊᕐᑐᓕᕆᑦ.”

ᒫᑎᐅᓯᐅᑉ ᐊᒡᓚᖏᑦ 9:30

ᑖᒃᑯᐊᒃᓗ ᑕᐅᑐᓕᕐᐴᒃ. ᔩᓱᓯᐅᑉ ᐃᓂᕐᑎᒻᒪᕆᒃᓗᒋᒃ ᐅᖃᕐᐳᖅ, “ᑕᒪᓐᓇ ᑭᓇᑐᐃᓐᓇᒧᑦ ᖃᐅᔨᔭᐅᑎᑦᑍᓕᓯᒃᑯᒃ!”

ᒫᑯᓯᐅᑉ ᐊᒡᓚᖏᑦ 1:44

“ᑕᒪᓐᓇ ᑭᓇᑐᐃᓐᓇᕐᒧᑦ ᐅᖃᐅᓯᕆᑦᑍᓕᒍᒃ; ᑐᒃᓯᐊᕐᕕᒡᔪᐊᒥᓕ ᑐᓂᕐᕈᓯᕐᑎᑦᓯᔨᒧᑦ ᐂᓕᕆᑦ, ᑖᑦᓱᒧᖓ ᖃᐅᔨᓴᕐᑕᐅᓂᐊᕋᕕᑦ; ᐃᓄᓕᒫᓄᑦ ᖃᐅᔨᔭᐅᖁᓪᓗᑎᑦ ᐋᖅᑭᒃᑕᐅᑦᓯᐊᕐᓂᕐᓂᒃ, ᒨᓯᓯᐅᑉ ᑐᓂᔭᐅᖁᔭᖓᓂᒃ ᑐᓂᕐᕈᓯᕐᓂᐊᕐᐳᑎ.”

ᒫᑯᓯᐅᑉ ᐊᒡᓚᖏᑦ 6:11

ᓄᓇᓕᖕᓄᑦ ᑎᑭᒍᑦᓯ ᐃᓄᖏᓐᓂᑦ ᑐᓐᖓᓱᒃᑎᑕᐅᖏᒃᑯᑦᓯ, ᐃᓕᑦᓯᓐᓂᒡᓗ ᓈᓚᒍᒪᖏᑉᐸᑕ, ᕿᒪᓕᕈᑦᓯᒋᒃ ᐃᑎᒐᓯ ᓴᓃᔭᕐᑕᒃᓴᕆᕙᓯ ᑕᒪᓐᓇ ᓇᓗᓁᒃᑯᑕᐅᓂᐊᕐᒪᑦ ᓈᒻᒪᒋᔭᐅᖏᓐᓂᖏᓐᓂᒃ.”

ᓘᑲᓯᐅᑉ ᐊᒡᓚᖏᑦ 17:14

ᔩᓱᓯᐅᑉ ᑕᑯᒐᒥᒋᑦ ᐅᖃᐅᑎᕔᑦ, “ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᑎᑦᓯᔨᓄᑦ ᑕᑯᔭᐅᑎᑦᓴᕐᑐᓕᕆᑦᓯ.” ᑍᑯᖓ ᐂᓕᕐᑎᓪᓗᒋᑦ ᐊᖅᑯᑖᓂ ᐋᖅᑭᒃᑕᐅᕗᑦ.

ᓘᑲᓯᐅᑉ ᐊᒡᓚᖏᑦ 5:13

ᔩᓱᓯ ᐃᓴᒃᓗᓂ ᐊᒃᑐᕐᐹ, ᐅᖃᐅᑎᓪᓗᒍ, “ᐱᔪᒪᕗᖓ; ᓴᓗᒻᒪᓕᕆᑦ,” ᑕᕝᕔᓐᓇᖅ ᐸᕐᑎᕈᓐᓃᕐᐳᖅ.

ᓘᑲᓯᐅᑉ ᐊᒡᓚᖏᑦ 9:5

ᑐᓐᖓᓱᒃᑎᑕᐅᖏᒃᑯᑦᓯᓕ, ᓄᓇᓕᖕᓂᑦ ᑕᕝᕙᓐᖓᑦ ᐊᐅᓪᓚᓕᕈᑦᓯ ᓵᓃᑦ ᐃᑎᒐᑦᓯᓐᓂᑦ ᑲᑕᒐᕐᑎᓯᐅᒃ ᓈᒻᒪᒋᔭᐅᖕᒋᓐᓂᖏᓂᒃ ᓇᓗᓁᒃᑯᑕᐅᓂᐊᕐᒪᑦ.”