ᓘᑲᓯᐅᑉ ᐊᒡᓚᖏᑦ 23:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑖᒃᑯᐊ ᐱᒋᐊᓪᓚᒃᑲᓐᓂᕐᐳᑦ ᐊᒃᓱᕈᓕᕐᓗᑎᒃ, ᐅᖃᕐᐳᑦ, “ᐆᒪ ᐃᓄᐃᑦ ᐊᔪᕆᕐᑐᐃᑦᔪᑎᒥᓄᑦ ᐅᐃᒪᔮᕐᑎᑉᐰᑦ, ᔫᑎᐊᓕᒫᒥ, ᒐᓕᓕᐊᒥᓪᓗ ᐱᒋᐊᕐᓗᓂ ᒪᐅᖓᓘᓐᓃᑦ ᐊᒡᓛᑦ ᑎᑭᑉᐳᖅ.”

Aglait Ijjurnaittut

⁵ Taakkua pigiallakkanniqput aksurulirlutik, uqaqput, “Uuma inuit ajuriqtuijjutiminut uimajaaqtippait, Juutialimaami, Galiliamillu pigiarluni maungaluunniit aglaat tikippuq.”

ᓘᑲᓯᐅᑉ ᐊᒡᓚᖏᑦ 23:5 ပူးပေါင်းရင်းမြစ်များ

ᐃᓐᖏᕈᑎᑦ 22:16

ᕿᒻᒦᑦ ᐊᕙᑎᓕᒫᓐᓃᑉᐳᑦ; ᐱᐅᖏᑦᑐᓕᔪᑦ ᑲᑐᑦᔨᔪᑦ ᐃᓗᒪᕚᖓ. ᐊᒡᒐᒃᑲ ᐃᑎᒐᒃᑲᓗ ᐳᑐᕔᑦ;

ᐃᓐᖏᕈᑎᑦ 57:4

ᓛᔭᑦ ᐊᑯᓐᓂᖓᓂ ᓇᓚᕗᖓ ᐃᓄᐃᑦ ᕿᑐᕐᖓᖏᑕ ᐊᑯᕐᖓᓐᓂ ᓛᔭᑎᑐᑦ ᑳᒃᑐᑎᑐᑦ; ᑖᒃᑯᐊ ᑭᒍᑎᖃᕐᐳᑦ ᓇᐅᒃᑯᑎᓂᒃ ᖃᕐᔪᓂᒡᓗ, ᐅᖃᖃᕐᐳᓪᓗ ᓴᕕᒡᔪᐊᓂᒃ ᐃᐱᒃᑐᓂᒃ.

ᐃᓐᖏᕈᑎᑦ 69:4

ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ, ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ. ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?

ᒫᑎᐅᓯᐅᑉ ᐊᒡᓚᖏᑦ 11:1

ᔩᓱᓯᐅᑉ ᐃᓕᓐᓂᐊᕐᑎᓂ 12 ᑕᒪᒃᑯᓂᖓ ᐅᖃᐅᑎᔭᕇᕋᒥᒋᑦ, ᑕᕝᕙᓐᖓᑦ ᐊᐅᓪᓚᕐᐳᖅ, ᓄᓇᓖᑦ ᖃᓂᒋᔮᓃᑦᑐᓄᐊᕐᓗᓂ ᐃᓕᓐᓂᐊᕐᑎᑦᓯᕗᖅ ᐊᔪᕆᕐᓱᐃᓪᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 2:1

ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.

ᒫᑎᐅᓯᐅᑉ ᐊᒡᓚᖏᑦ 27:24

ᐰᓛᑑᓯᓕ ᑐᑭᓯᓕᕋᒥ ᐱᕙᓪᓕᐊᑎᑦᓯᖏᓐᓂᕐᒥᓂᒃ, ᐃᓄᒐᓴᒡᔪᐊᑦ ᐱᕋᔭᑐᐃᓐᓇᕆᐊᖃᕐᑑᔮᓕᕐᒪᑕ, ᐃᒥᕐᒥᒃ ᑯᕕᓯᓪᓗᓂ ᐊᒡᒐᓂ ᐅᐊᓴᕐᐰᑦ ᐃᓄᒐᓴᒡᔪᐊᑦ ᓵᖏᓐᓂ, ᐅᖃᕐᓗᓂ, “ᑖᑦᓱᒪ ᑐᖁᑕᐅᓂᖓᓄᑦ ᐸᓯᔭᒃᓴᐅᓐᖏᓚᖓ; ᐃᓕᑦᓯ ᑐᖁᑕᐅᑎᑉᐸᓯ.”

ᒫᑎᐅᓯᐅᑉ ᐊᒡᓚᖏᑦ 4:23

ᔩᓱᓯ ᒐᓕᓕᐊᓕᒫᒥ ᓇᒧᑐᐃᓐᓇᖅ ᐂᖃᑦᑕᕐᐳᖅ, ᐊᔪᕆᕐᑐᐃᕙᒡᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᐅᖃᐅᓯᖃᕐᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐊᑦᔨᒌᖏᑦᑐᓂᒃ ᐋᓐᓂᐊᓖᑦ ᖃᓂᒪᔪᓪᓗ ᐃᓄᐃᑦ ᐋᖅᑭᒃᐰᑦ.

ᒫᑯᓯᐅᑉ ᐊᒡᓚᖏᑦ 1:14

ᔪᐊᓇᓯᐅᑉ ᑎᒍᔭᐅᓂᖓᑕ ᑭᖑᕐᖓᓂ, ᔩᓱᓯ ᒐᓕᓕᐊᒧᐊᕐᐳᖅ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᒃ ᐊᔪᕆᕐᑐᐃᔪᑎᖃᕐᓗᓂ.

ᓘᑲᓯᐅᑉ ᐊᒡᓚᖏᑦ 11:53

ᔩᓱᓯ ᑕᕝᕙᓐᖓᑦ ᕿᒪᕉᑎᑎᓪᓗᒍ, ᐱᖁᔭᓂᒃ ᐃᓕᓮᔩᑦ, ᐹᕆᓯᓪᓗ ᐊᑭᕋᕐᑐᒻᒪᕆᓕᕐᐹᑦ ᐊᐱᕐᓱᕐᓗᑎᒡ ᔩᓱᓯᐅᑉ ᒥᒃᓵᓄᑦ ᓱᓇᑐᐃᓐᓇᕐᓂᒃ ᐊᒥᓱᓂᒃ,

ᓘᑲᓯᐅᑉ ᐊᒡᓚᖏᑦ 23:23

ᐃᓄᐃᓪᓕ ᐊᒃᓱᕈᒻᒪᕆᓕᕐᐳᑦ ᕾᒐᓛᕐᓗᑎᒃ ᓂᐱᓕᒫᒥᖕᓄᑦ ᔩᓱᓯ ᑭᑭᐊᒃᑐᕐᑕᐅᖁᓪᓗᒍ. ᕾᒐᓛᕐᓂᕐᒥᖕᓄᓪᓗ ᓵᓚᖃᓕᕐᐳᑦ.

ᓘᑲᓯᐅᑉ ᐊᒡᓚᖏᑦ 23:6

ᐰᓛᑑᓯ ᑕᒪᑐᒥᖓ ᑐᓴᕋᒥ, ᐊᐱᕆᕚ ᔩᓱᓯ ᒐᓕᓕᐊᒥᐅᖑᖕᒪᖔᑦ.

ᔪᐊᓇᓯᐅᑉ ᐊᒡᓚᖏᑦ 1:43

ᖃᐅᑎᓪᓗᒍ ᔩᓱᓯ ᒐᓕᓕᐊᒧᐊᕈᒪᓕᕐᐳᖅ. ᑲᑎᓯᒐᒥ ᐱᓕᑉᐴᓯᒥᒃ ᐅᖃᐅᑎᕚ, “ᒪᓕᓐᖓ.”

ᔪᐊᓇᓯᐅᑉ ᐊᒡᓚᖏᑦ 19:15

ᕾᒐᓛᓕᕐᐳᓪᓕ, “ᑕᒫᓃᓇᓂ, ᑕᒫᓃᓇᓂ, ᑭᑭᐊᒃᑐᕐᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᕐᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!”

ᔪᐊᓇᓯᐅᑉ ᐊᒡᓚᖏᑦ 2:11

ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᕐᐹᖓᑦ, ᐱᓂᐊᕐᓂᕆᓚᐅᕐᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᕐᑐᕐᓇᕐᓂᕐᔪᐊᓂ ᓴᖅᑭᑎᓚᐅᕐᐹ; ᐃᓕᓐᓂᐊᕐᑎᖏᑕᓗ ᐅᒃᐱᕆᕚᑦ.

ᔪᐊᓇᓯᐅᑉ ᐊᒡᓚᖏᑦ 7:41

ᐃᓚᖏᓪᓕ ᐅᖃᕐᐳᑦ, “ᐅᓇ ᙭ᔅᑑᓯᐅᕗᖅ.” ᐃᓚᖏᓪᓕ ᐅᖃᕆᕗᑦ, “᙭ᔅᑑᓯ ᒐᓕᓕᐊᒥᑦ ᑎᑭᑦᑐᒃᓴᐅᕚ?

ᔪᐊᓇᓯᐅᑉ ᐊᒡᓚᖏᑦ 7:52

ᑖᒃᑯᐊ ᑭᐅᕗᑦ, “ᒐᓕᓕᐊᒥᐅᖑᖃᑕᐅᒋᕖᑦ? ᑐᑭᓯᓇᓱᓚᐅᕆᑦ, ᑕᕝᕙ ᖃᐅᔨᓂᐊᕐᐳᑎᑦ ᓇᓚᐅᑦᑍᔪᒥᒃ ᒐᓕᓕᐊᒥᑦ ᐱᔪᖃᓚᐅᕐᓯᒪᖏᒻᒪᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:37

ᖃᐅᔨᒪᕗᓯ ᐱᒋᐊᕐᓂᐅᓚᐅᕐᑐᒥᒃ ᔫᑎᐊᒥᐅᓕᒫᓄᑦ, ᒐᓕᓕᐊᒥᑦ ᐱᒋᐊᕐᓗᓂ, ᔪᐊᓇᓯᐅᑉ ᐹᑉᑎᑦᓯᓂᕐᒥᒍᑦ ᐊᔪᕆᕐᑐᐃᑦᔪᑎᒋᔭᖓᑕ, ᑭᖑᓂᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 23:10

ᐂᕙᔪᑦ ᑲᑉᐱᐊᓇᕐᓯᖕᒪᑕ ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐊᑦᑕᕈᓱᓕᕋᒥ ᐸᐅᓗᓯ ᐊᓕᒃᑐᕐᑕᐅᓂᐊᕋᓱᒋᓪᓗᒍ ᑖᒃᑯᓄᖓ, ᐅᓇᑕᕐᑐᒃᓴᖁᑎᓂ ᑎᓕᕔᑦ, ᐸᐅᓗᓯᒥᒃ ᐂᒃᓯᖁᓪᓗᒋᑦ, ᐋᑕᐅᖁᓪᓗᒍ ᐅᓇᑕᕐᑐᒃᓮᑦ ᐃᒡᓗᖓᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:33

ᑕᒪᓐᓇ ᑐᓴᕋᒥᑦᔪᒃ ᓂᓐᖓᕕᒡᔪᐊᕐᐳᑦ ᑐᖁᑦᓯᔪᒪᓕᕐᓗᑎᒃ ᑖᒃᑯᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 7:54

ᑲᑎᒪᔨᕐᔪᐊᑦ ᓯᑎᐹᓇᓯᒥᒃ ᓈᓚᒃᑐᑦ ᑕᒪᑐᒥᖓ ᑐᓴᕋᒥᒃ ᓂᓐᖓᒃᑐᐊᓘᕗᑦ, ᓂᓐᖓᐅᒪᓂᕐᒧᑦ ᑮᒻᒥᓕᕐᓗᑎᒃ ᑖᑦᓱᒧᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 7:57

ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᐳᑦ ᓯᐅᑎᑎᒃ ᒪᑐᓪᓗᒋᑦ, ᑕᒪᕐᒥᒃ ᐅᐸᒃᑐᕐᐳᑦ ᓯᑎᐹᓇᓯᒧᑦ.